花月宮 (已結業)

太座日日加班咁辛苦，做老公既梗係要請佢要好西，為佢打打氣喇！花月宮的裝修不錯，感覺係一間高級雅緻既火鍋店，坐低用手機落單:第一次黎梗係要試下佢個招牌鍋：花月宮特色4格鍋 $2684格分別有：四川麻辣，藥膳花雕花膠醉雞，黑松露野菌，蕃茄濃湯海鮮。個人最喜愛花膠雞鍋，濃濃既藥材味配上酒香，未落雞已經覺得好好飲，加入雞之後，個湯簡直不得了，好飲到要侍應幫我加左幾次湯！哈哈～ 仲要d雞，就算烚熟左都仲係好嫩，一d都唔鞋口！火鍋料就點左：（1）桂花蚌拼珊瑚蚌 ＄138食落去爽口彈牙，帶有少少鮮味，食得出係好新鮮的（2）三色滑 ＄138墨魚滑食到有粒粒墨魚肉，蝦滑就夠哂爽，元貝滑就鮮甜味十足（3）自家制炸響鈴 ＄58上菜時熱辣辣，即時就夾黎食，好鬆脆，同平時食d響鈴好大分別，感覺係入口即化，正！（4）薄切牛舌心 ＄88切到好薄，輕輕灼一灼已經可以食，好淋（5）蜂巢豆腐 ＄48又係同平時食既唔同，咬落去係有少少彈牙既感覺，有少少似魚腐，絕對比其他地方好食（6）蘇格蘭聖士皇 ＄88上菜時心諗，咁短既？原來係有半截插左入冰裡面，食落係好新鮮，而且洗得好乾淨，爽口有鮮味！（7）油麥菜 ＄38都算幾嫩，無渣

餐廳：花月宮地點：尖沙咀金巴利道菜式：海鮮刺身火鍋專門店餐牌：海鮮，淡水魚，湯底，刺身，羊鷄鴨，牛肉，豬，手工餃類，手工丸類，落單用QR code。澳洲龍蝦（開邊） $268 另加一澳洲龍蝦冰鎮上枱，仲有乾冰製造煙霧效果，伴有鮮花裝飾，擺盤不俗。龍蝦明顯見到鮮橙色膏，好香。肉就要淥耐d先可以食，因為好厚肉。龍蝦肉都好鮮甜。另外三樣海鮮一齊冰鎮上枱。7-8頭南非鮑魚 $88 另加一南非鮑魚已經起好片，所以好快淥一淥就食得，好濃檸檬香味，而質感係爽口，較為薄切。日本大扇貝 $88 另加一日本大扇貝一客兩隻連殼上，一隻非常厚肉。肉厚食落啖啖肉，肉質唔會韌，好鮮甜。新鮮花甲皇 $98 另加一新鮮花甲皇一客十隻連殼上枱，全部開口，唔怕唔新鮮。肉質非常嫩口，而且唔會太細隻。芫茜皮蛋鍋 $88 另加一芫茜皮蛋鍋好大鍋，面頭勁多新鮮芫茜，其他配料仲有紅蘿蔔幾件同粟米4段，大量馬蹄同皮蛋。皮蛋係真心好食，黑蛋白好有彈性，而蛋黃好香。個湯好清，飲落鹹香唔會太重口味。九宮格放有九樣醬料，包括豉油，辣椒，蔥花，芫荽，芝麻醬，沙嗲醬，炸蒜，醋，蒜蓉。比你自己拎，唔洗行出行入。醬芥每位$18另加一。有凍水供應，唔

醬芥任君選擇，總會調配到自己啱嘅味。椒鹽粟米味道香脆，非常開胃，食到停唔到口，蒜香勁脆，送酒正。自家製脆炸響鈴賣相好靚，整齊，放落湯底勁入味，炸得脆身，食幾件都會飽肚感。花月宮海鮮拼盤係一個豪華嘅海鮮拼盤，攞盤勁靚，有冰凍🥶感煙霧，紅鶴設計，仲有小菊花。食材包括大蝦、鮑魚、扇貝、花甲同聖子，每一種海鮮都好新鮮，鮮味十足，有海洋🌊嘅感覺。黑松露野菌湯味道濃郁，香氣四溢。非常足料，食菇都會飽。生力限量版朱古力黑拉啤酒非常特別嘅啤酒，賣相好靚，味道亦好特別，朱古力濃甜同啤酒🍻苦甘嘅味道相互襯托，味道十分豐富。

