芽莊越式料理

營業中

休息中

下午六時入座的時候餐廳仍然有很多座位但是服務員仍安排我們和其他客人擠在一起膊頭貼膊頭地坐座位安排的問題令人感到感非常嘈吵和辛苦完全冇辦法在用餐的時候交談只好極速食完飯離開食物整體水平中下，完全對唔起個價錢豬頸肉質素非常低，用鬆肉粉令到舊肉非常之難食味道比雙餸飯的豬頸肉還要差飲品都竟然要$60一杯服務員的質素非常欠佳食客在用餐的時候，他們在旁邊大力收碟發出的聲音令人十分刺耳收人均3-400獲得呢個質素非常失望

諗住食吓越南嘢，一入到去佢哋安排我同埋兩個小朋友喺中間嘅枱，嗰張枱啲冷氣大到不得了，你係完全感受到啲頭髮係比啲冷氣風吹起。叫侍應同我哋安排第二張枱但兩次拒絕，跟住再同我哋講話已經校細咗個冷氣。我兩個小朋友就要凍住喺度食飯，侍應態度超級差。

在銅鑼灣睇完戲，就脚順道在隔離開餐。點了芝麻蝦多士、河內蕃茄蟹湯檬及蒜子炒通菜。湯頭蕃茄味可以，但蟹味不太濃，蟹肉只混在豬肉碎中小小的。多士脆但蝦膠鬆散不彈牙。有些失望

作為芽莊的常客，一直很喜歡他們的越南菜，銅鑼灣分店的食物質素依然保持水準，但昨晚的服務體驗實在令人失望，甚至影響了整體用餐心情。🔹 點餐溝通混亂，漏單沒跟進用餐期間想加點「楊枝甘露」，向一位正在收拾的店員下單，但對方似乎不太懂廣東話。經過我多次重複菜名，她說會找同事幫忙，但之後完全無人跟進。後來我再問另一位懂廣東話的店員，對方一開始沒有確認是否已下單，幾分鐘後我再主動詢問到底是否有下單，才問我「是不是要楊枝甘露，可以叫廚房快點做」。既然一直沒人確認是否成功下單，最後我乾脆取消，實在令人費解，如果我不想要，何必再三追問？🔹 服務被動，加水慢兼倒瀉不清理當晚客人不多，樓面有4-5位店員，但服務效率極低。舉手要求加水要等很久才有人理會，而且店員倒水時不小心灑在桌上，竟然沒有主動抹乾。更令人不滿的是，部分店員站在一旁聊天，完全沒留意客人需要。這種服務態度，實在難以接受。🔹 食物保持水準，但服務拖垮體驗必須公平地說，食物仍然不錯—牛肉拼牛丸湯河、河內雞絲粉和牛油雞翼都保持一貫水準。但服務質素的嚴重下滑，完全破壞了用餐體驗。作為老顧客，這次經歷真的讓我猶豫是否會再光顧。📌 總結如果只是為了食物，芽

今天到了銅鑼灣做事，因為今天想吃清淡一點的食物同事就介紹了我一間很出名的越南菜-芽莊，在時代廣場。生牛肉牛丸湯河：牛肉大片又新鮮牛丸非常彈牙，湯頭清甜，濃濃的牛肉湯。雞肉撈檬：雞肉炸得非常的juicy,外皮有薄薄的酥脆，配菜新鮮非常好吃牙車快：雞絲配清淡的木瓜沙拉非常新鮮好吃燒牛肉撈檬：牛肉非常的軟嫩又juicy椒鹽脆腐皮魚卷:裡面的魚肉非常彈牙，再加上外皮的酥脆好像在吃豆腐非常的軟嫩整體非常得好服務又好，下次還會再來

在CWB 行完街，上食通天搵野食，啱啱見到依間不如try try …..初初以為係Thai 野😂😂，望真啲係越南野，都ok ar …. 叫左沙冰-番荔枝和蘇丹王D24榴槤，順化辣牛肉湯檬；河肉湯河三拼生牛肉、牛爽腩、牛丸和一個芝麻蝦多士…..首先要like like 佢地2 杯沙冰，好好味，好似d 果肉打磨後一樣，好有質感，值得推介，尤其係杯榴連好正⋯⋯個芝麻蝦多士好厚身好香好食，而2 碗湯河份量足，好食，d 料唔差….牛肉唔錯，肉丸好彈口。唯一彈係d 員工態度和感覺，語氣比較麻麻和粗魯，如果好埋就可以加好高分數….. 埋單2人$47x, ok 啦….

圖文不符大蝦名卻比兩隻蝦仔！以前我食開都唔係咁！燒蝦係有蝦頭原隻，問職員佢話係呀，轉左係咁。唔好呃食客咼喂。真係難食左好多，轉哂師父啦。冇啖好食呢個價錢真係唔掂！

起05/10，無里頭同我嫲走左入呢間食飯。環境唔錯，似普通但精緻嘅餐廳。食物偏貴不過還可以接受。不過有個服務員可能生得比較惡，觀感有啲奇怪。當時叫左米紙卷，撈檬粉同埋三文魚咖哩。明顯因為越南野，所以餐點好鍾意俾啲生嘅香草同菜點一齊食。例如米紙卷裡面會包住啲生嘅金不換同蘿蔔粉絲牛油果等。檬粉上面會配好多生薄荷金不換，俾你配來食。除此之外咖哩都食到有唔同既香料配搭一齊，超香。總體而言依間餐廳可以俾你食到比較正宗嘅越南菜，菜式都比起其他國家會清新好多。所以如果唔太鐘意食淡口清爽嘅人有可能唔撘。

