茶古道 (已結業)

突然想飲珍珠野⋯⋯本身又幾愛抹茶⋯⋯又見都唔少人飲，就諗住試下。叫左杯御抹茶加白玉丸子～俾錢嗰下已經打左個凸，原來我加完丸子要$40咁諗住好飲其實都ok既⋯⋯一飲，覺得好伏，我係嗌左半甜少冰既。抹茶味係香，甜度岩既⋯⋯但重點係白玉丸子度完全可以用難飲去形容成杯野⋯⋯珍珠奶茶傳入左香港咁多年，我都已經好耐無食過一間珍珠奶茶既珍珠係硬到咁⋯⋯完完全全係一粒粉，完全係無口感可言，我想食珍珠就係想食堅韌口感⋯⋯絕無下次⋯⋯

日式手搖飲料飲厭哂珍珠奶茶黑糖乜乜 試新野.春日草莓🍓鮮牛乳$30有啲似係日本飲嘅士多啤梨奶不過甜左少少 建議叫少甜 味道自然.白云宇治金時🍵$32奶蓋好稀好淡 真係麻麻地好在抹茶味濃郁 有回甘嘅感覺紅豆都幾甜下 都係建議叫少甜.總括: 唔抵買人龍唔算長 但等得好耐好慢(明明好多員工)夜晚八點半就截單🤷🏿‍♀️可能做唔切掛場内都有蛋糕🧁🍰幾靚幾精緻 地方闊落幾舒服

放工落荃灣食飯，見朋友未到就喺愉景新城自己行左一陣，行到攰攰地，見到雪糕就坐底食一杯先！諗住可以邊坐邊等！我叫左個鴛鴦冇加配料：綠茶加雲呢拿！奶味好濃，綠茶味剛剛好唔會苦！我自己覺得幾大杯

這日吃完飯經過這間手搖杯店，本來想叫黑糖牛奶珍珠，不過準備點單時見到有抹茶類飲料出單，看上去有點濃味，畢竟很少見有抹茶做既手搖杯就點了御抹茶試試。抹茶最緊要香濃，所以我點了微量糖（30%糖）。御抹茶其實就是濃抹茶再加試頂端的厚奶泡！拍完照就先試試未混合的原味抹茶，味道超濃，不過有點抹茶粉沒完全融合的感覺，有吃到一點點抹茶粉，之後混合了奶混就是加了一點點奶味的抹茶感覺，個人覺得抹茶迷會超喜歡，但如果有機會想試試抹茶牛奶，味道應該會融合得更好。

新既茶類店舖越來越多今日行過愉景新城見到呢間暫時香港得一間梗係即刻入去買返杯試本身都諗左好耐飲咩（好多都想試）最後叫左杯凍御抹茶（大杯同中杯差2$，叫左L size）等叫號碼時見到佢都有好多款蛋糕賣（下次可能會試吓）坐位又有充電器其實好適合行商場行到攰食少少野充吓電等左10分鐘左右杯茶就到抹茶同奶泡既味好夾抹茶有足夠茶香但唔會苦奶泡甜度適中配合抹茶相當好算是中上水平.（順帶一題今次我無叫少甜少冰個類要求試左原味先表現都不錯）

同維尼b去d park放完電，一上揹帶就訓著左，媽媽當然襯機me time一下！行到攰，發現新開既茶古道，有位坐，無咩人夠靜，於是入左去買杯飲品坐低！叫左 夕燒黑玉烏龍牛乳（半糖），入口溫度微暖，雖然半糖，但仲係覺得甜左少少（可能我自己一向食得偏淡），至於茶味，唔夠濃呢⋯⋯

行開愉景新城咁啱經過呢間好日本feel嘅飲品店，見佢一杯嘢飲嘅價錢同出面差唔多就試下佢啦叫咗杯黑糖黑玉鮮牛乳（其實即係黑糖珍珠鮮奶）除咗黑玉之外仲有白珍珠同其他配料可以加，我就加咗布丁～味道不過不失，開頭飲覺得甜咗少少，但之後搞渾咗就ok～另外飲品好足料！我未試過飲到最後都仲有珍珠剩😂👍🏼呢間店仲有位俾你坐低同朋友慢慢飲慢慢傾！有叉電位！同埋飲品店嚟講都算多位坐～仲有蛋糕食㗎 但就不設堂食 但我諗你都可以買完坐低食嘅. (如果你有餐具)🤔 總結係未試過嘅可以一試～ok的😋

去完南豐紗廠影下相、參觀下，就兜返去愉景新城打算覓食，行行下又覺得有點口渴，所以打算望下有咩茶飲店。見到呢間茶古道，店名都幾古色古香，又有日本風味咁，就諗住試一試。自問自己都係有選擇困難症嘅朋友，望咗陣menu都唔係好揀到，然後望一望隔離，係宣傳緊春日草莓鮮牛乳嘅圖，然後就難得地少女心發作，忍唔住想試試。店鋪唔算好大間，但有幾個卡位同類似吧台座位，可供食客坐低慢慢品嘗。但除咗飲品，印象中仲有賣蛋糕個類。春日草莓鮮牛乳（M:$30、L:$34）等咗一陣，終於有得飲啦～都幾大杯，可以見到牛奶同士多啤梨有分層，顏色都幾靚。撈勻後飲，味道其實無乜驚喜，就係士多啤梨奶嘅味道，奶香味無特別濃郁，士多啤梨亦唔係好香甜，無令我一試難忘嘅感覺。飲品係正常甜度份量，入落都有少許偏甜。以30幾蚊買一杯士多啤梨奶而言，呢杯我會覺得唔太值。

今日行程係行荃灣,之後出發去南豐紗廠。行荃灣點可以唔行愉景新城呢,行過見到有間新開賣飲品雪糕蛋糕既地方,就試下佢啦~飲品方面: $28夕燒黑玉烏龍牛乳(微糖少冰)雪糕方面: $28抹茶牛乳二重奏以相同價錢而言,我更鐘意抹茶牛乳二重奏, 抹茶味濃甘香,不太甜,個人唔鐘意食甜既抹茶,配埋牛乳味真係好match,食到想食多杯。而野飲覺得無特別茶古道地址 :荃灣青山公路荃灣段398號愉景新城2樓2048號舖電話號碼:28167100營業時間:星期一至四11:00 - 21:30星期五至六11:00 - 22:00星期日11:00 - 21:30

去愉景行下街 咁啱見到有間新開嘅飲品店，見都多人排隊 就去試下! 呢間舖望落令人好舒服，木系feel, 仲有啲枱係到俾人坐，飲下野，食下甜品，傾下計價錢就同出面其他茶飲店差唔多門口顯示屏上嘅Menu同叫號好清晰，我企得遠遠地等都清楚見到我個號碼，唔使係門口迫住等叫咗杯熱嘅招牌特濃白玉可可牛乳，可可味好濃，啲白玉煙煙un un 咁，冬天飲暖笠笠就最正喇！不過最好要少甜或半糖，因為叫咗少甜都覺得有點太甜下次再來試其他！

**新開張買一送一直至一月六日**只限下午二至六時正**送既飲品也要相同店鋪推薦飲品之一可可白玉(中size）其實只係牛奶+朱古力粉再加白珍珠今次試冇少冰或少甜飲落吾太甜，牛奶成杯但味不濃．飲到好粉既朱古力粉白珍珠份量0K ． 口感0K ．只感覺好似比一般珍珠细左少少．比$時，收銀員話要等4-5個字.最後我等左半小時至七個字吾計收銀，有4個工作人員．一個字「慢」客不多，只係普通要改善内有三張枱+位和企枱