荳子冰室 (將軍澳廣場)

營業中

休息中

荳子好食又黃就出哂名住喺將軍澳既我 見到荳子冰室長期排隊今日休息就會有時間嚟試吓啦點知失望到極點首先我一個人排都要等十分鐘排隊唔緊要嘢食好食先得㗎入面都算好坐既不過位同位之間都算係好近正常茶餐廳嘅價錢選擇都算豐富呢度係用QR code落單我嗌左個常餐（$48）沙嗲牛肉米粉黎到好香花生味其實真係唔差㗎但係就細份到一個點啲米粉三啖就食完我係女仔都唔夠飽唔怪之得佢可以加配呢樣加配果樣原來係因為咁細份所以啲人先要加野食呢個更加差首先個奄列係出面食嘅一半size又油又凍冰冰你睇吓個奄列都完全唔似奄列失敗咗都可以出餐個丹麥多士又係凍冰冰食完都唔夠飽冇下次呢間唔使我講總結啦服務唔掂野食唔掂性價比又低好快唔洗排架啦相信而家等我出去買嘢食先唔夠飽啊

荳子食得多，知道開咗荳子冰室，今日假期，同阿囡嚟試下。排隊排咗40分鐘，一入到去坐低見到餐牌好多野想食，最後叫咗雪菜肉絲米奄列常餐，吉魚豬扒飯。常餐ok，多士幾好食，但吉魚豬扒飯麻麻哋，比預期差...都係荳子素質好好多。

《荳子靚麵包💛》———————————————-#I 荳子冰室 🥯人氣黃店Cafe荳子開新鋪，今次大玩懷舊冰室，非常港式！🇭🇰-見到排隊條龍咁鬼長，就轉戰佢啲新鮮出爐嘅麵包～試咗呢款比較特別嘅招牌荳子包，大大隻「荳子」人喺麵包面，唔驚食錯🤣-麵包都幾鬆軟，裡面係幼滑吉士同粒粒紅豆餡，甜味啱啱好，唔會太膩，當做早餐或者下午茶食都幾啱食😚-⭐ 參考價錢︰荳子包：$11🍌 抵deal 指數：7/10

屋企附近開左呢間新茶餐廳，成日經過都見有好多人排隊。心諗：食早餐都要排咁長隊😏！！早兩日見冇乜人排，就走去試吓啦早餐 唔記得$38定$39：沙爹牛肉麵，黑松露炒蛋，熱奶茶炒蛋唔滑，甚至乎硬，上面加一點黑松露醬，黑松露醬係冇味嘅，聞都聞唔到黑松露味多士係凍嘅，唔係要求高，只係想有啲熱啫😅奶茶冇茶味，大家樂都俾佢好啲沙爹牛肉麵，還可以啦，沒什麼特別好定唔好可能我唔識欣賞啦！😅值唔值得排長龍去食，見人見智啦！下次有機會再試吓午/晚餐，前題係冇乜人排隊啦！

早排男朋友一直係我耳邊啐啐唸，要陪佢食一次呢間冰室，我拒絕咗佢幾次要求，主因係我唔想花時間去排隊食佢，其次佢餐單吸引唔到我。終於有一日，我地中午時間去搵食醫肚經過，見佢唔洗排隊，就成全男朋友一次咁多。我地都揀咗常餐，我果餐有⋯叉燒餐包 - 空氣感十足黑松露炒蛋 - 就係一只炒蛋上面比半茶匙黑松露醬👆🏼用一隻正餐大小嘅方型碟嚟擺呢2樣食品，仲以「幾條」青紫椰菜絲想豐富下隻大碟🤦🏽‍♀️🤦🏽‍♀️🤦🏽‍♀️點解我淨係感覺到呢間冰室嘅小器⋯豬膶米粉 - 薑絲 & 豬膶 你完全會見到係求其切，食第一啖你會對自己味蕾有所懷疑，食第二、三啖後你會好肯定咁講：「無味嘅？」都已經唔洗講啲豬膶嘅質感🤷🏽‍♀️睇我食剩幾多（圖）自己諗啦！跟餐咖啡 - 飲得下嘅，不竟用上專用咖啡奶。總而言之🌝可一不可再🌚

我係將軍澳街坊, 最鐘意週圍去食早餐,  呢間新店在將軍澳廣場位置開, 經常排長龍. 今日係平日, 都排左一陣 , 終於可以坐底, 見餐牌, 都唔係平 , 見到好多評論冰室食物唔夠熱, 點都要比個機會試一下, 食物賣相OK ,食物溫度 正常, 奶茶都好香滑 , 今次最有驚喜係個"菠鑼油 " , 嘩食個早餐.... 牛油都標曬煙...... 勁呀 仲有牛扒餐都冇得頂... 唔係網上所講咁差. 總括來講, 好食 !

