芝麻綠豆甜品屋

營業中

休息中

黃埔即將有港鐵通車，相信之後會有更多人黎黃埔覓食，尤其又平又好味既小店，就例如芝麻綠豆甜品屋。芝麻綠豆甜品屋甜品選擇一啲都唔芝麻綠豆咁少，唔少仲係創意十足。我都揀左好耐先決定叫呢碗芝麻蛋白燉鮮奶~ 未叫之前我遠方見到呢啲燉奶好特別，點解啲燉奶中間會有黑色標記，仲要碗碗都係一模一樣🤔黎到我面前先知係芝麻糊黎。要食到各種既美味，必須逐步慢慢品嚐。先從外白白燉奶開始，鮮奶味濃郁，蛋白鮮奶滑溜，贏得唔少分數。然後再淺嚐微滋潤既芝麻糊，令原本乾涸既喉嚨變得濕潤舒服起黎。最後攪拌混合黎食好似食緊芝麻豆腐花咁，一碗糖水食出三種風味。

早一晚媽媽睇左電視介紹就話要試要試，第二日飯後就即刻同佢黎呢到試喇。估唔到呢條街咁多食店，啲車多到泊滿街，好難等位…八點半去到都已經座無虛席，好在三位即刻有得入座因為一心黎試佢呢個芝麻蛋白燉鮮奶, 所以我地叫左3個, 其實佢都可以配合桃既我地叫左凍既, 即刻有我食~燉鮮奶中間加入左芝麻糊燉鮮奶同芝麻糊都好夠滑, 燉鮮奶有淡淡既奶香比較甜,芝麻糊唔係好甜,味道就淡D,剛好中和返。比起義X既燉鮮奶有特色之餘及比佢好食

黑芝麻糊 超級無敵好吃！！😍😍💕💕🤗🤗一向不吃芝麻糊的我，把老公點的芝麻糊吃光光！😂😂😂滿滿稠稠的芝麻糊 很大碗！材料很足夠，不會稀，超好吃！👏🏻👏🏻👏🏻😍😍😍還會再來吃！🤗🤗👍🏻👍🏻👍🏻💕💕

跟朋友在附近晚飯完找個地方吃糖水，其中有朋友提議到這裡，見不太多人輪候就入內試試。椰汁綠豆蓉涼粉冰($23)朋友說這裡以綠豆聞名，於是我們每人就點了一個椰汁綠豆蓉涼粉冰。一般糖水店的綠豆都是連皮的，但這裡的綠豆其實是綠豆蓉，就是預先脫了皮的，所以綠豆都是淺黃色而非綠色的。椰汁夠冰凍，但味道不算突出。除了綠豆蓉外，碗底還有涼粉，上面再鋪上綿綿冰，非常特別又消暑的糖水。總結，糖水味道不算突出，勝在價錢親民，路過也值得一試。

同彭仔食完韓國菜 想解下油膩 就去芝麻綠豆食下d清涼甜品彭仔嗌左呢個西瓜黑珍珠加榴槤雪糕第一啖食落去 好爽呀！西瓜好甜 夠晒冰凍西瓜同珍珠真係好搭 夏天食一流！榴槤雪糕球 雖然白色一個睇落好普通一食落口就有濃郁嘅榴槤香味 有驚喜！而我就嗌咗個櫻桃小丸子 係冰凍嘅士多啤梨雪葩 加上凍既芝麻花生湯圓仲有我最愛嘅香蕉切片士多啤梨味道鮮甜 仲有一粒粒士多啤梨籽雖然我唔知道係咪用真。果汁但係味道一啲都唔假 幾好味

西式甜品我一向都係我既至愛，但係中式既我都喜歡，今日黎到埔，經過呢間幾出名食特色燉奶既地方，好似佢地既芝麻燉奶就係全球首創，就打算黎試下啦。上檯時見到燉奶上面有一點黑芝麻，相信係方便員工辨認既，因為都有好幾款燉奶。係餐檯貼左指示教我地點樣食呢個芝麻燉奶，原來首先食左面頭既燉奶，再食少少芝麻糊，之後再兩者混埋一齊食，燉奶食落好香滑又唔會太甜，芝麻糊都好香濃，不過兩者一齊食既時候，芝麻糊既味道會蓋過燉奶，不過味道都好特別。

去紅磡逛街逛到很疲累，是時候要食個甜品.....芝麻綠豆甜品屋甜品款式都算多，創意甜品都不下有數款，可以滿足到喜歡試新野又十分喜歡食甜品的我。金黃珍珠紫米露 - 紫米露與黑糯米是最佳拍檔。我很少食黑糯米，嫌太黏牙及硬身！不過今次想試試這個特別的甜品，黑糯米煮得非常軟身，好有口感。金黃珍珠其實就是粟米，切得很平均，而且很大粒很清甜，想不到與黑糯米都出奇地配搭到。