今晚同朋友去咗尖沙咀打邊爐 呢一間有宮廷風嘅火鍋店 試過幾次都覺得好好食 湯底有好多款㗎 有沙嗲 酸菜魚 招牌特色四格鍋等等嘢食都好多款有新鮮海鮮 牛肉 丸類 菜等等裝修好靚 坐得好舒服 感覺比人好乾淨 光猛所以好鍾意 而且價錢唔會太貴 可以接受好想食酸菜魚 就用佢嚟做湯底喇惹味酸菜魚鍋 好足料好多片鱸魚 仲有新鮮蔬菜蓮藕 黑木耳等等夠曬多嘢食之後開始打邊爐喇 點咗好多海鮮全部都係新鮮嘅又大又甜有七頭南非鮑魚起片 非常鮮新鮮甜美蘇格蘭蟶子皇 真係好大隻呀非常鮮甜好抵食台山蠔 都好香口好味好濃沃 好大隻鮮甜日本大鮮貝 兩隻 成手掌咁大呀 好抵食小菜點咗個 炭燒豬頸肉 啖啖肉好正 要降下火就點咗個 新鮮椰青 好鮮甜 對於今晚晚餐好滿意 啲海鮮好鮮甜 仲有包房添 可以再同朋友再嚟

上網見呢間打邊爐好特別，所以要去試下。呢間湯底有超過10磅湯底可以俾大家選擇，有藥膳、養生、清湯。上次揀咗黑松露湯底，今次揀咗蕃茄濃湯海鮮鍋。材料有勁多蕃茄、墨魚仔、鮮蝦😍我地叫咗：❤️珊瑚桂花片雙拼珊瑚桂花片切到好薄，好通透，好新鮮，灼一陣間就食得，而且仲好爽口😍❤️白蟮片白鱔片都好新鮮，砌到好薄，方便唔使灼好耐就食得。灼完仲係好爽口彈牙，而且唔多骨，值得推介👍❤️美國頂級手切封門柳嘩，上碟賣相好靚，脂肪分布好平均，只需要灼 20秒就食得。入口唔勒，好有牛味，新鮮👍❤️田園拼盤❤️鮮淮山餐廳好細心，有唔同嘅醬油自己調配，而且座位好寬敞，坐得好舒服，下次再來👏👏👏

雖然而家天氣好熱，但都係無阻我想打邊爐嘅決心。今次係比四宮格湯底吸引上黎試下，呢個四宮格果4款湯底真係好吸引 $268 :1.四川麻辣鍋 - 因為我唔食辣嘅所以今次淨係交左比男友試，佢話真係好夠辣，入面啲豆卜同埋鴨血索晒啲湯好過癮。2.黑松露野菌鍋 - 黑松露味極濃，越煲陣味就越出，入面重有堆菇係到，岩晒我咁中意食菇嘅人!3.蕃茄濃湯海鮮鍋 - 蕃茄味好濃，不過建議煲耐啲蕃茄陣味先會出，入面有青口同幾隻蝦，勁足料，呢個湯好清新，唔會令人覺得越食越漏。4.藥膳花雕花膠醉雞鍋 - 呢個湯我真係超超超中意，我係雞精黎，超級中意食雞，呢個湯黎嘅時候重附送左一碟醉雞，湯滾起先放入去，酒味好濃啲雞又好滑，其實有呢4個湯底入面啲料咁多都夠晒飽，如果細食嘅真係可以慳唔少珊瑚桂花雙拼 $138食呢類海鮮最驚就係唔新鮮煮完出黎無味好似食緊膠咁，但呢個煮完出黎重有海鮮嘅鮮味，蚌味好濃真係超正!美國頂級手切封門柳 $238開頭睇相都估唔到咁大碟，份量超足夠，呢種封門柳我又覺得唔算好肥，牛味好濃郁，雖然份量好多，但食到最後都唔會因為肥膏多而覺得好漏。新鮮豬粉腸 $58男友話平時出面好少有得食所以就叫左，如果中意

花月宮 地址：尖沙咀金巴利道68號2樓2/F, 68 Kimberley Road, Tsim Sha Tsui裝潢是用了宮廷古風，有種人身處古裝宮廷劇的FEEL 呢, 擺設古典優雅, 一路打邊爐食火鍋湯底- 養生豆腐白玉湯鍋 $128湯底味道濃郁，有少少藥材味，感覺好養生，入面仲好多料，鴨血、百褶豆腐、仲有腩肉 ...美國頂級手切封門柳 $238個牛份量十足，不但新鮮，而且充滿牛味三色滑 (墨魚 + 鮮蝦 + 干貝) $138，真係食到細粒墨魚同蝦肉，非常彈牙可口日本花甲 $68 大大隻，厚肉且肉質非常甜美。蔬菜組合 $68用來吸收湯底精華。靚裝修環境,食物高質#香港旅行 #香港探店 #香港美食 #hkfood #hkfoodie #hktravel #yummy #foodporn #delicious #cuisine # #restaurant #dining #打卡 #網紅餐廳 #dinner #central #supper #香港必食 #高CP #hotpot #meat #keto #LCHF

