茶記茶餐廳 (已結業)

來九龍城搵茶餐廳坐下消磨時間及食下午苶, 見到呢間較企理及光猛, 就同朋友坐下.我ORDER 混醬厚多士, 朋友ORDER 冬陰功湯麵. 我的厚多士算是外脆內軟, 是我吃過的厚多士中較好味的, 不妨一試.但朋友的冬陰功湯麵就好失望, 只覺是加了椒油的普通湯麵, 都係要去泰菜餐廳食返冬蔭功穩陣D.飲品就不過不失. 服務麻麻... 我同朋友食食下, 有個阿嬸冇出聲坐落我朋友果面卡位度, 再彎身取卡位下面東西, 仲撞到我朋友都當冇野, 真係離譜.仲有另一次服務差的事, 事源係有次另一位男客人想到另一邊舖位坐, 比一個似老板娘的女人叫返過來, 那客人便想選擇唯一的"吉"枱坐, 點知又比個似老板娘的女人叫他去"搭"枱,話那張枱要留比較多人的客人. 最後, 那男客人點? 梗係走啦!! 你估得你一間有茶餐廳咩?!最後, 提下大家, 就算係下午茶時間, 係九龍城泊車都係一個小小的難題.

下午茶時間又到!坐低睇餐牌,比較多炒粉,飯之類,擔心食唔哂(因為係tea time)揀嚟揀去,結果食個常餐!不過要三十蚊,好似比較貴,個餐包括左义燒湯意,火腿奄列,牛油包同埋一杯檸茶!味道一般,义燒可能因為有燒味檔關係,比一般茶餐廳既好食一d,其餘都係不過不失!只係價錢比較高,如果唔係都可以常常嚟!

屋企逢星期五晚飯都會有燒味加(食送), 而0係九龍城買燒腩仔, 個人覺得呢度的最有水準-- 夠晒肥, 層皮極脆, 瘦肉部分亦一d 都唔韌, 咬落仲有肉汁, 好食!另外油雞都唔錯-- 雞肉幾滑, 新鮮雞的味道; 但最正當然就係甜甜0地又好滑0既雞皮啦印象中呢度d 凍奶茶/ 咖啡好大杯的, 好耐無去堂食了, 唔知而家係咪一樣?

而家間野成日加價, 但係質量就係咁退步, 就算裝修多幾次都冇鬼用啦. 個d伙計服務態度好鬼差, 食完野就係咁望住你, 驚你坐成日咁, 尤其係個肥肥地既收銀.以前真係好抵食, 野飲又夠大杯, 今時唔同往日, 以前天下既氣勢已經不復在. 情何以堪耶!

夜晚求其食d野,就入鰦 去,點鰦 個芝士雙拼焗意(牛仔骨搭大蝦)...個意粉係即焗ge,要等10min到,但個意粉送到,O 左咀,主角之一GE大蝦竟得1隻咁大把,仲要只係普通蝦ge大細...牛仔骨唔熟,完全咬唔開,個芝士汁冇芝士味,只係一堆好"傑"的白漿糊個意粉餐連湯,凍奶茶盛惠48...真係難食夾唔抵...

早幾日行開九龍城, 忽然間好想飲杯又大又凍檸檬茶, 順便食埋飯, 於是乎諗起呢度!入到去睇下有咩好食啦, 睇下個餐牌後就好想食干炒牛河, 於是決定一試, 而友人就要左碗豬肉丸麵, 再加兩杯凍檸檬茶!凍檸檬茶一如以往好大杯, 一望到就已經好開心, 有茶味又有檸檬味, 不過就幾多冰, 但係就幾好味道, 好好飲呀; 干炒牛河炒得好香, 夠鑊氣, 牛肉好鬆好味, 不過都係油d; 豬肉丸麵就唔得喇, 麵就好硬一d都唔腍, 幾難食, 而豬肉丸就好似乒乓波咁大粒, 咬落口都有豬肉味, 不過就唔夠爽口, 一般啦!總括黎講呢度d野食都ok架, 加上有杯咁大飲品都幾抵架, 如果想呢區傾下計, 嘆番杯大飲品, 相信呢度都會係一個唔錯選擇!

龍城食肆林立, 人在其中, 想吃個下午茶卻不太容易作選擇.走到福佬村道, 經過茶記, 見餐牌有撈丁, 即管一試.要咖哩牛腩撈丁, 飲凍檸茶.先講撈丁. 自己向來好愛腍麵, 不過這撈丁麵身實在過腍, 且份量奇小, 幾口完事.而咖哩汁味道可以卻太稀.筋太多, 腩則太少, 叫我難免懷疑, 我不是叫牛腩撈丁嗎?凍檸茶, 跟年前飲那次同樣, 依然無味.這餐廳, 還是算罷.

tea time，次次都係去樂園。今次暫且忘卻文叔，隨便揀一間歇歇...餐蛋治size比其他茶記袖珍咗少少。餐肉外面煎得微脆，不俗；蛋唔夠滑，失色...凍檸茶欠紅茶味，淡mou mou，理應被釘走...OK臉係俾片餐肉ge..

