芭蕉葉正宗泰北菜 (已結業)

第一次來,六點幾都無乜人, 最適合情侶晚餐.見到周圍貼了很多剪報, 都是介紹這餐廳.一坐下來有蝦片食,我的致愛,皇上都話好味.是晚特價精選:辣椒膏炒大頭蝦,好美味啊.不太辣,配菜的香葉和青椒都食埋,正!炸粿粿/荷包仔:炸粿粿幾脆口,但荷包仔係冷食,估唔到.南瓜脆脆:頗油,唔太脆.串燒:就唔得,無味又唔熱.但點大頭蝦辣椒膏好味.椰青炒飯:堆山咁高,好多料,椰肉青甜,有腰果和肉鬆.最奇怪係我想打包食唔晒的炒飯,事頭婆話用個盒包給我,個椰青就唔可以給我, 啊!? 點解呢?!青檸梳打和咸檸梳打就一般啦.最後有黑糯米糖水送, $250埋單.食物感覺似住家菜,味不太濃,有點特色. 有很多野想試,皇上話下次喎,叫太多食唔晒.我見外面有一大片空地,但事頭婆話唔可以泊車,失敗.如果一班朋友大食會都幾好,好似包場咁.

今晚同朋友一行九人黎到開餐叫左3個小食(唔記得左d名),蟹中寶(麵包焗咖哩炒蟹),泰式炒金邊粉,椰青炒飯,印尼炒飯,燒青魚,火焰雞其中至欣賞蟹中寶,椰青炒飯同火焰雞蟹中寶用左法包包住咖哩蟹咖哩味道唔太辣又加上蛋汁法包吸晒d汁好好味椰青炒飯一d都唔油膩而且配料亦多味道好好火焰雞好有特色佢上檯時會專登關上燈點火好有氣勢同氣氛而且雞肉好厚啖啖肉得黎味道夠又幾滑味道好好成餐飯都好好味而且"送"菜好有特色唔係九龍城泰菜o個d一般貨色價錢亦好抵朋友有九折咭一人都唔駛60蚊抵食服務好好老闆娘好nice但附送既糖水就十分差破壞左少少印象寧願無得送仲好

朋友居住在屯門，找到了這一間泰國菜館；由屯門市中心步行二十五分鐘到達，附近是一些工廠大廈，可以乘961九巴（尾二個站）到達．我們order了七道菜，後來老闆娘送了一客甜點（炸香蕉）．１．蒜蓉椰苗－好滑，２．馬拉盞通菜－有ｄ咸，３．咖哩蟹－味道不太濃，小許甜，小許辣，４．春卷蝦－蝦肉加上一隻蝦，好鮮甜，５．冬陰公湯－辣得來，好好味，６．奄列蛋飯－okey喇，７．金邊粉－炒得太乾．每道菜都有其特式．朋友飲芒果汁，一般；我飲椰汁，正．忘了介紹前菜是甚麼，就是辣蝦片，可以外賣HK$10一包．

哩一間坐得唔係太舒服既餐廳給予我一種好有家庭既感覺．位於屯門既一條小村，由屯門市中心步行25分鐘到達，附近好靜（工業區），入到餐廳裡面就好熱鬧．我地6個人叫左7樣菜，如下：－一．冬陰公湯－辣得來，好好味；二．蒜蓉椰苗－好滑；三．馬拉盞通菜－好咸；四．炸蝦春卷－好多蝦啊；五．奄列蛋飯－普通左ｄ；六．金邊粉－炒得太乾，都okey；七．咖哩蟹－小濃，小滑，小甜，岩晒香港人口味．各有特式，so far都好好味．ｄ朋友話芒果汁麻麻地，我就飲左椰汁，正！之後老闆娘送左個炸蕉俾我地，我不太鍾意香蕉，不過，嗅到果陣味都好香．．．唔記得講個前菜添，就係黑椒蝦片，可以外賣價HK$10，哈哈哈．

前幾天, 去開屯門就同朋友去呢到食飯, 本身之前去過幾次感覺都唔錯, 佢地o既小炒, 碟頭飯, 同奶茶係屯門呢個小地方算係幾top 下...不過, 咁耐無o黎就叫返愛食o既菜式同奶茶......感覺就好似此情不再咁, 唔得囉, 再加上個老闆娘(略肥個個)d service 嘛嘛, 攪到好似浪費金錢一樣...唯一算係可讚o既係個位老闆娘比o左張所謂VIP 卡我, 真係搵"食" 艱難...

今晚同同事一行五人駕車去。其中一同事之前去過話門口有位置可以泊車，但宜家冇了，只可以泊o係路邊。我地叫左兩個二人餐另加一個招牌菜"乜乜蟹中寶"同埋一個酸辣鳳爪。食物可以，但唔算好好，環境一般啦。價錢算係貴~!!!餐前送來兩客蝦片但要收$20，真係好似貴左D喎，不過冇加一服務費算啦，服務好好(除了最後遞單黎果位黑口黑面。

環境好正，好開揚! 野食唔係街外行貨泰國菜，好味~ 飲埋野每人都係$100 度，OK 抵!

o 野好食, 車位多重係免費, 又有露天茶座, 氣氛一流, 價錢和市區的同類廳差不多. 總之一句講晒- 正!