茜廊餐廳 (樂富廣場)

營業中

休息中

其實我呢D麻甩女都真係幾鍾意食茶餐廳😂因為好鍾意食沙嗲牛，簡直想試晒所有茶餐廳嘅沙嗲牛😍今次係因為經過屋企附近嘅餐廳，見佢西式餐廳竟然有咁地道嘅港式早餐！咁梗係入執試試啦😍叫咗個雙拼粉麵，沙嗲牛肉一定係膽嚟🤣配埋佢個friend煎雙蛋真係無敵😋😋😋好有驚喜地，沙嗲牛好出色！好有傳統茶餐廳食嗰種味！同埋會食到有花生香！好好食🥰因為自覺公仔麵真係太肥搞唔掂，所以配米粉😂沙底撈埋一齊真心正👍🏻👍🏻👍🏻

第一次幫襯, 中伏,餐牌唔乾淨,食物質素麻麻,牛扒勁硬,飲品唔好飲....不過唔貴lor,同員工面口ok嘅.當佢係一間貴d嘅茶餐廳, 不過非常唔好食咁啫, 食完幾後悔, 完

同一位朋友辦完事情來到樂富，見到這間餐廳都好多人，睇左下餐牌以西式早餐為主，都幾多選擇就決定入去試下。餐廳都算幾寬敞，裝修風格為簡約西式設計，以單車為主題，都幾特別。我點左羅宋湯煙斗粉套餐，講真份量真的太多，以我一個女仔的食量實在食唔曬羅宋湯煙斗粉賣相一般，但食落湯底夠濃味，夠酸夠辣，好開胃。煙斗粉唔會太淋，總體來講是好味的。多士表面脆脆地都算合格，炒蛋好滑，鹹淡適中。因為是同一位特別的朋友一起用餐，心情不錯，所以算是一個開心的早餐。會再次幫襯。

好伏，叫左一個泰式酸辣汁燒牛肉沙拉，計埋+1，買單80幾，而成份野得四片牛肉，牛肉冇味之餘仲要望落去顏色就知唔新鮮，好難想象一份80几ge野，質素係可以去到咁差，menue上ge圖片就好靚，牛肉分量很多，大概6，7塊，並且是長方形，一塊塊咁樣，話就話圖片只供參考用姐，咁你都唔洗直情牛肉塊變牛肉片啊嘛？成件事覺得好搵笨，而泰式汁只食到辣味而冇酸味，不論食物ge份量同食物ge味道，我覺得都係我食過最差ge。

今日中午吃濟左，決定一個tea當晚餐，於是選擇到樂富茜廊，相比九龍灣分店，這間較平民，人手欠缺，入座時多張枱面仍未清理。食物方面，茶餐都有四頁選擇，甚至有扒餐，當然不是一般三十塊元價錢。掙扎良久，二人決定叫西多士及巴馬臣火腿雜菇薄pizza, 最後加$12添加炸蝦沙律。西多士上枱有蛋香，內有花生醬，可惜花生醬較乾，如混合煉奶才塗上，會增加軟滑度。接住上了炸🦐沙律炸蝦較乾，沒有用太多炸粉，沙律菜則尚算新鮮!Pizza等候時間較長，份量十足，雜菇混入麵團中，pizza面塗上茄醬，加上芝士再焗，最後放上幾片巴馬臣火腿，味道較重，火腿尚算有咸香。整個茶餐配上多首精選英文歌,作為一星期辛苦工作之終極，真係不錯!

