芯怡美食館 (已結業)

好夜先係上水覓食，又累又落雨，茶餐廳通常都係第一選擇，「芯怡美食館」，男朋友話以前食過覺得唔錯，咁就揀佢啦。-呢間野比我既感覺係小菜款式唔多，反而好多魚🐟同雞🐓，男朋友發版，話想食魚🐠-講啲餸之前，真係唔可以唔講我地等左幾耐🤯落單開始，差不多等左45分鐘。藍妹明白既，魚要蒸，但係成個場係得幾枱人，仲要個個食碟頭飯，我想像唔到廚房有幾忙😐。食茶餐廳要等45分鐘，真係未試過😡-雲吞雞煲雞湯好好味，應該都有濃湯寶嫁啦，但係本身唔期待佢係鮮雞湯，所以照飲可也✌🏻雲吞好大隻蝦，可以話係除左蝦，唔太食到肉，唔食蝦既藍妹食左一粒就唔敢再掂😣雞都幾老，肉好‘鞋’😵-梅菜蒸鯇魚蒸左45分鐘既魚究竟食完會唔會升仙😱魚算新鮮既，蒸既火喉都ok，唔會老，而且好大條，兩大舊我地2個人食唔哂🤣-等左咁耐真係咩胃口都冇哂，飯都只係爬左兩啖就食唔落，結果魚同飯都打包哂，第日食多一餐🤦🏻‍♀️要等咁耐，好食都冇用😭