茶記茶餐廳 (已結業)

飲品超大杯，大啖飲好爽。食物多元化，尤其是下午茶仲好，多選擇價錢合理，食物質素唔錯，即叫即整夠熱夠大碟。

我係九龍城附近做野ga~，由於九龍城十居其九都是泰越食肆，當想去港式茶餐廳，茶記係我地office 同事的必然選擇。呢間餐廳的特色係食物同飲品都係加大碼，價錢就與一般茶餐廳差不多。我d男同事通常都會叫四寶飯，呢度d燒味一流，而且大大碟，仲可以將其中一寶換其他野，加埋一大杯凍飲都係三十幾，飽到上心口。我係女仔就實食唔哂la，而且呢度仲有好多野食可以選擇。我試過佢地d漿爆丸米線，普通魚旦面餐，台式鹵肉飯，豬扒包餐…等等，除左豬扒包塊豬扒太薄同太多醬汁，其他食物水準都okay，都係三十蚊樓下，仲有一大杯野飲，算係好好ga la。順帶一提佢地有一個三十幾蚊的「儿童餐」，好似有牛扒食又有野飲，望落都幾吸引，但只限十二歲以下小童先可以叫，大伙儿都無緣一試。佢地d service同環境都係一般茶餐廳水平la, 不過不失，不過呢間野實係有兩間舖連埋，其中一間舖位裝修得靚d。

厚多士夠香脆.奶同花生醬都好多.

有時在9龍城打完波,都會黎呢度食下野,飲下野吹下水,呢度最正0既係莫過於D凍飲,用好鬼死0既杯,都係普通茶餐廳價錢,真係好抵,,,, 野食就冇咩印象,但次次睇到D friend叫0既野都好似幾好食咁,下次我都會試下,因為打完波怕肥,所以冇叫到呀

試過幾次,侍應服務態度很有問題,沒有禮貌,沒有笑容,面黑黑的,好像不想招呼你似的,經常只顧和熟客人聊天,完全沒有服務質素可言.最奇怪的是每一款食物的配搭都規定,絕不可以更改,即使想將烏冬改成河粉,一概沒有商量.加上入內用膳的客人多是吸煙人士,整間餐廳像間煙館,煙霧瀰漫,連呼吸也覺得困難.本來食物味道也不錯,頗有特色,不過絕對不會光顧!!