茶屋町 (長沙灣道) (已結業)

上星期係深水埗搵野食，路過一間好有日本風味既餐廳，名稱就叫做「茶屋町」。「茶屋町」顧名思義，這間與”茶”有密切關係，我甘仲意飲茶，就決定入去試下！呢間環境都唔錯, 地方不大，但坐位舒適自在，清新休閒 麵豉湯，配料豐富，有豆卜、豆腐、白蘿蔔粒及海帶~茄汁松葉蟹腳三文魚子意粉麵條幼滑，沾滿千島醬，酸香醒胃，配上細緻鮮美的松葉🦀腳及我最鐘意食的三文魚子，口味絕佳~定食還包括了玉子、前菜海帶、甜品大福。漬物就是酸酸甜甜的，很醒胃；甜玉子, 味道香甜，蛋味十足，口感軟嫩；我最喜愛的日本小蕃薯，香軟煙韌，味道清甜~ 抹茶大福實在是驚喜之作口感軟糯，口煙煙韌韌、QQ軟軟的, 一咬下去，十分軟稔,入口即化醇厚甘甜, 內裡的cream又香又滑，實在令人回味無窮。 秋刀魚定食  秋刀魚如圖, 真係幾大條，唔係出面既得一小段。用燒汁燒秋刀魚，香味十足，好入味，去哂骨，而價格亦不算貴。醬汁味道偏甜 , 魚已經吸收咗醬汁味道, 所以味道突出 。白飯亦唔硬唔太軟，岩岩好,  煙韌韌嘅口感 提子梳打+蜜瓜梳打充滿清新香甜的梳打水，冰涼透心，消暑解渴，夏天必點! 服務都好好~會再黎呀！簡直超值！

We are here today at Shum Shui Po again to look for some cheap eats for dinner tonight. But while searching for the right restaurant, we came across this new Japanese restaurant! I got attracted by their matcha ice cream🍦so we decided to have dinner here and try their dinner sets. we ordered two sets first, and both sets came with miso soups. The taste was good with two pieces of tofu too. i picked the mackerel set, when it arrived...I didn’t expect the fish will came in such a big size - I coul

無意中發現左呢間好有日本feel的餐廳😍決定和友人試一下我們分別叫左...茄汁明太子意粉❤️飯盒形式咁上，present得好精緻同豐富😋岩哂我呢個貪心的人~茄汁明太子意粉 …份量適中 ，醬汁酸酸甜甜及有濃郁的海鮮鮮甜味😋 加上魚子，每一口充滿豐富的味道 ，一d都唔覺得膩，餐跟有麵鼓湯，湯肉加上豆腐豆卜蘿蔔，真材實料，真的很少見 ;嫩滑的玉子😋;配上牛蒡的漬物，唔會太咸 好伴面食😋;而爽口海帶沙律，好開胃;三粒迷你紫薯, 超清甜，😋😋 最有驚喜係個抹茶豆大褔 超軟熟，一口咬下去 入面的cream入口即溶😋一試難忘我叫左蜜瓜梳打❤️香港好少見😋😋真的好有蜜瓜味 好好飲 值得一試😊好得意😌鯖魚燒汁飯盒定食❤️同樣好豐富👍魚煎得好靚，富有光澤。魚身好厚及好大塊 佔左大半個飯盒位！ 咬落去時，魚油香味湧出來 ，燒的程度剛好沒有過火，魚肉沒有變得太結實，加上燒汁，軟及嫩滑 很好送飯😋。呢個餐都有麵鼓湯，海帶沙津，玉子及抹茶大福。老闆話呢間店用左日本小柳津清抹茶粉製作，喜歡食後有種回甘的感覺😊所以我們都叫多左個宇治抹茶栗子餅，抹茶味好重 加上有粟子粒😊好有口感 旁邊的客人點左個日本蜜瓜雪糕話蜜瓜好甜

