茶聊

營業中

休息中

📍 茶聊前日同朋友去旺角樓上靚靚打卡cafe嗰度食lunch 冇去幾個月 佢哋嘅Menu轉左 多左唔少特別嘅款式😆 午市套餐仲包餐湯！-至尊漢堡 $158雀籠漢堡包造型超吸引😍 即刻高檔左 變咗hightea feel🤣漢堡入面有安格斯牛肉、炙燒澳洲黑椒腩肉片、芝士、蕃茄同埋沙律菜🥰牛肉都算厚 食落有咬口 又有肉汁 腩肉片雖然偏肥 但兩者夾埋又唔會太過油膩🤓除咗漢堡之外仲有薯條、沙律等薯條食落去外脆內軟 沙律都有唔少沙律醬同配料 口感豐富☺️套餐+$17 可以配蜜瓜青提茉莉🥰 叫咗少甜所以飲落去甜甜地 仲有一啲蜜瓜粒 口感都幾豐富😆 蜜瓜味都重！牛車水海鮮喇沙闊條麵 $88有唔少海鮮😍 eg. 墨魚、青口、蝦等 仲有泰式魚蛋串🥰雖然係喇沙 不過食落唔辣😆 啲面軟硬度都適中👍🏻不過如果有多啲汁就更好🤣 入味啲套餐+$20 配芝芝巨峰葡萄🍇 其實飲品都幾大支 奶蓋差唔多佔咗杯嘢1/3😋所以撈勻佢一齊飲 奶蓋味依然都好重😚底下仲有唔少葡萄粒😍 叫咗微甜 甜度對於我來講就啱啱好 好飲(˶‾᷄ ⁻̫ ‾᷅˵)另外午餐時段兩個餐都會配送餐湯～ 我哋就飲咗羅宋湯 鹹鹹地咁幾好飲🥰-大家睇完我哋嘅食評之後 想

旺角朗豪坊附近有呢間台灣店，之前都有睇過食評，但一直都未有機會嚟，今日收工經開旺角，所以就決定來試一試。餐廳一入去會有一個玄關，佈置得頗有少女峰，相信都係俾人攞嚟打卡嘅。打開份餐牌，餐牌上都有好多唔同款式嘅午市套餐，我自己就同朋友叫咗一個漢堡餐同埋一個意粉餐。朋友比較鍾意飲水果茶，水果茶可以選擇走甜，裏面有大大嚿西瓜、菠蘿，再加埋本身茶亦都有茶香，所以咁樣夾落去，走埋甜，茶嘅香味就更加出嚟，而且加埋生果，就一啲都唔苦澀。我呢一個就係髒髒黑糖珍珠鮮奶，未黎之前，其實都已經睇中左呢一杯野，我自己我諗都應該有一年冇飲過，因為平時自己都怕肥，但係今日難得嚟到，就決定試吓。飲落去，朱古力味冇想像中咁重，下面嘅牛奶係用明治牛奶，奶味都比較香濃，黑糖珍珠大大粒，我由於怕肥，所以冇食晒。我哋個套餐有兩個餐湯，餐湯係用薯仔打爛，再加埋忌廉而製成，所以飲落去，個感覺有啲似飲緊薯蓉。我叫咗呢個係至尊漢堡，至尊漢堡都好大份，而且連埋薯條、沙律，漢堡分左幾層，最外面嗰層嘅麵包，查咗好濃嘅牛油，中間係煙肉、芝士、漢堡，味道比較偏重，係好食嘅，但食完之後少不免要飲兩杯水嚟㗎一解渴。我朋友叫咗呢個係蔬菜炸薯餅配車厘茄

衝住鳥籠漢堡嚟打卡，試左勁爆芝士牛肉漢堡。鳥籠真係好吸睛😍枱枱都幾乎必叫。用100%安格斯牛肉做嘅漢堡扒好多肉汁，幾有牛味，反而芝士就係較為淡味，配蕃茄、沙律菜一齊食都唔算heavy，麵包又夠鬆軟，真心唔錯。而且份量巨大，兩個女仔食完都飽飽地，伴碟啲薯條勁多，食唔晒😂芝芝巨峰葡萄🍇呢杯真係好好飲🤩一開頭未攬勻奶蓋，會飲到好清新嘅提子味，酸酸甜甜。飲到一半攪勻左奶蓋又變左另一種味道。飲品勁大杯，跟餐只係加$20，抵。朋友果杯髒髒黑糖珍珠奶茶🍯都好靚

