英記油渣麵

營業中

休息中

宵夜5知食乜，通常第一時間會諗煮個麵，但又懶，唯有落街食，老公帶來個時都5想食，因為聽到油渣麵怕好油膩，但去到門口，講緊凌晨2點，仲爆緊場，就對呢到充滿期待，坐低嗌左野食後嗌左涼粉爽，好好食，好似某涼茶飲品的味道，但呢個就多d粒粒涼粉

呢間店嘅油渣麵吾講的上超好食不過間店嘅秘製辣椒油真係好正 辣味十足只要落少少 真係少少就夠辣味已經好勁我都係比佢個辣椒油吸引住我加上呢個油渣麵冇我想像中咁油因為平時食嘅都係油到不得了好似吞緊油落肚一樣呢個就吾會 食完都冇咩罪惡感而且佢開通宵 岩曬D夜鬼

呢問英記係我以前每星期必到嘅地方，因為要開ot，但轉左公司就無再去，再去食叫左個淨菇麵全走，對一個唔食菇嘅人，佢嘅菇係會令我開口食的，湯嘅味道好似淡左少少，但依舊好味。最後埋單大約3x蚊，以宵夜嚟講都算平

每個月最少食一次！成間店食品品種唔多 但每款都好好味先講佢個油渣面 個湯唔係味精湯 清甜夠味面質爽口 不過如果佢個段時間少客 面可能會有少少「林」唯一不足之處 必點係蠔油芥蘭 佢個蠔油係秘制 本人覺得個名有啲誤導 因為唔係蠔油咁簡單 有啲蒜香味 無蠔油咁濃 咁咸 帶點甜味最重要係個辣椒油 必試 細細滴已經好夠味

食完美味餃子店，蕃茄醬順道帶我去埋英記油渣麵，今次係我第一次食，但蕃茄醬已經食咗二十年，之前已經食了餃子，所以只點2碗細油渣麵，麵質是硬身的，幾好咬口，但油渣不夠脆，湯亦不夠濃，還是上水的比較好食，另點了一客炸鷄翼，$12有4隻，夠香口乾身，算幾抵，辣椒油夠辣，所以一定要叫可樂才可中和.....笑臉是俾炸鷄翼的。

近來都在大角咀附近番工，決定睇下附近有咩好食。英記我係俾佢醒見目既黃低紅字的吸引。入到去點左個油渣麵加芝士腸同雞翼，舊招牌但係茶餐廳既格局，坐得舒服。油渣麵:好快就上到枱，岩哂肚餓既朋友有得即刻食。口味特別既我反而鐘意呢到D油渣未炸得乾身，油分十足，正。不過略嫌麵條斷，不太新鮮。芝士腸、雞翼:芝士腸5蚊有5條夠哂平，而且雞翼方面煎得香脆來嫩，普通既家常食物既感覺。油渣麵，以前起大陸食過一次，而且香港甚少，唔係到到都有，可惜可惜。

這店就只得樣食物賣，相片包含哂。仲有難得有餐廳乾淨度爆燈。。舒適。1)油渣麵。大$27，細$20。俾我重新認識原來油渣麵都可以係咁認真，同乾淨。記得10年前係其他店食的是髒髒的。但這店的油渣麵是心機之作。麵是粗麵，有口感，不會煮後就變得爛溶溶咁。而且加了香茹（雖然唔太大香茹香味)，豬油渣，材料豐富。2)腐乳通菜$15。嘩，估唔到正到咁，order兩碟。。首先通菜很嫩，食落無渣，好新鮮，又嫩口，好青綠。菜質本身已經好正。再加埋腐乳，救命呀，無得頂。這個腐乳又香，又唔會太鹹（很重點)，濃郁度適中，不會太稀。真係好正，仲要係$15大大碟。。仲有邊度可以咁平而又咁好質素。3)辣醬，特別的辣。。又香。。真係食少少都好辣。。正。。仲有得買哂。。$404)雞翼，芝士腸。。家中味道。。雖然無咩咁特別。。但就係夠哂平。。$12 有4隻雞翼。$5有5條芝士腸。

今日要係附近 OT做野，遠道而來無論由唔食返個英記油渣麵嘅！由於未幫襯過，而都晚上十點幾啦，於是打去問睇下打左烊未先，點知阿姐話開到早上七點喎~仲以為聽錯，睇返openrice原來係真嘅！做外賣妹買左五個油渣麵，25蚊腸同兩隻雞翼加兩個菜。。。油渣麵個湯底好好味，啲麵都好滑，而豬油渣爽爽的，都好多咸菜同蔥做配料，阿姐仲好細心咁分開袋裝添成咁多樣野加埋$200有找，食得超開心。。。

