英發茶冰廳 (已結業)

我幫親左成七,八次啦前日又入觀塘APM睇戲之後帶咗女友嚟試無咩客,得1台客,我哋變左第2台客,叫咗:一個常餐$23,一個黑椒朱扒火腿蛋飯$28常餐包括义燒通粉+多士+炒蛋+火煺+熱華田义燒和通粉都新鮮，比一般茶餐廳略好兩塊多士都很厚,麵包內很鬆軟而面則很脆口算是我吃過最好吃的厚多士炒蛋的水準比佐敦的澳洲牛奶公司更好蛋半生熟,充滿蛋汁很滑口,火煺則一般朱扒火腿蛋飯,個黑椒汁好香, 塊朱扒好好味火腿同雞蛋就無乜特別,但我哋全部食晒記得當時得一個伙記,一個收銀,一個老闆,一個廚房感覺到呢店制作好有誠意,給予我親切感

逢星期日我都會去英發打躉這間屹立於觀塘少說也有三、四十年的老店就絕對是此區的代表.門面及室內真是好懷舊仲記得第一次黎英發.係我小學一年級開學.當日媽咪帶我黎食早餐記得早餐八個半.午餐九蚊凍飲加五毫.不過往事祇能回味回到現實:老實講這處食物唔係太特別最鐘意呢度既早餐沙嗲牛意粉同公仔面足料得黎又夠味,唔會求求其比d野你食跟餐飲品，我覺得熱奶茶幾好喎,夠濃而且夠滑至於凍飲就要加2蚊.其他食物大部分都係普普通通店員服務很好,就好像老街坊一樣.很有親切感我覺得食物好不好吃也是其次最重要黎呢度係食氣氛.又多了一個回憶地方

2個人叫左一個常餐同一個沙嗲牛肉蛋飯,野飲要紅豆冰同凍華田先黎沙嗲牛肉蛋飯, 嘩, 好咸,係好咸我平時都好食得咸都覺得頂唔順再黎常餐既沙嗲牛肉麵,個麵淋到死,咬落好核突同埋個湯一d味都冇朋友話杯凍華田同出面飲果d唔同味,因為我係唔飲阿華田既,所以唔知有咩唔同成餐最好味既都係紅豆冰,紅豆夠焾夠多,係甜左少少其實d野食唔好食都算,最恐怖係整野食個叔叔o係度狂咳,又唔掩住個口,有時都有掩既,不過冇洗手就切菠蘿包整菠蘿油俾人唉, 好彩我冇叫菠蘿油.....

雖然老街坊.每次過門也不入.今次還趕得及早餐時間，揀了早餐炒蛋滑滑的.蛋香及蛋汁並全1片麵包,微暖略脆雪菜肉絲米.肉絲多過雪菜.米粉是腍腍的.湯底較為好味少奶的奶茶,大大杯好夠熱,奶的份量剛好,茶味亦夠濃店鋪好細, 只有大概8至10張台.服務員既態度好好, 仲同我有講有笑我覺得哩一間茶記除了好食外，給予我親切感.還要有一份人情味

10-1-20090係觀塘亂行一通, 行到累0黎呢間舊式茶餐廳飲杯茶 (熱奶茶 $11) 食個包 (奶油多 $6).熱奶茶用厚瓷杯 serve, 飲落奶味大過茶味好好好多, 睇0黎叫少奶會好 d?奶油多就好好多 -- 烘至金黃色, 牛油奶油份量剛好, 食落鬆脆又香甜, 好食!環境舊式, 不過唔係咁「冰室」, 仲唔知點解感覺勁似澳牛 (!?!?), 加上星期六好很多人, 食完快閃好了; 招呼無特別.見阿姐0係門口「叫賣」大量自家出品麵包, 有機會再0黎的話試試菠蘿包吧.

