莊園韓國料理 (已結業)

又來這條街吃韓式食物, 今次選回莊園. 不用等位, 仲剛好坐係另一食友隔離, 無預約的同臺食飯.雜錦燒餅: 8分, 真係好大份, 兩個人分真係非常勉強. 燒餅好香, 無燒焦的跡象. 其實人多食就食得過.牛肋骨煲: 8分, 再要牛肋骨煲, 始終感覺上係銅鑼灣店較為出色, 這裡水準當然也幾好, 鮮甜的蘿蔔汁加上好入味的牛肋骨, 依然係來莊園的首選.希望遲些一班人來食過.

本想帶女友在她生日時吃她喜愛的韓燒, 但卻想不到在這以為是老字號的舖頭裏發生了一段奇妙的旅程...我們二人食量不大, 只點了個韓燒綜合燒和出名的肋骨煱. 但前菜和燒肉的味道己不是太過出眾, 在那碗飯裏更埋藏了一隻手指尾大小的曱甴!!!!!!!不是小朋友size 的, 是成年人size 的...可能由於這裏的食物味道太好(看來不是), 還是食物營養太好, 曱甴也養得那裏大...真的好恐怖!!!!由於心情太過沉重, 故没為各位網友拍下照片...在侍應連聲的道歉和打九折下(即是不用加一>.<), 也未能為我壓驚...結果只能在誠惶誠恐下完成整頓飯...最慘的是那是我女朋友的生日...破壞了氣氛...可幸的是我看到的是完隻曱甴, 不是半隻...所以若各位不是食蟲愛好者或蛋白質嚴重不足, 可以的話請選擇其他韓國料理舖...嘔......嘔.....sorry.. T.T

經朋友介紹嚟試吓!前菜已經有十幾碟地道小食款式不同(可跟伙計轉換自己喜歡前菜),經伙計誠意推介"牛肋骨煲",味道果然不錯,肉質非常入味鬆軟骨肉分離,而全煲最好食係配菜蘿白完全吸收所有精華,送飯一流!同埋一定要飲碗蘿白湯好清甜!雖然店內食品價格都算中上,但某些菜式份量都幾多(只食前菜都飽),建議多幾個朋友去可以試多幾款菜式!

本來今係咁叫:燒牛肉,魷魚,同埋牛肉八爪魚鍋,但唔知點解,嚟左海鮮鍋..頂!但心唸..可能係命運既安排..註定條魚,隻大蝦同蟹要俾我食吧..不過要俾多五十個大洋就真..(牛肉八爪魚$200,海鮮鍋$250)bbq嘅食物不錯,差不多一百蚊一碟嘅價錢都唔平,不過有埋飯跟都算ok..魷魚醃得唔錯,野味!牛肉都可以..頂包嘅海鮮鍋個湯今次淡小小..但都唔算太差,之前食嗰次味道濃d,特別鍾意翠肉瓜,不過第二間都會落,唔算人無我有..但食到娃娃菜,好啱feel,索哂d辣湯,正!魷魚滾太耐會硬,要食先!跟住食蟹,滾太耐肉會梅..then蝦同蜆,最後先食菜!參考吓啦!

三月一日, 一個特別的日子他帶我來這裡吃晚飯,地方其實都幾細, 通風亦都唔係咁好d燒烤味好勁叫左個石頭窩飯同燒豬肉order完沒幾耐就有十二碟配菜!!係十二碟呀!!用黎送飯都已經好夠~石頭窩飯好香,有少少飯焦,配料好足!燒豬肉就沒咩特別啦...不過佢燒得幾好味=]wonderful nite!

食物一般, 服務惡劣點了燒烤及年糕,叫了三次才不情願的送上,叫加茶又唔理,自助餐好過佢, 又貴份量又小, 倒是叫埋單就好快手. 總之待應服務"差", 想趕你走咁, 不斷將火較大, 都唔係做生意既, 地方又迫, 仲要搭枱, 真係唔會有下次.

我朋友介紹架,第一次去,先知原來呢條街有咁多間食韓國料理既店鋪,真係大鄉里...雖然等左好耐,都成個鐘,但係都影響唔到我既心情,一坐低左冇耐,就黎10幾碟前菜,平時出去食呢d都唔平啦,而家仲要免費任食喎,之後點左幾樣味道同韓國食既差唔多,唔講以為去左韓國食tim呀我會再去多幾次,因為佢\\\d份量都幾多,但係我地就得幾丁人去食,所以叫d款式唔係咁多,4個人去食埋單$413,ok啦,唔算貴,值得一去