以前銅鑼灣依間水準都唔差的，好多東南亞外籍適應態度都唔錯，後期裝修完換咗本地適應都有仲有服務。今日去到感覺突然好似去咗茶記咁。坐低後適應就開始掟碗碟法。食物味道並沒有變差，味道同以前一樣都唔錯嘅。但係服務態度真係無得頂。落單全程黑口黑面，上菜又唔提供齊晒啲配料。以往點牛河都會畀定啲青檸辣椒薄荷葉等，依家要自己問有無。好驚訝，問完仲要用好不耐煩的態度叫我地等等，個個表情都好惡。最後，仲要收服務費… 咁嘅服務真心唔想俾加一。好失望。服務態度有待改善。

啲侍應黑口黑面, 唔講以為去左澳牛, 其實唔想做可以唔做. 喺時代廣場13樓做到咁, 仲要收埋加一, 都幾過分. 食物正常芽莊水準, 肯定好味過普通街邊鋪頭. 嗌左牛肉三拼河粉同埋豬扒撈檬粉, 青檸薄荷辣椒粒真係要開口問先有,跟住甜醬辣醬就影都冇. 上菜直接拋啲食物上台, 認真, 茶記service. 呢間舖以前搵啲菲律賓印尼姐姐做侍應都幾有服務, 宜家真係唔知佢哋想點, 前台同樓面都幾冇禮貌. 雖然冇特別做錯野, 不過收得加一咁既服務態度真係得啖笑. 譚仔都有service過佢地lor. 下次都係去返中環BEP.

下晝lunch set去食啦，一入嚟待應嘅態度已經黑晒面，幫我落單嘅時候好厭世咁樣，到嘢飲啦，我就嗌凍咖啡啦，我問佢可唔可以走甜，嗰女待應就好唔耐煩咁講話如果走甜就要走埋奶㗎喎，真心好奇有邊間餐廳走甜就一定要走埋奶？最後嗰女待應話我哋奶係加埋糖漿係入面，好啦，嘢飲加18蚊都算，上到菜肉嘅份量又少，最後埋單一舊半食埋呢啲嘢

芽莊呢間野喺香港開咗咁耐，一次都未試過，覺得都幾貴咁，今日去到時代廣場落大雨，唯有喺入面搵野食，lunch time都唔洗排隊。椰青，好大個，好鮮甜，清香，入面啲肉都好食，不過個椰青唔係好夠凍。三拼湯河我哋叫咗牛丸、牛爽腩、生牛肉我哋一嚟到見到有雞絲，就話碗麵唔係我哋，跟住佢攞入廚房，夾走咗啲雞絲就攞返俾我。攞返出嚟之後，只係夾走咗啲雞絲，但係入面係冇生牛肉的，成碗麵都一塊生牛肉都冇，同佢講，佢又攞入去換。最後攞出嚟，見到有生牛肉，我哋就開始食，跟住先發現原來入面係生牛肉、牛丸、牛𦟌，係冇牛爽腩，但係都費事換了，照食。生牛肉真係好生，要放落湯浸下，不過好香，好嫩好軟熟，都有兩三塊。食唔到牛爽腩，唯有食佢比嘅牛𦟌，幾好食，超淋，亦都好香。牛丸好爽口彈牙，好多汁，好濃牛味，都好食。咖哩三文魚有三舊，份量夠，冇另外加錢叫到白飯或者薄餅一齊食，如果佢個套餐可以本身有埋白飯就更加好，三文魚幾好食，個皮都有少少脆，肉亦都唔會太乾太嚡，點咖喱汁好好食，咖喱汁唔辣，甜甜地，好香。燒豬頸肉燒豬頸肉嘅份量都幾多，肉都幾厚，但係燒得唔夠香，冇乜味，中間個汁又怪怪地，反而點咖喱仲好食。服務方面就一般，得經理係

星期六晚夜收工，9點去到銅鑼灣timesquare，仲有兩個friend on the way，佢哋點名要食呢間，我先去搵位。個reception 話9:25 last order，10點要閂。費事週圍走，就照樣攞咗張三位枱。呢間餐廳都有啲落後，冇qr code落單，唯有影相send畀正在路上嘅朋友，等我可以幫佢哋叫定野食。決定好想食乜嘢，想搵個侍應落單， 周望都搵唔到一個人，要行離開張枱大聲嗌先有人出現。啲食物嚟到份量夠多，味道都唔錯！食完之後問佢攞牙籤，位阿叔非常之唔情願咁拎過嚟… 樓面應該有四、五個人，基本上全部喺度等收工。令我哋感覺到好似好不受歡迎，匆匆忙忙食完就走。

If you're craving some authentic Vietnamese flavors in the heart of Hong Kong, check out Nha Trang Vietnamese Cuisine. Their lunch set for two, priced at around 90 HKD per head, is a steal!You get two main dishes, a bunch of sides, and drinks, all for a super reasonable price. My friend and I shared the roasted beef with noodles and the chicken noodles, and both were bomb. The beef was super tender and flavorful, and the chicken was juicy and perfectly cooked. The noodles were on point too, with

其實都幾好味㗎，個蜆好重薑味，一啲都唔鱣，都算多粒，但放凍一陣就開始有味，要快食。個蝦就抵食多隻，個汁辣度剛好惹味。又係蝦賓海春卷，個皮太簿同細，包唔咁多料呀，牛油果細塊咗啲囉。牛肉湯河，一流，河濃。順化是小辣的，算多料，夠份量。