茜廊餐廳 (德福廣場1期)

營業中

休息中

2人入到去坐到果隻卡位, 幾唔錯, 之不過...點菜, 加水, 埋單時, 你點嗌救命都係冇人理你。叫左個menu上的set, a la carte 一個牛脷意粉。set的大蝦芒果意粉真係十分有八分難食。又凍又一patpat, 芒果有渣, 蝦係脆架喎! 我地每人只食到一啖, 好浪費!牛脷意粉好少少, 但係佢係分開上, 唔係焗的。意粉一pato係碟, d汁又係一pat, 都係唔好食, 不過比set好少少。湯ok, 包好正, 牛油真係唔話得!

同男朋友去食左個dinner, 幾好, 會再去兩個人都各自點了個set dinner, 我的是有羊有雞的, 他的是t骨牛扖, 份量好足, 好飽, 主菜o既味道不錯, 我個份有o的薯仔片, 夾o係o的肉入面, 幾好味架, 不過一定要提餐飽, 真係好正, 尤其o的多士, 加埋佢地自己整o既椒鹽牛油, 十個正！仲有個酥皮湯都好好味埋單兩個人二百零幾

- 牛油真係好正(果晚係椒鹽牛油), 麵包好多款, 幾好- 餐的價錢不算太貴, 因份量好足夠- 侍應的態度都幾好- 閒日都幾full, 要坐到830後才較靜, 傾偈會好些- 不過冷氣真係太凍

前排又再來幫襯呢度Early dinner (七點前埋單),最主要係因為平,由$85減至$42-49.麵飽籃最正,有蒜蓉飽,多士同菠蘿飽,熱熱地幾好,另外有餐廳自製蒜蓉牛油,雖然冇乜蒜蓉味但起碼有d創意.俄羅斯羅宋湯熱辣辣,足料又幾好味.主菜方面,白汁芝士什菌菠菜焗飯麻麻地,食完覺得很"劑"很"溜";馬來咖喱焗斑腩飯辣辣地幾開胃;薄牛扒配薯蓉其實係焗薯,薄牛扒亦都唔薄,入口唔鞋唔韌算ok.但係冷氣實在好凍,風口位有倒汗水添!侍應係找數離開時最好,但之前大部份時間態度都唔好.個人認為四十幾蚊都抵,但轉回正價就好貴.

每次同男友到德福都必食。價錢公道得來, 味道都ok~最特別係一大籃麵包~ 有2片toast, garlic bread同一個大豬。d包暖笠笠不在話下, 牛油次次唔同味~ 我試過駝鳥牛油、黑椒牛油、肝醬牛油等。水準真係, 以餐包計係有5分! 誠意方面係十分~餐湯有酥皮、忌廉、羅宋、牛尾、洋蔥等選擇! 牛尾同酥皮都高於standard。其他冇試不便評論, 但見佢餐湯都用心過人可見差極有個譜!其他扒類、意粉都公道抵食! 可惜驚喜欠奉。百幾蚊叫有扒据有d mood, 都去得過!

小弟今日(9/4) 去了這兒食皆因好像幾高級,看過餐牌之後便叫了一個晚餐,但是由於可以早點吃(5:00-6:30)所以可以平d(7:00 前埋單計)$85 -->$45有餐包,餐湯,一個main course, 一杯飲品我和女友都是要了一個呑拿魚焗波菜麵我覺得太多汁,但喜歡焗飯的朋友都可以accepted味道都可以,但本人稍為覺得太濃,可能是個人關係份量可以接受(吃得飽),食餐包時有一種特別的醬給你,可以試試服務方面都可以接受,有叫都到,埋單都ok 快,有加一裝修方面有浪漫氣氛,坐卡位可以很寬敞,無人趕你走,地方夠大,有點像維苑,但太很多,食品種類都多,無煙味總的來說,如果以$85 來食,就不抵食了

真係好一般, 不過佢個裝修都不俗, < 暗> 同情人去就有feel, 兩個男人就....講回菜色, 個碟夠哂大, 看到都有飽的感覺, 餐飽係用微波爐"叮"熱的, 湯同主菜的味道同花園餐廳有過之無不及, 收費卻貴了點, 唔抵~ 本人不推薦, 未食過可以一試.

我覺得呢度同其他西餐廳冇乜分別,食物和餐牌亦只係大路貨色, 但價錢比同區其他舖頭貴,實在唔明有乜咁好?!

之前睇左呢度ｄ評語話呢度幾好所以就決定黎試下喇～12月24號我同埋個朋友去食聖誕餐，兩個人食左＄４７０，味道只是覺得一般，我地大家食曬都唔夠飽，真係唔覺得抵食囉．而且坐ｏ係度食ｏ既時候，d waiter 成日ｏ係我面前走黎走去，有時候ｏ係我張台度羅chair 走，一陣又搬番返黎，勁冇ｍｏｏｄ食如果知道係咁的話我情願比多ｄ＄去酒店食ｂｕｆｆｅｔ我相信我唔會再去呢間餐廳食

今晚8:30去食set dinner,叫左個芝士焗豬手拼煙肉青口,個豬手出乎意料之外的大,把我的友人嚇呆了,味道不錯。不過最好味都係個bread roll, 那些牛油太好味了,它和一般的餐廳不同, 冒著增肥的危險也要塗上厚厚的一層。個酥皮湯都ok好味。可能因為無西瓜,甜品變成士多啤利蛋糕,不過因為太飽, 食不下呢.其實兩個女仔食一個set都夠。值得一讚的是餐飲可以選凍蜜糖柚子茶, yummy!以不用一百元的價錢享受這麼多的食物真的很抵呀!

Set dinner 既銀鱈魚伴薯蓉好好味呀,有酒店水準,份量又夠,我同朋友都好回味,好想快d再去多次!Also good service!

食物品質尚可....但好dirty....

午餐及晚餐也多數要等位，但不需等太久，裝修OK，夜晚會有燭光更佳，坐窗口卡位則更好，侍應服務態度很好又勤力，午餐大約六七十元，晚餐則一佰以下，但份量十足，味道不錯，餐前的一小籃麵包有數款，暖暖的，配上蒜香牛油，幾好味；餐湯除了紅湯白湯外，還有酥皮湯及牛尾湯；扒類幾大份，味道也不錯；串燒還有小火爐跟上，不知是否心理影響，好像特別香的；咖哩亦很香，不是太辣；午餐試過豉椒排骨濕炒河，汁很多但不算太膩，比很多酒樓炒得還好，晚餐甜品時常也是中式糖水，結果中西合併，不太配合，而且糖水經常也很”杰”，而之前的份量已令人很飽，實再未能太吸引。但整體來說，這樣的價錢，份量和味道仍很合理，港式西餐來說可說是一個不錯的選擇。

去了好多間都排長龍,所以去了茜廊,叫了一個芝士青口雞扒意粉,一個鐵板牛肋骨+雞扒沙拉+意粉,牛肋骨有双菌伴碟,o的骨都幾好味,又好'淋',不過好膩,加上已吃了麪包和湯,吃了一件已好飽,仲有甜品和好大的drink,真是太多了,不過甜品是黑糯米,好煞風景,其實切少少cake都唔會好貴,好過唔中唔西.

曾在這裏吃過午餐，大約六十多元一位埋單到啦。那籃麵飽夠熱好吃。食物係港式西餐！但係比較之下呢間餐廳整得幾好味！夠熱份量夠。裝修亦不錯，有得單邊位仲好！