放假開心打邊爐對自己好點。黎到尖沙咀 食好食的。用QR code 自己落單，先揀左湯底，選左黑松露野菌鍋，一大鍋湯底，滿滿既菇菌鋪係面，睇見到吸引😋火鍋配料方面，點左：美國頂級手切封門柳滿滿一碟，份量不小，牛肉味濃，不錯的選擇。而薄切牛舌心，切得薄身既牛舌心，剛剛灼熟，食落彈牙不會韌。新鮮豬腳筋一來先落去鍋內煮，到差唔多食到一半再食，煮到熟透又入味，正：）野生竹生笙同豬腳筋一樣，索哂湯底既味，爽口又好味😁另加點左份小食，黃金脆鱔球香濃既咸蛋黃香，配埋炸到脆身既鱔片，味道跟口感都不錯👍

同朋友慶祝生日，朋友話打邊爐，我就揀左呢間花月宮，門口放左好多仔招財貓攞設，好可愛。椒鹽鮑魚等緊材料個陣叫左小食食住先，椒鹽惹味香脆，鮑魚肉質軟林，一點都唔覺得韌。芫茜皮蛋鍋好有驚喜，除左芫茜皮蛋之外仲有粟米，紅蘿蔔，馬蹄，湯底鮮甜下火，芫茜味濃郁。珊瑚桂花雙併兩樣都想食就叫雙併，珊瑚蚌爽脆，桂花蚌鮮甜肉厚。薄切牛舌心好味，肉味濃，咬落煙韌，師傅刀工勁，切到好薄，洽一下就食得。新鮮黑柏葉出面好少有黑栢葉，通常都漂白左，黑栢葉爽口有咬口，點埋醬汁更好味。野生竹生最中意食竹生，好大條，口感爽脆，吸收哂湯汁好正。

早排地膽朋友帶我黎間各方面都不錯嘅餐廳餐廳位置唔太就腳 但當晚都爆場 證明香港人認真識食呢度座位幾闊落 人多可以訂房仲有得唱K 隱私度十足火鍋湯底同配料都有唔少選擇 而且性價比高芫茜皮蛋鍋 ($88)芫茜控揀返最原始嘅湯底 湯倥底配料豐富湯底加入海量芫茜皮蛋 仲有粟米同紅蘿蔔美國頂級手切封門柳 ($238)望落就知質素幾好 每片只需煮20秒封門柳肉質腍 肉味極為濃郁 食落有驚喜日本北海道花豚豬卷 ($128)豚肉油脂豐富 食落爽口 有獨特嘅肉香味 手打鮑魚丸($78)手打丸真材實料 有唔少鮑魚粒 鮮味彈牙鮮甜桂花蚌 ($128)平時比較少機會食倒 輕輕淥一淥鮮味爽口田園拼盤 ($68)呢個拼盤絕對係對得住拼盤呢個名包含咗多款唔同種類嘅蔬菜 色彩豐富

最近去了一家火鍋店，讓我印象深刻的是他們的湯底非常出色。滋潤養顏雪蓮子桃膠椰子雞鍋好美味，湯底有清甜既椰子同紅棗味，同時也滋補。而且配料仲有半隻雞。另外我地仲叫左日本蟹柳、油麥菜、新鮮豬頸肉、日本北海道花豚豬腩片和手打墨魚滑。新鮮豬頸肉，肉質彈牙，有濃厚既豬肉味。日本北海道花豚豬腩片的口感較軟熟，鮮嫩薄切既腩片油脂分布平均。手打墨魚滑，都好Q彈，讓人一口接一口。天鵝形狀既擺碟，打卡都好有特色。檸檬薏米水也非常不錯。味道清新，喝起來好舒適。不僅可以解渴，還可以讓人感到清爽。而且餐廳環境都好舒服，位置夠寬敞。職員都好有禮貌。仲有多款湯底可以簡，值得再黎食野。

FD對哩間火鍋念念不望，咁同佢再encore啦。雀巢檸檬茶同可樂，食開火鍋一定要飲可樂，兩個嘢飲解辣都唔錯。睇OP花月宮特色四格鍋都幾有特色，不僅可以試到多種口味，配料仲要好豐富。四川麻辣鍋，裡面有豆腐同鴨血。鍋底唔錯，食落唔會辣喉嚨，小麻小辣啱曬FD。藥膳花雕花膠醉雞鍋，醉雞件另外上，可以先飲碗湯底，湯底好鮮甜。雞肉唔洗煮好耐已經可以食，雞肉藥膳味好重，同埋會有少少花雕味，雞肉嫩滑超級好味，全部食曬！黑松露野菌鍋，搭配有幾種野菌，黑松露味好突出，不過我同FD麻麻地。番茄濃湯海鮮鍋，有鮮蝦魷魚仔同青口，番茄味和海鮮好夾。新鮮豬潤，豬潤處理得唔錯，唔覺得有腥味。豬潤放落辣鍋裡面最好味，食落會更加鮮甜。薄切牛舌心，牛舌唔算好薄切，適合放到番茄同醉雞湯底，清湯唔會遮住牛味，好食。美國頂級手切封門柳，一份分量唔錯，封門柳雪花分明，微微唰過已經可以食，食落牛味重同埋少少彈牙，勁like。今次藥膳花雕花膠醉雞鍋比咗好大驚喜，唔鐘意食雞啲FD都讚不絕口，以後要再encore！ 