觀塘這一舊區應該有不少舊式茶記，先search下有什麼好推介。門面及室內真是好懷舊，門口又有麵包擺賣，是我心目中最喜歡的茶記。有自家製的港式麵包，立即叫了菠蘿包及腸仔包，兩者新鮮出爐不久，包身仍保熱熱的。菠蘿包不及金華，缺少新鮮出爐的香氣，內裡似未熟透；腸仔包比較好，包身又熟又鬆軟，雞肉腸皮脆肉彈牙；再來一個叉燒燴意粉，十分地道的港式意粉，濃濃的茄汁，腍腍的意粉，當然不可與正宗的al dente相提並論，但又是另一種的港式風味。茶記最重要的奶茶，真是被它顏色欺騙了，顏色很淺淡，以為又是過重奶味，怎知入口很順滑，茶味極香濃，是一杯很有水準的奶茶。不枉我專程來這裡食個午餐。

逢星期日我都會去英發打躉, 一杯熱奶茶等飽或蛋撻出爐最好味蛋撻蛋味濃, 飽夠鬆軟, 奶茶茶味濃..咖啡一般...其他餐就唔算太抵食, 普通到唔普通...

來英發只有一個原因-正是新鮮出爐的麵包, 此處的菠蘿包.雞尾包.蛋tart確是又平又正!!論他們的餐及飲品的話,就實在一般/常餐要$23(凍飲+$2), 可選餐肉(好少好thin)/沙爹牛(我吃過後勁口渴)/或其他配料的通粉或麵 - 我常只吃义燒(最正常), 另有煎双蛋及餐包(多數係唔熱)飲品我推介凍OT, 茶味幾好奶茶就算要少奶都太奶,不太合口味

此店的熱奶茶是本人飲過最好之一，間中路過都會入去飲番杯。香濃幼滑奶味足，除了太子金華能與其一較高下之外，暫時仍未發現有別家水準能超越此兩間茶餐廳。

16Jun2007 1501食完泰菜到樓下，見到小巴站後面有間「貌done」舊式茶記，又唔少人係度「打躉」，仲有quota，即刻入閘。點了凍奶茶，加一個叉燒包。凍奶茶冇苦澀味，還有融冰時都唔覺沖淡茶及甜味。叉燒包唔係茶樓一類的，而係西式大餐包加叉燒在內，不是新鮮出爐，仍然鬆軟，加上大件，4蚊算是抵食。見樓下講到湯粉麵類唔係好掂，下次來都係包類穩陣。

買果陣個飽係暖架(take away)，食果陣，個皮係少少脆，甜味適中。10分滿分既話有8分！如果買果陣係岩岩出爐，我諗會有10分！

睇見佢哋門口嘅麵包陣，流哂口水...點知入去堂食，差天共地...水準只是非常非常普通，求其執一間都好過佢...睇嚟都係食包穩陣D...

習慣每天都要喝杯奶茶，久而久之，對奶茶的質素亦有一定要求。而這間屹立於官塘少說也有三、四十年的老店,就絕對是此區的代表。茶味濃郁而不苦澀,奶味香滑細緻,兩者的比例配合得恰到好處;一杯高水準奶茶，加上此處自家製新鮮熱棘出爐波蘿包,感覺充實又滿足,盛惠十二元正,物超所值,實在無話可說,有時食物質素與金錢又不一定成正比的!

自己對於懷舊冰室/冰廳鍾情,但今次卻冇入去,只在門口買了個菠蘿包,邊行邊食...菠蘿包係自家製的,仲有其他包都係...菠蘿包新鮮出爐熱辣辣,大大個,麵包鬆軟,包面的皮夠厚,好脆,唔會散,都唔會甩,即使個包凍左,塊皮依然咁脆...

快要離開公司時接到朋友電話,不知不覺間談了15分鐘有多,因為趕著要上課,唯有又走來英發食快餐,心裡一直爭扎又食包+奶茶,還是來個茶餐好呢?最後點了茶餐.一碟叉燒湯意--叉燒不值一提,港式意粉配幾近無味但有些顏色的水又怎會好吃呢,吃了幾口便放棄了,反而那個火腿omelette唔錯喎,有微微雞蛋香味和少許蛋汁,再配上火腿絲一齊吃,味蕾開始甦醒了,若我是order熱奶茶就好了,可惜叫了檸檬茶.唉我錯了,下次來這裡還是吃包比較好.