芽莊越式料理

營業中

休息中

🕒今曰好忙搞到成三點幾先食lunch, 好肚餓嘅情況下、求其有位坐得舒服就即入， 呢個時間就一定係食Tea Set, menu裏面其實最吸引我嘅係牛油果沙冰、因為好少餐廳有做丶加＄都要試試！Tea Set有包前菜丶主菜丶同嘢飲，前菜叫咗豬頸肉沙律同春卷，主菜就生牛肉粉、香茅豬扒飯、嘢飲就牛油果沙冰, 青檸梳打。春卷冇乜特別不過就勝在啱啱炸起熱辣辣、至於個豬頸肉沙律🥗就麻麻、肉冇燒過、沙律冇乜味, 啲青瓜🥒切得太大舊, 雖然個份量算多，不過唔好食比多都冇用、寧願用心做好啲、比少啲好過 個生牛肉粉🐮🍜唔錯喎、牛肉有味丶河粉都滑丶湯底都夠濃、配料亦算多、我自己就覺得食得過（比之前好食、佢哋應該有用心改良過)。 香茅豬扒飯🐖🍛都ok， 醃得都夠香茅味、加埋啲蔥油、醃蘿白、成碟飯清晒。至於杯牛油果沙冰🥑🍹、其實係奶昔多啲、做得比較厚身、飲得出冇加糖夠天然、帶有少少牛油果嘅清香味，味道特別、不過相信唔係人人鍾意，加$10試吓新嘢有無妨

約咗朋友聚舊，佢揀咗旺角東地鐵上嘅越南菜，餐廳名叫芽莊，應該係越南其中一個城市，可能有唔少特色菜。平日不算人多，唔使等位便入得，都幾好。厚厚的一疊餐牌，食物種類好多，價錢亦都合理。我哋叫咗春卷做頭盤，$70 有三條，可以分到六大件都幾抵食。上枱熱辣辣又足料，可惜係皮唔夠脆，有少少痴牙。用來包春卷個菜都幾大盤，有生菜同薄荷葉，誠意十足。河內番茄蟹檬 $75，湯底有絲絲蟹肉都幾好味，甜酸度適中又夠大碗。材料主要係魚蛋片，魚蛋同一件蟹。其實啲餸唔係好掂，可以不理。但蟹肉湯底和檬粉是很 good 的。另外仲叫咗炒芥蘭，煮得過熟唔好味，個汁又冇特別，失敗之作。最後是燒雞，味道不錯，成碟清曬。食物水準可以，而且座位闊落，枱同枱之間佢哋都夠遠。可惜後來開始多人，可能設計問題或者樓底唔夠高，餐廳都真係幾嘈，好難先傾到計，無癮。

We parked at Moko to go to the Flower Market and stopped at Nha Trang for a quick meal. The food is simple and consistent. I enjoyed the tofu noodles while others in our group had chicken pho and beef satays. The service is efficient without being over bearing. It’s family friendly as evidenced by the numerous strollers and high chairs!

同同事做完嘢，經過就入去試吓下午茶餐啦。好快咁睇完餐牌，都係試嗰啲架啦。餐廳環境闊落，空間感都夠嘅講食物喇，牛油雞翼，牛油皮好脆，但雞翼冇味嘅。春卷，即叫即炸，皮脆，但餡料好少，根本食唔到包住啲乜。牛河，湯頭偏鹹，牛肉三塊，偏韌同埋冇咩牛味，河粉OK。兩個人下午茶連加一，即係每人$100，值唔值真係。。。

如果有天不想去太遠食晏或者落大雨, CP值高的芽莊係我地必然選擇。 就係呢排去得太遠,好耐無幫襯,心思思掛住佢既湯河,所以同同事一齊去食。今次我地一行四人,等位差唔多10分鐘,算好快了。  新年過後,消化不良,平時我會叫撈檬,今次都係食番碗熱辣辣的雞絲湯河了。 大大碗雞絲湯河黎了。 對於食雞絲類的野我好有要求, 唔可以煮太老,唔係會好鞋口,好似食緊雞肉乾咁,最忌用唔新鮮的雞, 會有雞羶味。 呢到的雞絲我第一次食~完全符合我的要求, 而且份量又夠多, 湯底又夠濃,入口熱辣辣,食完即時覺得個胃舒服左。 見到隔鄰叫牛油雞翼, 我地都跟住叫, 雞翼一碟有4隻, 炸得香脆, 大大隻, 啖啖肉,滑捋捋, 惹味又香口,配埋辣醬更滋味,叫多碟我都食得晒成碟!呢度一碗湯河大概$70左右, 坐得夠舒服,食物水平高, 因為CP值高, 經常要等位, 如果早少少落黎攞位會好D。 

