芯怡美食館 (已結業)

芯怡一向都是一眾睇波消遣人士既聚腳點, 從前他的燒味飯是不錯的, 不過自從他們服務態度越來越差, 我就算來這區找朋友睇波, 也很少來這了剔開味精不談, 這道粟米班腩飯的炸皮粉實在太厚, 中間的魚肉份量太少, 而且有部分是連肉都不見, 只見炸粉不見肉, 還稱得上是班腩嗎? 粟米醬懷疑加了味精又加鹽, 因為非常咸...油菜的質素一般, 菜有少量渣, 蠔油份量較多, 所以都是比較咸...

早午晚餐一剔過！今日第一餐。獨毒中秋晚飯，祝我中秋節快樂，腸胃炎疴到夜晚先落到街食野，照鏡好似瘦左添，哈哈！上次試過恐怖排骨飯宵夜後，第二次黎試。想食燒味，但權記過節無開，行行下見到芯怡有燒味又有位，是但啦！有半數食客都係新移民，一睇就知，我以為自己行左去深圳。第二次幫襯，上次清晨四五點黎食排骨飯，服務差又難食，比多次機會您 ﹗切雞髀叉燒飯，又幾好味喎！鹽焗雞髀嫩滑彈牙有咬口，味道剛好唔會過咸。叉燒顏色暗啞唔討好而且偏瘦，不過食落都夠味夠腍，算合格。蔥油太大粒喇，味道還可以，蔥切得幼細讓蔥更多蔥汁滲出先好食架麻！例湯飲完都唔知係咩，咸咸地有點豆味咁囉！

芯怡食物有幾差？基本上如非24小時營業，鄰近小巴總站，招徠固定客，否則早已給市場淘汰。不過出菜快，趕時間及要求不高，倒是一個選擇。晚上放工回家，早已過了晚飯時刻，獨腳戲的一餐，胡胡混混就算了。例湯是送的青紅蘿蔔湯，當然是淡如水，有點味吧！切雞飯走翼位，換來雞胸肉，份量可算多，不過是雪貨，雞味若有若無，幾條白菜已經開始發黃，就連飯粒部份黏埋一舊，算了，求其倒落湯當泡飯，三扒兩撥攪掂。

這間茶餐廳提供了十多款的特價外賣飯盒，價錢非常實惠，由$22 - 25 左右。來了個$24 紅腸叉燒咸蛋飯盒，紅腸是厚切的，叉燒又厚又乾。可是以價錢來說的確是超值，不能怨。

一間24小時營業的茶餐廳，每逄遇上大型足球比賽直播，便人山人海，更有相熟顧客在聚賭，拉也拉了好幾次，但總是禁不了。不過食物水準是出了名的差勁，小菜飯麵都試過，不是睇波絕不會去，今次保險一點，來碗燒鴨麵，鴨肉真的比在下還要老，生麵淥得發白又帶鹼水味，吃一口已經想哭，一頭撞死算了。

話說某日午膳時間行經此餐廳,見入面人流頗多,諗住應該靠得住於是入去坐咗喺水吧附近,待應好快就過嚟落單,我見快餐都係普通嘢,心諗炒嘢唔會難食得去邊,於是嗌咗楊洲炒飯,由於坐得近水吧,等個飯的時候不時同水吧阿叔有眼神交流,見佢動作利落,三兩下手勢就沖好一杯嘢飲,不禁流露出敬佩的眼神,而正當我望得出神之際,有個阿姐攞咗碟疑似炒飯的物體出嚟,對個阿叔話呢碟要叮下,我當時就有一種不祥預感,果然個阿叔利落咁將碟飯放入微波爐,瀟灑地撥一撥時間制,等聽到叮一聲之後將碟飯交畀個阿姐,而個阿姐毫不猶豫咁放碟飯喺我面前,嗰一刻我崩潰了,我要食叮飯我點解要嚟你間餐廳?我去買波仔唔好?我叫炒飯就係想食有鑊氣的食物,你畀返叮炒飯我不特止,重毫無保留咁將制作過程呈現我面前,少少掩飾都冇,我接受唔到咁高的透明度

