茶記研究所

營業中

休息中

約咗朋友，大家都想醫咗肚先再行街，見到呢間餐廳性價比高，於是就試下壽喜燒牛肉太陽蛋烏冬 $82餐廳期間限定嘅壽喜燒牛肉太陽蛋烏冬，除咗有壽喜燒牛肉、太陽蛋同埋烏冬之外，烏冬入面用加咗少少雜菇和洋蔥，另外加錢要多條腸仔，因為用咗壽喜燒醬汁，味道偏甜，加埋流心嘅太陽蛋，令烏冬口感順滑，整體嚟講係一道好可口嘅菜式。另外亦都加咗碟油菜，切好上枱，淋上少少豉油，味道簡單而不失清爽黑松露炒蛋三文治 $66另一樣嘢食就叫咗黑松露炒蛋三文治，加錢要芝士同埋烘底，亦叫咗杯椰子咖啡。黑松露炒蛋三文治一分為二，方便客人食用，三文治入面嘅炒蛋份量十足，明顯見到黑松露醬嘅存在，入口有蛋香，亦帶有淡淡嘅黑松露香，再飲埋杯椰子咖啡

**勁蔥五香肉丁炒公仔面**一上桌，便能聞到那鑽鼻的香氣，那是勁蔥與五香肉丁的完美結合，令人垂涎欲滴。公仔面的選擇恰到好處，既有嚼勁又不失軟糯，每一根面條都均勻地包裹著肉丁與蔥香，口感層次分明。五香肉丁燒得恰到火候，肉質鮮嫩多汁，與公仔面的搭配相得益彰。整道菜色澤金黃誘人，香味四溢**油菜**作為炒面的綠色配菜，油菜的選用顯得極為講究。嫩綠的菜葉經過簡單的烹飪後依然保持著清新的口感與顏色，為整道菜增添了一抹生機。**士多啤梨雪糕**作為餐後甜點，士多啤梨雪糕無疑是一大亮點。鮮紅的顏色令人一眼便注意到它，清甜的雪糕口感中帶著淡淡的士多啤梨香氣，讓人心情大好。

坐中港車返香港，去開油塘落車真係超級肚餓，見到呢個商場有間茶餐廳，價錢合理，就同媽媽去試吓。見到呢度都有啲比較有特色嘅食物，有好多款厚切三文治都好吸引，不過實在太肚餓，所以點咗一個常餐，沙嗲牛肉公仔麵，沙嗲味真係好濃郁，配埋出前一丁基本上冇得輸，黑松露炒蛋好香，配埋脆卜卜多士一齊食，非常滿足，茶餐廳最重要有一杯好飲嘅奶茶，呢度嘅奶茶絕對係合格之上，好香好滑。媽媽就點左午餐-雪菜雞絲炆米，味道好好，而且平時食開肉絲，呢間餐廳就轉咗做雞絲，我覺得更加有口感，最重要係份量十足好大碟，媽媽見到呢度有佢鍾意食嘅咖央多，唔係咁多地方有得食，所以叫咗一份嚟試吓，味道唔會好甜，脆卜卜而且成塊多士搽滿晒咖央醬，當飯後甜品食都依然覺得好好味，下次有機會要試埋其他食物。

🌸巴東牛肋條配白飯，一上枱我就已經聞到好香噴噴，醬汁夠哂香濃！牛肋條肉質好軟腍，又帶有少少彈牙，肥瘦適中！配埋白飯一齊食，送飯真係啱哂，好快就食晒成碗飯，都幾惹味！！🌸蛋白瑤柱炒飯都幾有鑊氣！！份量都幾足夠，材料都好足，炒飯炒得都幾乾身，唔會好油膩！味道又唔會太鹹呢！！🌸檸檬茶餐廳舒適寬敞，上菜速度快，餐廳店員服務態度唔差，下次會再黎食佢哋嘅招牌三文治，因為我見到都有好多客人叫左三文治食！！

平時過嚟油塘多數都會嚟行吓大本營，見到呢間新開嘅茶記研究所，裝修都幾文青，而且食物種類好多選擇☺️🌟打拋豬肉煎太陽蛋飯 $62👉🏻 打拋豬肉煎太陽蛋飯好出色！調味好足夠，食落夠香辣，同泰國食到嘅味道差唔多，撈飯一齊食真係一流！記得要拮爛隻蛋，撈埋啲蛋汁食更加正☺️👉🏻估唔到飲品有咖啡嘅選擇，叫咗杯熱嘅鮮奶咖啡。拉花好靚，飲完成個人都醒神晒🤣🌟瑞士雞翼出前一丁 $48👉🏻瑞士雞翼好夠味，雞翼已經入味道變晒色，夠香甜！而且面底可以轉出前一丁，仲可以要求麵質可以爽啲，好食！👉🏻跟餐嘅多士同黑松露炒蛋都好食，價錢合理，性價比幾高👍🏻

