茶聊

營業中

休息中

黎左旺角區食野~ 呢個至尊漢堡用仿鳥籠上菜，小朋友見到已經好興奮咁發出讚嘆既嘩嘩聲🤣呢度除左特色飲品，仲有食物主打西餐至尊漢堡餐牌寫呢個系列既漢堡係100%自家手打安格斯純牛肉漢堡，呢個至尊漢堡我好欣賞佢有兩塊炙燒黑椒腩肉，為鬆軟既牛肉漢堡提升更豐富既脆口口感，芝士同牛油果配合埋味道好合拍，粗薯條配凱撒沙律，係味道之間平衡各方。髒髒紫薯鮮奶沙冰呢杯飲品造型好靚～仲有紫薯粒粒係杯內，奶味濃郁～小朋友同我都好鍾意呢杯飲品呀～呢度仲有電話亭同郵筒既打卡位，同光線充足既落地大窗，坐吧枱位置仲可以睇到街景架～餐廳仲有卡位坐。