茜廊餐廳 (樂富廣場)

營業中

休息中

趕時間來佐尼間餐廳，見到價錢又ok就入左來，發現左個環境個裝飾牆好有氣質、又係一個唔錯打卡位～叫左個黑松露雞肉雜菌燴飯，d黑松露好入味，飯都香軟，個碟好靚啊，同個飯好襯lunch送埋個蒜香包同埋羅宋湯 都算係OK香煎雞扒餃子湯拉麵🍜個味有d鹹，餃子一般般啦，面好淋，冇咩特別，係醫肚餓OK跟餐加左個吉列蝦沙律，🦐🥗都係幾好味

樂富商場攪咩呀？原本成4~5間運動用品店架，圍哂圍板嘅？原來想濕平嘅我，見到樂富攪成咁，無哂心機！要食翻餐好嘅補償翻！點咗個二人 set，黑菘露雜菌天使麵, 葡式烤BB豬, 紅白湯各一個客, 最后點咗兩杯特飲, 拖肥咖啡沙冰同意式特濃朱古力沙冰.優點 :1, 環境浪漫.2, 店內播放輕鬆歌曲.3, 西湯配蒜蓉包對我黎講係極欣賞嘅配搭, 純個人喜好.4, 天使麵身彈牙, 雜菌份量足夠.5, 拖肥咖啡沙冰味道濃郁, 推薦.有待改善 :1, 葡式烤BB豬最期待亦都最失望…. 其實質素唔係太差, 只係我用澳門法蘭度嘅葡式燒乳豬比較, 一比之下高下立見, 皮脆但肉質唔夠鬆軟, 比想像中硬.2, 葡式烤BB豬同西湯份量都少咗D.3, 紅湯比較淡.總括 : 會唔會再黎幫襯, 就要睇領展攪成點囉! 攪到樂富商場冷清清, 愈攪愈衰, 點黎幫襯啫?

對於樂富依一個食物沙漠嘅地方嚟講, 茜廊係一間比較好嘅西餐廳, 佢嘅食物質數亦其實唔差, 係嘅侍應真係要陪訓一吓。先講講佢哋嘅食物先, 歐陸早陸, 有雞扒, 牛奶炒蛋, 多士,  茄汁豆。雞扒 - 皮煎得幾脆口, 個燒汁都會唔太鹹, 有少少味身。牛奶炒蛋 - 炒蛋幾滑, 完全無加過味落個蛋到, 健康嘅。多士 - 幾硬身, 應該係大量烘底完, 之後放咗幾耐吓才上碟。茄汁豆 - 一般茄汁豆。佢哋嘅食物係正正常常嘅西餐廳嘅味道, 唔會太差。

這是一個遲吃的下午茶, 肚有點餓一於睇至尊下午茶餐, 果然係至尊睇價錢就知啦, 叫咗個鮮茄豬扒飯, 即叫即做所以稍須時間等候, 一送上嚟已經感覺熱氣騰騰, 鮮紅色茄醬下係一大片豬扒, 豬扒唔算厚切但都有返適當的厚度, 飯有炒底更加香口, 不過價錢連加一會過五十, 作為一個下午茶稍稍貴咗d, 不過這裡是正統餐廳格局, 而幾間茜廊餐廳之中又以呢間似乎做得較出色, 所以貴一點也是可以接受呢!

又到諗晚餐食咩🙊咁岩呢間唔洗等位，望落又乾淨企理一於入去試試！眼見裝潢有落過功夫，紅磚牆做佈景用了不少廚具同隨身物品油上白油漆，製作成掛牆擺設餐廳內設有電視機📺不過只會播放食物照，但影得幾靚。講返食物方面，份量好夠，有質素，蜜桃雞柳焗意粉好香，令人食指大動好開胃啊！而牛扒配紫薯泥冇咁肥膩個店員仲好細心問個燒汁要唔要幫您淋埋，可以令食客唔洗擔心會彈到成衫都係汁，呢方面要加分！工作人員既服務態度好友善整體都好滿意啊！

門口自己取籌等叫號，午餐都有很多選擇，看了一陣子，有星期一至五的每日精選，約$52-68，只包飲品。加$6，有餐湯和蒜茸飽。唔鍾意限定套裝，亦有其他1-16號的套餐，包埋餐湯和蒜茸飽。凍熱飲都唔加$，但埋單是要10%服務費的。粟米腿蓉忌廉湯，奶味香，唔稀唔稠，好喝。蒜蓉飽，是番烘的，有些硬，最後還是浸湯後吃。意式肉丸雜菌意粉，蕃茄醬汁中可見很多蕃茄蓉，酸中帶少許甜，如你吃不得酸度重的，最好另選了。肉丸軟嫩，彈牙。凍檸茶，自己加糖水，方便各人的口味。

很久沒有來茜廊了，這次經過便來試下午市菜式。這次叫了兩個午餐，每個餐包括有主食＋餐前麵包＋餐湯＋飲品。不得不說餐廳的裝修很有氣氛，這間的採光亦很好，餐廳很明亮而又不會覺得刺眼，很舒適的感覺。餐湯-白湯味道較淡，奶味較重。餐湯-紅湯味道香濃，最愛羅宋湯內的蔬菜，非常入味。餐包很香脆，點湯吃一流。煙三文魚焗肉醬意粉不過不失，三文魚比想象中少。香煎薄牛扒拼吉列蝦薯菜牛扒雖然略太熟但很香，點醬吃更好味。吉列蝦很酥脆，蝦肉嫩滑。飲品-檸水和咖啡不過不失，沒有特別之處，不作介紹。總結午餐時段雖然差不多滿座但不用等位。服務態度良好，是很舒適的一餐。