經朋友介紹下就嚟咗紅磡嘅'芝麻綠豆'...門口有一級...仲要幾高吓...手推輪椅/BB車有人幫手推一把...想入去坐唔係難事...電動輪椅就唔好搏啦...無謂傷人傷己又傷車...店舖d侍應一時時肯擺枱係舖前...因為驚比食環捉所以…假如佢哋肯係開枱比你坐...除咗感激之外…就係要識做喇...食完就咪hea咁耐...累到人哋比食環抄牌…就大家都無癮...呢碗糖水我覺得好好食一來好夠熱...二來唔會過甜...杏仁味好濃厚...聽聞係店舖人手磨..糖水裡有雪耳...份外覺得好滋潤芝麻更是功不可沒！冬天食嘅話，食完愉悅感會大增

當工作到累的時侯，吃一點點甜品糖水的確可以有舒緩的作用。坊間甜品推陳出新，各式各樣，有時候會忘記了傳統糖水的美好。芝麻綠豆是紅磡區的老店，主打健康中式糖水。不過面對外面龐大的激爭，它都有推出了創新的糖水。燉蛋配杏仁霜，在檯面貼了紙條告訴大家這款糖品原來有三個食法。先食外圍的燉奶， 再取中間的杏仁霜，最後才混合一起食。燉奶很滑，成個糖品不會太甜，感覺很健康， 很好吃！

上次和同事吃過之後已經想寫食評，但沒有影相，所以最後沒寫。難得今日再去，決定再encore這個芝麻蛋白燉鮮奶。我喜歡芝麻糊，但平時要我一個人完成一碗，我好會覺得太多，會好飽，做不了飯後甜品。但這碗因為有一半是燉奶，所以覺得會減低小小飽肚感，而且又可以滿足一次吃兩款甜品的慾望，個人特別滿意，哈哈。先吃第一層的燉奶，好滑好滑，只有小小甜。之後第二層，是比燉奶甜一點的芝麻糊，芝麻味好濃好香。第三層就是就是把兩者混在一起吃，變成它說的全球首創芝麻蛋白燉奶。下次路過這裡聞到陣陣芝麻香時，不仿入去試試。

以前成日食呢間甜品店，但估唔到佢水準真係每況愈下，難怪我去果晚人客都比以前了。 紅豆沙拼麻蓉湯圓：紅豆煲得唔夠淋無起沙效果，而且仲有幾粒唔關事嘅黑芝麻，但勝在唔係太甜，而湯圓就過咗火淋咗少少，但麻蓉幾好味。

本人唔太好甜嘢所以好少食甜品,除咗食自助餐時會食甜品外,基本上唔會特別去買唻食.因為有朋自遠方來,當然要俾佢品嚐下香港嘅各種美食啦!(當然我都食埋一份啦!)叫咗雙皮奶及楊枝甘露,我2樣都從未試過.首先雙皮奶,我食唔出有咩特別(我味覺比較鈍).楊枝甘露始終有生果,點都刺激到個味蕾嘅,除咗芒果仲有柚子肉,西米......去到時好多人,剛好有位坐,坐低後無耐又好多客埋單走咗,坐咗陣都無人唻招呼,無侍應望過唻,我哋對面係收銀,就叫收銀寫嘢,佢又好唔得閒,所以服務方面比較低分.環境,我覺得比較迫.

呢一晚，愛麗絲整完deco就同班freshmen去食糖水🙆🏽 我地去左芝麻綠豆呢間甜品屋，都唔係話太多人，我地成十個人都唔洗等位，亦都唔會坐得太逼。愛麗絲叫左椰汁涼粉冰配曲奇妙趣雪糕。首先，係冰浸係椰汁，椰汁唔會太甜，跟埋涼粉一齊食，正😍 涼粉同冰既份量都足既。而個曲奇妙趣雪糕都好大同味道正😍 只係一開始食時，個雪糕球硬到食唔到😂 $19其實好抵食👍🏻 (加雪糕就要加幾蚊)推介大家去食呢間甜品屋，選擇多，抵食，環境又ok😎

一直以來都係fans, 曾經喺08年寫過篇大肆讚揚佢啲甜品好好食(雖然員工態度差左啲)但而家真係忍無可忍要再寫update食評.以前受到我高度讚賞嘅:合桃露芝麻糊杏仁露蕃薯糖水黑糯米腐竹糖水全部都變得好浠, 又太甜. 無哂以前的水準以前甜度比較適中, 亦濃好好好多唯一到而家仲值得一食嘅係佢個芝麻糊燉奶, 不過講真都係甜過以前好多. 難怪門口都無以前咁多人等位了.

如果要係紅磡食糖水，我第一時間就係諗到芝麻綠豆，我諗呢到都開左有十幾年，而且由細食到大最隱陣呢個蒟蒻撈都算係呢到既招牌，蒟蒻味道酸酸甜甜，椰汁底，但嫌刨冰少左d，可以配唔同生果顏色較淺，有少少渣，合桃味有少少澀但都可以接受整體不過不失，但食左咁多年都有感情既