茶點點心專門店 (已結業)

每次星期5的hapi firday lunch, 大家都會想到去飲茶, 但幾家茶樓都沒1家特別好吃, 於是不如轉來這點心小店吧~~ 聽Elaine說普洱比較消滯, 這次就喝普洱吧~ 我們今次6個女生來, 點心都是3件 / 6件上, 很好分配啦XD上次麻蓉包的包很硬, 今次要別的包點, 就要雪山荔蓉包 ($12) ~ (其實是不是應該寫作芋蓉包哇@^@??) 想不到第1款上杗桌的就是這包點~~ 1碟3個, size就比叉燒餐包的稍大1點~ "雪山" 表面像是墨西哥包那樣, 其實就是有點像美心的雪山包啦, 麵包軟熟又充滿牛油香味 裡頭的芋蓉沒有過甜, 不愧是招牌菜之1~~~馬拉糕 ($10) 比上次的"長高"了~~ 但他們說已經不及之前的好味道, 妹妹都覺得糖味不夠濃, 而且發酵得有點over, 太鬆散呢。 鵪鶉蛋燒賣($12)~ 現在很多茶樓都沒這款, 倒是在小店或是街市的熟食點心檔就找得到~ 由1粒鵪鶉蛋被1塊薄薄的依置在豬肉上面而組成的燒賣, 豬肉底還有1隻小蝦, 雪藏蝦, 淡白色沒啥蝦味, 1大舊豬肉都特別, 可能吃的是懷念小時候才吃到鵪鶉蛋燒賣的情誼吧~大家都鍾情盅頭

睇左飲食男女既推介,我和老公都想試下一試,係旺角行完街先去食,已經十點喇~去到只有兩檯人,食得清靜d北菇雞飯D飯都幾香,唔會好生米,雞肉都滑,但係好有雪藏feel~鳳爪好林好入味~雞扎舊棉花好香,不過我唔鐘意有芋頭之餘,又唔粉囉~叉燒飽內有一塊塊瘦叉燒,唔會好肥(啱我),但個飽唔夠軟身!!我地第二次去,有食流沙包,不過好一般,唔流出嚟+唔甜!!沒有流沙包的靈魂~總括嚟講都唔錯,可以再好的添,係MK咁夜都可以飲下夜茶都唔錯吖~

Carol 問妹妹要不要去1家又便宜又好味的小店吃點心, 聽起來好吸引喔 @0@ gogogo~~~~ 12:40pm左右來到, 店子還未算多人~ 店員招呼我們坐4人檯~ 茶$$每位$3, 有紅茶 - 普洱 / 綠茶 - 鐵觀音, 2種選擇~~ 這兒裝修以簡潔為主, 座位都蠻寬鬆~ 先寫點心吧~~~ 這兒食物上桌時間比較耐哇, 所以要盡快落單先~ 黑白色的點心紙, quick scan 1下, 都是些基本款式, 選擇不算多~ 我們4個女生呢, 就點幾個點心, 1碟時菜和2個盅頭飯, 大家share~~ 等了1會, 終於開餐了~~~ 先來巧手麻蓉包($14), 麻蓉包超硬! 餡料是用白芝麻磨成蓉的(還以為是會黑芝麻呢), 呈流沙狀, 味道有點像花生醬 o^o 懷舊馬拉糕($10), 這個馬拉糕1點都不"高", 很"矮"哇!!! 扁塌塌的,但依然鬆軟~ 味道偏甜~ 白灼時菜(走油) ($12), 是菜心呢~ 又新鮮又爽甜~ 香茜叉燒腸粉($13), 芫茜味並不突出, 叉燒滿滿在腸粉的懷抱裡, 腸粉皮滑溜程度可以接受, 但未做到通透細薄~盅頭飯來了~~ 我們要了鳳爪排骨飯($17)和腊腸滑雞