有啲趕時間所以一早睇定食呢間餐廳佢係最近地鐵站 一入大本營就見到～但下午茶都唔平 只有飽會抵啲想食湯麵 所以叫左日本豚肉有得配米粉/油麵/烏冬 清湯/麻辣湯叫左烏冬 幾彈牙 一個餸 熱嘢飲 都ok~

《晚餐油塘茶記之選》依家油塘茶記想食得乾淨啲同有唔錯既選擇之選。#巴東牛筋腩配白飯 💰82 呢度好夠惹味！咖喱味夠濃味同好香，肉質好淋，好食！咖哩汁撈飯很不錯👍🏻飲品另加錢，除咗一般茶記會見到既咖啡奶茶，仲有一啲特色既飲品，有機會要再試吓！#馬來喇沙 💰72 呢個喇沙揀咗米粉同埋油麵既麵底，湯唔會好滯既感覺，有輕輕既椰香味。配料有魚片頭、魚蛋、豆卜、同埋好多蝦仁。麵既份量都好多！食到好飽！👍🏻👍🏻👍🏻

由油塘出站上到去大本營商場，一定會路過呢間茶記研究所，鋪位開揚，位置方便，好多人收工番屋企前買外賣。鹹鮮黃花魚蒸肉餅飯 油菜 中湯 白飯 因為係雙拼，黃花魚係半條嘅份量，蒸肉餅都係比較薄。因為即蒸，需時15分鐘左右。呢個set都好啱一個人食，一個餐就三餸一湯，相當滿足。是日例湯夠足料，無味精。大滿足雜扒鐵板餐 雜扒可以揀唔同汁或者走汁，內有牛扒、豬扒、雞扒、腸仔、太陽蛋同椰菜，非常豐富。今日係紅湯作配搭，仲有一個餐包同飲品。

開咗一段時間，都未幫襯過，一個人唔知食嘜好，走來試吓自助下單點了個海陸空大滿足雜扒餐，個餐有湯，有野飲，仲有個包野飲先來，點了杯熱華田，飲落普普通通之后羅宋湯同個餐包送來，個湯幾足料，味道唔錯，但偏酸，個餐包微暖，都可以鐵板上枱係熱辣辣，個汁倒落去果陣有炸炸聲，有雞扒、豬扒、牛扒、腸仔、太陽蛋、薯條同菜，份量幾多，雞扒同牛扒食落都唔錯 ，豬扒同腸仔有啲咸，薯條偏淋，整體味道還可以整體來講，服務幾好，環境唔錯，食物味道唔差，係有部份食物偏咸，份量足，幾抵食

呢日嚟咗油塘嘅呢間新派港式茶記食午餐，有唔少嘅套餐選擇😍 我哋就叫咗精選午餐、全日常餐同招牌三文治 。勁蔥雙丁呢個名真係好特別，材料方面用上咗五香肉丁同埋出前一丁🤣 呢個炒公仔麵勁惹味，食落口帶點辛辣🌶️ 配料方面有勁多洋蔥、椰菜同埋香蔥，食落口唔會太油膩。沙嗲牛肉即食麵呢個係常餐嘅其中一個選擇，呢間餐廳嘅沙嗲醬係真係會食到有少量嘅花生粒，牛肉唔係好乸過度醃製嗰種，都算幾有咬口🐮 即食麵嘅軟硬程度都有得揀😮 仲配一份蛋同埋牛油多士，蛋方面，可以揀黑松露炒蛋、火腿炒蛋、煎太陽蛋等等嘅選擇，我哋呢日試咗佢嘅黑松露炒蛋，呢個炒蛋配埋牛油多士味道唔錯。勁蔥咸牛肉炒蛋三文治餐廳其中一樣招牌菜就係呢度嘅招牌元氣三文治，入面嘅炒蛋整到勁厚身，入面有香蔥同埋鹹牛肉，而且炒蛋嫩滑🥚 加咗錢將麵包轉烘底，帶點外脆內軟嘅口感🥪飲品我哋嗌咗兩款茶記必點嘅選擇，就係港式奶茶同檸檬茶☕️ 幾中意佢呢度嘅熱奶茶，茶底濃郁，又夠晒香滑。呢個午餐真係好豐富，特別鍾意勁蔥雙丁，幾有新意✌🏻 呢間餐廳嘅滑蛋都做得唔錯，下次經過會再幫襯😎