羊架配薯菜，羊架有三件，唔算大件，適中啦，薯菜份量一般，可能偏少，不過因為套餐有蒜蓉包同湯，餐飲另上，食灑其實都夠飽。上菜時唔知係咪漏左單，催完五分鐘後就有，不過同朋友傾偈，耐啲都冇所謂。坐近窗望街景，雖然樂富街景唔係特别靚，但卡位坐舒服，開掦都係唔錯。可惜啲薯條太油唔乾身，但因為有三種醬汁配羊架同薯條，而蒜蓉醬同香草醬都好夾，羊架味道適中，唔會太重羊味，而且肉面煎得夠脆，就補加番分喇！最後，去過兩次同朋友聚餐，九點半就會催埋單，算唔算早呢，我就唔評論味喇，不過整體表現唔錯，侍應比較存禮貌。

我自己近排就keep緊fit，盡量避免食澱粉質，所以午餐響街食都有啲頭痕😅😅😅我近排多數都會樂富嗰頭食，見到sidewalk 個午餐Menu，有幾款都啱keep緊fit嘅我！😃😃可以入去試一試😉第一次我就食呢個西冷牛扒配沙律（泰式柚子汁）呢個酸酸辣辣幾開胃，其實個餐仲跟一個湯同蒜蓉包丶飲品（凍飲唔使加錢）我就冇食個包嘅！但都夠飽😌😌😌味道方面當然係唔錯啦！西冷牛扒好淋！好香牛味😋😋😋第二次我就食呢個三文魚蝦薏米湯！😋😋呢個係意外地好食，三文魚剪得好趣好香，有夠大舊，不過蝦就一般（因為係雪藏蝦），但個薏米湯係幾好食，飽肚過牛扒沙律嗰度🤪🤪🤪大家如果keep緊fit,戒緊澱粉質，不妨考慮吓sidewalk 嘅set lunch 丫

今日lunch就嚟咗呢度食飯，叫咗焗白汁雞皇意粉、意式茄子吞拿魚燴意粉。價錢一啲都唔貴，每個意粉只係$45😀，仲有嘢飲，真係算幾抵食。而意粉嘅味道都唔錯，焗白汁雞皇意粉黎都熱辣辣，雞既份量都幾多，而且意粉幾入味，另外意式茄子吞拿魚意粉，朋友就嫌佢有少少淡，不過落咗芝士粉味道都OK。😊😊見佢咁平，性價比絕對高！下次可以再試！

今日天氣唔錯，去樂富買野，地鐵站一出轉左就見到間餐廳！ 肚餓入去試下，估唔到其貌不揚既西餐廳，入到去環境都不俗！ 枱相隔站適宜，坐得都幾舒服！ 同老公入去一陣有人招呼，lunch 午餐牌都有4頁，好多種類！老公選左卡邦尼流心蛋意粉，我選左牛魔王雞扒焗飯，餐湯紅白二選一，估唔到送既唔係餐包係蒜蓉牛油多士😋😋😋卡邦尼意粉汁濃料多，而且係熱呼呼上枱，牛魔王原來係指牛肝菌汁，牛肝菌汁香濃惹味，送飯好夾！ 平民cafe, 埋單都係150，可以再食

樂富地鐵站附近要食得平，呢間餐廳係平民價嘅選擇，嘢飲夠大杯之餘，同埋係坐得舒服，裝修Morden. 今次同班學生食咗意式茄子吞拿魚燴意粉🍝都幾好食！以價錢來講，佢性價比算好高😂 相比起個白汁雞皇意粉，呢個算係食得舒服，唔會太細，唔會太膩， 同埋嗰醬真係好食另外，仲試食咗香烤原隻燒春雞，雖然話就話係春雞，但其實份量都好足夠！一個人應該食半隻都足夠當lunch, 但係肉質就比較乾身，烤雞佢多數會係㗎所以算係正常。佢又跟埋一個醬汁，但係其實唔太好食你可能會寧願食肉。所以，如果你唔係好急想食雞，未必推介你order.