尋日同美國回來既朋友食飯. 一晚走三場, 真辛苦所以諗住一行4人去飲夜茶, 大家之後都有節目, 飲茶可以叫少d 野食.開頭都驚會唔會多人要等位, 去到都幾空, 有好多台, 可能我地黎得早.坐左陣, 有阿姐黎沖茶, 可選鐵觀音/普洱. 普洱唔夠濃. 唔夠濃既意思係未至全黑. 我就飲慣濃茶, 茶錢只需每人$3, 雖然加左價, 但依然係平. 希望唔好再加啦, 再加真係唔黎食.叫左幾款點心, 坐下傾下計咁叉腸, 我不嬲都唔食叉腸. 因為覺得叉燒拼腸粉係好怪既配搭, 但今次食左少少又唔錯, 叉燒好甜, 腸粉都夠滑.油菜, 只係$10. 咁大碟好抵食, 但差在冇蠔油. 哩碟菜令我諗起稻香一碟菜要$5x, 而哩度只係賣粉麵店油菜既價錢, 而菜心都非常新鮮咸水角, 哩個真係推介, 我本身好鍾意食咸水角. 皮厚咸少o個隻.哩個咸水角個殼好硬, 夾唔起, 所以要篤住. 一食, 嘩!! 勁熱, 真係新鮮炸出黎!! 食落個皮勁脆勁煙韌! 而且個咸冇乜花巧野, 都係豬肉碎, 所以唔會難食.燒賣大大粒, 豬肉同蝦結實又爽口流沙包個包麻麻地, 唔夠鬆軟, 似超市買返屋企自己蒸o個d 咁. 個咸就ok, 唔太甜又好香

曾在雜誌看見報導，說這間是翻版的添好運。只說好味翻版添好運，已好吸引，很懷念那裏的叉燒飽，下次再去一定要一人一碟，但條龍太長，太恐怖……七點多去到，不用排隊，又不用搭枱，座位闊落，不錯。不過上位食客的餘下物資都咪執嘢，啲侍應好似好忙不過見到我坐個去，已有侍應執拾，都算快手點心的種類不是十分多，大約有五大類：點心、煎炸、腸粉、菜、甜點好一次過點了六款項目。點知出事，一開始來了叉燒飽，跟著個口仲食緊，已來了時菜、奶皇飽、鮮竹 卷，二人枱已放不下再多碟了，上菜一次個很快手，但點心要熱吃才好吃的，一次個都咪食得哂，就擺哂係枱，邊食得切。唯有叫侍應慢點，點知佢話蒸緊無得停，枱都滿了，還想再放……好彩叫了好似高級點的不知是否老閭娘的侍應幫幫忙，終於可以放慢一點。而且她們還可以在我們完成剛剛的點心，才恰巧地配合上埋餘下的那些，勵害說回點心，叉燒飽不是添好運的那些，是蜜汁叉燒飽，味道不錯很多蜜糖，好食過普通酒樓。流沙飽，不太流，但味道不錯喎，真的有點沙的感覺。最好吃可以再回頭的食物是鮮竹卷，湯底不錯不太油，有鮮味，鮮竹卷味道和酒樓的味道很不同，清新鮮甜。至於另外的招牌點心，鮑魚燒賣，鮑魚是普通的罐頭飽

今天是七夕，即中國的情人節。和男友到了旺角一心想找添好運的替代品，就來到新開的「茶點」試試味。好就好在不用等位，記得上次吃添好運足足等了一個小時!店內的設計都是而黑色為主，老板娘招呼周到。坐下就看看點心紙，發覺款式很少!名字不吸引...真的欠缺新意...不過一場來到又真的要點點招牌菜，至尊飽魚燒賣!至尊飽魚燒賣- 大家看看右邊的燒賣，飽魚就只得一半!味道普跟吃罐頭的小飽魚差不多...燒賣都OK ，好就好在沒有肥肉!古法糯米雞- 好多味精，吃完超級口渴!荔芋鴨腳扎- 無奈地叫四寶滑雞扎來了荔芋鴨腳扎，既然來了當時又以為自己寫錯，算了!過了一會，又再來雞扎。先知道原來是他們搞錯了!最後就只吃了鴨腳扎...跟普通的酒樓差不多...蟹子燒賣皇- 這裡的燒賣都OK，蝦多肉瘦!懷舊馬拉糕- 這個真的要批評一下，不鬆軟之餘還要一夾就散了!又乾....跟添好運相比還是差很遠...那裡的是又香又鬆軟!炸饅頭- 賣相不好!好像給人打完一樣...一個個洞....只可以勉強說OK總括來說，味道只是一般...如果要等位的話就真的不值得等!可惜的是食過六款點心，一點留戀也沒有

