芝樂坊餐廳

開左一段時間嘅cheesecake factory去到依家都仍然係大排長龍！為左唔想等咁耐，專登早少少去排隊拎飛，呢度有樣好係拎完飛可以去其他地方唔洗留係度等，六點鐘拎飛，要等個半鐘，所以想試嘅朋友記得早少少拎定飛啦～一坐低就會比兩款包同牛油你🥖🥖，兩款包都係岩岩烘好就拎出黎，好香脆好新鮮！白法包比較硬，都要有返啲牙力先咬得開，個人比較喜歡黑麥包，好香麥芽味，同埋冇咁硬～食完如果唔夠喉可以問侍應再拎😋😋叫左芝樂坊墨西哥巨無霸卷，一上菜時都嚇親！真係好大好大！足夠四個人食！墨西哥卷入面有芝士、芫茜飯、洋蔥及燈籠椒等得，好足料～蛋皮都做到幾薄同滑，兩個人真係要黎多幾次先試得哂啲野食🤣🤣