有朋友介紹話呢間餐廳好食，咁就去試下啦。距離港鐵站不遠，頗方便。裝修唔錯，座位尚算舒適，如果寬敞一點會更好😙Order左3款食物：至尊漢堡黃金流沙軟殼蟹龍蝦汁意大利燴飯京都丹波紫薯梳乎厘至尊漢堡🍔賣相好有趣，好似隻雀仔🐦咁住喺鳥籠裡酒面😃第一次見到咁有特色嘅漢堡包😆漢堡包🍔鬆軟，配料有安格斯牛肉🐂、炙燒澳洲黑椒腩肉片🐖，蕃茄片🍅、生菜🥬，仲有我最like嘅芝士🧀，凱薩沙律🥗薯條🍟。塊牛肉🐂好juicy，唔會乾，有肉汁。腩肉🐖都好味，唔會韌。鮮肉汁配搭沙律醬，味道好正喔，薯條🍟香脆😋黃金流沙軟殼蟹龍蝦汁意大利燴飯賣相都唔錯喔，不得不讚個飯，軟硬度適中。加埋龍蝦🦐汁、軟殼蟹🦀️，好有口感喔。最後到甜品時間😘，個紫薯梳乎厘真係無得輸。賣相靚不特止，味道仲要抵讚。紫薯醬好香，梳乎厘軟淋淋，配搭脆脆嘅紫薯片成絕配喔🥰今次用餐環境尚算舒適，食物高質，賣相靚，啱曬我呢類鐘意打卡嘅客人。雖然價錢有點貴，但係都算物有所值嘅。

黎左旺角區食野~ 呢個至尊漢堡用仿鳥籠上菜，小朋友見到已經好興奮咁發出讚嘆既嘩嘩聲🤣呢度除左特色飲品，仲有食物主打西餐至尊漢堡餐牌寫呢個系列既漢堡係100%自家手打安格斯純牛肉漢堡，呢個至尊漢堡我好欣賞佢有兩塊炙燒黑椒腩肉，為鬆軟既牛肉漢堡提升更豐富既脆口口感，芝士同牛油果配合埋味道好合拍，粗薯條配凱撒沙律，係味道之間平衡各方。髒髒紫薯鮮奶沙冰呢杯飲品造型好靚～仲有紫薯粒粒係杯內，奶味濃郁～小朋友同我都好鍾意呢杯飲品呀～呢度仲有電話亭同郵筒既打卡位，同光線充足既落地大窗，坐吧枱位置仲可以睇到街景架～餐廳仲有卡位坐。

今日約左朋友出旺角食飯，於是黎咗「茶聊」，呢到係樓上餐廳黎，坐位位置算寬敞，唔會話好迫，岩同三五知已黎傾計。黎到我地叫咗櫻花蝦靈芝菇卡邦尼意粉，黎個到個意粉份量唔細，食落去仲好creamy，又會食得出有櫻花蝦既香味，十分不錯。今餐飯令我最驚喜既係至尊漢堡，個漢堡送上黎既時候係有個籠裝住，外觀十分搶眼，呢個漢堡除咗有安格斯牛肉外，仲夾住炙燒澳洲黑椒腩肉片，十分惹味，另外仲有芝士及生菜，增加了層次感。飲品方面，我地就叫咗熱嘅四季春芝士奶蓋，飲落芝士味同奶味都重，鍾意芝士既人唔可以錯過。

哇，8xx個好評/Like ，堅唔堅架？一直bookmark左呢間餐廳因為openrice話係最優秀餐廳之一😌，今晚終於試左😎 答案係: 堅! 又真係唔錯。食物份量同quality係得，食物賣相靚同埋有d幾creative既名同菜式。環境舒服，枱同枱之間有適當既空間，唔會好逼或隔離枱聽到晒你講既野。欣賞個燒雞沙律，真係有一舊舊大雞肉，唔係比d雞肉粒/碎。有杯野飲叫鴨屎，幾gaps，個味道真係似鴨屎xd影埋menu, 大家可以睇下。小妹總結都係會比個Like

諗住去一間打卡都吾錯既cafe 📷最後揀咗呢一間 前一日已經係OpenRice book咗枱一去到入去個下覺得好靚咁 再行入小小原來空間都吾係十分大，係有個窗枱位都算係咁入面就主要都無乜特別野可以打卡😂淨係對d食物打卡講下野食先叫咗呢邊髒髒黑糖珍珠鮮奶幾好飲 好特別 飲落去過下有d似Tiramisu既味道之後仲叫咗一個意粉🍝同埋美式burger🍔Burger不錯不失 正常發揮個意粉其實個味道不錯 有少少辣辣地 但係啲意粉真係太硬食落去都唔似平時意粉嘅感覺 好硬 試一次夠了