係隔離食完拉麵後，贈送呢間既優惠卷，因此就黎試下。白玉紅豆大福抹茶雪糕 $42抹茶味超級濃郁正宗，紅豆份量多🤤，甜度適中。雪糕質感尚算滑，沒有粒感。白玉煙韌，食落有咬口。美中不足的是雪糕唔夠凍，未食完就已經溶溶地；大福要加錢，而入面又係抹茶cream，有少少單一。煙三文魚海藻沙律 $38煙三文魚紋路清晰，但煙燻味不夠，咬落肉質粗糙。至於海藻，食落微腥，偏鹹，咬左好耐都仲未咬開，令人有少少失望，唔推介叫呢個沙律😔。

今晚同左一位好難約既朋友食dinner。所以就同左佢去深水埗既茶屋町食佢最鐘意食既日本菜。 由於我同佢都唔係好肚餓既關係，所以我同佢都唔係叫左好多野食。好少見麵豉湯有豆卜 我本身好鐘意食豆卜，所以覺得好驚喜。不過個湯個味ok, 不過好似有d d 咸。😂個盒好靚，所以我忍唔住影左幾張。哈哈。秋刀魚配飯秋刀魚好大條。 而且飯唔係好多，岩晒我呢d 鐘意食餸多過食飯既朋友。哈哈。蛋甜甜的，又唔會甜到好誇張個隻，好好食。 😁茄汁明太子意粉我覺得意粉唔錯，唔會太淋，但又唔會太硬，質地岩岩好。仲有3 條蟹棒 呢個我覺得大家鐘意叫黎試試。 飲品我同朋友點左蜜瓜同提子梳打，我鐘意日式野飲都幾岩香港人口味，鐘意飲汽水既朋友一定鐘意xddd.

夜晚去深水埗睇電腦行過呢間日式店鋪被門口的抹茶甜品深深吸引住忍不住就入左去原來都好多人，差不多full晒好彩仲有張枱😆睇吓menu 原來有飯食仲以為是食甜品的店睇見d飯當都幾吸引順便食埋晚餐最後點了個鯖魚飯當😋個飯當賣相都唔錯主食有一塊厚度適中的鯖魚配上椰菜絲同牛蒡.. 白飯上配鯖魚除了主食，還有涼拌海苔、玉子蛋、抹茶大福塊鯖魚感覺有點好似鰻魚咁，啖啖肉，魚肉鮮甜同d鰻魚汁好夾，好味食下食下就全部食晒🙈個抹茶大福是我的最愛一咬就不得了，好軟綿綿的外皮，中間是抹茶cream, 全個抹茶味都好夠！好好味😋很喜歡😊食左個咁好食的大福，仲想試多個甜品😅店員推介宇治抹茶栗子餅，仲話係每日限量🤭 即刻點了呢個甜品😁第一口覺得栗子味好重，食食下就有抹茶味了，甜甜的味道，不錯下次再來要試試其他甜品😁 離開時見到有抹茶雪糕筒☺️ 好像好好吃，下次經過一定來吃😄

Happy Friday 緊係要食好d 今次揀咗呢間茶屋町裝修係以日本嘅鐵道做藍本大約有三十個位同外面完全係兩個世界一坐低侍應就送上玄米綠茶嘩 呢杯茶真係唔講得笑勁好飲清得黎香 飲落口好舒服埋單嗰陣忍唔住同侍應講佢仲話會同老細反映 遲d直頭喺舖賣埋叫咗三個set share 食先上個麵豉湯有豆卜豆腐乾蘿蔔同海帶好濃好足料但又唔會好咸等咗一陣就有得食叫咗三款茶屋咖哩吉列便當首先喺吉列大蝦最安全嘅選擇蝦爽 炸漿唔厚 食落口唔會好油好粉 唔差吉列牛肉漢堡呢個麻麻地個牛肉漢堡比較乾身唔太juicy 最後係吉列芝士黑豚呢個真係不得了黑豚鬆化唔鞋有肉味勁多芝士熱辣辣你以為好似好薄 無乜肉要食空氣 但食落出奇地又啱啱好講返個咖哩汁入口微辣 唔係日式咖哩嗰種帶甜味嘅不過唔食得辣嘅朋友都會食到(真係食唔到咪飲多幾啖茶囉😏😂😂）其他漬物甜點係凍上嘅玉子海帶牛蒡同甜薯正常味Lunch set 仲送雪糕有原味 抹茶同混合揀抹茶味好濃好濃好啱鍾意抹茶嘅朋友不過唔知點解溶得比較快影完兩張相都化成水咁滯😂而牛奶味都好rich好creamy正不過淨係賣相都加晒分啦😜埋單無加一二百有找為星期五畫上個完美句號 ☺️☺️☺️

