影片
一行埋去，都唔知佢有冇開，又無客，又無人做野咁🤔 望多眼，原來一直有個妹妹係入面玩電話，好彩我有選擇困難症，企左係收銀前面諗多陣叫咩飲，終於妹妹行過黎等接order 啦🥳 叫左「熱特濃鮮牛乳炭焙烏龍牛乳水玄丸子」滿心期待😚 因為每次去愉景新城借廁所，都見茶古道知廣告燈箱張相好靚。但事實上，色香味俱無🤧 簡直係垃圾 ，唔知自己飲緊咩，一星係因為無得揀無星。一見到杯野咁白，明明係炭焙烏，一d 顏色都無，我諗住可能牛乳味重，點知無茶味無奶味，少少甜味，完全唔知自己飲左咩，重點係 仲要成$40 杯😡
繼續閱讀
獻上人生第一個OpenRice食評，因為實在有點睇唔過眼。2022年9月17號星期六晚諗住飲杯飯後甜品，利申住喺愉景樓上 成日行開都冇幫襯，又見佢屹立咗咁耐，所以近近地去試吓呢間。去到counter，見到入面三位美女圍住玩iPad ，仔細一望原來喺度打電子麻雀。心知已經不妙….不過都算半金髮的姐姐落order， 先發現$40一杯嘢飲原來冇得走冰，連少冰都唔得 咁冇彈性嘅肥仔水餐牌都係第一次見識。整完杯嘢飲叫美女俾支羹我自己整走啲冰，佢west哂面咁話冇。返埋位繼續打麻雀，完。係…我明星期六晚要返工真係好唔開心 但你哋喺度吞噗逗人工之餘 仲要趕走客人 其實最唔開心嗰個應該係你哋個老闆sosadBtw叫咗半甜返嚟杯野好似冇減過糖，血糖比較高嘅朋友仔真係要小心呢間。就算第日點樣口渴都唔會再幫襯呢間🤡🤡🤡希望快啲有第二間肥仔水喺愉景新城代替佢
繼續閱讀
第一次試下呢間，就非常難忘，唔會再幫襯！2022年8月16日下午1時30至40分當值嘅兩位美女，客人俾咁嘅價錢，你落錯單唔道歉不止，仲要反過嚟話客人唔啱，咩教育呀？有咩事就第一件事係人哋唔啱先，你一定啱嘅！我係唔飲凍嘢嘅人，你哋堅持係我叫凍嘅，唔單止唔合邏輯，塊面仲好西！我只係不停問你哋咁點算（工作嘅嘢，解決問題啫，一係退錢，一係沖過，唔係解決唔到呀，反正你都係用返啲料，倒過啲叮熱嘅奶入去，好蝕咩？），你一手好霉氣咁攞走沖錯嗰杯，俾返杯熱嘅我時又飛喺counter就算，立即返埋自己個位睇iPad! 小姐，你唔係收人工做千金架！你哋應該學下咩叫客服，人哋除咗買産品，仲買埋服務架！我欠你哋架？咁矜貴，唔好出嚟做嘢啦！
繼續閱讀
食完晏12點幾，口痕痕又想飲甜野🤤 但食完午餐又飽飽地，唔想飲奶茶，行過茶古道見到荔枝紅茶就即時決定喇😆 哩個時間冇乜人，所以唔洗點等，沖泡時間都好快。✨荔枝紅茶 (少甜少冰) $36少冰就唔怕冰粒溶咗會溝淡茶味😏 少甜版甜味剛剛好，唔會太甜。荔枝味夠香夠濃，只可惜紅茶底有少少苦澀，影響咗整體味道😔🔍整體感覺：今次揀咗果茶，果味夠香濃，只係茶底差咗啲啲，價錢屬於正常價位，哩個份量都抵飲嘅。店舖環境就一般，店內燈光較暗，睇落氣氛一般，如果夠光猛感覺會好好多。
繼續閱讀
成日都經過茶古道無試過，今日落去買野食就諗住試試買咗三杯，特濃黑玉可可牛乳、檸檬蘆薈、白雲宇治金時，呢杯宇治金時$41啲紅豆酸架，俾$41買杯壞架嘢，下次唔再幫襯
繼續閱讀