哩晚去左旺角飲夜茶,而家夜晚有點心食一D都唔出奇,自從添好運成功之後,哩種茶樓式餐廳好似愈開愈多,本黎想食添好運,一路開左咁耐都未試過,但實在唔想排隊唔想等,所以唯有退而求其次啦,朋友黎試過都話OK,見唔駛等就食佢啦~~~唔知係咪無人知有間咁既野,所以竟然唔駛等位喎~太好,最怕食飯要等位!!!拎起張點心紙一睇,有D失望,同酒樓當然無得比,好少款,仲要係無咩特別賣點,有個咩鮑魚燒賣,無咩特別興趣,賣相又唔吸引,所以都係叫番normal野~蝦餃燒賣例牌野,味道都OK,無乜話特別好食唔好食,不過都幾足料,D蝦都幾大隻,算抵食啦~春風得意腸唔係新野,因為其他酒樓都食過,可以一次過滿足食春卷同腸粉既願望,除左足料,都係無咩特別,炸得好脆口,幾好啦~臘腸蒸雞飯平時絕對唔會食蒸雞飯,怕佢蒸得唔熟,哩個飯反而比我想像中OK,D雞幾滑,最緊要係熟既,我要求真係唔高.....腐皮蝦卷哩個係店內推介,都係個句,無咩特別,我鐘意食香口野,哩個必點,炸得唔太油哩個應該係唯一既可取之處~咸水角我至愛,又係必點既,好大粒,但D涵好少,個外皮夠厚又脆我鐘意,如果涵多番少少就一流喇~總括黎講都OK啦,算唔錯,不過未必會

今日男友與我的目標是找尋能在旺角區晚上吃點心的地方，見旺角區主要熱滿店有三間，本人選了較少人的一間去試食，因為擔心其他兩間人多擠迫和要排長籠。我們約晚上6:45到達食店，果然未有太多人，因此立即有位座，店鋪不是太大，以小鋪來說，環境都尚算闊落，裝修亦有少許特色，有中國扇和蒸籠等作佈置。坐落之後，加上過了7:00，陸續坐滿。而一坐下，待應會沖茶，有普洱和鐵觀音揀，但茶味就十分普通，甚至差。但值得一讚是待應都會不停加荼。我們點了以下點心：鵪春蛋燒賣：-好吃-一來少有，二來大粒，燒賣內隻蝦都好大隻咸水角：-好吃-熱辣辣煎蛋牛肉飯：-好吃-飯上加有牛肉，面頭再加隻蛋，牛肉都很滑牛肉球：-OK啦-勝在大粒及內有馬蹄，咬落爽口，都幾特別流沙奶皇鉋：OK啦-沒有流沙感覺及不是太甜，但吃落都合格杞子上湯鮮竹卷：普通-鮮竹卷皮麻麻地，不夠軟，但杞子湯都OK且有多粒杞子春風得意腸粉；-好吃-外型似炸両，咬落脆口鳳爪：普通-可以不試總括而說，食物質素都中上，但又不是最好，但價錢經濟實惠，沒有加一，荼錢每位三大元，在晚上突然想吃點心，又不想迫，可以食一食。

小妹其實頗喜歡吃點心 / 飲茶...見近年開了很多專門賣點心的店子,亦嘗試過幾間...除了"添好運"令我大失所望之外,其餘光顧過的,亦有一定的水準!像第一次光顧的"茶點"就已經讓人有驚喜了!點心質素真的不賴呀!我們點的以下所有點心,味道都很不錯!唯一缺點是:點心要等頗長時間,或許是即叫即蒸的影響吧!最驚喜的,要算是發現久違了的鵪鶉蛋燒賣,小妹兒時最愛吃的一味點心!現在很多酒樓都沒有這點心吃了!此間亦做得相當美味!鮮蝦腐皮卷很好味,真的是皮脆蝦肉夠嫩腊腸蒸雞飯,雞肉很新鮮,飯汁亦夠味!總之總括一句,茶點的點心,比添好運的所謂幾多星級更好味更有心!同樣位於旺角區,我寧願再幫襯茶點好過!

Recently opened with just so so reviews. Pretty quiet and spacious there so I go there occasionally to escape the hustle and noise outside. Food is good even though it is nothing to write home about.Wouldn't you know it, they just rasied their prices . Tea per person raised 50%!!Rest of the menu by one or two dollars, that's quite a high percentage when the dim sum was only $10 a plate.Looks like I will have to find another sanctuary, and soon!

