茶記茶餐廳 (已結業)

孩子說九龍城有20元一份西多下午茶，＋分便宜，躍躍欲試。是的，學生時代的零用錢，一分一亳都是錢。食物無分貴賤，有衣食便好了。要試便一起試吧！一個下午，室外氣温33度，茶記的冷氣正在維修，一一關掉，於是，熱上加熱。xxx xxx xxx西多跟熱檸水 (HKD20) : 西多上桌時，聞得有蛋香，可惜過火了。外面香脆得開始乾硬了。速速加上牛油和糖槳後，賣相還是吸引的。入口又香又甜，可以。熱檸水的水夠熱，檸檬新鮮。xxx xxx xxx迷你肉醬意粉跟熱華田 (HKD30) : 上桌時吱吱作響，有氣泡起伏，賣相誘人，令人垂涎。意粉稔，剛過心，實在。肉較少但勝在汁多好味，可夠吃完整份意粉，加上熱華田，夠熱量，飽了。]xxx xxx xxx迷你乾炒牛河跟熱奶茶 (HKD30) : 油 水足，有光澤，有顏色，賣相好。有鑊氣，牛肉滑，芽菜、韮菜爽，河粉新鮮，好吃。熱奶茶夠熱，惟茶稀味淡，而奶茶屬荼餐廳主角，誠美中不足。xxx xxx xxx 餐後如數付款，店主收後未有一聲「多謝」。

星期六下午本來是想去德昌食魚旦粉,但大排長龍,於是隨意到附近一間茶餐廳,可能片頭河不是此本的推介食品,我覺得麻麻地, 芽菜似乎未熟, 湯底無味,進食其間,其他人都是order 四寶/ 燒味飯, 賣相亦很出色, 下次再來的話要試試。

看到食友蝗蟲兄寫這裡的燒肉飯。自己身為龍城之友，一直也有聽聞她的燒腩水準很不錯。自老店"羊城"光榮結業後，在龍城吃燒味的地方已是屈指可數了。能找到一間看來似樣的，也是一件樂事呢....甫一坐下看看餐牌，心多多的我看見其他燒味如义燒好像甚對版的，又想轉駄叫個雙併。但立時醒覺今次來的目的是燒腩，於是便下定決心，專攻一味，不再分心....燒腩帶點微温，沒有太多的脂肪肥羔，是屬偏瘦的大豬；皮是脆啪啪的。一如蝗蟲兄所言，質地是硬了些，但於我而言，只要是夠厚身及脆口便是上選了；肉醃得偏鹹一些，但這樣卻更能用之來下飯了....很有水準的燒腩。價錢當然比平常火肉貴一點點。但付多一點點錢來換來多點點的口腹享受，想必所有的饞嘴之人如我，也都心甘情願的....

14-8-2010一直喜歡呢度的燒腩仔 (http://www.openrice.com/restaurant/commentdetail.htm?commentid=1889371), 是日朋友「大駕光臨」九龍城, quick lunch 就帶佢嚟呢度試試.熱奶茶: 奶味 vs 茶味約 6:4, 不過茶味其實 ok, 唔澀, 質地亦夠滑, 幾好飲的.朋友的凍奶茶就無試了, 唔知得唔得?燒腩仔瀨: 瀨粉夠爽身不過一般滑, 不過點解同一碗有「半透明」及「實心白色」兩種顏色? 白色的係米線吧 (相信佢唔會有鮮製攦粉供應吧)? 燒腩仔層皮好脆, 不過又脆得有少少硬, 還是「斷秤」order 的鬆化得多; 肉就偏瘦, 不過都算腍, ok 的; 而下午茶時段燒腩仔唔夠熱? 就如常先食咗層皮, 再將肉浸入熱湯瀨粉內, 食得津津有味. 朋友食燒腩仔飯, 碟頭勁大 見朋友最後食剩好多白飯, 燒腩仔就差不多清晒, 相信亦希望佢都喜歡吧. 醉雞翼: 見有醉雞翼供應, 又口痕叫了嚟試試, 食落酒味夠濃又唔會苦, 不過雞翼雪得勁冰凍, d 肉乾硬又黐骨, 早知唔叫. 食物 ok, 埋單就每

