芯怡美食館 (已結業)

打電話去叫外賣自取，唔俾人落單，係咁話冇乜人，你過黎先叫，我地揸車過去攞既，咁叫定俾錢走都好正常呀。邊有人唔俾叫定外賣架。啲態度又差，乜都冇得食就唔好開24小時喇。人地講話呢間野態度差我都唔係好信。依家親身體驗了。永久不幫親。貼錢買難受。完全唔知佢開24小時做乜。又唔俾人打來叫外賣，又冇野賣。完全浪費資源，平都冇用喇，唔怪得成日冇生意。啲伙計又黑口黑面。把聲都係厭世既。都唔知點解仲可以生存到既。拗頭

平日都有係到堂食同外賣過，早期食過唔錯所以都間中有堂食或者外賣，後期再食，食物不過不失亦不太差，但最近再去食就差左D好多，我未試過係難食到成盒燒肉掉咗..........😥😥例湯味道煲得幾夠火，幾好飲。生炒骨———酸甜味道適中，味道不錯梅菜蒸鯇魚——-鱼🐟肉亦夠滑，梅菜也夠昧鹽焗雞——雞肉有D梅咗，想變壞咁燒肉——-好唔掂，一咬落口，一陣豬的臭壓味，再試多舊，都係一樣，係完全無可能食到，再用鼻子聞下，嘩，又臭又壓啲味道，即刻成盒掉落垃圾桶。之前都有食過燒肉唔係咁，點解會咁既，有望改善！！！😫

零晨十二點幾的獨獨生日晚飯加宵夜，人大左都不想如何鋪張熱鬧，食飽飽就回家休息靜靜地過吧！Happy birthday to me。其實一個最開心，洗能您講﹗幾毒既晚餐都唔緊要，最緊要對自己好一點，食好一點！見嬸嬸們都好忙，未得閒理我呢！見有張卡位就自己坐低慢慢睇下餐牌，胃食的我樣樣想食，不知如何是好。斑腩不是班腩，其他沒有怎樣錯別字，非常好喎！吹毛求疵都可以抽秤下，枝竹唔係支竹，咖哩唔係咖喱，菜芯不是菜心，羅漢不是蘿漢，雜會不是什燴。揚州不楊洲，星洲不星州，沙嗲不沙爹，蒜蓉不蒜茸。呆坐五分鐘，嬸嬸終於發現到我，即時端杯水及清潔檯面，謝謝。菜色吸引，炸乳鴿、魚香茄子、麻婆豆腐似乎蠻不錯。唔見有瑤柱肉鬆蒸水蛋既？憑直覺就先食您沙嗲肥牛粉絲煲！菜色真的千變萬化，睇得我頭昏腦脹，想要這想要那。突然好想食菜啊，不過麵檔只有生菜、通菜，其他就要廚房開鑊炒，最低銷費都要 $50 蚊呢。魚香茄子煲、切雞半隻，依個份量無難道，全部消滅。姐姐無比例湯我，懶得問算數。魚香茄子煲，茄子半爽半棉而濕潤，吸盡肉碎醬油辣汁，份外惹味香甜。大量茄子肉鬆連辣椒撈白飯，靈魂所在香辣汁不能沒有。溫度燙嘴特別滋味，梗係要大口

今朝系石湖墟郵政局落車經過嘆左早餐先再轉乘小巴去睇中醫點了🐔雞扒拼紅腸，芝士腸$32方包🍞加2元轉奶油脆豬,茶走☕=34元奶油脆豬🥯~熱辣辣脆卜卜奶油份量剛好'大大件🤗🤗好味🐔雞排~吾油'正常紅腸~三件厚又大件，面脆脆的'好食🤗🤗質素係好脆皮腸~內裏有芝士，正常茶走~正常坐得舒服,食物質素好,份量多,價錢便宜

