茶屋町 (長沙灣道) (已結業)

< 食物由日本運到 >想去日本旅行，又忙得不得了，最好就係喺日本餐廳，感受下日本風味。 呢間餐廳好特別佢係沿用90% jp日本鐵路站嘅裝修。 <丼飯>通常是以較大尺寸的碗在米飯上盛裝包括魚肉、肉類、蔬菜或者其他料理而成。 今日食一餐真係好巨型， 只係普通餐廳 一分半嘅食量。 叫咗份芝士唐揚雞肉丼78hkd ，上面一層厚厚車打嘅芝士， 佢係一堆炸好嘅雞肉 粒上面，再配上芝麻醬， 一上臺的氣味已經公上個鼻度。甜點: 玉子，蕃薯2舊是曰漬物: 海帶 麵豉湯: 材料多，味道濃， 豆卜好入味,推推推! 日本原味波子汽水味 12hkd<支筆好pro>6:30pm 入座7:30pm 離場

深水埗一向係臥虎藏龍之地，是日午餐去到深水埗搵食。今日食嘅茶屋町就係其中之一。從門外睇已睇得出裝修花過唔少心思，好似一座日式建築咁。入到店內係簡潔嘅日系裝修，模仿日式火車車廂佈置，好似坐喺火車上食便當咁。一坐低，侍應就遞上半杯茶及餐牌，正好奇點解茶得半杯之際，發現原來枱上有一個壺裝滿茶，可以自由無限添飲。再望下個餐牌，餐牌設計簡單易睇，食物全部都有相，對於我呢啲等一次黎嘅客人都可以輕易地睇住啲圖片點餐。餐牌上嘅甜品非常吸引，但實在太肚餓嘅關係，決定都係醫左肚先。點左個賣相相當吸引嘅吉列芝士黑豚配咖喱飯，原來午市套餐係跟麵豉湯，仲有送甜品雪糕，非常豐富。首先送上嘅係熱辣辣嘅麵豉湯，味道唔錯。飲完湯，吉列芝士黑豚隨即送上，用便當盒裝住嘅食物食物一上到枱已聞到陣陣嘅咖喱嘅香味，成個餐盒分開一格格，中間有漬物，旁邊有前菜甜蛋、迷你甜蕃薯同海帶，吉列芝士黑豚，白飯同咖哩汁分別放喺唔同格內，賣相非常吸引。份吉列芝士黑豚中間係流心，切間嘅黑豚中間見到啲芝士流出黎。白飯係用北海道米煮成，加左少少飯素喺面，食脆脆地嘅感覺好特別，外脆內軟嘅芝士黑豚沾上咖哩汁食亦非常夾。最後食埋原味及抹茶混合雪糕就完滿結束

地點非常方便，距離地鐵站不消一分鐘便到。大大張松葉蟹poster, 店員見到我在觀看，便細心上前介紹，好吸引呀！下午六時供應，晚市時段一定要試試！店舖不算大，但服務真的要讚，未食已經感覺到店主的誠意，主動介紹午市餐單，相信現今已很少店舖做得到。唔夠時間食全蟹，便食這個海膽松葉蟹肉意粉餐店主話呢個餐盒是日本媽媽為孩子設計的便當。一份餐，主菜之餘又食到玉子甜薯茶大福，好豐富！意粉是由海膽，鰹魚，料理酒混合而成1。是真蟹肉呀！鮮甜！跟餐附送的幼滑雪糕，茶味vanilla味啱啱好！那靚靚蝴蝶是糯米紙，連雪糕食就好似食白兔糖咁，好特別！$78 的午餐，好食又抵食！定必encore, 下次要o黎食晚餐！

趁放假就同朋友食下野先今次一個鍾意日本野嘅朋友帶我黎到呢間食丼嘅地方好少黎到深水埗有啲新鮮haha首先黎左個麵豉湯味道好濃，但又唔係好鹹亦都唔油仲會有少少配料，所以一D都唔HEA叫咗罐汽水好似除咗可樂個啲未試過呢啲 但好似有啲甜不過個時熱熱地飲就好爽之後叫咗個燒豚肉丼($86)呢個係朋友食既，我都有夾一塊黎試下~燒豚肉係有用埋醬去燒既，好入味，而肥脂既位都平均一塊仲要係好大塊而上面都有少少蔥可以一齊食，感覺更加重口味!用黎配飯食好好芝士唐揚雞肉丼 ($78)一見到係勁多料同芝士，係滿晒出黎咁!!!雞肉好JUICY同埋個外皮炸得好脆，但唔會好油芝士味都好濃而飯就覺得多左少少最後如果追加係有得平少少架牛奶+抹茶白玉紅豆雪糕係+$22!!!平時出去甜品鋪食可能仲貴!!因為朋友鍾意抹茶所以先有叫我覺得可能叫單一個味好D2個味都好濃，加埋一齊會淡左個抹茶味而紅豆配抹茶係好MATCH牛奶味都好濃不過個雪糕都幾快熔下，要快快手食晒佢XD