💛終於開業💛📍#將軍澳 街坊們唔洗劣質茶餐廳了！ 長期排長龍 #荳子冰室 係副線🥺🥺🥺🥺🥺🥺🥺🥺🥺🥺🥺🥺🥺🥺🥺🥺太感動了！因為基本上將軍澳全部都係連鎖店 （絕大部份）

早前都食過荳子beans，覺得水準唔錯，之後知道荳子開冰室，當然唔可以錯過啦裡面環境乾淨，夠光猛，仲一路播住d懷舊金曲，別有一番風味～晚上7點幾去到都有條人龍，等左一陣就有得入去。入去後自己用qr code落單，夠曬方便開頭叫左個菠蘿咕嚕豬頸肉，唔會太酸，味道剛剛好，好開胃，d炸粉唔會厚，包裹住紮實既豬頸肉，絕無偷工減料，而其他配料如菠蘿、三色椒同洋蔥都好足料。之後叫左個魚香茄子煲，份量唔小，茄子夠入味夠淋，有好多肉碎，仲食到d鹹魚粒，不過我就覺得可以再咸多少少。我加左$35將呢個轉左做個餐，有白飯，菜苗同熱既甜品（芋頭西米露）菜心苗夠淋但係有d苦，一般般啦～最後食既甜品係要叫侍應上先上既。呢個熱芋頭西米露有d驚喜，芋頭多，唔會硬，整體唔會過甜。

晚餐仍然好熱鬧 排隊大概15分鐘 有d人可能覺得點解要排隊 咪茶餐廳一間第一為啖氣而支持 第二質素係好d喎 不過出餐都係等得耐d 趕時間真係唔適合食雜扒餐跟薯菜 丹麥多士 有餐茶 我揀左黑椒汁 汁唔算多 豬扒雞扒口感正常 冇雪藏味 薯條冇淋晒 冇油益味 蕃茄西蘭花粟米都新鮮 冇話黃晒又梅嗰種雜菜 全部大大件全部食物冇煎到勁燶 雖然食扒餐都係熱氣咖喇😆丹麥多士上面搽左牛油 其實我覺得唔洗牛油都得 因為本身已經好邪惡 再加牛油更邪惡😆熱奶茶叫左少奶 茶味更出落單都係用手機對QR曲落單

見排隊條人龍，應該有啲料到，今日見有時間所以就跟隊啦！一個人有特設卡位，面壁私家位，食得安心，早餐有幾款去到十一點半！用手機落單，就點左薑絲牛肉通心粉，話係通心粉，但可選擇公仔麵或米粉，唔駛同侍應溝通，自由選擇！通粉先到，份量對眼，薑絲幾條放於牛肉上，牛肉帶點厚度，有咬口，冇梳打粉味；通粉軟硬度適中，湯底較淡味，加胡椒粉會好味啲！仲有黑松露醬炒滑蛋，熱度唔係幾夠，滑度ok; 較特別係配丹麥多士，上面已搽上牛油，帶點厚度！係呢個時侯要叫杯香滑奶茶一齊食，係幾香滑，最重要夠熱，好茶記出品感覺！侍應態度ok, 收碟時會講聲，問要杯熱水亦快速送上！

