茶墨 (已結業)

麻糬 芝麻烏龍烏龍鮮奶茶 $39-少糖少冰外觀睇好似水墨畫咁，好有睇頭，成杯飲品係黑白色既配搭，好岩係IG打卡飲之前要攪均先飲，飲落有廿濃郁既芝麻香氣，而麻糟細細粒，好有咬口，麻糬本身沒有甜味，反而突顯糯米既香味，整體黎講，都好值得試下！焦糖芝士 莓莓茶（沙冰）$44呢杯係同行友人既飲品，我亦試飲了幾啖，芝士奶蓋加埋焦糖比較特別，芝士奶蓋口感順滑，而莓莓飲落酸甜解渴，令人精神一振鐵觀音味Gelato ＋$29必食！有鐵觀音茶既清香，甜度恰到好處，亦無茶澀味，可能係Gelato既質感，唔會太快融化。

水墨畫奶茶，的確十分靚唔評味道佢絕對滿分💯麻薯芝麻烏龍鮮奶茶$39味道確實強差人意，唔夠芝麻香、冇奶茶味、冇烏龍茶味、冇鮮奶既香滑☹️雖然我叫咗少甜少冰，但係如果得出嚟係呢個效果，我寧願佢學人哋既黑糖珍珠鮮奶咁，無得小甜小冰等😫成杯野我只係感覺到自己飲緊淡奶水，麻薯又死實，一D煙韌都無所以飲咗1/3 就送比垃圾桶了🥲如果你為咗打卡，一試無妨如果唔係會建議大家試其他飲品，可能其他飲品會好飲啲🙂

Cheers!🥇香港奪金呀！Yeah!趕住係花劍比賽前，搵個位置坐低黎睇呢場大賽！就決定左一路飲一路睇！餐廳在open area有些位置讓食客坐低進食～麻薯芋泥茉莉鮮奶綠招牌山水畫系列其中之一🖼，很美，真的像一杯藝術品!很喜歡這間店麻薯💛，size大概係普通珍珠咁大，好有咬口。芋泥味道不太甜，都幾有芋頭味。但芋泥比較sticky，好難和奶綠攪勻，吃到底容易會有少少一堆芋泥的情況，大家要用手攪勻呀。茶味不算太香濃，俾奶和芋泥蓋過了少少味道。總括來說，這杯飲品有好喝又靚😎

荼墨The One行街，行到咁上下頸渴，俾佢簡約嘅裝修吸引到🤣好似主打嘅都係水墨紋理。之前試咗芝麻烏龍麻糬鮮奶，都好香芝麻味，都真係幾有藝術感，吸引你好想試吓。今次就試吓佢個沙冰😳 朱古力同士多啤梨味，好岩打卡，環境都舒適嘅，坐耐啲職員都冇吹。味道就唔係話好濃郁，如果更加多雪糕會好啲😬🥺可能我個人比較重口味啦。gelato 都幾多隻味,飲嘢之餘仲可以食下雪糕，不過質感就唔夠實，比較似普通雪糕💓不過整體環境，味道包裝都推薦比大家💕

無意之中發現到高汁黃店～🔺麻糬芝麻烏龍鮮奶茶 $39芝麻醬畫在杯邊成為左一幅水墨畫 😉芝麻味超濃郁 好似食梗芝麻糊咁 飲落仲有沙沙地既的口感🤤🤤真係有D似食梗芝麻糊呀~ 仲意芝麻既朋友仔😚一定唔可以錯過~平時飲品店多數珍珠為主 有麻糬真係要試試先得~麻糬好煙韌 好似小丸子咁 有飽腹感😆🔺士多啤梨雪糕奶昔🍓 $48士多啤梨味好濃 好新清 好適合夏天飲 好fresh~仲意食甜野嘅朋友仔就最岩 可能雪糕+奶昔溝埋出泥就會有D甜但係有雪糕食又有奶昔飲 一次半次就冇所謂啦~~🤗🔺士多啤梨芝士蛋糕 $28飲品可以加錢嗌多件蛋糕 望落啲蛋糕size好細件😬但太吸引啦 忍唔住要試下食落得好驚喜啦~🥺🥺蛋糕每一啖都係比芝士&士多啤梨夾雜住 每一啖都有滿足~下次試埋gelato先～😆😆店舖選擇都好多 又有蛋糕又有雪糕🍦仲有飲品重要有位置可以比客人休息下 慢慢品嘗美食😊😊加分加分😍店舖仲有位置比客人坐下同朋友傾計 可以抖下再行過街都幾relex~😉

鮮奶伯爵茶+梳孚厘芝士蛋糕係我既favourite, 全因為芝士味較清，蛋糕texture鬆軟一點，唔係好實果啲new york cheese cake既質感。食得cheese cake好多人都想飲black coffee, 不過我就鍾意配杯茶，因其實咖啡唔係我杯茶😆，加上呢到冇咖啡㗎！伯爵茶味好夾蛋糕，係任何蛋糕（已試過好多）。原因係佢有自己既獨特看味之餘，又唔會cover咗蛋糕本身既味道，大家可試試！環境方便呢到有坐位同企位，店員服務態度非常好，好有耐心比我問問問，講過清楚先幫我落單，真係抵比Like佢！

