芝麻綠豆甜品屋

營業中

休息中

芝麻綠豆係公司附近好出名既甜品店，基本上同事叫親甜品都係叫呢間，所以都食過好多次，之前食過佢既石磨芝麻糊加湯圓、石磨合桃糊、金銀芋椰汁西米露同埋雪耳杏仁露加湯圓。芝麻糊同合桃糊都係好滑身唔死甜，質地唔稀剛剛好﹔雪耳杏仁露加湯圓都好正，杏仁露都係好滑身唔死甜，雪耳份量好多，食完覺得好補﹔金銀芋椰汁西米露就相對差啲，金銀芋即係蕃薯同芋頭，份量好少，連西米露都少得可憐﹔我今次食既係 " 點指冰冰 " - 即係彩虹蒟蒻冰加芒果 (配椰汁、花奶及芒果汁)啲芒果多到震，切到四四方方，又大粒又甜，蒟蒻都好多好有咬口，係食到尾段糖水比較甜，不過呢個真係好好食同抵食。食過咁多次，我覺得佢糊類既甜品做得比較出色，不過下次都會再試下佢其他甜品。以價錢黎講，其實都真係幾合理，因為佢比其他出左名既甜品店平。外賣最低消費$100，外賣每碗加$1。

平時食開芝麻糊燉蛋白，今次見到有新產品，就叫左個蛋白杏仁茶。其實都唔算好平，$32一碗，同埋都唔係大碗。食落去幾香，質地都幾杰，食多幾啖會膩。試過新野，下次都係會想叫返芝麻燉蛋白。

食完飯想食下甜品，就諗起哩間。好出名既芝麻蛋白燉鮮奶。黎到果陣甜品店啱啱開問，order左芝麻蛋白燉鮮奶同合桃蛋白燉鮮奶，店員話要等半粒鐘，為左一試究竟當然等啦！然後店員大叫入廚房話等呀，語氣好差，服務態度好一般，講野不屑到一個點老闆同老闆娘就nice好多點知唔係半個鐘咁簡單，最尾係等左成粒鐘，然後食左五分鐘等左咁耐，見到個樣咁靚，都覺得值既。首先食左蛋白燉鮮奶先，質感好滑，不會過甜，略嫌蛋、奶味不太出，淨係有少少奶香。但都忍唔住一啖接一啖，話咁快就食完蛋白燉鮮奶，芝麻糊出場了。芝麻糊好香芝麻味，不會太甜，有少少苦，但係好食既。合桃糊同平時食開既唔同味，佢似係用生合桃整出黎，感覺比較原始同健康。兩樣比我揀我會prefer芝麻蛋白燉鮮奶如果有下次，可能我會淨係食蛋白燉鮮奶，因為溝埋食感覺未至於好特別，反而分開食仲可以細嚐味道啱啱整出黎，新鮮滾熱辣，食完成個人當場暖左，好舒服不過唔洗等成粒鐘就更加好啦

🌬天氣開始轉冷❣️中式熱糖水成心頭好😍放工回到家附近，去返具多年名氣的芝麻綠豆：「喳咋附湯圓」————-👉🏻中國雜豆的精華，入面有成舊芋頭同🍠（重要係薑汁蕃薯）香甜帶薑味❤️👉🏻個底重係芋蓉西米，有驚喜，好濃郁❣️淡淡芋香😘唔會太甜🤤👉🏻不過喳咋既豆味相對比較小！主要係其他料多！不過都好滿足🤤其實真係好多重口感‼️👉🏻重有兩粒芝麻湯圓🍡，好正呀❣️😭😭👉🏻食完個人暖笠笠😍-------------價錢幾合理實惠，足料👍🏻👍🏻👍🏻encore‼️$24 紅磡芝麻綠豆

黃埔對我泥講真係幾陌生，不過有朋友帶路就度度都要試下。今晚就食甜品先！雪耳杏仁露。喳咋糖不甩。楊枝甘露。中間有一點黑色就係芝麻蛋白燉鮮奶。總括泥講樣様都好味，而燉鮮奶就最正，香滑亦唔覺漏幾喜歡呢間甜品屋，因為款色多而且價錢合理，有機會一定再泥試其他野。

朋友在附近做運動，做完後相約大家過黎呢度食糖水。六個人九點半到等左大概十分鐘先有位。六個人叫左兩個芝麻糊燉蛋白，雪耳杏仁糊、楊枝甘露、喳咋同糖不甩。自己點的芝麻糊燉蛋白好好食，餐廳特別教食客唔好撈埋黎食，要一匙匙咁「畢」。蛋白好香又滑，芝麻糊都香而不漏，估唔到一齊食又幾夾，唔會好似普通糖水店兩溝咁一半係糊一半係固體燉奶。食左啖朋友嘅雪耳杏仁糊，又係好香，佢加左雪耳同白芝麻，又香口又有咬口，唔錯！糖不甩都中規中矩，總括黎講，都值得試！

同老公楂車去黃埔行街，行行不如食糖水就入左呢間甜品鋪，記憶中，呢間鋪本來燉蛋白鮮奶，唔會太甜，家陣甜到食糖咁，老公食食下話：你試下，我同你掉轉！我個碗芝麻什麼鮮奶，又係一味勁甜，結果最後當然食完出去買水飲！

