茶古道 (已結業)

第一次飲茶古道真係極度失望， 叫咗杯特濃黑玉可可牛乳， 點知成杯嘢飲感覺係超少可可粉加勁多水，完全飲唔到牛乳味， 飲落去就係可可粉溝水，珍珠究極度普通不值一提，明明係推介飲品但係感覺同出面平嘅店冇乜分別仲要差過人，而且仲要收36蚊，真係捐咗佢好過。

獻上人生第一篇食評話說公司同事平時下午茶都會得閒叫下野飲，今日揀中左呢間舖，結論就係永遠都無下次😅「御抺茶」我認本身自己對抺茶飲品係有要求～今次睇中左佢係matcha with matcha mike foam滿心期待⋯點知黎到係一杯抺茶粉+水飲左2啖真係飲唔落口😅「春日草莓」同事叫左另一杯草莓飲品，形容係草莓醬+屋仔鮮奶，顏值高但無內涵「特濃白玉可可牛乳」同事的形容：似唔甜華田加珍珠，仲要係黑色珍珠唔係白玉結論，永遠都唔會再幫襯，亦都希望盡一分力，其他食客唔好中招🙈🙈🙈

真的中伏，買咗一杯「炭焙烏龍鮮牛乳」. 心態諗住可以好好試吓佢杯牛乳味及烏龍茶香味，到頭來完全係冇味，連牛奶味都冇，只不過係一杯奶水. 明明杯飲品冇落糖，死都話自己有落糖. 服務員態度差不多說，無言。唔好飲， 嘥錢. 絕對唔會有下一次.

唔好意思，我要投訴日期及時間：今日11月26日約1745地點：愉景新城店是日我同女朋友喺貴店買飲品。我哋買時店員並無展示「製作需約十五分鐘」之類嘅告示。於是我如常地等...大概二十分鐘之後，因為我趕時間，我走入店內查看，當中一名戴眼鏡約二十多歲嘅男員工問一問我係咪落order，我話我等緊嘢飲，咁我就繼續等...及後男員工奉上我嘅嘢飲。坦白講，等咗廿分鐘我有少少氣，我將將單用多少少力擺喺枱上（但絕對唔係大力拍枱！），攞嘢飲就走。但竟然畀我聽到男員工話「發咩啤氣啫？」...我返轉頭同員工理論、嗌交，此四眼男員工大概話「香港地買嘢係要等㗎啦！」、「你發乜嘢啤氣？！我係員工就唔使尊重呀？！」、「你咁樣擺張單喺度重唔係發啤氣？！」而且重義正辭嚴咁話「你道理講唔過我就講粗口」...我真係有啲啼笑皆非...第一，我想問，我係客，喺我等一杯嘢飲等咗廿分鐘嘅情況下，我有少少忟憎係咪唔應該？係咪反而要我向該四眼男員工道歉？第二，我絕非大力拍枱！只係大力少少將張單放喺枱上，可能身邊嘅人都感覺唔到我大力咗，然後就無再出過聲就打算走，咁我喺咪唔尊重四眼男員工？該男員工係咪咁身嬌肉貴連一個等咗好耐嘅客嘅少少忟憎都

没有奶蓋的香味 只有牛乳的味道新嘗試，但失望而回如果從頭再揀，我會揀番純茶系列炭燒烏龍，茶味重 珍珠不太甜，口感唔會太硬可以做倒走甜既效果可是價錢相對比較貴，要考慮清楚

行左大半日，想搵個地方坐坐又唔想去餐廳食野住，見到愉景新城中間嘅茶古道，裝修幾有用日本feel, 而且有我最愛嘅抹茶，簡直無得頂。冷熱茶飲總類都多，而且入面仲有小甜點，可以去嘆個tea。店內地方不算大，坐位有限，但店外對開有位可以座。我同朋友都買左＜御抹茶＞，試試佢真正茶味掂唔掂先🤔。色澤看來不假，似日本真正綠茶粉沖開，味道有綠茶鮮苦味，有回甘，甜度可自行選擇，甜度控制也不錯。出面好多茶飲攪咁多野收你三十幾，四十蚊杯，其實真係可以食餐飯，我就唔會買，去7仔買日本野飲20蚊有找。呢度價錢唔算貴，可能都係荃灣區，茶飲簡簡單單最好，品質有質素，價錢唔太貴，其實生意一來一回好好做。

去愉景新城攰攰地又有點口渴，就去咗茶古道買飲品。見到即泡萃茶有點興趣，叫咗杯烏龍綠茶（$31），雖然有點貴，但一聞到佢的茶味，就覺得值回票價。見到係即場用機切碎茶葉沖泡，並非茶包沖泡。未飲前，就咁聞起黎已經feel到好濃香！飲落茶味好香濃，茶味回甘。建議要嗌無糖，先會試到真茶味～