十一，二點周圍搵嘢食，又行錯路，D鋪頭又收哂，無意中見到昵間仲開更，但就吳知食咩既，見到甘就吳使唸，一定入去食，又估吳到呢道D餸又幾好味！先來一個乳鴿，味道吳錯，又香又脆又又嫩，好味👍脆玉瓜蒜蓉粉絲蒸🦐球——🦐球大隻又爽口，脆玉瓜又爽，粉絲又夠味👍薑蔥🐟腩煲———🐠肉嫰滑，薑蔥味夠香夠味，大大件🐟啖啖肉😋😋蒜蓉炒菜心———-菜心味清甜，又大碟又好味😊😊餐牌款式又夠多，又平又好食👍👍

今日喺上水睇完中醫!經過芯怡食個早餐先搭車返元朗牛扒紅腸太陽蛋~ 太陽蛋(蛋王冰凍牛扒乾-紅腸好味餐包加2🐷~ 有煉奶，牛油， 豬仔包脆卜卜🤗🤗奶走~ 滑的，熱辣辣仲好埋單33元!

以前食過呢間野記得唔錯 咁岩今次係上水唔知食乜 就揀呢間啦望左餐牌 決定今晚食蒸鯇魚同雲呑雞等左好耐好耐先上菜 真係餓死 45分鐘一定有 雲呑雞等得耐就算 蒸咩魚蒸成9個仔都未得？ 重點係間野冇乜人 雲吞雞煲雞湯好正 我忍唔住係咁飲雲吞好大隻 女朋友唔食蝦 我可以一個人食哂 哈哈雞有D老 但果道幾好 梅菜蒸鯇魚魚係新鮮既 好大舊 最後要打包整體其實唔錯 係要有D耐性 🤣

好夜先係上水覓食，又累又落雨，茶餐廳通常都係第一選擇，「芯怡美食館」，男朋友話以前食過覺得唔錯，咁就揀佢啦。-呢間野比我既感覺係小菜款式唔多，反而好多魚🐟同雞🐓，男朋友發版，話想食魚🐠-講啲餸之前，真係唔可以唔講我地等左幾耐🤯落單開始，差不多等左45分鐘。藍妹明白既，魚要蒸，但係成個場係得幾枱人，仲要個個食碟頭飯，我想像唔到廚房有幾忙😐。食茶餐廳要等45分鐘，真係未試過😡-雲吞雞煲雞湯好好味，應該都有濃湯寶嫁啦，但係本身唔期待佢係鮮雞湯，所以照飲可也✌🏻雲吞好大隻蝦，可以話係除左蝦，唔太食到肉，唔食蝦既藍妹食左一粒就唔敢再掂😣雞都幾老，肉好‘鞋’😵-梅菜蒸鯇魚蒸左45分鐘既魚究竟食完會唔會升仙😱魚算新鮮既，蒸既火喉都ok，唔會老，而且好大條，兩大舊我地2個人食唔哂🤣-等左咁耐真係咩胃口都冇哂，飯都只係爬左兩啖就食唔落，結果魚同飯都打包哂，第日食多一餐🤦🏻‍♀️要等咁耐，好食都冇用😭

係呢頭附近生活都知道上水都有唔少茶記而呢間係我經常惠顧既皆因佢係24小時營業所以有時收工收夜左都可以搵到野食而且佢有平有貴有輕食有飽肚既一碗面都係廿幾一個三寶飯都係廿幾三十係宜家呢個世代真係算係咁啦

以前附近返工食過兩次，事隔今日已經幾年，住上水甘耐好日都唔走過黎呢邊食野，附近已食到厭哂，突然想食茶記，決定再試。西檸雞 $55 +白飯$8本身無跟飯，所以另外叫左個飯。上菜時間都幾慢，對面位兄台遲黎過我地，佢食哂碟飯我地都未上菜。終於上菜了，外脆內嫩，老實講個汁比出面食過既西檸雞都好食，份量亦算多，滿意。沙嗲肥牛粉絲煲 $58呢個就無乜特別，味道正常，但以煲黎講，同價錢都成正比例。餐廳內都幾迫，如果唔係坐卡位，d人行出行入都幾易撞到，但論食物不俗。