唔係講笑芝麻綠豆真係由細食到大呀 以前住大學宿舍嘅時候已經開始食架啦 時不時都會好懷念佢哋嘅出品 搬咗來紅磡Office之後下午茶有時想食下甜野同同事會一齊叫芝麻綠豆外賣 今日happy friday 當然要叫糖水la 天氣涼涼地想潤下 叫咗黑芝麻湯圓加腐竹糖水 佢哋啲腐竹糖水真係好足料 化開ge腐竹好濃郁而且佢個芝麻湯圓皮薄多料 唔會太甜 正r 最好係佢送外賣都算幾快 大概20分鐘就到我地office 同埋送到黎都係好完整又唔會倒瀉晒又夠熱

呢間甜品店之前試過好幾次，味道非常出色，尤其係中式糖水，不單止材料新鮮，而且火候都好夠，甜到的適中，所以每次都經過都好想黎再食。環境方面其實都算闊，因為入面其實都好大。今次我叫咗芋頭西米露，芋頭煮成容，西米亦都好多，不會煮得太林或太硬，而且都好大碗所以每啖都有芋頭蓉和西米！！！另外，亦叫咗糖不甩，細細粒，一口一粒的，都非常QQ。雖然唔算話非常出色但整佢哋講都係水準之上的，價錢亦好合理，值得一試再試。

同屋企人係紅磡食完晚飯後，飯後節目當然係去食甜品！聽其他人講過紅磡近黃埔有間街坊糖水鋪，順路就去試下😋我地4個人分別叫左木瓜雪耳糖水，紅豆沙加湯圓，杏仁糊加湯圓同合桃糊拼紅豆沙。木瓜雪耳糖水十分足料👍🏻木瓜同雪耳分量都好多，面且甜度適中！好滋潤！紅豆沙加湯圓同外面有分別既係紅豆沙入面加左西米，食落口有咬口，湯圓不過不失，唯一美中不足既係紅豆沙欠缺起沙既質感。店入面有好多中式糖水既自己配搭，而當中屋企人就簡左合桃糊拼紅豆沙新𩓙既配搭。初時大家都覺得合桃糊同紅豆沙既味道好唔match, 但食落去意外地好，合桃糊聞落去好香好突出，但食落口有淡淡紅豆沙味無被合桃味搶走晒😋杏仁糊就不過不失無咩太特別。整體感覺唔錯！下次經過都會再黎試下！

食完飯其實有點空洞當然要用飯後甜品來填滿芝麻綠豆甜品屋~是一家中式糖水甜品店皇牌芝麻燉奶好正~芝麻糊藏在燉奶下, 又香又滑聽說芒果紫米露也不錯

紅磡最出名嘅甜品，由細食到大。心血來潮想食甜品，第一間諗到嘅就一定係芝麻綠豆。去到叫咗個櫻桃小丸子，佢啲小丸子好似一個細湯圓咁，包左啲餡。有啲酸酸地嘅沙冰再加上啲生果，好好食。

在風球愈逐漸逼近香港的時候，溫度升破37度，任誰都覺得熱得太過份，不吃點涼的也難以消暑。黃埔站開通後，去芝麻綠豆甜品屋 吃糖水也變得方便，一出站步行數分鐘就到，今晚芝麻綠豆一如以往全場爆滿。我例牌吃招牌凍芝麻蛋白燉鮮奶，燉鮮奶滑溜無比，很重奶味和濃稠的蛋香。吃完表面雪白的鮮奶蛋白，將中間的芝麻攪拌，濃醇芝麻與蛋白互相融合，好不滋味。南北杏雪耳燉木瓜非常清甜，木耳有煮軟腍，挺為滑口，它的甜度比起一般低很多，所以喝起來沒有負擔。木瓜綿密鮮香，剛吃完熱氣的晚餐正好滋潤一番。凍雪耳杏仁露一股淡香的杏仁味飄來，再喝一口，透心涼的感覺湧上心頭。混合白芝麻後的杏仁露更具香氣與口感，朋友說木耳，杏仁與芝麻均是有益健康的食物，很滋補的，多吃無妨。

今晚和朋友在大埔吃完美味牛肉火鍋之後，坐港鐵回紅磡，本來想在隧道口坐巴士回家，點知老公話去紅磡吃糖水，我都覺得飯後欠了甜品係差少少，因為豐富美味的晚餐，又點可以欠了一個美味甜品。我要了楊枝甘露加藍莓雪糕(＄37)－芒果汁味道濃郁，柚子肉好多，可惜藍莓雪糕味道好淡，完全食唔到藍莓味，只係食到奶味，普通一般雪糕。老公要了喳咋($24)附有湯圓，有大塊蕃薯、芋頭，紅豆煲得好淋，湯圓一般，最重要係唔太甜同好飽肚。我覺得藍莓雪糕係要加強藍莓味，我會俾多些分數，現在只是四粒星😂😂😂

這間糖水店是我光顧次數最多的，應該都超過二十次，每次來到都喜歡吃燉奶，所以真的是百吃不厭。之前曾經有電視節目介紹過，而且有很多明星來過，牆上也有好多相片。有多款糖水及冰冰選擇，我們叫了 紅荳冰+西瓜 和 蛋白燉鮮奶。紅荳冰 + 西瓜大大粒紅荳煲得夠淋，加上西瓜的清甜，口感清爽，香甜美味。蛋白燉鮮奶香濃鮮奶味，幼滑細膩，很美味。