今晚開完OT同老公來呢度食個簡單晚飯今次都唔係第一次來,因為星期一至五晚市有雙拼焗飯/意炒,超好味! 雙拼選擇除左有肉醫,雞扒,豬扒,牛仔骨,海鮮...之外, 仲有我最鐘意既煽貝,另外可配芝士汁,黑椒汁,白汁...好多好多選擇$38 連飲品,好抵!老公就點左個牛尾飯,$44, 連湯及飲品,又係超正!老公冇食開牛尾,都話價錢同水平相乎!

係附近見工，順導搵好野食(因聽聞九龍城出名有好多好野食)因這裡食店有很多，所以求其揀咗間入去~(其實是因為見到這間有我喜歡的飲品)四川擔擔麵，本以為會好辣，點知一點辣的感覺也沒有，而份量極少+ $2 要了杯Mocha, 點知似泡沫咖啡或普通咖啡，因無朱古力味，還差點搞到我睡不著Ｐ.S. 出發前忘了上openrice,結果就中招了

親身經歷:今天晚上10點幾,自己同埋9個朋友去這間食野,有4個(包括我)冇叫野食,只係陪朋友食,用左兩張桌子,當我D朋友食到一半個陣,有個侍應生粗暴地對我們說"你地唔食野飲野都好丫,係度阻著D位,走開LA,而家仲有D客人係度冇位坐"(但事實係左邊有兩張有卡位的桌子,同一時間佢就帶著幾位客人黎緊我地面前),最後我地4個被迫走左先,個人感想:其實我真係覺得貨不對辨唔重要,最重要係個態度,冇錯.我地真係冇叫野食,咁都唔洗趕我地走嘛.附近有空桌子,真奇怪!?自己猜想係咪附近係中產以上的地區,所接待的都是有$$$$$$$$,我覺得有99%係因為佢見我地冇$$$同埋年輕,咁對我地,我唔知,但係我真係火爆,第一次咁比人對待....~O~我唔係話要抵制佢,但係請大家留心留心........

今晚係九龍城去茶記想吃Dinner，同男友去到叫了不太貴也不太平的焗野吃，2款餸加一款自選汁，價錢只是$38蚊一個餐，總算ok!!我今晚吃肉醬+石斑配芝士汁焗意粉及加多$8叫了杯黑糖珍珠奶茶!!味道都ok!!只是芝士汁不太濃.....男朋友就吃牛仔骨+扇貝配黑椒汁焗飯及叫了杯茶走奶茶!!味道黑椒汁好辣，好正!!簡簡單單的一餐都可以吃下，不太貴不太平，味道一般的一餐!!可以再去吃的晚餐!!

放工走左過龍城買點東西，完事後食埋飯先返屋企，隨便找間茶記搞掂，就這間茶記茶餐廳吧！點了個紅燒牛肉麵，飲凍奶茶。麵送上，挺大碗的，有牛肉又有蘿蔔，看似吸引。先吃件蘿蔔，是稔身，亦無渣，可是一點也不清甜，比起早幾日在車品品吃的差幾班；麵條是不彈牙，唔好食；最好是紅燒牛肉了，起碼夠稔，沒有根。凍奶茶，既無茶味，又無奶味，喝半杯便放棄。埋單要成四十蚊，似乎有些貴！

出左九龍城做野 過了午市時段 食個下午茶 想到茶記..可惜下午茶既豬扒焗飯好細碟($27連熱飲)得三四口飯 睇落午市飯餐$31~$35份量卻大得多 更抵食 其他如奶茶 焗飯焗乜都好平均..OK 比較令我難忘~西多士 又厚又有蛋香

