茶痴 (文咸東街)

營業中

休息中

行過發現上環開咗新飲品店，試咗奶茶加珍珠。鋪面唔大，我喺入面諗咗好耐，有啲唔好意思，不過男店員好好，介紹到飲品有咩特別，仲好殷勤地邀請我哋試飲。唔知有冇少冰少糖選擇，一切正常好好飲，尤其係啲珍珠，又甜又煙un！同事試過都覺得好味。唔應該飲咁多無謂嘢，如果下次返工時間再想飲珍珠奶茶，個quota會留比呢間。

好一陣之前試不過見openrice間店舖未起出黎所以寫唔到。果日同姊妹試完間cafe，有啲唔夠飽。行過見新開張就想試下。我戒哂珍珠奶茶果啲好耐，因為太唔健康太肥，不過見到呢度有啲健康啲既選擇。純茶系列較為健康，而選擇都多！佢既冬瓜茶可以叫走甜，因為話說天仁係無呢個選擇的。寒天卡路里低又頂肚，所以試下加埋。佢既冬瓜茶都有一系列茶底俾你揀。我話想要清啲，佢就推介左純金萱烏龍（其實我都唔太識分）。叫埋走冰就係王道。收到第一下係覺得個公仔好得意。第二下就係略嫌太凍，話說佢熱同走冰中間無常溫既選擇。飲落去完全唔甜，茶味清清地，唔會苦。寒天波波好Q彈，好有咬口。絕對會回頭幫襯！佢配料有芝士粒粒，好搞笑，可能下次試下。