31
7
1
港鐵上環站 A2 出口, 步行約2分鐘 繼續閱讀
所有分店 (2)
電話號碼
62999388
營業時間
今日營業
11:00 - 20:00
星期一至六
11:00 - 20:00
星期日
12:00 - 19:00
付款方式
現金
食評 (55)
等級4 2021-03-30
2545 瀏覽
係上環食完野經過呢間排長龍既茶飲店,先知佢係人氣奶蓋茶飲店,呢間小店之前未聽過,但佢由2019年開業半年內已經變成人氣店,呢家連九龍灣都開左新分店。朋友飲過話似喜茶,甚至比喜茶更好飲,鍾意奶蓋茶既我一於就去左試。呢間茶痴主打芝士奶蓋茶,最人氣既飲品有綿芝白桃烏龍、日本青森縣蘋果、黑糖珍珠鮮奶,另外綿芝四季春都係店鋪推介。當日係星期日下午三點到,去到已經有8-10人係我前面等緊野飲,等左大概十分鐘就有。-🧋 綿芝白桃烏龍💰34 (👅: 9/10)呢杯係佢地招牌、都係最多人叫既奶蓋茶。如果淨叫白桃烏龍$25,計返芝士奶蓋要$9,價錢黎講算貴小小既奶蓋茶。買完之後奶蓋唔會話好快就同茶MIX左一齊,即使走冰都唔會塌落去。白桃烏龍飲落清甜唔會過甜,烏龍唔會苦澀,有淡淡嘅茶味,白桃味唔算突出,味道清新消暑解膩。至於佢既芝士奶蓋更加係錦上添花,奶蓋偏厚實綿密,份量足夠,味道偏濃但唔過甜,會飲到芝士既咸香同時又飲到cream味,鹹甜味道平衡得好,cream味比較重,飲落似new york chesse cake味道,濃稠既質地入口係滿口creamy既感覺,滿足得黎又唔覺heavy,因為有白桃烏龍平衡奶蓋既膩,奶蓋份量足夠有接近3分1個杯咁厚,飲到尾仲可以同時飲到奶蓋同茶,奶蓋上既抹茶粉令到奶蓋既香味提升。-🌟雖然奶蓋茶偏貴小小,市面既奶蓋茶都係大約20幾,但絕對係有質數既奶蓋茶,白桃烏龍唔會太甜,同奶蓋平衡非常好,令到成杯唔會太甜太膩,奶藍份量多夠厚,CREAM味CHEESE味兼備,飲落口係滿足,話係全香港最好飲既奶蓋茶實在不為過。而且仲有學生優惠,買綿芝醇茶、醇茶、鮮奶系列第二杯半價,學生們可以唔駛比咁貴試到呢杯問鼎全香港最好飲既奶蓋茶。-👅味道: 9/10🍴環境: 7/10💰消費: $34 (服務費: NA) 繼續閱讀
(以上食評乃用戶個人意見 , 並不代表OpenRice之觀點。)
等級2 2021-07-04
0 瀏覽
有日經過上環 終於試左茶痴! 叫左佢地出名既綿芝白桃烏龍奶蓋試下😍 叫左少甜少冰 飲落好清新既白桃味 加埋一層奶蓋 甜度岩岩好🤤夏天叫一杯簡直係幫我降溫呢!!!🥳依間會再encore! 希望佢係其他地方都開分店啦 咁就可以多d機會飲到佢啦🤣🤣 繼續閱讀
(以上食評乃用戶個人意見 , 並不代表OpenRice之觀點。)
等級2 2021-07-02
122 瀏覽
超級鍾意飲芝士奶蓋,試左好多好多間,覺得呢間係其中一間值得推介既!平時好少去到上環個邊,但因為朋友強烈推介呢間,就專程過黎一試!(試完仲可以順手去隔離街食Jacomax!)綿芝白桃烏龍 $34 (8/10)佢個芝士奶蓋做得真心好好!好香芝士味,甜度亦岩岩好,而且唔會好稀!要做到呢幾樣野其實唔容易!太稀的話,轉頭就同啲茶融為一體;太濃的話,又勁難先吸到上黎個人認為個芝士奶蓋值9分!至於茶底,我要左半甜,呢個甜度對我黎講岩岩好但茶底方面就冇個奶蓋咁令人驚豔,白桃味唔算好濃如果下次再黎,會想試芝士奶蓋四季春!朋友話呢間野長期多人,尤其係下晝,分分鐘要等成粒鐘!我個晚七點Whatsapp落單先,七點半去到就岩岩好有得拎建議大家都電話落定單先!(Deliveroo每杯都貴幾蚊,建議直接Whatsapp同鋪頭落單,傳單上面有佢電話,可以去餐牌相片個到揾到) 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-17
175 瀏覽
上環唔止佢一間茶飲店,今次特登行去搵佢,都係因為聽人地講話佢地嘅奶蓋好好味🤭😍講到咁誇張,緊係要試下啦🤪.綿芝日本靜崗抹茶 $39.知道佢地最出名top1係白桃烏龍,不過個人都係最鍾意matcha🤣🤣先講佢地嘅抹茶,抹茶味唔算超級超級濃但一啲都冇偷工減料,抹茶粉同奶嘅比例都好好又唔會澀得濟,甜度我要咗少甜,岩岩好👍🏻重點!奶蓋!真係好好味😍奶蓋好厚好綿密,芝士味濃,鹹甜度夾得好好,令人想每一啖都飲到奶蓋!不過佢地嘅奶蓋要$9,希望份量可以再多啲🤣🤣 繼續閱讀
(以上食評乃用戶個人意見 , 並不代表OpenRice之觀點。)
等級2 2021-06-08
198 瀏覽
炎炎夏日,咁啱喺上環,搵吓附近有咩未試過嘅珍珠奶茶,見到呢間好多好評,雖然又熱又多人,都去買杯試吓啦。行到入去,聞到好濃嘅茶味,好似好吸引,買咗杯original啲嘅紅玉鮮奶茶加珍珠,結論係,真係唔好飲,真係唔好飲,真係唔好飲珍珠唔夠咬口,冇乜味、好淋;奶茶似普通港式餐廳嘅台式奶茶,茶味太苦,奶同茶都唔夠香滑,再講多次,真係難飲。見到好多好評係讚佢嘅奶蓋同水果茶,可能真係好出色⋯⋯⋯但普通珍珠奶茶就真係不了 繼續閱讀
(以上食評乃用戶個人意見 , 並不代表OpenRice之觀點。)