芽莊越式料理

營業中

休息中

其實香港有好多話自己好正宗嘅越南菜，但偏偏我覺得好多越南菜嘅環境都唔係坐得太舒服，但係芽莊間間分店個環境都唔錯，座位舒適，食物水準都好高質素！今次第一次食佢個牙車快原來好大個 portion，個醬汁好香，啲菜又新鮮，好好味呀🤤 佢個春卷一份有三條，剪開有六份，其實都幾多，好香口好脆，但略嫌佢比嘅生菜太少，只係得三塊，反而薄荷葉就好多！佢個燒雞撈朦啲燒雞即係串燒嗰啲，肉質唔會太乾，好味👍🏻但係啲芽菜太生食唔到！如果下次想食越南菜我都會揀番佢！

今晚一行四大一小去到越開越多分店嘅芽莊食晚餐，拖住一小就要搵一間坐得舒舒服服嘅餐廳食飯，好好彩星期日夜晚七點都唔太需要排隊就直入左啦。雖然佢越開越多分店，但係其實我都只係第一次嚟食，總係覺得呢一類型連鎖嘅越式料理餐廳，來來去去都咁， 唔會太好食，所以都冇抱太大嘅期望。但係今日一試，我又有點改觀。蒜子炒通菜 炒得非常之香，炒得入味可口惹味，比我預期之中好食會安炸軟殼蟹卷 軟殼蟹炸得唔夠香脆，但係加上生菜同埋米紙之後，都唔錯，但比較淡口，但又冇配上醬汁，所以普普通通。炸蓮藕魚肉夾 喺出面嘅食肆冇見過呢一種嘅菜式，佢係兩片蓮藕之間夾着魚肉再炸，炸得幾香口，但係炸得比較乾身，所以味道一般。芽莊炒飯 有一啲類似臘腸嘅豬肉加上雞蛋同菜一齊炒，上到枱面略嫌唔夠熱，但味道可以接受。香茅燒魚 燒得非常香，加上佢嘅秘製嘅香茅醬汁，食落多汁又可口，非常唔錯，加上青檸提鮮，整體唔錯，值得一試。越式燒雞 燒得皮脆肉滑，而且唔會乾身，保持到雞肉嘅嫩滑，沾上蔥油醬汁，味道好好，好惹味，值得一試。河內番茄蟹肉湯檬 蕃茄湯非常之香濃，加上啲蟹肉變得很鮮甜，檬粉煮得啱啱好，唔會一夾就散，最怕啲檬粉好散散碎碎。而且味道好好

也有一段時間沒有來芽莊了，今次一行三人來晚飯，過過越南菜的癮。一如以往，必點的河內生牛肉粉($75)。湯底的香味和味道不算濃，牛肉大部分是生的沒有在送上來之前被弄熟，也切得夠薄，所以質感也夠滑。因為我們食飯時要有蔬菜，芥蘭苗($48)也是每次要點的菜式。驚訝地，在這裡用餐都有上十次，今次竟然會是煮得最淋的一次。不要誤會，淋的意思不是過分、煮到快爛的淋，而是最容易入口、最容易食的一次。對於同行的一位牙力不好的長者來說確是適合，對我來說也十分容易入口，加上菜面的花生以及蝦皮，香味提升。清沅蒸粉卷($78)在越南餐中少不了。皮薄，裡面的餡料不算多但也是香的，兩款四塊扎肉在面卻少了點。味道是可以的，但這道菜索價就高了點。原本我們都吃得差不多了，但看見隔壁吃的一碟蓮藕魚餅好像不錯，又未曾食過，就要一碟試試。我不清楚這道菜在餐牌裡的名稱。食物是用兩塊蓮藕夾著魚餅，然後再拿去炸。是挺香口的，也有點熱氣，可以夾著碟中間的紫蘇葉吃。蓮藕較爽口，不怎麼「粉」，魚餅也是跟其他菜式一樣的魚餅，沒有特別。其實這道菜做法簡單，$60一碟沒有味蕾上的驚喜，試過就算了，未必會回頭。這裡是有限制用餐時間的，如果想跟朋友