今天放假日到南豐紗廠走一走，途中經過愉景新城這個商場，打算買杯手調飲料邊走邊喝。看到這間茶古道的正門口放了相當顯眼的promotion，其中是這杯哈密瓜乳酸$28 正常的乳酸應該是以乳制品为原料的吧，但我看這杯飲料只是梳打水加糖的混合物吧，喝下去跟普通罐裝飲品沒有分別，只是有氣和甜的味道。而且氣也不夠多，放了一會兒便像是在喝糖水。這杯飲料絕對不值$28，太伏了！Label位置寫着青蘋果檸檬？沒錯，店員跟我說他打錯了，所以這杯是真的哈密瓜乳酸。但是為什麼是綠色的？哈密瓜不是橙色的嗎？我也不知道。而且飲料頂蓋的位置還有毛髮，在疫情期間，店舖這麼不注意衛生，實在太差了。

黑糖黑玉鮮牛乳 Brown Sugar Fresh Milk with black bubble $38行行下街見渴 所以就買左杯黎試飲下😂佢杯珍珠奶茶係黑糖係底 上面係鮮奶😋 佢晚鮮奶係非常濃郁 而且唔甜 真係好好飲👍🏻店員會提你飲之前一定要搖暈 咁樣會好飲好多 搖暈之後鮮奶同黑糖珍珠融合得非常好個冰度都岩岩好 唔會變成常溫😁。珍珠屬於非常煙韌既珍珠 好有口感！ 而且算大粒 唔係細珍珠😍 但啲珍珠你一路食你唔會食到丸多黑糖既味道 但又會嗅到黑糖既香味 所以唔會太甜👍🏻 佢既鮮奶係真係用鮮奶沖既！ 唔係奶精😚。 而且佢雖然店舖唔算大 但都有位比你可以行街行到覺得攰想抖下既地方！😙

雖然疫症仍然嚴峻 , 但要我們兩公婆困在屋企 , 過着足不出戶的生活.... 這感覺真的是比蟻咬更難受 , 於是決定去 愉景新城 睇場戲 ~睇戲前 , 來到 茶古道 坐低飲杯飲料 , 一來 , 未曾幫襯過這一間茶店 、二來 , 消磨下時間 , hea 一 hea, 反正太多時間 ~這間茶店 , 有個好處就是 , 有用餐座位 , 而且裝修帶點日式風格 , 頗好 hea 的 ~Menu ~飲杯 情人節限定 - 甜蜜特飲 .... 幸之紅茶 : 其實是 草莓X紅茶 , 芳香的紅茶裏滲出莓香甜蜜的草莓味，50%的冰量令這杯紅茶的口感溫度剛好 , 甜甜蜜蜜 , 好好飲 ~本篇完 ~

食完團年飯中係好鬼早，見到這家 茶古道 幾特别 很多現製茶葉 一於 試一下欣賞他全部基本上用鮮奶製、 算係健康點黑糖黑玉鮮牛乳口感還可以夠滑 但是沒有太大茶香， 這杯是大杯， 但其實也不很大😂😂 43蚊真有點貴， 平時30蚊應該一定有交易， 沒有驚喜應該暫時不會回顧

5點幾經過愉景新城，見到茶古道門口幅御末茶嘅相幾吸引，入面又有位坐，咁就入去試下。店內有幾個呢種坐位。外面也有屬於茶古道的坐位。原本想叫個白玉可可牛奶，但話無哂白玉，之後改特濃可可牛奶。 味道唔甜，普通朱古力飲品。也叫左杯御末茶，奶蓋幾香，可能無搞均d奶蓋，飲到末茶時，越飲越苦 ， 平時我也沖開綠茶、末茶，但呢杯真係覺得太苦（唔係甘），飲剩一半，真係未試過飲呢類飲品會有剩 加上唔係繁忙時間店員都唔多願做，唔會再幫趁佢⋯⋯

行完幾個鐘頭宜家家私，腳都斷埋，去到愉景新城見到有我最愛既珍奶，即刻買返杯，原來入面都有得坐，設計係幾個小包廂咁，環境好好！叫左夕燒黑玉烏龍牛乳，店員話冇哂黑玉改為白玉，冇所謂反正冇試過。有淡淡既牛奶香，叫左走甜所以味道對我來說剛剛好👍🏻白玉好軟熟，好味😋客人外賣居多，所以我只係用$34 靜靜咁坐左一小時，超抵😊

今日路過買左杯 炭焙烏龍鮮牛乳36蚊俾左杯淡淡淡淡淡淡淡淡淡淡烏龍味的奶水 完全唔知鮮牛乳鮮左去邊 好x難飲 以後都唔會飲同埋職員整得好慢 再加上係商場的檯好多都俾非顧客用晒 買完都係無位坐 要等下人走先有位坐低飲

呢間係開係愉景新城既茶飲店，主要賣日式茶飲。舖位都幾闊落。買左杯雲綠抹茶鮮牛乳，未攪勻曬飲落去覺得勁甜，攪勻左就正常d。但抹茶味唔算好出，下次會試下半糖，希望會好飲d啦。最開心係有得坐低，仲有充電插頭位。近門口有吧台位，都係有得充電。店內仲有蛋糕賣，tea time約朋友黎呢度真係一流。有三格比人坐低，有塊簾掩住，有翻d私隱有位坐有得充電黎講，性價比都幾高，一杯飲品大約35蚊，同出面d台式飲品店差不多。