茶樓 (已結業)

Poly既學生我相信每個人都食過新Can樓上既茶樓喇！一埋位就自己斟茶定餐具，再去點心部度叫野食，好正！我地一大圍人叫度成枱都係，再叫埋佢散叫既炒野，真係好飽！想推介佢既咸水角、腸粉，下午turnover rate高，新鮮即整，非常好食！總結：茶樓性價比，堅高！

我個人認為香港最特別嘅飲食地方一定就係茶樓不過最麻煩嘅就係去茶樓飲茶一定要一班大朋友咁樣先可以點好多嘢食可惜我今日得我一個人唔緊要啦就大食啲啦叫咗一碟 滑蛋牛肉飯牛肉係一大塊牛肉餅而且亦有啲鹹不過份量就啱啱好價錢又適當此外嘅特登叫咗一碟鳳爪喺我食過咁多間餐廳之中你間房找就係最難食嘅皆因可能佢煮得太耐而且用上雪藏嘅鳳爪所以如果建議嘅話我都會叫大家唔好食呢個啦此外因為餐廳嘅位置比較少所以坐落都會比較擠迫

呢日女友喺PolyU上堂。上完堂去靚can睇有咩食，點知是日包場，結果我地決定喺PolyU嘅茶樓食個輕盈少少嘅晚餐。原來夜晚冇點心，唯有叫咗個豬手雲吞撈麵。好大碟，一貫大學餐廳風格，但質素合格嘅。豬手夠淋夠入味，好易骨肉分離。雲吞皮薄，入面餡有少少蝦，但隻味好似唔多新鮮。整體嚟講ok啦，不過茶樓最好都係食下午茶，點心質素普通但以價錢取勝。環境就真係每次嚟都有隻怪味，坐多陣都唔舒服，下次晚餐都係食其他。

足料糯米雞中國傳統。非常足料又大件好抵食。裏邊有條臘腸好有味道。豬軟骨飯豬骨用滷水煲到好腍好容易食，配上他們的飯一齊焗，我要做到色香味俱全。普通市民都可以享受得到。而佢哋嘅普洱茶比較濃。有胃病嘅朋友小心。希望復活節再食。

朝早約咗大班同學去飲茶，人均都係四十幾一個真係抵到爛，如果要出去茶樓飲茶又要等位而且價錢又貴，理工茶樓簡直係學生嘅恩物而且味道方面唔輸出面嘅茶樓，碟碟都大大件好抵食

返工lunch time日日出街食真係會窮經同事介紹行去poly飲茶，估唔到咁平咁抵食！味道仲要唔差呢道飲茶同想像中既茶樓有好大分別 係好似canteen咁，自己霸位，拎餐具，拎點心紙排隊攞點心，最後用點心紙係門口埋單Lunch time真係好多人，同學生一齊排隊覺得自己好青春野食方面種類都算多，點心介乎$15-25一籠，基本蝦餃燒賣牛肉球蘿蔔糕都有，亦有蒸飯$20左右，炒粉麵就$40-$50大大碟，樓面嬸嬸落單4個人share，叫左8樣野，埋單$40一個，食到勁飽如果唔介意好多人比較嘈、要自助拎野食，只想食下點心，真係不錯選擇

帶著兩個年幼的小朋友👧🏻👶🏼去到紅磡，本來想去科學館參觀，到了火車站經過理工大學，很想先醫飽肚，但想到尖東的餐廳有機會要排隊，帶着兩個小孩又不能去很逼夾的餐廳，所以就走進理工大學的餐廳。晚上理工大學的人流很少，帶著兩個小朋友，不擔心要等位置，可以輕鬆坐在卡位，地方非常闊落。👍🏼晚上飯類的選擇不多，有炒飯及和風鐵板燒，金瓜菜粒炒飯很大碟，比得起出邊的茶餐廳。另有粥及麵類可供選擇。我們叫了皮蛋瘦肉粥，不算太鹹，所以小朋友都可以食。

有驚喜既牛腩撈麵!!天氣熱咪留係學校食野囉 去茶樓不嬲都係食開點心 抵食得黎質素又唔算差今次試下佢既粉麵部!! 比想像中好食wor 仲要唔貴! 25蚊炸 食兩個點心都唔止啦😳 睇住姨姨夾住條牛腩剪做4舊 中間位肥瘦岩岩好 一d都唔韌 少少爽口! 仲有d油香 有少少入口即溶既感覺~~😍其實我嗌牛腩 佢竟然比左好多牛筋 好淋好滑嘟嘟 仲食到佢既膠質!!麵都算爽彈 腩汁幾香 底下d生菜吸收曬腩汁😈 份量都夠飽 不過食完小口渴...但都係叉燒飯既道理 可能係我好彩食中舊靚位hahaa不過總括黎講同其他canteen比 呢個麵CP值爆燈!!