一個人收工食晚飯，用apps搜尋左這間日式鋪，見食物相好似唔錯，我又去食下先。麵豉湯，個碗幾靚。燒豚肉丼($86)，豚肉約有9片，燒至迫晒油份出黎，每片都好光澤油份，淡淡油香，半肥膏半肉，食落都好腍。跟餐小食，蕃薯仔可以成粒食唔使剝皮，好甜，另外仲有玉子，食落有蛋香味。大合照，豚肉飯其實食完都幾飽，而且賣外都ok。密瓜梳打($12)，幾重密瓜味。賣單先注意到可以無限忝加米飯，但我自問唔算大食，所以冇加。

當日中午好肚餓,無意中發現呢間位於深水埗市中心好有日本feel嘅餐廳,這間餐廳以日本火車系列為主題, 令人聯想到跟旅行有關。飯盒形式presentable, 好精緻且豐富。睇到個樣已經好吸引。啱曬我呢個貪心嘅人。靖魚本身好有營養，加上他們的麵豉湯，簡直就是perfect match!😘配上牛蒡,唔會覺得太鹹,反而覺得有好清新嘅味道。一試難忘。他們自配的綠茶非常有茶味, 值得一試。魚肉沒有因為烹調變得太結實,加上燒汁,以及海帶沙律,食後有一種回甘嘅感覺。燒的程度沒有過火, 有機會值得一試。

我覺得，店主比較喜歡日本鐵路，JR 列車,這是一間非常有特色的店鋪。第一啖試試麵豉湯, 噉到面試的油香,相反不覺得鹹, 而裏面有兩嚿豆腐。然之吃他們的靖魚便當，非常有餘香。條魚煎得好靚富有光澤，魚生好厚好大塊，占了飯盒一半的位。魚油香味湧出來，燒的程度剛剛好。加上獨有的燒汁非常好好送飯，加上麵豉湯的味道，令人所有壓力消失無影無蹤。可惜一塊對我來講不夠。最喜歡有綠茶小點，令人有一刻回甘的感覺。既溫馨又有特色的小店鋪。😘😊我都希望再來食多次。整體環境舒適。

深水埗自從明將之後，都在冇一間特別出色嘅日本料理值得一試。最近行過竟然見到新開呢間茶屋町，主打比較平民化嘅日式便當。🔹吉列雞扒便當 $62 當初以為佢係原塊雞扒切件，但原來係類似南蠻炸雞或者唐揚雞件，煮法比較特別！ 而且重點係佢連雞皮一齊炸，相當有驚喜！ 白飯方面自然用左日本珍珠米，加上少少嘅飯素，有畫龍點睛嘅效果！ 雞肉炸完出嚟唔會乾身，咬落比較嫩滑之餘仲有肉汁。 而咖哩汁就比平時嘅淡，冇乜特別。 跟餐仲有三粒日本小甜薯，係我最鍾意嘅蔬菜！仲有三條醃製過嘅牛蒡，都係一啲日本嘅傳統醃製品 。仲有相當精緻嘅甜蛋 ，咬落去覺得味道啱啱好，一啲都唔係死甜果種難頂既味道！ 除此之外，仲有自家製嘅日式麵豉湯，湯裏面仲有豆腐卜，喺深水埗小店嚟講都算係幾得出，相當有誠意！分數: 7/10

🔎秋刀魚丼 $78今次係第二次嚟深水埗茶屋町食嘢，上次已經試咗佢嘅鯖魚，今次當然要試下秋刀魚喇！本身以為佢會原條煎完就上碟， 但原來廚師已經好有心機咁幫我起咗骨、切成魚柳，方便我食，真係好窩心！味道方面一如所料同上次鯖魚一樣相當惹味，除咗本身煎得好香口之外，火喉亦控制得好好，唔會過火！調味方面，燒汁嘅味道相當配合，唔會太鹹或者太甜，面而鋪喺面嘅嘅蛋碎都有點綴嘅作用，與秋刀魚魚肉一齊食，你都會感受到唔同嘅效果，好特別！同場加映仲有佢跟餐甜品，類似日本草餅嘅抹茶味甜品 。咬落去好煙韌 ，但又唔會好黏口 ，都幾得意！跟餐嘅他麵豉湯誠意十足，除咗有別於出面舖頭開分之外，仲特別加入咗豆腐卜，真係誠意十足！🍽7/10🔎 茶屋町深水埗長沙灣道217號

平時掃街（食野）都會係旺角，今日轉轉地點，改去深水埔啦！掃街都有小許飽但想起之前抵食好味的《茶屋町》就忍不住了！ 就近深水埔地鐵站 A1出口步行1分鍾麵豉湯 跟餐會有個湯～好味！湯夠熱，裡面還有材料 豆卜、豆腐在等海膽（汁）松葉蟹肉意粉 HKD 78 海膽汁在每條意粉上，不會感到乾淨淨，麵也是完整一條條的，軟硬度剛好。 另一主角松葉蟹，口感好豐富，多肉汁，啖啖肉～～ 蜜瓜梳打 HKD 12 7pm 到達但己坐滿席，有4人坐位也有吧檯。