今日同朋友經開呢間鋪頭，又肚餓，就入去食翻碗招牌油渣面😬下面第一張圖係碗面一黎到個樣，賣相幾靚、幾多料，有豬肉、冬菇、菜莆。但係個湯就無乜特別。辣油係之後加上去，第二張圖就係加完調味料之後個賣相。但係我就幾鐘意d鋪頭d秘製辣椒油，d油有d甜甜地咸咸地唔算好辣，加落面度反而幾惹味，似係搶左主角碗面既味道😂😂😂碗面係就係幾多材料，平平地承惠27大元，但係食完就唔係好飽😅

原來英記油渣麵好食過周記咁多！一直都好鐘意食油渣麵，以前不嬲去開深水埗周記，但係上星期有朋友介紹我去大角嘴英記食，於是即刻叫男朋友陪我夜訪英記。一去到，睇到12點記仲人山人海嘅塲面就知朋友冇介紹錯，坐低就叫咗兩碗大嘅油渣麵，雞翼同通菜。英記啲油渣好正，食過英記就覚得周記唔掂，佢啲麵同個湯都好夾，個雞翼都好好味，係個通菜鹹咗少少，整體都好好，一定會成曰幫襯！

看eason成天在inst上面po英記，一直琢磨是不是可以在這裡偶遇eason呢？小店比較偏。進去不需要看菜單，反正甚麼都沒啥，只需要考慮大碗還是小碗，要不要加份時蔬。油渣麵應該不是人人都喜歡。那些豬皮雖然熬得已經沒有甚麼油，但還是口感奇特。不喜歡肥肉的朋友可能會覺得噁心。

說起英記油渣麵確是有多往事, 現在仍如昨日一樣。然而在英記也許一向是我們宵夜的“第二最愛“, 要講到摯愛, 當然係英記最舊鋪隔離的炭燒大眼雞啦!隨大眼雞已去, 往事也如煙, 英記也由埃華街一搬再搬。來到這間我不熟悉的英記, 連菜式也不熟悉。這個炸雞翼, 以前只是會到對面鋪買來吃。現在店大租貴, 多點產品無可厚非。可是水準卻相差極遠, 雞翼無隔好油, 令油太多而不脆口。沒有了那新鮮炸起的燙口感, 只有冰冷的疆硬口感。無味無道。通菜吧！水煮後加堆腐乳醬, 醬乳醬吃得令人舌唇皆癢, 也許是鹽份太高所致。主打還都是一碗油渣麵, 個人要求奉旨多渣, 也有人要多菇的。要求也不負所望, 在一堆極多的冬菜叢中也有不少油渣。油渣這東西, 以豬肉件走油, 榨出豬油後隔乾。瘦肉乾煸, 但豬油榨出後, 皮下脂肪脆而鬆化。再用豬肉搓麵條, 吃下滑溜香口。可惜舊物不再, 麵條水煮有點過火, 淋軟而味少。油渣有乾煸, 但炸得不夠透, 皮下脂肪依舊黏口, 質感略韌。不過, 餐廳辣椒依然保找香而極辣, 不能吃太辣朋友, 小心小心！豬油渣本來就不是什麼貴東西, 而且香脆利口, 宵夜有此能肥十磅也要吃。不過現在收費也不便宜

下午茶試下呢間老字號油渣麵,環境一般茶記格局,地方細好多人以為一講到豬油渣就好肥, 錯!,因為人地既肥豬肉其實已經炸到好乾身,好多入面既肥油已經冇左, 其實又吾算話好肥 豬肉味比較集中,豬油渣麵上面除左有爽口彈牙豬油渣外,仲有菜莆,冬菇葱花吊味,口感不錯, 麵身比較粗而且口感煙UN, 整體味道不錯雞翼好住家FEEL,就好似一般既煎雞翼,細隻得黎又醃得幾入味,都OK呢個都係間中經過但都值得支持下既舊式食店

i discovered the answer to the age-old after-the-bar question: what should you eat to help sober up?  ying kee was my solution during my days of being wild.i can't remember how many nights ying kee has helped me through the nastiness of heavy drinking.  the deep fried shredded pork noodle is the ultimate remedy for hangover especially served with their home made hot chilli oil.ying kee's pork noodle is one of the best meal to sober up.  ying kee is also the best in making such local delicacy (wh

大角咀諗起乜?我會諗起油渣面，今次終於有幸第一次食油渣面，我唔知係佢唔係我杯茶，定係呢間野麻麻，有朋友話深水步有間好食啲。朋友佢唔係第一次食，佢話豬肉炸得唔夠乾，啲油未迫夠出黎，有少少失準。面身唔係滑嗰種，我中意滑的，豬肉同菜都正常。雞翼反而煎得幾香。介蘭都算新鮮，都幾綠，亦唔會煮得過老。