又係補食評時間, 今次我地落咗龍城食茶記其實茶記食物只屬一般, 冇驚喜也冇驚嚇，不過勝在款式多，港式星馬式台式澳門式仲有各式米線都有，絕對可以滿足各位不同的口味雖然一般套餐都要四十蚊上下，不過午餐相對就抵好多，只需$28，鹽焗雞飯；茶記的鹽焗雞很滑，以茶餐廳計已算不俗；可惜鹽香味唔多覺，沒有「鹽焗」之感，咸蛋也非很香的那種；整體而言，只勉強叫 above average，完全是茶記一貫的風格。另外，吃試了一小件肥仔同事的豬扒包, 豬扒的鮮美度和包的香鬆度皆不足，不如留肚去德昌叫外賣好過！

今朝食左個醒神早餐, 係火腿蛋通粉加熱horlick印象好, 因為pt1: 火腿切絲, 份量超多, 有心機做的通粉, 唔使我要成塊咬, 食得舒服!pt2: 雞蛋分開上, 可以自己用刀切開, 唔使咬, 更加唔會水汪汪, 荷包蛋又煎得靚, 好食pt3: 湯係用濃雞湯, 雖然係罐頭湯, 好過只係落幾粒味精的難食湯雖然只係一碟通粉, 有心機同求其係好唔同的, 食完返工個人都開心啲

午餐跟男朋友在九龍城度過到了茶記食個海南雞飯, 之前只係是但食少少野, 但係估唔到都幾好味首先, 我覺得這碟海南雞飯的雞肉好嫩滑, 仲有透明狀的膏狀物, 雞味好濃, 好好食! 仲比o左成隻脾我食, 對我實在係太好了, 有點感動另外, 油飯都幾好味, 少少的咸味, 再食得出用雞粉煮過的, 好開胃而且, 點雞用的醬汁齊全, 有薑茸, 黑豉油同泰式雞醬! 係一個有誠意的作品咁好食私的海南雞飯, 喺一間茶餐廳食到, 都算係一間異數了

早上，與同事到九龍城吃早餐，胡亂衝進一間茶記吃早餐，這間餐記是沒有一般餐記的早餐：即一碟類似餐包加腿旦的食物再加一碗粉麵的早餐，所以我就點了一碗沙嗲牛、墨丸片米線加凍奶茶。沙嗲牛、墨丸片米線：牛肉咸了一點，墨丸片太少，不過幾彈牙，米線就一般，整體一般。凍奶茶(少甜)：夠茶味，但甜了一點。整個餐二十三元(好像是......)，味道一般，份量較少，在九龍城應可找一間好一點和份量多一點的。

早幾個星期同朋友去茶記度食 tea~~因為打完波，諗住沖晒涼咁去果度嘆返杯大杯的利賓納~~咁因為食開都要四十幾蚊果隻茶餐先有大杯野飲...所以唔理啦....就算個碟飯細碟少少，用料唔太夠，以及無隔離間地x咁好味都好啦~~~都照入去食....之前我地都有咁食開，杯利賓納都係大果隻....好啦....今次我地又食叫同一樣的野.....咁當然個侍應落左單啦....我地一心諗住等大杯野飲...杯野一黎，見到係細杯果隻...細啖到幾啖都飲得完果隻....嘩....以為佢地比錯左啦...因為大拿拿四十幾蚊食個下午茶...唔通貪你d野食細碟又貴咩....果個幫我地落單o既女人一埋黎，我地都未講任何野....佢就話『係呀，唔係大杯野飲架，因為而家轉左某幾隻野飲先有大杯...』嘩，未講都知我地問乜？即係落單果陣知道我地想大杯，特登唔講清楚，驚我地唔叫果樣野... 佢地轉左無大杯，就應該話比個客知啦，人地廿幾蚊果個餐同佢四十幾蚊果個餐份量同埋用料差唔多....你連杯野飲都呃我？你話加幾蚊先有，咁我一早都可以加...而家咁即係刻意隱瞞啦....當我們當作羊枯嗎？？咁樣的經營手法是絕對有問題，唔排除有詐騙成份