之前都有睇過報道，有一間好似JR列車嘅餐廳，有好好味嘅日本便當同甜品。今日終於同左朋友去試啦！我哋一共叫咗一個明太子意粉便當同埋一個期間限定丼，仲叫咗個甜品！首先明太子意粉真係非常好食！我對上一次食咁好食嘅明太子意粉已經係喺溫哥華。佢啲意粉非常彈牙。明太子再加上忌廉一啲都唔會太膩。而且明太子同其他食材配搭起嚟非常之香口。另外便當上仲有好多其他食物例如三文魚、玉子、番薯牛蒡等等，簡直係大滿足！另外叫咗個松葉蟹丼！上菜嘅時候真係非常之驚喜。好大隻蟹放喺個飯上面成隻新鮮蟹再加埋飯都只係$168 ，超值！甜品方面，無論賣相同味道都無可挑剔！總括而言一定一定會再來

深水埗有咩好食,有人介茶屋町,聽說好似火車内用膳,就試ㄧ試佢,去到入去店員親切間幾位,的確很像在火車中,裝飾櫃也設計成火車窗那樣,店員遞上餐牌和筆,原來要自己畫單,餐牌屬可重用,這餐廳挺唔錯只小有付起對社會環保既責任.我想點一個丼飯,店員亦耐心提醒可轉成套餐,有湯和汽水,因係午市有雪糕送,係等候時,見坐在隣桌的客人要離開時,他的雪糕未食完,店員則親切詢問,未能吃完的原因,那種想不繼做得更好,難道這就是傳統日本廚師的精神🙈食物到,先上湯,湯就中規中矩,沒有特別,之後丼飯,肉咬下去十分札實,又炸得脆,十分唔錯,配菜也很好食,值得一提中間個似竹的配菜有小小酸,最後,店員確認顧客用餐完畢,就上雪糕,雪糕上有ㄧ隻蝴蝶,店員細提醒蝴蝶用糯米紙做的可食用,我點了抹茶,味道十分好,就是喜歡佢夠😋

有很多人都向我介紹茶屋町,今日就泥試下😋,店面唔算大,有店外雪糕區,可以購買ㄧ支筒裝雪糕🍦,入到店内主要以木為題材,讓人有種身在大自然的感覺🌳,店的右手邊有水吧和bar枱區,枱下在ㄧ個小小的勾,可以掛上自己輕便既隨身袋,入坐後,店員會給予ㄧ份餐牌,劃好餐交回店員就點餐成功,店員非常親切,而餐牌是封左膠可再次使用,與餐廳的設計愛護大自然既感觀非常吻合👍,先上ㄧ個湯,味道十分濃郁,湯内的材料如豆腐,可與濃郁達到中和的作用😋,之後上左個吉列牛肉漢堡丼飯同餐飲提子梳打,第ㄧ眼會覺得份量太小,但食落先發現剛剛好,食完好飽,首先個牛肉漢堡咬落去,感受到ㄧ口扎實的肉,炸得香脆💯,但唔會有厚厚既炸粉味,而咖哩則是日本的甜咖喱,配菜都很好食,最後才上雪糕,我揀左抹茶,店員十分親切地表示,雪糕上的蝴蝶是用糯米紙做,可食用,雪糕做得不錯🍨,抹茶的苦味做得好好,抹茶本身比綠茶苦,若愛吃甜食的人,建議選其他味道😁

今日去了黃金廣場買game，買完game自己去食下好野，近黎天氣仍是好熱，都係上openrice有咩日本餐好食，跟住睇到呢間，有好多一人便當選擇，而又好近黃金廣場，便很快黎到呢間自私食下好野。我選了蕃茄三文子意粉套餐（$78），套餐包了一個麵豉湯，然後有一個盛盒，盒內有幾樣配菜，有松葉蟹棒，玉子燒，牛蒡及紫薯仔。對於一人選擇黎講真係很不錯。，每樣都有d，咁就唔需要諗再加咩小食而又食唔哂。除了意粉外，還有其他選擇，吉列蝦飯，鰻魚飯等等，下次再黎食，一定會試下鰻魚飯。味道方面，我覺得個三文魚籽同意粉都好夾，三文魚籽亦都好新鮮，食落味道很不錯。價錢方面，有咁多配料先$78，都好抵食。

深水埗俾人熱鬧同本地嘅感覺，電腦商場又多，人又多。但茶屋町就正正位處深水埗，但俾人舒服同簡約，等我過左好正嘅用餐時光。長枱係一人位置，但有掛手袋勾，細心店雖然唔大，但就坐得舒服餐牌有唔同嘅日本便當同意粉選擇我就揀左呢個。海膽醬意粉！估唔到一個便當都有好多唔同野食，味道特別，又多款式。甜蛋好搶戲，仲有我喜歡嘅海帶做前菜。面鼓湯好喝，有海鮮味又唔咸，仲有豆卜我想添飲總結，的確是鬧市好選擇，下次試埋甜品先。