芽莊越式料理

營業中

休息中

自新世紀廣場完成裝修後遲遲沒有機會造訪閒逛，今天機會來臨。午膳時間隨意挑選了芽莊越式料理用膳，餐廳內部簡潔年輕，座處尚算舒適。 午市套餐 $72 一份，包頭盤主菜各一，飲品另加錢。以香茅雞翼作頭盤，雞翼炸得稍乾身老火，口感略實，香茅惹味感一般。 主菜生牛肉湯河粉，牛肉經浸煮後約八九成熟，肉香及質感均有所交代。湯底略帶甜味，爽口佐料如芹芽菜及洋蔥等份量不少。因飯後略感口渴，相信湯中「師傅」不少。 以 $16 追加咸檸梳打一杯，鹹甜相碰陳年風味是筆者喜愛的特飲之一。

星期五晚下班時朋友即興約食飯，當然沒有問題啦，但是週末前夕沒有預約又不想光顧茶餐廳才是問題。在商場隨意看了幾家餐廳都許多人在門口等候，見到芽莊比較少人等候便決定吃越南菜。未進餐廳已感受到侍應的負能量，在門口派輪候票時非常黑面，等了約15分鐘左右有位，帶位的另一侍應把餐牌用力掟在桌上。員工態度很麻麻，食物水準倒是還不錯。本身不知道什麼是車牙快，看圖應該是沙律類。有椰菜絲、青瓜絲、蘿蔔絲、雞絲等，說不上很新鮮，再淋了少許魚露及醋，屬清新開胃之選。金歐燒蝦卷簡單來說就是米紙卷包著粉絲、青瓜絲和蝦，點些魚露後蝦的鮮味更加提升。河內生牛+爽腩河粉河粉夠爽口彈牙，爽腩入味，連不太喜好河粉的我都忍不住多吃了幾口。芽莊的食物整體尚算不錯，可惜員工態度欠佳，即使想再食芽莊都應該會選擇其他分店。

循例講下野食先入正題，話説上次試過"蟹肉煲"真係超咸，但分量算係多，今日食左春卷 魚餅 同撈朦，味道全部都可以既，只係偏咸，愛重口味的應該接受到。 但今日要講既係服務態度，第一次叫左短髮員工加d水，佢話等陣，但冇左件事，好啦，又隔多陣，再叫加水，同樣地又係等，等冇所謂，但我認為加水係咪可以優先過佢掃地？ 掃完仲要聽到佢推比第個，第個又5肯去，咩態度？再黎就係找錢！成餐飯$266，我比$566，我以為佢忙啦，但等左好耐都冇找錢、定佢覺得餐飯值300蚊tips？我正係見佢已經係到低頭埋今日既數，真係火都黎，最後要自己行去同佢講冇找錢。總之無下次！

平日時間6點半左右到，唔需要等位，跟住入去嘅時候有講個半鐘頭要交枱，但係其實都唔需要。D野食上得好快，超推薦蝦頭膏炒椰菜（個menu好似唔係寫椰菜，類似係捲心菜定係咩），蝦頭膏味超香，辣辣地，夾埋D彩椒同腰果好甘香。我地都試咗另外一D餸，軟殼蟹卷就一般般，同平時粉卷個味差唔多，蒸粉卷個friend話好食，我個人覺得冇咩味。越南野例牌會食撈蒙同生牛肉河，個生牛肉河我地揀咗有牛腩部分嘅，河粉都好爽滑。環境幾好，唔會太嘈，另外我地入去坐低冇耐，出面就企超級多人，所以建議大家早D去，唔駛等。

頗喜歡逛新世紀廣場，沒有那麼焗促同迫狹。晚餐時間，每間餐廳均需要排隊等位，芽莊冇咁多人排，等左不用10分鐘便可以入座。內裡環境微暗，而且座位頗寬敞舒適！餐牌上有很多食物選擇，不過與友人不算太肚餓，故只點了兩款撈檬。烤牛肉撈檬 - 倒了差不多成樽的檬汁。檬汁酸味略為不夠，菠蘿清甜撈埋檬粉來食都幾開胃。牛肉薄身，富有微微肉汁外還烤得很香，不錯呢！魚餅撈檬 - 外表平凡的魚餅，其實係炸香的鯪魚肉。食落很彈牙！內裡混入了切成小顆的馬蹄，很爽口！而且調味也不錯，頗有魚鮮。相比之下撈檬比較失色，淡而無味！

是日想吃牛河, 突然想起芽莊. 週日一時多到達, 不用特別等候便可入座. 場內環境非常暗和嘈吵, 絕對不是chit chat 的好地方, 算罷, 是日只是過來醫肚.點選了牛爽腩河和炸春卷.試一口湯底, 對板, 是昔日的味道, 清得來又帶牛香, 很好的湯底. 河粉依然夠滑, 可惜牛爽腩多根又帶點韌, 肉腩位不多, 真可惜.炸春卷只有三條, menu寫是蝦春卷, 但完全吃不到蝦, 只有粉絲, 木耳, 紅蘿蔔絲, 是素食多一點吧? 香味欠奉, 這種炸紙米的外層脆得來也帶點韌, 不太喜歡. 而且價錢也六七十元, 真的不值.吃飽又要回家工作了.