原隻龍蝦包配薯條龍蝦加入醬汁來凸出龍蝦鮮味，再讓入包內，咬落去啖啖龍蝦肉，而且包外脆內軟，兩者配合一齊，十分滋味。薯條炸得十分香脆，咬落去亦啖啖薯肉，點茄汁醬更加好食。而旁邊沙律菜，十分新鮮，食幾啖薯條後，感到油膩，可食沙律菜去油膩。成個餐放得十分精緻。髒髒紫薯鮮奶(沙冰）明治鮮奶系列，底是鮮奶裏面有濃濃紫薯味道，差d誤以為自己食緊整個紫薯，而頂有紫薯蓉，增添口感，而且外型整到好似太多滿瀉感覺，好配合髒髒這個名字。因飲品而吸引入黎，用餐後竟有驚喜。

行完旺角搵間cafe想坐下既話，非常推薦去呢間菜聊，位於朗豪坊旁邊，位置非常方便，而家環境都好好，樓底好高，加上幸運地咁次店家安排到一個比較闊既位，坐得好舒服。至尊漢堡 ＄158漢堡包含左 烤豚肉同特制牛肉漢堡，佢既調味恰到好處，控制得岩岩好，香口而且好惹味。另外薯條同沙律菜都好出色，值得再黎食。牛車水海鮮喇沙闊條麵 ＄88唔錯既特色闊條麵，配搭好香既喇沙味，的確有種特別既風味。水鮮都好新鮮，調左味，有心思。黑糖珍珠鮮奶（熱）＄16 黑糖味好出，而且大大杯，一邊傾計一邊飲。楊枝甘露茶 ＄20大大杯好足料，好飲。

一直好受歡迎的樓上cafe地點非常方便在旺角朗豪坊附近裝修十分舒服 有打卡位環境清靜 啱哂同朋友好好傾計個人推介漢堡包有三款選擇只係材料上有少許分別我揀咗配料最多嘅#美式特盛漢堡有安格斯牛肉、加拿大煙肉片、芝士、青葱炒蛋、焦糖洋蔥，蕃茄配凱薩沙律薯條賣相非常吸引用純白鳥籠包裝 大家影完相之後店員會好貼心幫你拎走嘅鳥籠方便進食即叫即整 薯條新鮮香脆熱辣漢堡包非常高質又足料足夠兩個人分享牛肉好Juicy 配煙肉更加惹味炒蛋嫩滑 蕃茄香甜多汁加上焦糖洋蔥的微甜好有層次#牛乳雪山龍眼冰有真正嘅龍眼肉沙冰質地 好清新 唔太甜

年尾清假放半日，想舒舒服服同朋友食個LUNCH，最後揀左位於旺角既『茶聊』，鄰近地鐵站好方便～餐廳裝潢時尚摩登，滿滿都係打卡位，同朋友獲安排坐梳化位，夠哂寬敞舒適。🔺蕃茄濃湯 (是日餐湯)✨熱辣辣上枱好暖胃，入口酸酸甜甜夠哂濃郁又香甜。🔺美式特盛漢堡配凱撒沙律、薯條✨新出呢款鳥籠漢堡岩哂打卡，成個擺盤都好靚，好吸晴！選用安格斯牛肉，油花均勻，肉質相當豐滿，入口鮮嫩多汁勁JUICY，配埋半融芝士、煎至香脆既加拿大煙肉片、仲有嫩滑十足既青蔥炒蛋、香甜焦糖洋蔥，大大個漢堡，真係超滿足～伴碟仲有凱薩沙律，爽脆清新好開胃；粗身薯條即叫即炸，香脆鬆化唔油膩！🔺牛車水海鮮喇沙闊條麵✨闊條麵煙煙韌韌好有嚼勁，配喇沙醬汁炒鮮香惹味，配料有多款海鮮，推介爽甜鮮蝦、肉質嫩滑既青口同外脆內嫩既蔗蝦。🔺髒髒黑糖珍珠鮮奶✨賣相一流，一上枱即刻相機食先～選用明治鮮奶，特別香濃順滑，黑糖珍珠Q彈煙韌有嚼勁，飲落香醇順口唔甜膩～🔺芝芝巨峰葡萄✨芝士奶蓋豐厚滑溜，巨峰葡萄沙冰清香夠哂FRESH!仲附有幾粒巨峰葡萄，香甜又多汁～

