英發茶冰廳 (已結業)

英發菠蘿包,我每一天的新開始.早排過年佢地休咗好多日,沒有英發熱辣辣的新鮮菠蘿包的幾天,早上總有點不完滿的失落.

昨日打完個食評之後又心思思呢度既奶茶同麵包, 下班後又去食過,但今次晚了一點菠蘿包己沽清(其實都係6點4之嘛)呀姐話麥包仲暖暖地,見佢咁講又即管試下,叫埋杯熱茶少奶.個麥包好好味,一來新鮮軟棉棉,二來唔太甜(好怕有的好甜既麥包)三來食落去唔會覺得油(有的茶餐廳的包係好油下架)正呀!至於杯奶茶夠熱夠茶味,又要比個正佢喇.總括來講,呢度絕對食到我想要既食物.

無意路過此處見到新鮮出爐既菠蘿包,心思思又想食佢落肚,(反正未食午餐,就咁決定啦)入去時其實己經差不多3點所以還有幾張吉檯無人坐,唔理餐牌有的咩一心一意就叫菠蘿包+熱茶少奶,1分鐘送到我面前,望見個包樣係好fresh好吸引,包底唔會'火農',飲淡奶茶試下佢有無茶香先,結果無令我失望,再咬啖菠蘿包,我簡直覺得自己食緊人間至美味既食品,包上面既脆脆正如其他人所講唔會好易咁掉落架,我試用手撕一塊都唔係咁易,真得意.呢餐肚唔夠飽但心靈好飽好滿足.(搵日又去食)p.s.其間都有好多人入尼食,都係叫杯飲品加包點,相信都係街坊喇,因為的伙記同的客人講笑講得好鬼friend.

放食晏和細妹到這裡,見到大大個的菠蘿飽、墨西哥飽、雞尾飽,好吸引,好心急坐低就叫飽,但好人阿姐提我們五分鐘後麪飽新鮮出爐,我們就叫了特價豬排麪及肉絲米粉,味道好住家的!終於新鮮麫飽出爐了!大大個的菠蘿飽又香又軟,面層十分鬆脆,飽身卻很軟熟又有咬口,加埋杯熱好立克...真係太滿足了!返工受的氣都消失了。

自細就o係呢間o野食大,長坐7號抬,由細到大都覺得最正係~~出爐菠蘿包。要食o既話,等佢出爐都抵。聽亞姐話以前最高峰一日出千幾個,宜家就淨係得6、7百個。不過水準真係一路都咁正,又熱又脆,唔驚肥,加埋牛油再o黎柸奶茶~~正正正。不過要飽食就可以要個茄汁牛肉叉燒燴意粉,but呢個冇餐叫,飲埋柸o野就貴少少。

7&8-7-2005在很偶然的機會下可以食到這裏的菠蘿飽(因是由人買回來的)，食過後是我覺得最好食的，個飽很大又平宜$2，雖然凍了但飽面的皮還很脆口蛋味香而且夠實不會常跌下來弄至到處都是碎，麵飽咬落有少少黏牙，不過很烟韌。至於雞尾飽$2內裏的椰蓉頗甜，分佈得幾均衡不會太多或太少一樣好食，餐飽$2甜甜地也是不錯又是幾大個如果搽埋牛油更正，很少見到餐飽是大的通常頗為細。結果最後始終都是由菠蘿飽勝出。^0^

通常食到o既菠蘿包一係淋, 一係入口好似食沙咁, 今早黎到富有懷舊感覺o既英法, 就叫左個菠蘿油同奶茶, 菠蘿包面幾鬆脆, 對我黎講略甜左d, 麵包質地軟熟但較黏口,咬下時唔係好有回彈力, 而麵包o既熱度係唔能夠溶掉半點牛油, 基本上黎講係唔熱但保證係新鮮o既, 另奶茶方面, 幾有茶味及唔鞋, 總括黎講算係唔錯喇。