晏晝肚餓唔想自己煮, 落左街食野, 本來想去隔離成記, 不過聽朋友講差左好多, 轉左黎呢間芯怡, 以前都幾好食的, 不過而家差左好多叫左個午餐, 有燒腩仔又有飯咁啦不過D燒腩仔差左好多, 塊皮都唔脆, 反而好韌, 而且唔好睇個樣好似幾靚, 其實D肉好咸, 不過肥肉同瘦肉個比例幾好, 而且唔會下面果舊好咸, 中間冇味, 都醃得幾平均啦個飯就一般般, 份量唔係好多, 煮得有少少乾身價錢唔算好貴, 不過有同區更好既選擇囉, 未必番轉頭

AI 搭的士買宵夜回家慢慢嘆，早飲早醉早瞓覺，食個宵夜瞓覺，瞓個好覺！飛的直達 24 小時營業的芯宜，姐姐嬸嬸們夾路歡迎，急急買個頂級燒味飯就跳回的士回家。燒鴨髀叉燒飯，我硬係覺得之前個姐姐斬得靚好多喎！白飯好濕爛，黏晒嘴。蔥實在太大粒，腥草味超級強烈，有少少想反胃，唯有挑走晒去啦。叉燒乾瘦硬鞋，少點牙力都唔掂，味道還可以。何解無燒鵝架？幸好燒鴨髀滿意好食，皮香肉嫩又唔肥膩，醃味清爽甜甜。餸食晒，爛飯剩半盒！浪費我寶貴 quota，剛才突然掛住前近日紅磡富華肥美香甜黯然銷魂飯，先飛的士黎買架乍！燒鴨髀切雞髀飯，$40 蚊勁抵食，快靚正，非常高質好味！燒味出品快靚正，侍應們又熱情、笑面迎人，買得開心。大大隻雞髀併大大隻鴨髀堅塞爆飯盒，緊緊合埋到乍。嫩嫩雞髀肉被薄薄滑滑雞皮黏著，油香帶著咸香極可口啊！醃料香濃，皮香肉嫩燒鴨髀，肉質雖然不及燒鵝幼滑多汁，但已足夠使我心滿意足。香口蔥汁豉油撈上亁爽飯粒，撘載件服肥美雞髀肉或鴨髀肉直送入口，美味致極。燒味譽滿中外，中華數千年歷史既精髓！

燒肉切雞髀飯，馳名上水既切雞髀保持一哥水準，香甜嫩滑，聞得到的鮮嫩 ﹗看得到的甜美 ﹗皮光肉滑，顏色金黃令立立，色澤光亮，吸引力爆燈 ﹗一跣入口，肉連皮均味濃而多汁，滑嘟嘟不肥不油不膩，撈上蔥汁豉油跟飯粒，味道超凡脫俗，腦裡已一片空白，只顧不停地狼吞虎嚥。再搭上咸香脆皮燒肉，肉質棉棉充滿彈性，肉汁由每絲纖維中溢出，香甜無比。切雞燒肉蔥汁豉油飯粒合體，天下無敵 ﹗燒鴨髀切雞髀飯，一打開鮮味撲面而來 ﹗係鮮雞既芳香氣味，聞得到的嫩滑香甜。淺嚐一口？No way ﹗狠狠地大啖咬落去，肉汁飛射 ﹗皮薄肉香，骨細肉延，滑溜有嚼勁既雞髀肉，美味致極，如何停得口呢 ？燒鴨髀，我好掛住燒鵝髀呢，但夜媽媽都要食住先喇，鴨肉跟鵝肉既肉質、味道始終差幾班呢 ﹗鴨完全無癡肥喎，無肥膏一舊舊，又唔會咬到成口油，難得高質 ﹗皮香肉嫩，香料味突出，滿意喎。飯粒飽滿乾爽，撈上蔥汁豉油暖笠笠送入口，居然比我食到一粒飯都無剩呢 ﹗太香口惹味喇，依次仲唔變肥仔 ﹗一啖飯幾啖肉，滿足到暈，食飽飽發個甜夢先。嘩，我幾時食左個燒味飯架？又再次飲到大醉斷晒片，好采影左相啫。一打開盒飯已經散晒，我係咪跌過落地呢？盒飯跌落地？還是我個