好耐無食越南野，本來想食海港城個間，點知裝修緊，就轉黎旺角食。呢到可能比較繁忙，侍應話用餐時間為75分鐘，我地都覺得可以接受。黎到芽莊，有兩樣野我係必叫！1. 番茄蟹檬🦀2. 香茅烤魚🐟番茄蟹檬真係好出色，應該係呢度嘅招牌菜，黎到無理由唔叫。香濃嘅蕃茄湯，有淡淡的蟹味，有啲蟹肉碎，仲有半隻蟹係湯入面，加埋扎肉同埋其他香料，真係好食到想叫多一碗！！我比一百分！💯香茅烤魚係我另一道最鍾意嘅菜式，魚烤得啱啱好，表面小小燶，裏面嘅肉仲係好juicy，好香口，側邊嘅汁主要有蒜同青檸，口感清新，令條魚增加去到另一個層次！我哋食到唔停口。Perfect！👍🏼👍🏼馬拉盞炒芥蘭苗就不過不失，醬汁偏甜，但加埋上面嘅香料一齊食都好香口，要讚嘅係芥蘭苗炒得好林，總括來講係幾好食！河內魚餅一共四件，上菜嘅時候熱辣辣，非常吸引。魚餅混合香料、莞茜等等，味道好香好特別，又係一個食唔停口嘅小食！👅第一次試牛油果沙冰，估佢唔到，好滑好好飲，唔會好漏，唔會太甜，亦都唔會好大杯，份量啱啱好，推薦！👍🏼一向對芽莊都好有信心，每一間分店水準都好平均，連鎖餐廳算係水平非常高，性價比都OK，而且冇一次令我失望，每次都開開心心果腹而

時不時會食下芽莊，因為既就腳又幾好食！最鍾意食蕃茄蟹肉湯檬，暖笠笠又好味。湯頭好多蕃茄蓉，但飲落會甜甜的，檬粉同平時食開的不一樣，口感好好多，彈牙得來又滑身，正！芽莊炒飯都不錯，尤其啱啲鍾意食臘腸的人士，因為都幾多下😂今次試咗新嘢，燒乳豬！肉質好嫩好juice，做到外脆內軟的口感！值得一讚👍而且份量不小，兩個人好大機會食唔曬😂蒸粉卷就正常嘢，皮有少少過熟，一夾好容易爛，但個餡都算不錯的！會再 encore 呢間餐廳

MOKO mall係我平日夜晚唔想煮飯時常去之處，因為近屋企，食肆都算多選擇。剛去完台北，唔想食得太滯，就嚟左呢度。每次嚟都只會從生牛河同番茄蟹肉湯檬當中揀一樣，今次揀左前者。其實我覺得芽莊變左連鎖店後，食物一直係退步㗎，呢個pho湯底冇咩層次，要加青檸同辣椒幫助提升味道，不過牛肉同河粉都算滑，整體還好啦青檸茶係每次想飲野必點，比起普通凍檸茶嗰種酸甜，呢種感覺清新d、令人開胃d。環保原因，用上紙飲管，唔知點解飲落去有暖暖地嘅感覺，有少少影響味道，但我喺其他地方用似乎冇呢個問題。牛油雞翼比起之前真係完全變質，由睇落有一粒粒炸粉嘅樣加特別口感，變成普通炸雞翼，牛油味同應有口感盡失，係冇誠意之作！$60四隻性價比好低，唔會再叫。蒸粉包賣相唔錯，有扎肉，有芽菜、生菜絲，加埋碌冧一齊食，幾好味，不過一上檯已經唔係好熱，扣分。仍然會當佢係快餐咁食，不過已經不再驚艷。

想係旺角搵個靜靜地嘅地方同友人暢談一晚真係有啲難度，因為唔少餐廳晚市都趕住翻枱做多轉就會有特定嘅用餐時間。幸運地星期五嘅晚上竟然係Moko搵到間既唔洗等位又可以坐足2個半鐘都無俾人趕嘅餐廳，期間侍應仲主動走黎加水，環境同服務已經好感度大增🔝🔝老實說，整體食物質素就一般般啦👌🏻比我第一次食太古分店係退步左😞其中蟹檬嘅湯底比較淡，配料都無之前咁豐富，軟殼蟹無肉食就預左，但略嫌賣相碎濕濕，似係就成形嘅蟹仔，豬肉碎都比較多肥豬肉。牛肉串燒都值得叫，控制火喉剛好，唔會燒得過火，配埋有花生粒嘅沙嗲醬，一人一條剛剛好😽🌻柚子大蝦沙津份量比我想像多，隻蝦唔算好新鮮，但柚子、炸蒜撈埋d酸魚露，味道好夾好開胃🌟可能呢水軟殼蟹唔靚，剛才撈檬扣左分，家下呢個米紙卷都係失望，塊米紙皮過靭，隻蟹唔脆有d油益味👎🏻👎🏻不過舊同事難得一聚，食物並唔係重點，有個地方俾大家圍埋吹下水已經好好💋