一心去女人街搵食, 搵到茶點, 羊群心理, 人多諗住唔會差得去邊, 所以放棄一心想搵既烏冬鋪...入到去, 無位, 要搭枱, 都無所謂啦. 反正鋪頭細細一定要啦. 不過最後都還好, 侍應見有人埋單幫我地換張二人枱. 換枱後, 侍應問我地飲咩茶, 見有鐵觀音揀, 更係飲鐵觀音啦. 不過可能因為一個茶包唔知沖左幾多十杯茶, 所以無乜味.可能我地比較晏啦, 有D點心都賣晒, 點左叉燒餐飽無, 流沙奶皇飽又無....最後只係叫左四樣點心.鳳爪 - 幾惹味, 仲好熱辣辣. 唔會太淋, 但芋頭好硬雞扎 - 幾壞舊, 因為仍然係用火腿做料. 雞肉幾滑, 外面既腐竹好入味, 好好食馬拉糕 - 一般, 少少甜, 但唔夠軟熟.鳳爪排骨飯 - 飯爛左D, 好細碗. 仲等左幾耐下.總括黎講, D點心真係即叫即蒸, 樣樣都好熱辣辣, 但有感無乜新意. 同埋款式可以再多D. 點左一D無既點心已經無乜想食了...所以一次就夠了....

呢排愈來愈多這些中式點心店, 繼廣華街後, 在女人街又開多一間, 今次已經是第二次幫襯, 女人街的食肆多為迫迫夾夾, 但這間絕對夠空間, 坐得頗舒服, 尤其門口的三張枱, 比內裡的更為寬闊, 唯一不好的是太近門口, 當有人進入時, 一陣街外風跟著吹來, 熱呼呼的. 鳳爪排骨飯 - 這裡的點心應該是即叫即蒸的, 時間比較耐些少, 但盅頭飯應該不是, 因為一叫就來了, 師傅沒有偷工減料, 排骨有6小件, 1件鳳爪, 面頭再加上兩條凍的菜心, 排骨肥肉不算多而骨多, 有兩件是全骨, 一丁點肉也沒有, 鳳爪太多”憲”汁, 十分胡達達, 攪到面頭的飯都濕淋淋, 不過, 下層的飯則十分干身, 而旦是一粒粒分開的, 倘算補上不足, 蝦餃 -蝦肉倘算彈口, 可惜味道淡淡, 沒太大蝦味, 而且餡料有肉沒有筍, 引致沒有爽口感覺, 蝦餃皮咬落又缺乏彈性, 比較粉了些, 山竹牛肉 – 算是不錯的了, 肉質軟度適中, 應加了不少肥肉, 但是健康與好味兩難全, 而且頗大件, 一個人吃三件太多了, 其實可以改為兩件而收平些少.至於茶方面, 有兩種選擇, 鐵觀音與普洱, 但不是一壺壺上的, 而是侍應拿著兩個玻璃壺,

本來想去火山石石鍋手打烏冬專門店度食，但要至少等3 個鐘。放棄左！黎到呢度食點心做晚餐。要了：鮑魚糕叉燒酥 - 無鮑魚的，不過叉燒都有幾粒，外層不夠酥脆。流沙奶皇飽- 激讚，唔流，仲好香味 鶉春蛋燒賣 - 香港真係好少地方有得食，不過我雖然第一次食，但只覺得同普通燒賣無乜分別馬拉糕 - 乾左 d d牛肉球 - 大粒到嚇親我 (果然係即叫即蒸，因為等左好耐)鮮蝦腐皮卷 - 炸得好香口鳳爪排骨飯 - 排骨係好多，鳳爪一隻，竟然有菜油菜 - 都算大大碟水準同添好運差少少應該都不會番桌了。

衛生差:杯碗肥淋淋,伙記用兩隻手指夾個杯比你,好耐未見過服務差:叫佢哋加水,佢哋禮貌地回應,但永世都唔加,好嘢!點心來既時間就好似擺洒咁,一碟一碟咁來,叫多十碟,可以食幾個鐘。点心一般:菜心好纎維AR,十分咬口,幫助口腔運動,其餘冇咩特別環境一般:張凳好slim,如果你坐得到,證明你好fit!

今日同男友行街,其實都冇為意去搵野食既, 經過女人街見到依間點心點,其實之前我地都搵過同埋食過好多係MK係點心點,TODAY點左春風得意腸鮑魚燒買奶皇飽馬拉糕埋單８０蚊都唔洗食物唔錯呀，有時食得太多日本，意大利野，食下依Ｄ點心都唔錯由其我地番工既，想夜晚飲下茶，唔錯呀