當日肚子餓，便隨意走到樂富的一間舖面光善的餐廳享用下午茶，店內裝修頗有格調，牆身以白灰色為主調，再襯上單車、餐具及滑板等裝飾型格十足。而最感驚喜的是雖然店舖有裝修，但下午茶的價錢卻非常平民化，炸雞中翼薯條配水耕菜沙律只售$35，雞翼絕對能入口，薯條有板有眼脆卜卜。而吉列魚柳拼炸蝦餅售$36，但魚柳卻較難入口，炸粉太厚魚肉太薄，蝦餅則正正常常，朋友都難以完成整份餐。下次可再試一次晚餐，看看扒餐及中餐炒飯等會否較出色。店舖裝修靚總是較多福利的。

樂富廣場有唔少餐廳，茜廊開係地鐵站出口附近，都幾方便。餐廳裝潢設計十分高級，但價錢非常合理，下午茶更加係好平添！一個餐食到雞肉煙斗粉，牛角包，仲有沙律，凍飲唔洗加錢添。真係好平好飽肚呀。

Home Office 左成個月，日日因為口罩唔夠而唔想出街😷😷😷，己經好耐無係外面食飯🥺🥺，今日難得要過九龍灣整嘢，整到差唔多Lunch Time, 即刻打俾我同樣Hime Office 既家姐食個抖氣Lunch~😂😂😂家姐提議來食Side Walk ，之前佢己經話帶我來食嘅啦，不過次次都好多人！今次終於都試到啦！Yeah!🤣🤣🤣🤣✌🏻✌🏻✌🏻來到餐廳，無人等位，直入，咁我都唔意外既，近排啲餐廳都係比較靜！🥺🥺 去到想坐卡位，waitress 姐姐剎停左我地，貼心咁提我地原先想坐嗰個位比較近廚房，仲帶我地去第二個位，好貼心呀！❤️❤️❤️一坐低我掛住消毒，餐牌都係我家姐睇！（強迫症發作🤣🤣🤣)我地叫左隻春雞，同忌廉蘑菇煙斗粉，2個都係餐來嘅，跟餐配左紅湯同法包！👍🏻👍🏻 個湯好好飲，酸度啱啱好，又多料（雖然我不吃牛）😂😂法包又脆口，好好食！ 忌廉蘑菇煙斗粉個汁好香，唔係有好多汁浸住個粉，食起上來個粉仲可以keep 住個咬口，好食囉！同我第一次食煙斗粉，佢又唔會食到成口都係粉咁，雖然都小粒！ 至於似春雞，都幾大隻，燒完啲肉仲好嫩，好Juicy, 幾好！唯一我麻麻地個燒汁同我覺得薯條少左啲！其

朋友帶我嚟呢間 餐廳第一眼我望到佢嘅裝修 非常有好感又大又靚見到佢個menu有少少失望感覺上好似同普通茶餐廳差唔多出咗嚟嘅嘢食真係同普通茶餐廳差唔多佢哋嗰啲員工service真係麻麻地個男人為咗令第二個客舒服啲不停喺度喐我張凳佢好似冇發覺到 郁咗我張櫈幾下如果你當佢茶餐廳咁樣食 ok嘅可以接受我杯熱檸水嚟到見到個杯外面有茶漬我即刻叫靚女換咗佢個靚女都好愕然咁望住個杯啲嘢麻麻哋好食啦沙律醬唔夠 仲要唔好食炸雞翼反而幾好味薯條 麻麻地啦應該冇乜可能會返兜

今天下午原本想去太興食 經過茜廊見到有扒食 賣相都不錯 就試試 這是第一次食的這裡的紅湯好辣 唔知平時都係咁定今次比較重手 個蒜蓉多士好硬 要扣小小分 到主菜 安格斯西冷扒 幾好食 不過伴菜是二舊薯仔 唔係薯條 賣相唔得 所以冇食 第二件半價 所以叫了二塊 七成熟 好似熟左小小 下次叫六成就好 塊扒真係唔肥 不用切走一大堆肥膏 烏冬就普普通通 沒什麼特別那個pizza 賣相好靚 料都不小 但薄批底竟然唔脆 個侍應送來時仲叫我地小心熱 岩岩整起 我諗下次我會試他們的燒春雞