去到九龍城唔知食咩好, 行行下突然間見到茶記, 仲依稀記得d食評都唔係差, 咪入去食野囉, 講真真係冇咩特別要求, 淨係知要食野囉!咁我地叫左個干炒牛河, 星州炒米, 四寶飯, 日式燒豬頸肉飯! 干炒牛河炒得好香, 好好味, 夠鑊氣, 不過油d同埋d豉油重d, 冇計啦如果唔係又唔好味; 星州炒米d料就少d不過都好香, 少少辣, 都幾好; 四寶飯係超多, 有半隻咸蛋, 燒肉, 叉燒同埋紅腸, 燒肉好脆, 叉燒就瘦d, 紅腸ok啦, 配埋d豉油撈飯都好正; 日式燒豬頸肉飯就一般啦, 豬頸肉唔夠爽口, 反而仲有d韌, 不過就好多件豬頸肉!至於杯涷檸茶就真係好大杯呀, 不過都幾多冰, 味道都算幾好飲啦! 呢度選擇真係好多, 睇左好耐先至order到, 不過d侍應又真係冇催喎, 態度ok啦!

今日放假, 去左茶記食早餐.叫左個沙爹牛肉腸仔米線+凍奶茶.米線:真係勁林, 好似就黎爛咁, 似糊仔多d, 好難食.沙爹牛肉:又係唔得, 好咸, 得個咸字.腸仔:成碗野最好食就係哩樣, 搞緊笑.凍奶茶:果然真係夠晒大杯...冰! 個杯大都無用啦.一定唔會再去.

身為家中的試食專員，是朝被委派往試新店子試食，看看水準如何，再行評分，是否可值得攜眾再吃。此店新舊兩舖相連，一腳先踏入新店，繼而被侍應邀住舊舖，望落舊而非殘，亦乾淨，坐下立即有茶上檯。原本想簡單的吃個多士加茶，但計落也要十六塊，倒不如叫個早餐，才不過十七，但其他非茶啡類熱飲則一律要加一元，少見。待過一會，奶茶腿蛋先上，可能是避震不足，奶茶滿得杯碟也是，奶茶味濃而不香，火腿未經煎烤，像室外的溫度~涼涼的，看太陽蛋不錯，但油份所佔的比例過重。等了十分鐘才到的雪菜通，湯底看來濃厚，試了一口，混入雪菜，頗鹹，就算配著通粉來吃，仍未能把鹹味調至適中。總括來說，可在候選名單中" 鈎 " ！

周不時都會, 佢都ok架, 勝在好多選擇, 杯飲又夠大.不過佢台灣牛肉牛筋麵同埋四寶飯都幾好食,又足料.焗飯就認真麻麻.總括講, 幾抵, 但請勿expect好好食囉.

是晚, 一個人, 在沒甚特別主意下, 晃到茶記一試.初時掙扎於沙嗲金菇牛肉炆烏冬與豬扒炒公仔麵間, 結果要了沙嗲金菇牛肉炆烏冬加凍檸茶.先來的凍檸茶, 好大杯. 呷一口, 茶味不太夠.而後來的烏冬, 可以名不符實形容. 不是說淡而無味, 卻只有微量沙茶味. 配料方面, 牛肉, 正常地無肉味, 青椒, 洋蔥絲則少得可以. 大碟, 對我而言, 又稱不上.環境, 比去開的茶餐廳差. 桌椅都似飽歷風霜, 滿是傷痕. 另外, 開餐不久, 身邊幾枱都吞雲吐霧, 有丁點難受.總而而言, 應該係選擇錯, 非常一般的一餐.另見不少客都叫了四寶飯, 不錯的樣子, 似乎可以試試.事實再一次證明, 開飯本為樂事, 但仍以一班人為佳, 至少可以有更多選擇及意見.

上次去叫左個牛丸酸辣米線，佢上o個陣見到個湯好淺色，仲以為佢會冇咩味啦，點知一飲第一淡湯，就發覺我只係畀佢D色水呃左，真係好夠酸好夠辣，對D嗜辣如命既人就可能唔多夠既，不過對我黎講就已經好足夠喇。真係好好味，好正哦！牛丸岩岩蠶蠶咁，睇落應該係自家制既。我覺得唔止好味，仲幾抵食tim喎！

一次好偶然0既機會比我食到茶記既外賣，原來正正係我女朋友成日講既茶記茶餐廳...佢話呢間茶餐廳值得一試，所以早兩日經過亞皆老街...就入去試試...我本來諗住試呢度既海南雞飯，不過女友推介四寶飯，所以捨棄海南雞，試左四寶飯先...嘩..king size度丫..仲勁過太興既八寶飯...四寶包括紅腸、义燒、燒肉、咸蛋...紅腸又厚又大塊...义燒又"林"...燒肉雖然肥D...但唔肥既部分都一流...可惜佢FIX左呢四寶...想轉切雞都唔得...女朋友叫左個沙爹牛肉飽...d沙爹牛幾夠味...勝過蘭芳園...個包望落好硬..但咬落又唔硬喎...整體幾好食...真係唔錯...呢度既飲料都係一樣咁king size...我女友叫左杯紅豆涼粉冰走奶...好有涼粉味...我就叫左杯凍奶茶...都幾滑...大杯得黎唔走樣...正！呢度真係好多款野食揀...泰式、台式、越南菜、好多好多...成間茶餐廳都貼滿menu...又有D食物既相睇...食完成餐都未睇得哂個MENU...真誇...真係好奇好想入去個廚房睇下...睇下細細一個廚房點樣可以整到咁多野食...個廚...勁呀！