今天選擇了茜廊餐廳會下午茶餐，我們叫了茄汁焗朱扒飯，芝士白汁焗魚柳意粉，洋蔥計雞扒飯，仲加咗$12要咗個薯條，飲品叫橙汁都唔駛加錢，以下午茶黎講都好夠份量，味道也不錯，下次會再惠顧此餐廳

今天約咗兩個朋友去摩士公園打羽毛球，打之前一小時先去茜廊食少少嘢。我們叫咗三個「輕盈下午茶餐」，價錢分別為43、45及46元，另加一，凍飲唔使加錢，整體味道唔錯。香蒜雜菌炒蜆肉天使麵，看起來好淺色，以為味道好淡，食落味道唔錯啊！其餘兩款意式肉碎蘑菇意大利粉及乾炒海鮮讚岐烏冬則味道較濃，但都幾好味。

今天中午約了多年沒有見過的朋友共進午餐，於是來了依間西餐廳，我點了一份吉列豬扒餐，以我朋友點了集扒餐，先講我的吉列豬，外面香脆而內𥚃好有肉汁，佢個咖喱醬汁略帶甜，以我朋友叫個集扒餐，嗰啲扒呢煎到好有點焦香的感覺，好豐富嘅味道，呢個燒汁亦都係好濃郁，所以間西餐廳，做得個水準非常之好。

2018.10.18茜廊Late Lunch 因工作關係，進餐時間、地點不定，正好試試不同地方的食店。今天只有20分鐘吃個 late lunch，車站傍看見下午茶輕食餐牌，就選這裡吧。下午茶餐，款式很多，就叫一個份量最少的雞翼薯條水耕菜沙律，還有黑咖啡。落單、上餐速度快，趕時間啱哂！估不到，份量不少，雞翼有4隻，沙律菜新鮮，還有熱辣辣的粗薯條，味道不錯，連同一杯咖啡，$29，實在超值，下次有足夠時間的話，試試其他菜色！

平時都真係好懶，好少會係屋企煮嘢食，多數都係做無返主婦。今日，黎左樂富茜廊食lunch餐廳嘅外牆係以灰色為主，雖然簡簡單單，但感覺好舒服。入到去餐廳入面，坐位非常之寬闊，如果10幾人一齊食lunch，都可以一齊坐，唔使分枱👍🏾👍🏾午市嘅套餐有好多選擇，除咗有焗飯、湯麵之外仲有鐵板餐，非常之豐富。 我叫左個香蒜雜菌蜆肉天使麵，天使麵好香蒜蓉味，同雜菇險肉非常之夾。飯餐有蒜蓉包同餐湯，蒜蓉包好香蒜蓉味，麵包亦都非常之脆。餐湯有忌廉湯同埋羅宋湯選擇，我揀咗飲忌廉湯，不過忌廉湯嘅味道比較假🙄🙄飲品方面揀咗飲橙汁，不過橙汁我唔係鮮榨嘅😅

要吃一頓早餐除左價錢都要講求質素，兩者能夠配合就會招來客人，好似近樂富地鐵站嘅茜廊餐廳，佢嘅西式早餐就係其中，早日去開順便入去試吓已經座無虚席，等左一陣有位即刻order左餐牌精選滋味套餐29蚊份量啱啱好，件雞扒煎得好香，配合健康之選昆布就加埋分，米粉係我特別喜歡又幼又嫩加多8蚊就配埋農場蛋和多士餐飲叫左奶茶夠滑又熱整體37蚊吃個西式早夠平宜，最重要質素有保証

今朝早黎左茜廊食早餐。呢度既早餐都算抵食，而且好多選擇。因為可以加配好多唔同野食。所以如果唔夠飽，或者想試多幾款，都可以加配，而且無限加配數量我叫左個自選粉麵系列，叫左個雞扒出前一丁。另外加左$8蚊配牛奶炒蛋多士，再加$6蚊配薯餅。野飲配凍朱古力。炒蛋都算香牛奶味。多士係新鮮烘出黎的。薯餅炸得唔算油。如果雞扒同出前一丁係分開上既話，會加多幾分。雞扒有2塊，比我想像中多。杯凍朱古力有半杯都係冰，而杯朱古力沖得有d過甜。

夜晚冇咩人，見門口裝修都ok就入咗去試下，鋪面幾大，仲有好多位淨我地叫咗兩個set din，一個係🐷，一個係pizza。🐷隔離有舊紫薯😂好奇怪，因為完全唔夾，可能用嚟襯碟啦，個人認為🐷冇咩特別，如果再煮冧d會更好啦。海鮮pizza🍕反而唔錯，餅底脆脆地🍤。呢個餐兩人食有啲多，細食嘅朋友3個share都應該ok。整體而言，都幾岩朋友聚會，情侶💑一齊去，又唔會好嘈，食物又幾靚for影下相。