茜廊餐廳 (德福廣場1期)

營業中

休息中

尋晚食完, 佢地碟頭都幾大, order 之前要考慮清楚, 唔夠先再叫啦.款式唔夠多, 味道都唔錯, 服務態度真係可以一讚, 既友善又細心.

食物水準好,鵝肝抵食,之前有個士多啤梨汁牛柳都幾好味ga~不過唔知仲有冇~羊排都唔酥,幾好味~依家有水準而價錢大眾化既西餐廳並唔多囉

水準同紅螞蟻差唔多,環境都唔錯,坐得幾舒服服務都冇問題,佢地仲有bread roll,熱檸茶仲會分開上,而家唔係間間會咁做架價錢貴紅螞蟻少少,都要$70幾,不過下午茶就好似幾抵,$30幾

我同同事最鍾意佢個lunch 早少少,十二點半前order,用埋張9 折咭..每人都係四十幾蚊..的確係抵食囉! 水準當然係高啦...<br />仲有幾位姐仔都招呼好好嫁..

其實以一般港式餐廳而言，呢度算幾唔錯，起碼樣樣o野都大大碟；但價錢略貴，一個晚餐一般要$80-$100。但比起同級數如名寶石餐廳，小妹寧願o黎呢度，起碼D野好食D。尋晚一行3人o黎開飯，明知D野大碟，所以只叫兩個set，不過卒之都係食唔晒。個set包o左? 包，湯，主菜，生果同飲品。包包有幾片薄toast，蒜蓉包同提子包，3個人夠食有餘，可惜蒜蓉包味道麻麻。湯除羅宋湯之外仲可以揀酥皮竹笙湯，熱辣辣咁味道都唔錯。主菜分別要o左焗粟米石班飯同香芒煙三文魚燒牛肉沙律；個焗飯都整得好香，但煙三文魚同燒牛肉只係一般。侍應見我地有3個人，仲送多客生果俾我地，都幾識做。最impressed係個飲品，我地叫o左凍熱檸茶各一杯；杯熱檸茶居然係一壺咁上，而且裏面用茶葉而非茶包，幾香濃，唔錯。埋單兩個set連加一剛剛$200，唔算平；不過3個人分每人都係$6x，都算合埋咁啦。

曾於tea time時段來這裡, 氣氛確是不錯, 但很多人吸煙, 空氣不太好, tea set算ok啦, 但價錢欲可再調低. 今次是在lunch time到這裡, 外面很多人等位, 要輪籌, 幸好也不是等得太久, 但明顯較嘈, 侍應忙得幾乎應付不來, 等了很久才有人得閒為我們落單, 點了兩個午餐分別是: 燒雞肉大蝦飯及咖哩牛腩飯, 咖哩只辣而不香, 食物質素一般.

茜廊d早餐都唔貴，廿零蚊有一份。可惜早餐時段d服務不太好(其他時間就唔知，因為好少食)，waiter太少人又多。一係叫完都冇人理，一係叫o左o野唔記得，一係未聽完就走，不停咁走來走去。d o野食又要等好耐。我叫早餐時會叫埋o野飲，杯飲品都可以係我食完先送到，但係d o野食已經等o左一段時間，如果唔叫先要等好耐o架。既然咁多人食請多兩個人啦..............

我都幾喜歡它的氣氛, o的位好坐,而且o的包十分正, 不過正餐就麻麻, 牛排過火, 奶茶不夠味. 以咁o既價錢就算差.

以前經常同男朋友去食, 但係非典嘛, 都唔敢去. 其實佢d野都好食架, 大件夾抵食. 女仔會食唔晒架. 不過佢d包包又係好吸引到我, 蒜蓉包好香, 好脆, 熱辣辣, 淨係食d包都飽晒. 因為佢都好重手, 2個人都比5個包包. 但係餐跟佢d甜品好削, 冇好過有. 環境唔錯, 卡位好舒服~~不過d服務唔係咁好, 你舉手佢地會扮睇唔到. 但係我見佢地d高層都成日同佢地傾偎. 希望佢地如果有近視就帶番眼鏡, 當幫下d客人嘛.

The environmrnt is comfortable. The lighting is little bit dark. Each table places a candle. After having a dinner, you can talk with friends for a long time there, but no one disturbs you.

比以前明顯求高格調, 以全新面貌示人果然不令人失望, 食物各方面都好平均. 價錢中規中矩, 不過會令客人有更多其他餐廳選擇. 老實說, 以前區內嚴重缺乏此類餐廳, 但時移勢逆, 如今這價錢便不用去這家了...服務態度堅持沿用舊班底, 有經驗且有親切感, 不錯, 不錯....

我地兩個人，每人叫左個餐，主菜未黎前有籃麵包，籃麵包好多；仲係熱熱地既添!個餐有湯，我地選擇左酥皮海鮮湯，食左少少麵包再加埋個酥皮湯己經有飽飽地既感覺。我叫果個係乜乜牛柳配厘酒(咁上下名啦)，幾好味，d汁唔會好濃。最後都係食唔晒個餐。有餐茶又送甜品，真係好抵食。服務唔錯，待應上菜時會叫你慢慢享用，有個經理見我地d野食仲未黎問我地叫左乜，幫我地催催個廚房添!環境幾好，只係嘈左少少!埋單二百蚊都唔駛。

無錯....裝修後整間餐廳好似格調高左, 食物的款式都加添左不少, 中/西/日/馬來等各式其式, 價錢合理....因為有D真係夠2個人食, 因為又包餐湯,餐飲,一籃麵包,加埋主菜,share 分就最好, 最多叫分小食就最fit, 一人一分, 我就覺得食唔晒有點浪費, 招呼和以前一樣甘親切....

新裝修後此店人流更勝從前，晚飯時間都有好多人排隊去食。食物味道比起以前好食，色香味都有所改進，侍應服務依然幾好！抵讚！菜色方面亦好多元化，各國特式食物如綠咖喱、燒羊架、日式鐵板燒等都有得食，其中以前Cellini 餐廳既菜式都變為茜廊既主菜（例如花紅粉大蝦），因為大家同是美心集團，Cellini 結業後，佢地既師傅都轉去茜廊。Cellini 既美味，我想眾食家都略知一二，如今於此店吃到（價錢比Cellini平），真係好驚喜。但此店在裝修後，環境依然很嘈，唔知點解，環境比其他餐廳吵耳，美中不足。

星期日tea time去呢間食，都要登記ga,不果等左一陣，因為好耐無去，所以今次去環境好左，但無以前咁靜，幾糟lor,食物普通，價錢當然o吾平啦!!!仲有估o吾到西班牙凍湯好難飲，飲左兩o下說好辛苦，想嘔!!!