花月宮 (已結業)

FD對哩間火鍋念念不望，咁同佢再encore啦。雀巢檸檬茶同可樂，食開火鍋一定要飲可樂，兩個嘢飲解辣都唔錯。睇OP花月宮特色四格鍋都幾有特色，不僅可以試到多種口味，配料仲要好豐富。四川麻辣鍋，裡面有豆腐同鴨血。鍋底唔錯，食落唔會辣喉嚨，小麻小辣啱曬FD。藥膳花雕花膠醉雞鍋，醉雞件另外上，可以先飲碗湯底，湯底好鮮甜。雞肉唔洗煮好耐已經可以食，雞肉藥膳味好重，同埋會有少少花雕味，雞肉嫩滑超級好味，全部食曬！黑松露野菌鍋，搭配有幾種野菌，黑松露味好突出，不過我同FD麻麻地。番茄濃湯海鮮鍋，有鮮蝦魷魚仔同青口，番茄味和海鮮好夾。新鮮豬潤，豬潤處理得唔錯，唔覺得有腥味。豬潤放落辣鍋裡面最好味，食落會更加鮮甜。薄切牛舌心，牛舌唔算好薄切，適合放到番茄同醉雞湯底，清湯唔會遮住牛味，好食。美國頂級手切封門柳，一份分量唔錯，封門柳雪花分明，微微唰過已經可以食，食落牛味重同埋少少彈牙，勁like。今次藥膳花雕花膠醉雞鍋比咗好大驚喜，唔鐘意食雞啲FD都讚不絕口，以後要再encore！