由於家中沒什麼有線,現在台,想睇波,一是上網睇,另一選擇是出街睇.芯怡走的是廿四小時營業路線,每當有大場波出現時,都會有爆場的情況,大家都只顧睇波,食物水準都是不大了了.因為有最低消費的問題,所以在選小菜上,都會因價就貨.去多了,跟伙計都熟落不少,找個位,總有人會讓坐,反正大家都是街坊嘛!切雞飯 : 講真真係一般,飯底生冷,但雞都算啖啖肉,最好味反而係薑茸,估你唔到.灼生菜澆上牛腩汁,一向喜歡配腩汁,真的惹味得多.話晒睇一場波,至少都會花一兩小時,加追一碟沙薑雞腳,肉就無乜,不過就好入味,皮肉位都溶化了.不知不覺一場波話咁快睇完.

chopstick:豆卜火腩飯都叫到足料....餸就夠哂多....不過味道麻麻地....冇咩特別....食到一半到已經覺得好飽...好大可能係油得滯.... 茄汁雙扒飯收左豬同雞...2塊扒都好大塊....不過塊豬ge肥糕就真係多左少少....反而個茄汁唔錯....唯一可取ge就係幾香蕃茄味....跟餐油菜普通喇....不過都係油左d喇....總結黎講....味道問題不大...不過全部野都好油....間唔中平平地食一餐就冇咩問題....如果一星期食幾餐睇怕都好快食到病....真係唔太健康....寧願俾多少少錢食好d健康d....服務得返一個樓面....我男朋友話平時都會有2~3個....所以姐姐真係忙到冇得停....冇得話即叫即有人黎....不過姐姐ge態度都唔錯...仲好好笑容....可以接受ge...但如果趕時間者...就要考慮下呢個問題....衛生同d食物一樣....都得油立立....地下油....d碗都幾油...真係要洗一洗先好用....

幾個伙記都招呼不錯, 分別都很落力向我和女友介紹不同的海鮮菜式(但我們都不太喜歡吃魚而我又很少在街外吃海鮮), 但地方欠整潔: 地板油膩,吃飯時常有很多小烏蠅飛來飛去,坐我後面的食客吃吃吓轉個頭吐咗啲嘢落我旁邊的地上.我和女友全程都雙腳踩在枱腳上, 因為塊地真的很污糟.以後都不會再光顧了.叫了北菇蒸排骨和涼瓜炒肉片, 味道還可以. 飯比較乾.

對於一個家中無法睇歐聯,但偏偏第二日唔駛返,再加上戲碼特好,點都要諗諗計.就趁半夜大小天使同周公傾計時,偷偷地飛\'的\'去上水,老實講,落吧氣氛好,但多人食煙,而且唔想飲酒,係上水有部份茶餐\廳係有得睇,而且收費唔貴.去到時尚未開波,已經人山人海,要担張椅坐路口,收費是食套餐\加$3一場波,如果淨飲水另計,所以大部份人都有叫野食.由於伙同食客太熟絡了,所以有另一部份人會等到四點半過後order早餐\,又唔駛加錢,咁都比佢\地諗到,好野!實在人太多,無奈下竟然給小弟係餐\廳一角搵到位,而因為大廳有兩部電視,掛在兩邊牆上,分別直播兩場不同賽事,所以小弟只能收看其中一場.套餐\要了豉椒鮮魷炒河加油菜及凍檸檬茶.小弟一向認為鮮魷用上豉椒洋蔥炒是天造地設待一對,好難整得唔好食,雖然物價貴,份量無疑少了點,但鮮魷煮得並唔過火,而且肉厚有咬勁,河粉就失色少許\,不單唔夠熱,而且唔係好滑,不過都四點幾,實在太肚餓,雖然好嘈,自己又食兩啖叫幾句(不過係含住野食),一陣又衝出去睇另一場(因為係阿仙奴對AC,自己又同馬會決鬥中,上半場已經有\'的士\'錢加宵夜錢)幾攪笑下,不過都好快食曬.話咁快完場,睇下