今日行完街剛巧在新世紀廣場 ，便隨便搵一間食肆開餐 ，咁啱見芽莊唔使等位又耐冇食越南嘢。 服務員很快安排我們入座， 但芽莊有樣嘢唔好， 就係限時間食飯， 得嗰45分鐘 想坐耐啲都唔得。 因為時間關係即刻睇餐牌搵嘢食， 叫咗個什麼越式炒芥蘭， 普普通通。 越南碎米飯分量足夠香茅豬扒都嫩滑多汁， 不過個蛋角就較為乾身。另外叫咗個香茅牛肉撈檬， 牛肉碎濕濕， 不過不失。最後叫多個燒倉魚這個是最出色的 魚肉質新鮮 嫩滑 外皮燒得香脆， 點埋個汁酸酸甜甜好開胃

東南亞的菜式用上大量香料，令食物的香氣，外觀，味道都深深吸引著我們。這家芽莊我光顧過數次，美味的食物總讓我回來。光顧的日子是在星期六。星期三的時候，我們一行四人深知星期六的晚餐時段會有特別多的顧客，便立刻打電話去芽莊預訂7:00pm的座位。可是，服務員卻告訴我可以預定的位置只剩下6:00pm，我要求的時間沒有了，真誇張！最後我們決定早一點到，walk in，等了大約15分鐘便有位置了。今次的青檸不好，我們正想搾到食物裡時，卻搾不出甚麼，青檸都乾了 跟店員要求後，很快便送上新的青檸。厚厚的一本餐牌，吸引的食物相片，都令我們食指大動！餐牌裡，有些食物我們每一次都會點的，而是次用餐，我們決定嚐些不同的食物。首先來到的是招牌的生牛肉湯河，每次都會點的。由於我們肚子很餓，來不及拍照便匆匆把生的牛肉壓進湯裡湯底濃郁，吃到香葉的味道，再添一點青檸味道更好！牛肉薄，所以壓進湯裡不久便熟了。如果還想吃到牛肉的嫩，記得不要放在湯了太久呢！這芥蘭苗我們每一次也會點的，多吃蔬菜身體好嘛！這道菜會配有一點乾蝦和花生碎，也用了醬油去製作。 有時他們的芥蘭比較老，有點難咬，不過今次的不錯。這個米紙的軟殼蟹卷也是每一

呢排工作唔太開心，好多野煩，決定出街食自我調劑身心。3個人閒逛旺角，第二日仲要番工，唔想放縱食會食到反哂艇既放題或任食邊。行過見到唔使等位，就決定呢度開餐。3個人食，點左2個主菜3款小食。主飯一飯一麵，分別蟹肉炒飯同蟹肉蕃茄湯麵，雖然唔會見到一舊舊仔既蟹肉，但都見到一絲一絲，個湯底都飲到蟹既鮮甜味，叫做童叟無欺。成晚重點我放係啲小食到，個串燒真係香到不得了，燒到色澤好均勻甘香，肉好易咬扯，配合佢個醬真係食指大動，一碟有6串，選了三雞三牛，個人偏愛牛肉，鮮嫩香個春卷龍都好正，新鮮熱辣剛剛炸好送上，我有用生菜包住食，加啲酸甜魚露，好開胃，餡料口感豐富，雖然係炸物但一啲都唔覺得油膩至於個魚餅，都煎得好金黃，魚肉好札實，開頭以為一碟得3個會唔抵，但食落會發現佢魚肉札實彈口，用料好實在，食一個已經好飽，對得住價錢一分錢一分貨之選，地方坐都幾舒服，係燈光偏暗左少少，會再度回頭

今天同朋友在Moko聚舊，選了芽莊吃過午餐。之前也光顧過，味道也可以，更有午市套餐選擇。不過今天店員說沒有了套餐😓。最後，我點了生牛肉湯河、朋友就點了雞絲湯河。等了差不多15分鐘，才上了雞絲湯河，再等多10分鐘，我的生牛肉河才可😓出餐🈶️點慢。雞絲湯河，睜相都見到，雞絲份量很少，最多是湯！生牛肉湯河相份量平較平均，牛肉麵份量有四片，但我覺得d湯比較鹹。原本想叫份通菜，但原來餐廳現是只得一款菜苗、沒有其他⋯⋯冇選擇！ 整體來說，食物味道普通、選擇又少。😔😔

新世紀廣場真係由細去到大，睇住佢翻新，而家多左好多餐廳。咁啱食晏時間經過，但見唔係好餓，就決定去食碗pho。我之前去芽莊都係去中環間舖多，食晏時間成日排長龍，見到新世紀呢間唔駛等位都幾驚喜。芽莊午市冇套餐，全部都係跟主餐牌單點。本來想食生牛河，後尾覺得雞絲好似清淡啲，就揀碗雞絲湯河。點左餐好快就有得食，即試啖湯，都幾清而且夠味。雞絲份量多而且冇雪味，呢點好重要，有時出街食雞絲，一咬就好重雪味，真係變成雞肋。河粉夠煙靭，唔會碎濕濕一夾就斷晒，整體黎講都唔錯。$68加一，佢自動加$7，唔係加$6.8