吉列大蝦定食: 雖然大蝦不大，不過配咖喱一向合拍之選，$58一個定食，性價比是高的👏🏻白玉抹茶雪糕: 叫了定食後便可以$22加配，抹茶雪糕不錯👍🏻不會太水，有質感的，不過那些白玉可以忽略😅.Chayamachi | 茶屋町深水埗長沙灣道217號

之前同朋友喺深水埗做嘢佢發現呢間茶屋町有一個蜜瓜套餐好吸引試過好幾次都撞唔啱時間就搵一日特登出嚟試一試呢間嘅下午茶因為佢嘅蜜瓜套餐係限量所以下午茶時間要早少少過嚟排隊一行四人，如果淨係食個蜜瓜套餐一定唔夠飽可惜係星期六冇下午茶所以就額外嗌多咗兩個便當海膽松葉蟹肉意粉同埋吉列雞扒咖哩便當蜜瓜套餐先會上咗啲小食最後就會蜜瓜連雪糕一齊上枱雪糕可以揀抹茶、牛奶或者扭紋𠻹整體來講都幾好味，抹茶味嘅甜品好重抹茶味佢嘅雪糕尤其好食蜜瓜都唔錯，不過比我想像中冇咁甜套餐仲有一細碗咖喱飯，唔使驚唔夠飽另外，佢嘅海膽意粉令我幾有驚喜佢將海膽撈入意粉食落去海膽味幾香幾夠，意粉都幾彈牙不過便當嘅份量略嫌少咗啲男士就未必夠食啦

一向有個朋友同其女朋友好鍾意去呢間餐廳，已經係FB見到好多次佢地嘅check-in，盛讚地點方便而且吉列豬又好好食，所以都想試好耐面豉湯@不過不失濃稠度剛好，不會過於死咸、不錯咖哩吉列芝士黑豚定食@熱騰騰的香脆吉列豬終於上場了，那份香脆的確有別於平時我們叫到的吉列。外皮脆卜卜，沒有半點生粉漿的味道，肉質相當幼滑柔軟，水準之作！芝士黑豚唔錯喎好鬆化一咬就差不多碎，加上芝士會有種煙韌嘅口感，而且不會太漏所以都幾好食！夏日悶熱天氣，最適合飲罐提子梳打嘆番下！

一個星期二的晚上，在深水埗A2出口，大約行5分鐘，就到茶屋町，好有特色的日本餐廳小店呀。店鋪內裝修簡約，店員穿上白色的制服，好有特色日本小店，店員熱情遞上一杯熱茶並安排入坐，仲提我桌底有掛鈎可以掛手袋，真是細心啦。店員給了餐牌我，不用想我就叫左吉列芝士黑豚肉便当，仲叫了哈密瓜梳打。而且呢度仲有厥餅食，仲有綠茶雪糕添，今日無時間，無緣品嚐它的甜品。面豉湯，湯里有仲有豆腐同埋豆卜。而且一點唔咸，好味。叫左吉列芝士黑豚肉弁当熱辣辣的豬扒，咬開有芝士添，回味中。便當里面仲有很多配菜，有玉子燒，海帶，有牛蒡同埋小蕃薯添，仲配埋咖喱汁添。牛蒡味道好爽口而且清甜，小蕃薯好甜又香，仲有很多我至愛的海帶添，至好味就將吉列黑豚肉沾上咖喱汁，再添一口白飯，最好味。清甜又爽脆的牛蒡珍珠米白飯仲有紫菜伴白芝麻哈密瓜梳打食到一半，原來細細間舖頭仔，己經排滿了人龍，心想好彩我早咗嚟食。如果不是要排隊了。下次一定要帶朋友嚟食下它的甜品呀仲有哈密瓜雪糕呀！