見網友比莊園咁多個笑面, 就去一去試下啦!!! 間餐廳比較舊, 但食物都算唔錯!!一去到問侍應哥哥有冇餐, 因為2個人始終叫唔到好多o野, 佢推介"綜合燒", 有牛, 豬, 雞, 蝦同魷魚, 朋友仔想食羊, 問佢改得唔得, 佢話冇問題, 於是我地要羊唔要蝦..哇~~ 等了一陣, 一下子14 碟前菜送到你面前, 冇錯, 係14 碟呀!! 一d 都唔孤寒喎, d 前菜都好好食呀!!! 免費o既前菜有咁好質素, 抵讚!!到韓燒料o黎喇, 賣相一般, 咁多樣牛最入味, 魷魚都彈牙, 雞都好味, 唔駛點汁已經夠味喇.. 而豬就麻麻, 比較鞋口同冇咩味(朋友仔話羊都係麻麻), 餐仲送埋湯同飯, 湯一般味精水, 而飯就夠軟綿綿, 撈埋d 韓燒一齊食冇得頂!!呢間都算唔錯啦, 又唔係太貴, 坐我地旁邊有一對韓國人, 佢地只係叫左牛肉同埋一d 生菜, 用生菜包住飯同牛肉一大啖咁食, 唔知呢d 係咪韓國食法呢? hee!

this was my 3rd visit. Food is good. Price is a bit higher than it should be. But it's still a place I enjoy going.Warning before you go:- dont go on wkend, unless u prepare to wait- dont expect decent seatings, u gonna share table with others- dont expect nice decorationsif u dont have any expectations, it might become ur favourite Korean rest as well!

一d 都唔得去個到緊係食韓燒但meat 都冇味唔會再去仲好後恢去

16/9 七點去到剛有位, 行慢一部冇位! 食物好味, 2個人去, 原本叫3樣食物, 但店員怕我們食唔晒, 叫我們先叫兩樣, 非常老實! 牛肋骨非常好味! 值得一去再去!!!

I cannot believe I bumped into such a bad Korean restaurant in the 'Korean Street'. Food is lousy, especially the beef, sevice is terrible.Believe it or not, I went there twice ! Just to reconfirm if my last experience was sheerly bad luck. But no. They are still as horrible as before. I cannot understand why this restaurant still receives praises and can suvive.

與留學完韓國的爛泥朋友晚飯, 韓國菜自然是他的首選. 又是下午茶的豬扒包與葡撻累事, 我與美女老友都冇乜大胃口, 加埋成日話我減肥=他增肥食量的餃子人, 點菜的任務就交了給泥朋友.滿桌的前菜, 我最喜歡的只有翠玉瓜草菇片和菠菜. 燒烤的點了牛肋骨, 牛仔柳跟豬. 牛肋骨依然好軟好腍, 牛仔柳肉味比牛肋骨香, 但不記得豬是什麼部位了, 肥膏較多, 韓燒竟然會有吃剩的肉, 可見是不什受歡迎.蛋煎蝦一碟6件, 攤開的蝦隻沾上蛋漿煎熟, 好有亞媽煎蛋的味道, 如果蝦的肉可以厚少少就好了. 石頭飯分到一人大半碗, 飯焦冇乜, 但辣味剛剛好, 味道唔錯. 加埋蘿蔔湯, 已經十分飽. 泥朋友就要添飯. 餃子人因服被我取笑闢穀, 本來也加了飯, 不過追左幾次, 個飯都冇來就作罷了. 通常都是分開約的舊同學, 昨晚難得的來個飯聚, 希望下次可以加埋高妹. 然後是好久不見的準媽咪, 坊主... ^^ 追菜都冇咁醒目的伙計, 埋單時看見桌上的可樂罐"哎呀唔記得加! 請等等我加返先"... ...

星期五晚飯, 特別多人等枱, $100 的韓國蔥餅是最有水準的, 蘿蔔湯太咸, 色澤亦較一般深, 可能加了醬油吧,我們食了10分鐘要我地轉桌, 因此給我們9折, 但由於地方細,他們的枱擺放有限, 坐得較迫, 有些更兩找批客share 一個燒烤爐

我通常都係來呢到食韓國燒烤，鐘意呢到前菜都有十幾款，兩個人來食晒啲前菜都飽。燒烤方面自己比較鐘意佢地既烤牛肋骨，好新鮮同好味，而且更鐘意佢啲肉厚厚地，幾有咬口。呢到地方比較迫，兩個人來通常都要share枱，不過價錢咁平而且又好味，所以都無所謂。如果要坐得舒服就真係唔好來呢到。而且以前都好旺，自從大長金之後就更加多人，通常都要等半個鐘。佢地銅鑼灣都有分店，好自己未去過，不過應該唔使等得咁耐，因為尖沙咀呢間真係太細。價錢方面以韓國菜都叫唔係貴，百幾蚊一個人，兩個人3百蚊都可以埋單，本人就覺得好抵。