你明白早起的鳥兒有蟲吃嘅意思嗎？一句講晒：越早越好！早到早享受😌因為呢句說話，今朝順利食到「荳子冰室」嘅早餐！第一次喺茶餐廳用手機落單(搵店員都可以)估唔到又幾方便快捷，無lag機無delay，menu都清晰易睇。最緊要就係諗耐少少都唔怕，無人催落order 🤣是日叫咗菠蘿包夾蕃茄蛋包面嘅格格係脆㗎，蛋嘅份量都大嘅，有牛油香。蕃茄控貪心地表示，如果塊蕃茄可以大塊dd就開心仔喇🤣另外叫咗熱鴛鴦電話落單時可以揀少奶/多奶，糖另上。飲開走糖嘅我好鍾意呢個做法！杯鴛鴦飲完好醒神🤓‼️♿️ 食店喺商場，地方都幾大，有卡位、一般枱櫈、同埋一人(宅男/宅女)自成一角位，感覺好毒🤣🤣但其實都幾好呀，好自在喎😌😌

首次寫食評， 見諒 ！早前見很多人排隊 ，今日不算多人 ，排了十多分鐘便入座四人座位，不需要與別人同一桌，有時未試過新店，看食評都一定的幫助，看後 話說沙爹牛肉通粉不錯 ，丹麥多士 ，馬蘇里拉芝士火腿奄列 ，啡走， 就這早餐的選項， 大約五分鐘已經上餐。 總括 : 環境不擠迫，由其是這疫情之下，可以不需要與別人同枱進食， 食得安心些， 因早前有其他食肆有搭枱，別人除口罩傾計、講電話等等，會增加感染風險。 食物 : 牛肉有質素， 咖啡也不錯，小甜恰到好處 ，最想要講就是食材新鮮，特別 要講沙律菜伴碟 ，不只是伴碟令食物好看，增加食慾， 真正完完全全享用這個餐完美配搭 ，沙律菜的 紫椰菜、椰菜放在多士上， 與火腿奄列一同合奏， 有如嚐食漢堡的感覺 ，沙律菜正正減去肥膩感， 食到一半都要拍下來分享， 看見其他食客的餐碟 所有的都剩下沙律菜， 真可惜！！

晚上七點多 要排隊入座 前面大概十個人 等了10-15分鐘我一個人 被安排到自修室位 幾好 感覺衛生好多 相信係為迎合而家嘅疫情而設 唔洗怕搭枱夜晚唔想食麵餐就叫個茄汁牛肉燴意粉試下 牛肉份量幾多 肉質新鮮 雖然有幾舊有d根 但可以接受 意粉份量都唔少 茄汁有蕃茄碎 少許菇粒 少許洋蔥粒 沒有餐飲 但叫咗嘢食飲品可以半價 我就選擇加$10 試吓是日糖水 不過以為是日糖水係指定左 原來係可以揀😆芝麻糊 味道唔太甜 質感稀左少少 杰d好食d 普通 一試無妨不過廚房都幾忙 好多外賣 出餐唔算好快 我有d趕時間 同侍應追下個意粉 感覺都好友善 好快就出左

知道荳子冰室係將軍澳新開就同女朋友一齊去左試。我地大約下午3點時候去，一去到勁多人排隊，我地等左大約10分鐘左右就入到去，係排隊個陣見到個餐牌有日式燒豬頸肉撈公仔麵，可惜到我地嘅時候已經賣晒，有d失望🤦🏽‍♂️下次再去希望試到。最後我地叫左個沙嗲牛肉麵，菠蘿油，食落同普通茶餐廳冰室嘅質素差唔多，但個菠蘿油嘅擺放幾特別，將牛油分開放，之後用乾冰放底做左個噴煙嘅感覺，幾特別👍🏽最後推介佢地杯咖走，真心好飲👍🏽👍🏽👍🏽

知道荳子冰室於早幾天新開，和Beans Cafe 同一品牌 ，便打算試試。今日因為一早要出外參加活動，所以未夠七時便出門吃早餐。七點零六分用手機落單，等了約十五分鐘才有通粉的出現，之後飲品和奄列是分開送上的，上菜速度很慢。蕃茄午餐肉通粉中規中矩，沒有驚喜。熱檸蜜比較甜。芝士火腿奄列芝士有少許拉絲，頗好味。丹麥多士外脆內鬆軟，有驚喜。過了20分鐘家人見食物還沒到，只有飲品，於是向職員追單。再過多5分鐘，家人的食物還沒到。由於趕時間，所以取消那個早餐。其實，等了25分鐘，還沒來食物，情況真的很差。感覺很不好。