呢間旺角樓上cafe茶聊 環境寬敞舒適，一入門口已經見到不少打卡位，而且食物都好靚，非常適合同朋友聚會影下相。🔸鳥籠漢堡呢款新出既鳥籠漢堡，用左曼谷東羅區特色文藝鳥籠盛載，真係打卡必備！鳥籠漢堡一共有三款，我地就揀左至尊漢堡。至尊漢堡有100％自家手打安格斯純牛肉漢堡，灸燒澳洲黑椒腩肉片同埋芝士，口感豐富而且富有層次，除左有牛肉嘅香味外，仲有燒香左嘅豬腩肉，油香味濃。🔸芝士汁大蝦意大利燴飯充滿芝士味嘅意大利飯飯身煙韌，汁稠但不膩，香濃又Creamy。配上幾隻爽口彈牙嘅大蝦，可以中和一下口感。🔸芝芝巨峰葡萄芝士奶蓋非常出色，夠厚之餘芝士味亦濃郁，但呢杯飲品最驚喜嘅係入面竟然有原粒巨峰葡萄！🔸髒髒紫薯鮮奶沙冰紫色靚到令人難以抗拒呀，視覺效果滿分。上面有啲紫薯粒粒增添口感，飲落啖啖都係濃厚嘅紫薯，真係必飲推介

之前見到朋友食 佢嘅髒髒朱古力好似非常吸引 就嚟食個下午茶上去walkin攞都等咗大約15分鐘Walkin似乎冇得坐卡位安排左我哋坐最近門口嘅吧枱位如果出面有靚景就仲好啦髒髒系列就一定要叫返杯揀咗髒髒黑糖珍珠牛奶（對店員唔小心講咗奶茶 而佢哋用嘅係純牛奶😜)因為下午茶唔食太多仲叫咗一個炸雞粒同埋意粉上菜速度都非常之快 大約10至15分鐘已經送到呢杯嘢飲實在係好啱打卡賣相就有啦 味道都係唔錯嘅可能我本身唔係話非常鍾意黑糖味但呢杯野都唔算好甜亦都有充分嘅鮮奶香味都值得一試叫咗個芝士南瓜帶子意粉兩粒帶子就真係幾鮮甜好食又大嚿好似係刺身帶子嚟嘅 可惜就係個南瓜汁意粉味道好淡而又冇足夠嘅材料可以配搭去食個意粉有時都覺得帶子意粉比較唔抵食因為永遠都係得兩粒🤣炸雞粒係配魔鬼辣汁比想像中辣 食左第一粒就要狂飲嘢解辣口感有啲似某快餐店的巴辣脆雞粒但色偏紅啲 都幾好食另外叫感杯奶蓋四季春就比較普通啲建議都係飲返髒髒系列又可以打下卡整過食物質素唔算好高當然佢有其他吸引嘅嘢我哋未試但主要都係為嘢飲嚟(⁎⁍̴̛ᴗ⁍̴̛⁎)服務亦算好好 我哋唔小心打瀉左杯嘢佢哋都好細心同快咁處理下午茶時段亦無特別限坐幾耐想坐下飲下嘢傾偈

係個fd book 但係最後個fd 無出現,無食過呢間,所以去試下咁啦.行到去附近,如果唔望真D其實真係唔知個位置係邊,因為佢得一個細細地既招牌係入口位置, 係KFC對面.我覺得間鋪收銀對面個位置係幾令,但係因為係一排過對住個落地窗口, 單人座/2個人坐都,但就唔岩一班人座.因為間野係要出去嗌野食同比左錢先,所以大家要留意野食total 叫左3樣野, 我地有4個人食既, 份量都夠食1. 全日早餐由於幫人出去嗌野食,番到位D朋友已經食左,所以無影到相,味道同普通一樣,無咩特別2. 美式特盛漢堡個賣相好令,同埋上菜好特別,跟住個鳥籠上,味道不過不失,對我黎講係ok3. 岩鹽輕燒加拿大刺身帶子南瓜芝士汁意粉本人覺得個意粉一般,因為食到落底個意粉係硬,唔知係咪因為煮得唔夠熟,但個汁係唔錯 我自己就叫左杯髒髒黑糖珍珠鮮奶,甜度/冰都可以自己揀, 對我黎講同出面既鋪頭差唔多,但個賣相真心一流!我覺得呢個鋪頭for食物打卡多,佢既食物擺設同賣相都好好,但係唯一一樣野唔係咁好,佢有限1.5小時,夠鍾就會趕人走, 同埋我個時想嗌個梳乎厘都唔會比我叫,如果係想坐得耐既人就唔建