第一次黎呢間食越南菜, 因為早黎所以都唔洗等位, 到7點開始就愈來愈多人入座了. 餐牌款式都好吸引, 最後兩人叫了4款野食, 1) 軟殼蟹米卷軟殼蟹炸得好脆, 入面仲有青瓜同菜絲, 點埋個汁食都幾開胃, 感覺清爽.2) 炸魚肉餅這個一放低就聞到很香, 表面炸香有少少脆身, 厚身, 魚肉彈牙, 啖啖肉, 好足料. 入面仲有D馬蹄, 令到個口感多左份爽口~ 而且魚肉唔覺得腥, 又唔會太鹹.3) 生牛肉河 (左下角)最期待試這裡的生牛肉河~ 果然質素不錯耶. 河粉夠滑又幼身, 牛肉片夠薄, 口感嫩滑~份量仲要都唔少~好正~!! 因為係生牛肉, 所以浸O係個湯度一陣先食~紅紅的牛肉就會隨住湯既溫度變熟了~ 最正係個湯底, 湯底濃郁, 好香好鮮甜~飲左好多啖都唔會口渴. 好好味!4) 越式燒雞這個越式燒雞就不是太特別, 感覺只係表面沾了香草的燒雞, 要點佢附上的醬汁先會覺得似越式風味~ 不過份量也不少, 味道都幾香.雖然價錢唔係太便宜, 但係味道都真係唔錯, 下次都會再黎食下其他款式!

為了健康想降低體脂，已經多曰食魚旦粉度曰。從營養師那兒得知原來減肥都可以食越南粉！想都不用想便與友人去芽莊食午餐。生熟牛肉粉：湯底很鮮甜有牛骨味，生牛肉滑溜，熟牛肉原來是牛𦟌！有點硬有點鞋；河粉是幼身的，尚算幼滑。 牛肉卷：米紙包住燒牛肉，有肉又有青瓜同米粉,口感豐富；點甜甜酸酸的魚露，開胃又好食，唯一缺點是份量偏小。

我大約在下午二時三十五分到達芽莊。其實今次是我第一次來到這裏，我只是抱着試一試的心態，趁着那時仍有剩餘四個小時的時間 (因我在晚上六時半要到學校考試)，打算在餐廳內既可以一邊吃少少食物，亦可以一邊温習。 當沙律和飲品來到的時候，我忍不住立即要飲椰青，因我至少有五年都沒有飲過椰青，而我是一個很喜歡吃椰肉的人。椰青不但很新鮮，而且那椰肉吃起來很爽口。接着，我要特別推介各位吃大蝦袖子沙律，它的外觀很美，整碟沙律的顏色配搭很好，兩隻鮮橙色的大蝦的而且確吸引到我，不禁令我回想起三年前我在越南工幹時在當地的餐廳品嚐的大蝦果仁沙律。雖然今次與沙律配搭的食物不是果仁，而是袖子，但是這樣的配搭沒有使我失望，因袖子酸酸甜甜的味道令我吃得更加津津有味。✌👍 我不得不提這餐廳的侍應們禮待客人的良好服務態度。他們有禮貌地招呼我，使我感覺既舒服並有悠遊自在的感覺。我最初仍擔心因我在餐廳內一邊吃一邊温習使他們會給我有不喜悅或奇異的目光。雖然那時候已過了吃午餐最繁忙的時段，但是他們也經常對着我笑臉迎人。因此，我並沒有感到他們想催促我吃完就要盡快離開餐廳的感覺。我特別要多謝一位男副經理(如果我沒

雖然成日見到呢間芽莊，但一次都未食過，今日因為打算陪妹妹去mk 揀金器作為結婚禮物，行經新世紀入黎醫下肚。本來想食urban ，因為上一次食過覺得幾好食，但眼見大排長龍，而且等待唔係我既作風，所以放棄。見到芽莊有位唔使等，經店員引領坐左係一張四人枱。妹妹鐘意食海鮮，叫左個河內蕃茄蟹檬，我叫左個香茅牛肉撈檬，姑姐唔食牛，又想食飯，係冇乜選擇既情況下叫左個芽莊炒飯。妹妹個蕃茄蟹檬先到，我試左兩啖，睇落隻蟹好似好大，但原來金肉其外，得半邊，仲要d肉係霉的，湯係腥的。其實都係既，68蚊個蟹檬，正常人都知唔方好食啦，只能怪我妹當日唔正常叫左佢。不過好在個粉煮得尚可，有兩舊大蕃茄搭夠。姑姐個炒飯炒得夠香，粒粒分明，但分量好少! (見圖, 係未食過架，只係撥埋一邊) 我見個menu 話係越南腸，不過食落同中國臘腸咁上下味，冇咁多肥膏。但我唔明點解要擺d類似煲完湯既瘦肉落去炒？overall 個炒飯既感覺似係食，不過係呢度食就要90個大洋喇(未計加一)我個香茅牛肉撈檬都算係第二衰！配菜的確好多，呢樣要俾個gd,但主角香茅牛肉太um ，好難先𡁻得開，所以我揀走晒d牛肉，加辣椒食，辣椒係三色的，以為唔辣，