💛💚💜🧡 🍵🫖🧋 Mochi Sesame Oolong Tea with Soya First try for this special drink. The most attractive of this drink is its outlook, just like the Chinese ink drawing, and this is also its gimmick. The taste of the drink is just like very diluted soya with some flavour of sesame. May be the wrong portion, the taste of the drink is too watery without the expected flavour. No contribution from the Oolong tea, seem to be not in this drink at all. The Mochi is good, chewy with slight sweet. But my fr

有咗消費券就咩都行、睇吓、抵就買吓，但行多過買，腳都軟，好彩個mall有啲hea坐哋方可以食吓雪糕、飲吓嘢、食件cake, 仲有我至愛既然芝士奶蓋、蕉糖味既drinks, 咁就坐吓休息啦！朋友仔食豆腐味gelato，佢好開心咁話好食之餘仲有好多味道選擇，又滑又健康喎！我鍾意飲芝士嘢多，即奶蓋類，但佢唔係咁叫法。我果杯係蕉糖芝士濃香鐵觀音。呢杯好味在上面濃厚，下面清新，兩種至愛既味道中和得非常之好💖👍😋我就覺得無敵🤭

係商場入面都可以打卡！作為（偽）文青係尖沙咀行到熱，就去飲返杯打卡一流、飲得到嘅水墨畫。茶墨坐座大約得10+個，亦設有企位。原來除咗大熱嘅水墨系列，仲有焦糖芝士系列！唔詳細睇唔知，原本有幾款日式蛋糕同埋唔同口味嘅Galato。飲品點咗大推之一嘅麻糬芋泥茉莉鮮奶綠。店員好細心會問洗唔洗少甜少冰。我就叫咗少甜減輕下罪惡感。賣相好IG-able，用芋泥畫嘅水墨畫。睇得又飲得。少甜下更飲出清香嘅茶味。大大舊芋泥，質感沙沙地，亦好細嘅芋頭粒，口感更佳。攪好芋泥後，味道剛剛好，唔會太甜。飲品另一特點係用麻糬代替平時常見嘅珍珠。麻糬控表示好滿意，麻糬粒粒分明，煙煙韌韌。+$28就有件蛋糕。日式奶茶蛋糕好fluffy，一食茶味出曬黎。蛋糕同cream比例剛剛好，一啲都唔膩！作為3點3下午茶剛剛好。

我時常都會經過尖沙咀The One, 但就真係好少會入去行吓，今日忽然落大雨，所以就入去望吓，飲杯野，休息吓，等雨停先走啦！我入去行吓行吓，就不自覺已經上左4樓，見到一間賣飲品店舖，行過去望吓，個名叫茶墨，都幾特別，但點解呢？……我叫左杯麻糬芝麻烏龍鮮奶茶，然後加28蚊追加多一件日式奶茶蛋糕。呢度有分坐位同企位，聽講平時好多人等，可能因為落雨，人不算太多，所以，感覺好悠閒，可以慢慢坐喺度嘆吓，享受吓💗💗💗說時遲那時快，手上搖控亮了，可以攞得野食啦！😋😋😋一接過手上那杯飲品，就知道點解叫茶墨了。因為杯飲品好似一副水墨畫咁靚，充滿藝術飲品。網上話芝麻味太濃蓋過茶味，我呢杯又唔覺得喎，我飲到芝麻味同烏龍茶香，兩者恰到好處，彼此互補，味道好夾。服務員同我講，飲時要搖勻，所以，兩味混為一體，可能呢個就喺飲呢杯茶嘅竅妙之處吧！大家記得啦！奶茶蛋糕忌廉表面有些微糖漿加碎果仁，賣相都算吸引。而且細細件，啱晒想保持身材輕盈嘅女士。但略嫌甜左d，如果可以減些甜，就更加好了。充夠電了! 我想外面嘅雨都應該停了，我可以再上路打併了!💪💪💪💪💪

今日去咗尖沙咀行街，想搵個地方坐下飲杯嘢食下嘢，點知就貢咗入去The One,行咗幾層都唔知食乜好，點知行到呢層（4/F )就發現啲好青既野,就係呢間茶墨，啱就係上五樓嘅電梯底除咗一般嘅台式飲品之外仲有雪糕同埋甜品。但係座位就比較少。最後我哋叫咗兩杯嘢飲，同一件蛋糕，一杯係麻糬芝麻烏龍鮮奶茶另一個係麻薯芋泥茉莉鮮奶綠，跟住加咗28蚊著咗件梳乎厘芝士蛋糕。呢度係用部機，召喚你出去攞飲品同蛋糕，甘樣都幾好，，，方便我地慢慢傾計，，，唔洗時刻走去望號碼。一埋去拎既時候，，感覺真的同一般茶飲店有分別，，，除咗真係似幅畫外，，，味道都很不錯，芝麻夠香濃，芋泥又夠滑，，整體好夾。正。雖然係堂食但係個蛋糕都攞一個好簡單嘅盒去裝住，雖然簡單但感覺都好靚，蛋糕個質感幾特別，，又唔太甜。下次要試埋gelato,,正