星期五晚出深水埗行街，搵到呢幾多好評嘅日式餐廳。價錢都幾親民。全部喺定食set, 叫左個個明太子三文魚字意粉同鰻魚定食~ 鰻魚熱辣辣，同埋幾大條同厚肉~意粉好好食，少少辣同食得出明太子汁嘅味道~定食仲有幾樣小食跟，紫薯，牛蒡，蟹柳，菜，海帶同一粒Mochi。 Mochi超好食！加$22叫左個綠茶紅豆雪糕。雪糕CP值超級高! 出面食要成五十蚊，茶味好香，紅豆多，仲有3粒白玉。服務都好好~會再黎呀！唔收加一簡直超值！

深水埗新開了平民版抹茶屋兼賣便當餐廳門面裝修很日式的感覺以木做主要材料，營造簡約的日式風格茶屋以日本鐵路車廂做設計概念主打鐵路便當及甜品便當跟足日本規格由咖喱、米飯、豚肉、魚類都用日本貨米飯最有水準，用北海道產10割珍珠米店方直接向當地米農進口，渾圓米味重吸水度不高，煮好煙韌不會太黏平價的日式定食便當當然還有他們最出名的甜品飯前先來一碗麵豉湯 味道清清的裡面有一粒粒豆腐乾 這次選擇了汁燒秋刀魚丼飯$78秋刀魚丼飯的賣相很不錯與餐牌上的食物圖沒太大分別是一條完整的魚，上面淋有日本燒汁伴飯食絕對一流啊！講到白飯，米飯粒粒分明帶少少黏口有嚼勁與整條秋刀魚配搭很搭最理想是一啖飯同時有米粒和沾上日本燒汁的秋刀魚肉別忘了日本料理都會有開胃菜伴碟和甜品做結尾這裡搭配的是抹茶大福口感軟糯，入口即化，醇厚甘甜帶點高級感的抹茶味; 日本甜地瓜香軟煙韌，味道清甜蜜瓜梳打$12充滿清新香甜蜜瓜味的梳打水冰涼透心，消暑解渴

站於店的面前看見店面的裝修已感受到日本的感覺濃濃看得出是花不少心思設計，令人急不及待進去品嚐便當我即是鯖魚便當🍱店內白飯是助形式的自行添加。白飯好香同粒粒飽滿的旁邊個亦有叫大家不要浪費的小木板，係有日文同中文字的，可愛非常。鯖魚用燒汁燒，香味十足。而價格亦不算貴。不得不提他們的甜品，綠色嘅抹荼糯米滋，口感綿綿又香茶味，應該係自家製的！喜歡佢地嘅甜品啊如果下次有機會都想帶埋朋友白㴝試佢哋更多嘅甜品

在九龍塘工作的缺點絕對是每天只能對著又一城有限的餐廳吃到不想再吃了。以前甚少去深水埗，可是自從發現開車過去不過十分鐘又有太多特色食店的時候，真的很期待去深水步吃午飯的呢。這天去政府合署辦國際駕照，為沖繩之旅作好準備。等待期間看了一些沖繩的美食景點，不期然覺得很餓，非要吃日本料理不可。之前bookmark了茶屋町要吃抹茶雪糕，可是卻一直沒有機會。走過去大概不到5、6分鐘，店鋪以簡約設計為主，裝潢基本上都與火車有關，很別緻呢。下午快兩點的時候餐廳幾乎坐滿，要坐bar檯。沒帶外套之故覺得有點冷，還好餐廳後來幫我換到離風口較遠的桌子呢。其實原本有打算只吃抹茶雪糕的，可是看到鹹食又忍不住了。跟餐附送罐裝飲品，其實我沒有很喜歡喝有氣飲料，便點了一個比較特別的提子汽水。汁燒秋刀 $78定食送上來的時候有蓋上一個火車形狀的蓋子的，可惜沒有拍照。定食算是包羅萬有，從沙拉、玉子燒、米飯、主食及甜點都在便當盒裡面。秋刀魚份量十足，味道恰到好處，配上菜及海草稍微中和一下鹹味。最後還是太飽沒有吃到抹茶雪糕，只是看到前面桌的小孩都吃得很開心呢，有機會改天再試吧！