我對打邊爐嘅熱愛係唔會咁易俾天氣影響到嘅今晚食左尖沙咀花月宮 環境服務食物質素都好好花月宮特式四格鍋二百幾蚊就有四種鍋底 每款鍋底材料都好豐富兩個人食完鍋底都飽左一半 所以其實係抵嘅藥膳花雕花膠醉雞鍋湯底藥材味好重 感覺好養生兩大塊花膠都幾厚 慢慢煮到淋身 充滿膠質吸晒花雕味嘅醉雞件幾嫩滑 估唔到四份一鍋嘅份量都咁多蕃茄海鮮鍋就有海蝦 青口 墨魚仔 同勁多蕃茄黑松露野菌鍋 好濃菇菌味反而黑松露就唔太覺四川麻辣鍋好辣好惹味 鴨血好滑 蜂巢豆腐勁吸湯好好食日本大扇貝88有兩隻 新鮮大隻幾抵食掛架頂級安格斯牛小排啱打卡之餘 牛肉質素都好好 雪花紋靚又軟嫩田園拼盤 幼薯粉煮一陣就食得 好吸湯 放麻辣湯最正

和女友在尖沙咀， 忽然想食火鍋， 係OP search咗一堆，發現原來競爭都幾激烈，好多間都有做折扣，望落都差唔多，結果揀咗呢間叫花月宮。餐廳有微微嘅宮廷佈置，環境光猛衛生，座位間隔闊落， 呢樣幾滿意。我哋簡單咁揀咗個🔅黑松露野菌湯當個湯底送嚟先知原來咁大盤，湯鍋滿滿各式各樣嘅菇，菇菌味濃，仲伴隨著陣陣黑松露嘅香味。先嚟試吓兩啖湯，非常清甜。🔅美國頂級手切封門柳高質! 每塊都切到大小均等，牛味好濃，口感嫩滑。呢碟牛真係超抵食，自己買都唔止呢個價。🔅手打三色滑分別係蝦滑，墨魚滑，干貝滑。全部都足料，新鮮彈牙，完全感受到廚師用心嘅態度🔅珊瑚桂花雙拼珊瑚蚌口感比較爽脆，桂花蚌爽脆得嚟仲更加清甜🔅娃娃菜新鮮鮮嫩🔅整體評語相當滿足嘅一餐，價錢公道，食材新鮮。

🔺花月宮特色四格鍋 $268這個是餐廳招牌之一，可以一次過嚐到4款湯底，能夠招呼吃辣和不吃辣的朋友。每一款湯底都很足料，椰子雞鍋更加有半隻雞可以自己加進去。野菌鍋是我的最愛，除了有大量菇類，最特別是加入了松露令整鍋湯超級香濃，而且還用了冬菇乾，比鮮冬菇香味更加番茄海鮮湯是番茄薯仔湯加入海鮮，鮮甜味最棒，適合用來把海鮮的鮮味帶出來椰子雞湯藥材味濃而不澀，非常清甜再帶雞油的香味，喝下去最舒服，還有大大塊花膠非常滋補四川麻辣鍋不算太辣，以香辣為重，不會很麻所以很得我歡心，還有鴨血吃非常驚喜🔺美國手切封門柳 $238份量很多，2個人分吃綽綽有餘肥瘦比例適中，是肥肉比較少的部位，吃起來更健康牛肉味重，口感比較彈牙不是入口即溶的部位，不過輕輕煮20秒就能吃到中間呈微粉紅的肉質，嫩滑不老🔺聖子皇 $88聖子皇有2大隻超級鮮甜，放進鍋中幾秒已經熟，吃起來海鮮的甜味很重，口感彈牙。個人覺得跟番茄/椰子雞湯最搭，甜味更濃又不會蓋過它的味道🔺脆鯇片 $58這個價錢有這個份量也很划算，每一片都是薄切而且完全沒有骨頭，吃起來非常方便魚肉味香完全不腥臭，口感爽脆🔺手打鮮蝦丸 $58手打蝦丸的質感跟蝦滑很像，證明完