夏天去街，真係好想可以飲番杯高質特飲😂消消暑（其實都係藉口啦🤭）呢間喺The One樓上嘅茶飲已經唔係第一次嚟特別特別鍾意佢呢一個芝麻麻薯烏龍茶鮮奶😍好似食緊芝麻糊之餘，又唔會好甜，仲有淡淡烏龍茶香 啲麻薯粒粒唔會浸到好林，勁有咬口男朋友就想清清地食返杯雪糕，呢度嘅低脂意大利雪糕，有好多種口味佢就揀咗最受歡迎嘅紅茶black tea (因為好似淨返最少😂）清得來，都勁有茶香味佢仲有一件件的的式式嘅蛋糕揀，行到街行到攰真係可以過嚟chill下

-放學見到有間凍飲鋪仲要有位坐、堂食☺️，之前睇yellopenrice已經好想試🧋麻糬芝麻烏龍鮮奶茶 $39 (9/10)杯野勁靚，我都係第一次飲黑芝麻嘅野，入面有黑芝麻、cream、麻糬同埋奶茶，個底啲麻糬好好咬，勁好飲，fd都好鍾意😗#sorriso_尖沙咀 #sorriso_九龍-📍 茶墨 @teabrush尖沙咀彌敦道100號The ONE 4樓L411號舖🕑Mon to Sun 12:30~22:00-

🔅茶墨🔅位置尖沙咀The one 門面都算闊落，比人有種日式既感覺👏🏻🔅櫃台旁邊有蛋糕比客人挑選～🔅有企位亦有坐位，成個環境讓人有種慢生活既感覺👍🏻同朋友行完街或者天氣熱，買杯野飲、食件cake🤪正呀～🧋麻糬芋泥茉莉鮮奶綠 💵39🍀🍀🍀🍀🍀我點左水墨風既飲品，攞住杯水茶墨已經可以打到卡🤪我點左凍同埋微糖，如果唔鍾意飲咁甜既食貨，建議叫微糖～🍀🍀🍀🍀🍀底部有量多既麻糬，非常有咬口🤣係飲前一定要攪勻啲芋泥，唔係就好難啜，配埋茉莉既清新口味～🧋焦糖芝士濃香鐵觀音茶 💵36🍀🍀🍀🍀🍀因為焦糖本身都甜，所以朋友點左少糖，芝士既飲品真係無得輸，配埋鐵觀音令到個味好夾🤪🍰黑芝麻巴斯克紐約芝士蛋糕 💵68🔅單買$68，5吋就$245～🍀🍀🍀🍀🍀蛋糕有雲石既外表，非常適合打卡🤪底部係餅底，中間個層非常重黑芝麻味～🍰清香柚子芝士蛋糕 💵28🔅正價飲杯+$28可享有一件切件，我地點左柚子芝士蛋糕🍰🍀🍀🍀🍀🍀食第一啖👅已經被柚子既清新口味包圍住🤣亦唔會過份甜～個名改得岩👍🏻好清香🤣🔅整體而言，食物同環境我都滿意，如果想打卡既朋友👉🏻建議點水墨茶，因為影相係幾靚🤣🤣

行過俾個Poster吸引左，‘杯中茶·心中墨’，原來係一間茶館，裝修簡約，飲品有主打既水墨風，另外仲有雪糕奶昔、焦糖芝士、養生茶、冰瑤茶、魚香茗茶、經典奶茶等。我一開始已經俾水墨風吸引，所以叫左一杯凍麻糬芝麻烏龍鮮奶茶同凍黑糖珍珠芒果鮮奶，再用優惠價追加伯爵茶芝士蛋糕。店員很細心，提我飲水墨風系列之前要攪勻。凍麻糬芝麻烏龍鮮奶茶-麻糬煙韌，黑芝麻香濃，烏龍鮮奶茶幼滑，雖然佢係手搖飲品，但飲完完全冇罪惡感，因為佢比正常手搖飲品冇咁甜，同埋佢用左黑芝麻，佢豐富營養，可以補鈣烏髮，仲有天然維生素E，延緩皮膚衰老。　凍黑糖珍珠芒果鮮奶-相對較甜，因為有清新芒果味同黑糖珍珠，係一杯睇得又飲得既珍珠鮮奶。伯爵茶芝士蛋糕連收銀哥哥都話好味，果然冇令我地失望，伯爵茶同芝士味比例剛剛好，驚喜既係佢有少少咸香，甜而不膩。