Polyu 飲茶真係好平！ 成日都係30-50$ 就搞掂 食到飽🙈 而且食物質素唔錯 幾好食tim！ 又有大台 成班10幾個人黎食開sem 飯 又可以傾到計！方便！蝦餃4 粒 彈牙😍珍珠雞 3 個😋 必encore 腸粉 好好食😆 最鍾意粉皮煎得夠脆😆蘿蔔糕❤️❤️ 煎得好令！

又要到理工大學工作 唔想食canteen 兩餸飯同事叫去 4樓食 粥麵 點心就在其中一個canteen 的樓上同事話仲有盅飯 不過 好搶手 要1230前去到 碰運氣我們早左做完野 去試試 有兩款 牛肉 和鳳爪排骨 我叫了後者 份量係正常 茶樓size 但只係10幾蚊食一個夠晒飽 放工路過尖東 一個盅飯都要20蚊 雖然係多d 選擇

如果係理工大學想同一大班人聚會，食開sem飯既話，咁就一定唔可以錯過茶樓！呢度同出面嘅茶樓一樣都有各式各樣嘅點心同埋炒炒面，好好食之餘價錢仲要好抵！一大班人每個人食到飽晒都係四十幾五十蚊就埋到單😋😋😋除咗食點心之外，呢度其中一樣唔可以錯過嘅嘢就係芒果布甸，我哋10幾廿個人一齊去食，個個都食到好飽，但係依然會每個人都食埋個芒果布甸先至停手！！😆但係呢度lunch time嘅時候好熱鬧，如果要好多人一齊去食嘅話，一定要預早搵人霸定位先😤

返左工之後好日都唔會返一次去飲茶, CANTEEN 飲茶冇乜好, 唯一好處就係夠平, 特別係下午茶, 以前大中小點都係9蚊!不過都係好耐之前O既事, 依家下午茶好似變左11定12蚊一籠, 不過都平過出面好多好多, 特別係唔使茶錢同埋加一, 可以慳返籠點心!嗌左個珍珠雞, 食完以為會夠飯, 最後都係嗌埋雞包仔同埋蘿蔔糕珍珠雞其實同叮叮點心差唔多味,有D 汁, 有幾粒肉粒咁, 都食得落O既雞包仔......以前雞包仔入面真係有舊雞, 依家得返D 醬...都幾失望最正常都係蘿蔔糕, 有D味, 加甜醬辣醬就好食O既.., 下次都係嗌返燒賣蝦鮫穩陣D! 

今次黎到poly training, lunch就去附近學生茶樓試下, 自從畢左業之後都無係大學canteen食過飯, 入到去都真係有d懷念本身openrice個名, 以為係普通酒樓, 點知入到去係自助既形式, 自己搵位, 拎點心卡, 去拎野食再蓋印仔, 再自己比錢, 點心價錢相宜, 變相唔洗收茶錢加一, 所以都幾多人食, keep住坐滿。餐廳有點心, 麵檔, 粥, 蒸飯(當日售罄), 炒粉麵等等, 選擇都幾多, 咁我地今次就叫左好多點心, 食左2round, 不過總括黎講, d點心都係蒸定放係到, 所以d粉果皮/蝦餃皮都淋晒, 但炸野都ok, keep住暖又唔會出晒油。另外試左撈麵, $25有雙拼, 不過就等好耐, 因為得2個人煮, 不過個麵鹼水味唔重, 雲吞都幾好食, 反而粥果行就無人排啦, 天氣實在太熱本身想食炒粉麵, 見到間唔中都有人食緊, 但問reception又話今日有飲宴所以廚房唔炒, 真係好奇怪不過overall 性價比都唔錯, 質素中等, 味道都ok, 食到飽都係每人$30左右, 學生真係好幸福呀

今日晏晝食過份量超少，冇味道可言嘅午餐後，放工後趕番學校醫肚！上次同老公嚟食晚飯，食過佢點嘅生炒牛肉飯後，覺得唔錯，今日自己食，決定番叮！呢度嘅姐姐服務好就唔洗講，嘢食又得！呢個飯即炒，送上嚟仲熱辣辣！味道好之外，份量仲係我今日晏晝嘅 2 倍！喺 poly，呢度係我覺得唯一一間對待食物為食物嘅學生 canteen （三間學生 canteen 嚟講），其餘 2 間夠膽死喺我面前用手拿啲菜放落個碟上面，真係好侮辱食客我，同唔尊重啲食物！所以我寧願俾多十幾蚊上 4 樓呢度！而收銀姐姐同樓面姐姐都非常有禮，好有親切感！喺度食嘢，真係食都食得開心啲！同樣俾美心承包，真係唔明點解 3 間 canteen 咁大分別！

我自小就非常熱愛「飲茶」，不惜早上同公公婆婆同枱共飲 當中最愛「流沙」系列&煎炸野，咸水角，春卷，基本上茶樓的炸嘢，全部我都啱我都係，表皮特別甜，荔芋角暖暖地既，酥皮脆卜卜，正啊！