今日lunch去左芽莊度食晏，開業咁多都係忠實fans!欣賞佢環境好舒適企理，服務態度有禮貌。生牛肉河食得多又可以試下燒牛肉濛粉，所有配料切得好細緻。，D牛肉燒到串燒咁惹味另外會安軟殼蟹卷炸得香脆可口同埋米紙一D都唔淋。

約咗朋友放工喺新世紀睇戲，我地睇9點場，趁仲有時間就即刻搵間餐廳坐低食個飯先。由於我地當日都幾早，七點左右就到，經過芽莊見門口未有人等位，我地又ok越南嘢，就抱住一試無妨嘅心態就入咗去。佢地本menu入面好多選擇，仲有大量圖片，睇到樣樣都想試。薄餅煎得香脆，入面主要包住豬肉同蝦，連伴碟嘅生菜/九層塔一齊食，可中和返多肉帶嚟嘅漏滯感。蕃茄湯底真材實料好香濃鮮味，我地忍唔住飲哂全碗湯。檬粉煮得適中，唔會太軟身。見到藕苗幾特別就叫嚟試下，藕苗貌似蓮藕bb版，口感爽脆冇渣，食落soksok聲，配埋酸尾尾汁，更顯清甜清新。其實則係雞絲沙律，不過雞絲略嫌太乾身，另外沙律汁唔夠，令到個沙律好似有一陣草青味咁。有4隻，4個人食，一人一隻都夠哂，外皮炸得脆口，仍保持到入面嘅肉汁同肉質嫩滑，雖然熱氣但好好味。*****餐廳位置方便，於旺角東站上蓋，坐位舒適，但餐廳入面比較嘈，同埋有用餐時間限制，想傾計聚會就唔係幾適合。不過勝在上菜速度都幾快，好啱睇戲前快速食飯。

在新世紀中心參加一天的活動，午餐就响商場內解決，芽莊就在電梯口，隻腳自動行咗入去。午餐時間入去仍有位，揀窗邊較光亮的位置，坐最入邊，貪佢靜靜地。店員總是匆匆忙忙，仍然可以照顧無誤，叫咗2個午餐，芥蘭苗+燒雞肉撈檬$78香茅雞翼+燒雞肉撈檬$78芥蘭苗，芥蘭苗是烚菜，洒了花生碎和蝦皮，烚菜可增加膳食纖維，又唔肥膩OK喇。燒雞肉撈檬雞肉好好食，嫩滑唔乾，醃得夠味啱啱好，有點香茅味，檬粉加入青瓜絲，醃蘿蔔絲和紅蘿蔔絲過酸，加埋魚露酸酸咸咸又爽口，撈檬就是要這樣吃。香茅雞翼外皮炸得很香，看得見也吃得出香茅味，好吃。這一餐好滿足。

第一次幫襯這間越南菜侍應表示因為繁忙時間所以只有1小時15分鐘進食時間😵心想：係俾正價食嘢，點解有咁嘅待遇？其實我都唔係好鍾意一啲限時嘅餐廳不過，因也趕時間所以「你情我願」下就幫襯一次😓餐廳燈光比較昏暗仲要播幾重bass 的音樂真係幾嘈吓🤔我覺得越南餐廳應該感覺要休閒些餐廳可以改善一下😓Menu 都好吸引價錢都略貴☝🏻大蝦柚子沙律大蝦都燒得好香，勁多柚子，都幾真材實料☝🏻雞絲湯河都要成$70一碗，覺得都失望雞絲其實好少配菜唔夠多湯都夠熱，不過我覺得甜咗啲🤭唔夠越x好味☝🏻牛腩湯河評語同上份量可以再多啲🤣我覺得食物質素都可以不過環境真係嘈加上只有约1小時15分鐘所以食得都唔係幾舒服😩