同友人傾完計去Moko諗住試下呢間越式餐廳。始終係假日又喺大商場，等位嘅人必定多。但等候時間比想像中快，十五分鐘就有得坐。呢個燒蝦沙律好味道！米睇佢好似好細碟，份量都幾多。隻蝦燒得啱啱好，肉嫰兼爽囗。呢個係招牌炭燒牛肉撈檬。牛肉有啲un同埋個酸辣汁好普通，🤔感覺好一般。如果有機會再去，我就試其他野食lu!

晚飯去左MOKO同幾個朋友食飯，已經好多年冇食過越南菜，今次試下呢間芽莊，香港都好多分店，結果不負眾望，好味。人多就可以叫多幾個餸，春卷大家都話好好味，入味又脆，我自己就最鍾意個炒飯，不過其他人就覺得比較乾身，呢個炒飯好香，炒到乾身，粒粒分明，至於蝦竹蔗，我第一次食，用蝦肉包著個竹蔗，一咬落竹蔗度就好多竹蔗汁，好甜，蝦肉都好好味。至於薄餅，第一次見，薄過一般薄餅好多，不過比較難切，包著的肉有機會散曬，越南風格可能係咁。越式撈檬都好味，而且煮得幾乾淨，我又食得放心，不過朋友話牛肉河的牛肉唔係太新鮮，粉同湯底就還可以，我覺得肉餅都好好味。其實一班FD開心去食野，難食極都有個譜，加上要求唔高，今餐已經超乎水準，除返開每人大約$180左右，可以接受。侍應都幾好人，我地坐左陣都冇趕我地走，又有櫃仔放袋，仲可以免費拎杯冰水(有冰)，我覺得服務水平都唔錯，下次可以再去多次。

約左下午睇戲，梗係要先填飽個肚先可以enjoy套戲啦～雖然新世紀附近應該有好多好野食，不過因為懶得揾嘅關係，見到呢間午餐時段都有唔少人等位，深信應該唔會太伏嘅就等位試試對於越菜冇咩特別嘅研究，成日食黎食去都係生牛肉湯河、撈檬之類嘅野，都真係唔知揀咩好。見到有個出面未見過嘅手切上等牛柳河，仲要寫住係限定供應咁巴閉，我地決定試下，睇下到底有幾上等賣相平平，就係普通嘅一碗河粉，唔知食落去會唔會有咩唔同呢～果然！！！！係唔會嘅先飲一啖湯先。好在佢個湯唔會好咸。因為食麵唔用埋D湯一齊送就差緊D野咁，而呢個湯口味都適中，而且飲完都冇覺得好口渴，所以應該都冇太多嘅味精。唔錯唔錯！佢嘅牛柳都算唔錯嘅。佢同平時食開嘅生牛肉唔同，唔係一片片薄片個種口感，個人比較鐘意呢種口感。而牛肉都算稔身，應該都算係唔太差嘅牛肉，但係就差左欠缺左D牛肉味。算唔算上等就唔知啦，不過個人就覺得佢都唔算好特別。另外叫多個扎肉雞絲糯米飯。上枱後都幾比個賣相所吸引，紅紅嘅臘腸片超吸引眼球個糯米飯都幾特別。佢唔係普通嘅糯米飯，而係有D綠豆撈埋一齊，令到個飯有少少甜甜地，都幾得意，就好似......綠豆粽咁而加左臘腸，又有D似臘味糯米

順化蒸粉粿 $58饀係綠豆蝦米, 出奇地好味, 如果鐘意香葉就更好, 難得餐廳提供的香葉紫穌新鮮軟殼蟹米紙卷 $78手工十分好, 扎得很扎實,不鬆散, 饀料豐富, 蟹炸得很酥脆燒乳豬$198肥左小小, 肉味香, 軟滑, 多汁, 有1/3不夠脆, 整體都可以拉椰葉燒牛肉 $98片片的牛肉用香葉卷實 香香的不錯越式咖啡 $42 沒有影相十分普通的越南咖啡, 不值一試

是日想食得清淡啲，所以就嚟咗旺角moko間芽莊食越南野，感覺食越南野無咁濃味健康啲哈哈！呢度晚市限時用餐時間，不過我一條友就好快食完吶～簡簡單單叫咗個生熟牛肉湯河，湯底不錯，落左少少辣椒夠惹味～～另外嗌咗碟菜，都幾大碟。味道也不錯！