牛爽腩非常好吃~~~腩肉厚度軟腍適中 一口咬下去軟着化開軟肉不失彈性 咀嚼起來很舒服頂部一層油脂香 口感與味道皆是豐富濃郁而不膩必吃之選！生不肉吃起來雖然不錯但不及牛爽腩的個性突出對它印象不深刻 不過這碗確實也好吃因為這裡的河粉、湯底甚至面頭的配菜都有質素可言我覺得越式河粉總有着濃而清新的特質比如當各種菜絲滲入湯後 吃起來正是既濃郁又清新在湯中加入青檸汁與辣椒片 彷佛喝上酸辣湯 清濃有致這麼大的一碗湯要不是忌諱多喝無益 差點就把它喝光河粉我着實覺得有些厚 但它尚算滑而且越式河粉又特別幼細 互補之下還是好吃整體算是個稱心之作鑊仔煎薄餅難吃到會爆炸！這一次後我確信了這家餐廳只有粉麵出色之前在它另一家分店吃過粉麵以外的菜式中伏率高達六成以上以後我只會吃他們的粉麵！要是嘴饞頂多點個炸物 這些基本的東西貌似比較安全餐牌上說薄餅皮帶椰子味 椰子我倒是吃不出來只覺得有着一陣便宜的杯麵咖哩味裡面的餡料沒個味道 又冷又硬肉質粗糙得怕是能啃死個人這麼一個鬼東西賣$90我實在看不出它哪一種食材使它比一碗牛肉粉還要貴垃圾！這盤草讓我挺費解新鮮是肯定的 正如河粉面頭的菜絲也是非常新鮮可是每一種草我咬過後 除了青

Lotus root stem 在旺角店吃到，但味道沒尖沙咀店新鮮，其他菜水準平平，生牛肉河，大蝦紙米卷，沒大驚喜。但多次在尖沙咀店吃lotus root stem都沒有。 第一次幫襯 等候時間不長 我們三位 要三個菜 三杯飲料 吃了若個鐘頭， 有女侍應過來問我們是再叫菜， 不然要交枱 疑問的問，入座前從沒知會有時間限制， 她不客氣的說''我而家話你知''!! . 跟著叫了一杯40元的咖啡， 埋單竟然收45, 主管過來交涉 投訴我們為何不早看清楚賬單 在簽帳前才提 投訴我們三人消費五百多太少 態度語氣之惡劣首屈一指!!

今日直頭懶到都唔想諗，直接同大少講，不如新世紀等，因為開多咗好多間嘢食~~突然諗起可以試吓越芽，因為都見幾多人排隊~~今次我大約等咗30分鐘，大少啱啱到5分鐘就有位，佢就真係爽YY~~一坐低，發覺佢啲食物相幾精美，味道唔知會如何~新鮮菠蘿冰 - 本身對新鮮菠蘿敏感嘅我，杯嘢嚟到覺得完全唔似菠蘿，重問多佢一次，XDXD嗯，本身杯飲品應該係有少少甜，基本似飲菠蘿梳打燒牛肉撈檬 - 呢個個燒牛肉超好味，本身我唔食酸嘢，所以檬粉就冇乜食過，但係大少俾咗啲燒牛肉我食，我諗暫時我食過幾間越式餐廳，最好食係佢(因為大少食親越式嘢，經常都會叫燒牛肉)濱海伴燒雞 - 嗯……呢個燒雞好入味，好滑，配埋個無味嘅濱海係好好嘅配搭，不過有少少嫌佢個濱海有啲癡住隻碟~河內蕃茄蟹檬 - OMG，呢個簡直係全晚焦點，個湯極香蕃茄、蟹鮮味，重要有埋蟹俾你食(雖然隻蟹其實冇乜肉食)，呢個湯簡直一流，呢個價錢抵食，不過，如果佢係配河粉可能會再好味啲，因為檬粉唔係好吸湯，所以無咁入味~焗椰菜沙律 - 呢個係真係用椰菜仔整，另外再加越式臘腸，個椰菜本身冇味，焗淋咗，但係加埋個臘腸一齊食，真係好好味~~