媽媽最中意食越南菜 之前都去過呢間既葵芳分店 所以黎到moko都簡番呢間餐廳環境乾乾淨淨 枱同枱既空間都足夠 不過!! 唔知點解 明明樓底唔算矮 但就嘈得好緊要 食完餐飯有d頭痛meau有好多野食 同媽媽每人叫佐一個撈檬 再加佐一個濱海一齊食香茅牛肉撈檬 $70味道一般 牛肉太少 係牛肉碎黎 而且檬粉唔夠滑漏 魚露都唔夠香燒豬扒撈檬 $72檬粉同牛肉果個一樣 但係豬扒份量多好多 香口又好食 少少油膩 調味略重 連埋檬粉就岩岩好濱海伴燒雞 $72呢個米線幾滑 而且冇咁乾憎憎 燒雞都好滑 但係就油得濟 整體味道唔錯既 整體質素一般 價錢都稍高 但考慮到佢個位置 就係水準以內啦評語:cp值正常 但環境太嘈

由於天雨關係，放工之後求其搵個商場入面嘅餐廳食完之後直接可以搭港鐵返屋企就算，唔使淋雨。於是就嚟咗呢一間食越南菜，喺呢個商場入邊算係比較多人幫襯，係平日大約七點鐘去到，侍應服務OK，環境算坐得舒適，但係可能設計關係啲聲焗左係餐廳入面，所以非常之吵鬧，好多時都聽唔到朋友講乜。食物方面價錢以呢個商場來講尚算可接受，味道唔錯，當然越南菜黎講其實可以搵到更好食嘅或者價錢更平，但佢喺呢個港鐵站上蓋既商場，其實整體來講都已經可接受，不過如果係一大班朋友聚會，想傾計嘅話，就唔會建議黎呢度

好耐之前都有同朋友食過呢間，覺得旺角新世紀廣場呢間服務幾好，但今次就有啲失望囉。我哋嗌咗燒牛肉三文治、河內蕃茄蟹肉湯檬、同一個越式熱咖啡。明明侍應落單嗰陣時都有同我哋確認係熱咖啡，但唔知點解一上枱就變咗凍咖啡囉。我哋同佢即時講有呢個問題出現，佢一句道歉都冇、就咁黑住面攞走杯咖啡囉。自己都係做服務行業，我覺得就咁講句唔好意思或者講句幫你換個杯都唔係好困難啫…講番食物先，個越南香茅燒牛肉三文治保持一貫嘅水準，雖然65蚊係有啲貴但佢勝在用料都足，上枱個包都係熱辣辣同脆口嘅，佢嘅牛肉都係整得好食。個蕃茄蟹肉湯檬就還可以啦，個湯都好飲嘅，不過檬粉有啲失望囉，可能係我見識少OR 唔識野啦，我覺得係似米粉多多過似檬粉…又冇咩蟹肉喎…都成80蚊架…我諗短期內都冇乜興趣再食呢間啦…食物質素還算OK既，但CP值不高囉..服務又唔係話好好…

岩岩收工肥先生話要醫左個肚先月頭食左餐唔好食既越南野我地都想食番餐好既中和下😂過到去8點半餐廳大概9成滿座 好好彩唔洗等位座位寬闊 唔洗逼住逼住 都坐得幾舒服一坐低就有侍應拎左青檸辣椒魚露暖水唔會當睇你唔到👍🏿選擇都算多我地2個人叫左4樣野食有時食軟殼蟹整既野會驚預先炸左好耐凍冰冰油淋淋呢一個係唔係即炸我唔敢講但食落香口酥脆 冇油益味個米紙薄得黎唔會一夾就散加埋蘿白同菜其實都幾夾 唔會太油呢個沙律我同肥先生食第一啖既樣變左😳然後我地就冇再傾過計因為實在太好食成碟沙律有3分2都係豬頸肉而啲豬頸肉燒得恰到好處唔乾又唔會肥味道唔會太咸配埋青瓜都幾清新食到落底都仲係好多豬頸肉肥先生叫左個生牛河我偷食左幾啖個湯清甜唔會油牛肉夠滑 又唔會得幾塊仔賣相都幾靚 河粉都算幾滑肥師奶就叫左呢個脆蝦卷撈檬本身以為係蝦黎原來係炸腐皮包住蝦滑一見到成碗炸腐皮就比左一半肥先生其實開頭口感唔錯食得出係即炸 香口但就略嫌有啲太漏同太油食到最後有少少覺得大啖大啖油放落口撈檬都不過不失 普普通通另外服務方面都幾好本身餐廳提供暖水侍應見到得番一半水就會自動加而且笑容禮貌都好好當我地2個咁多野講既人都食到停唔到口就證明係一間