燒肉雙髀飯，我又問阿姐有無燒鵝髀，都係無囉。芯怡無鵝供應架呢，無緊要，鴨髀都好！自從有晚買過雙髀燒味飯之後一食上癮，高質雞鴨媲美權記，一品乳豬、金都、盈昌完全唔入流，就算行樂軒都被比下去了！切雞髀滑不留手，深黃色薄滑雞皮尤其吸引，香噴噴雞味帶甜甜雞油，夾住嫩滑雞肉連飯直送入口，精神為之一振，太美味喇！燒鴨髀一啲都唔輸蝕比燒鵝髀，皮香肉滑，肉質幼嫩，香料滲入每條纖維，每趙一口都有澎湃鴨汁射出，拼上乾爽白飯如虎添翼，飯香無敵。燒肉其貌不揚，一試上癮！脆皮夾雜嫩肉及滑滑油脂，濕潤既咸香瘦肉係口腔內打滾，美味極了！雞髀鴨髀燒肉鐵三角仲要加埋清爽蔥油，極速銷飯，白飯完全唔夠食！雙髀飯，切雞髀肥美非常，勁香勁滑勁多汁，滑到係舌尖上跣左跣右呢，肉質彈彈鮮味，好正呀！燒鴨髀皮香肉滑，唔會有肥膏食到滿好油淋淋，連酸梅醬都唔洗，味道豐富，送飯一流！雞肉加鴨肉撈上蔥油一粒飯一粒蔥都無得留低，好好好味！爆醉！等唔切榮哥炸雞髀，比左錢唯有請其他人食啦，急住飛的士返屋企瞓覺。AI 話要買野食，燒味定蒸飯好呢？入到上水最終決定雙髀飯啦，好飽呀！瞓醒飽到想嘔呢！爆醉 AI 系統即時啟動！胃之黑洞暴走！食得乾乾淨淨，一

好醉但又好肚餓，夜媽媽突然好想食燒味，突想起芯怡開 24 小時喎，即刻大埔飛的士去買外賣啦！一別 14 個月無黎幫襯。醉爆四點 AI 食燒味，仲要食鬼晒一粒飯都無剩！就係因為太好味囉！莫非雞鴨都係零晨新鮮運到？堅係超水準表現。權記執左後，食左幾次盈昌硬嗅雞、一品乳豬乾鞋雞、行樂軒普通雞，終於比我搵到一絲曙光喇！仲要係 24 小時營業添。雞髀鴨髀飯！吓，無燒鵝？有鴨無鵝無辦法，夜媽媽粗粗地食住先。兩位阿姐都笑容滿面、熱情招待，貴賓一樣，讚！由阿姐操刀，見佢不慌不忙，柔韌有餘手起刀落！必殺光速斬！乾淨利落，走得！返屋企慢慢嘆。我唔客氣喇，起動！斬得大細適中又無骨碎，兩髀皆幼滑細緻。切雞髀，雞味濃厚兼帶清爽甜雞味，高質到爆！黃油雞？深黃色薄薄雞皮嫩滑無比，蓋著少少雞油使到雞肉更加香口，不油不膩。充滿肉汁而彈牙雞髀肉搭上乾爽飯粒，再撈上蔥油豉油，好味到震！停到口至奇啦！燒鴨髀，皮香肉嫩，百年難得一遇薄而香口又唔肥既鴨皮，鴨肉仲要勁香滑勁入味帶著勁清甜香料味道，肉汁又澎湃！兩隻髀搞到我興奮度爆燈，全部食晒都未夠喉呢！