已經來了這間餐廳食午餐幾次，整體上食物質素都不錯，價錢都尚算合理，服務態度也不錯。最吸引我的是咖啡及抹茶，因為感覺到他們很用心去做每一杯咖啡/抹茶。每當我見到他們的咖啡/抹茶拉花，令我心情感到舒服所以推薦大家可以試一試。

因為套餐價錢吸引，所以入內試一試，點了$168二人餐，加$10加大蔬菜份量。先上餐湯及飲品，侍應將湯送上時已感到份量少，碗細，容量只有7-8成滿。味道可以喇。後來等了一段時間才上骷髏肉及飯，骷髏肉是以肉排來做，跟尋常的排骨件不一樣，又一落差。加了$10的灼菜，賣相好一般，自以為$10份量會很多，點知份菜是平平的鋪在比較大的碟上，不禁問一下侍應是否加大了？侍應回覆是！又一落差。至於巴東咖喱牛肋條，味道上完全唔辣，亦冇所謂巴古的惹味，數粒牛肋條，好似食Fine dining 咁！或者係我自己大食，總之係充滿落差的一頓的晚飯。

早餐由$38至$4x飲熱咖啡都好正常但佢地無基本咖啡要咖啡，只有即磨咖啡熱飲+$18油塘屋邨價錢太貴了吧！呢個價錢係中環coffee shop/cafe我食辣肉碎米粉，無味熱奶茶正常

又走咗過嚟食嘢，上次食麵，今次食飯。今次終於有張卡位，可以坐啦～間餐廳啲色調真係令人睇落，覺得好輕鬆😌叫咗個 蛋白瑤柱炒飯 和 脆炸魚柳飯配粟米汁跟咗熱奶茶☕️同凍奶茶🧋點完嘢食冇幾耐，員工就將跟餐嘅嘢飲，攞咗過嚟，端上来的奶茶，色泽呈誘人诱人的深棕色。呢間港式茶餐廳真係犀利，個港式奶茶超好味👍🏻杯奶茶真係驚艷到我，湊近輕嗅，茶香和奶香纏綿在一起。喝上一大口，茶的苦澀與奶的香甜同時襲來，茶味濃郁霸道，屬於茶嘅獨特香氣瞬間在嘴裡散開。牛奶的加入讓口感變得絲滑，巧妙平衡了茶的苦澀，香甜與醇厚交織。-✨蛋白瑶柱炒饭白飯炒得油亮 口感香軟，雖然啲飯有少少腬嘅感覺，但和蛋白完美融合。瑤柱絲和蔥花的點綴恰到好處，增添了獨特的香味。一口下去，食材的香味在嘴裡散開，好吃到停不下來。-✨脆炸魚柳飯配粟米汁我覺得呢一道飯，有啲似住家飯😂第一次喺出麵食。塊魚柳超長，差唔多係成隻西餐碟嘅長度。我係用匙羹🥄當刀咁樣切開嚟食。魚柳炸得金黃金黃，炸得外酥里嫩 外皮脆得“嘎吱”響，裡面的魚肉嫩得像豆腐，白白嫩嫩，一點腥味都沒有。不過可惜因為冬天嘅緣故，出到嚟個飯已經冇想像中咁熱。粟米汁香甜濃郁，如果配埋熱辣辣嘅飯，和魚

行經油塘，正值晚飯時間，決定搵啲嘢醫肚，醒起呢間茶記研究所，上次食印象都唔錯，今次都係食佢啦酥烤芝麻醬豬鞍條配白飯、是日例湯、油菜 $78叫咗一個芝麻醬豬鞍條套餐，豬鞍條有四、五塊，仲有啲蝦片，淋上芝麻醬，炸皮酥脆，芝麻醬味道香濃，配上白飯，套餐仲有油菜同埋是日餐湯，餐湯入面落咗紅蘿蔔、豬肉、薑等配料調味，味道清甜脆炸魚柳飯配粟米汁 $72另一個就叫咗炸魚柳飯，並且有粟米汁，炸魚柳好長一條，鋪喺白飯上面，白飯側邊就淋上一圈粟米醬汁，套餐包熱飲，揀咗阿華田，炸魚柳炸得香脆可口，魚肉嫩滑，粟米汁微甜，送飯一流，可惜粟米汁份量比較少，如果可以再多啲就會更好