芝加哥串燒 (美豐花園) (已結業)

好耐無食過串串，飲下生啤啦，今日黎到大埔太和，食下串燒飲下啤酒。呢間芝加哥，一入到店內好有清吧feel，情調非常之好，拍拖黎食下野飲杯野就o岩曬啦。燒烤黎講，燒茄子，燒蠔，豬頸肉都係必嗌，飲住啤酒聽住歌等。唔使一陣，頭圍就到啦，燒生蠔同埋芝士扇貝，老闆擺盤仲擺得好靚。生蠔多汁，燒到岩岩好，蒜蓉味濃，正。扇貝鮮甜，芝士又夠多，無得彈。呢個玉子燒燒得好靚，表面焦焦地，內裡又熱又鬆軟，堅好食。月見雞軟骨棒，老闆推薦的，將支雞軟骨棒點落去隻蛋度再食，非常惹味。呢間芝加哥串燒酒場，情調好，食物品質高，酒選擇非常多，無論同朋友吹水或同情人二人世界都非常合適。

同大埔既友人小聚，想搵個chill D既地方吹下水，朋友就提議黎呢間都幾新既串燒酒吧。一入到去就覺得餐廳裝修好型格，而且仲有部大電視，睇波一流！串燒方面，都有幾多選擇，落完order，餐廳就充滿左好香燒烤味，由於都係即叫即燒，所以要耐心等陣。飲品方面，揀左James Squire Orchard Crisp Apple Cider同桃汁酒，好refresh! 邊吹水邊飲野，野食就好快黎到。整體食物都好高質，Ｄ串燒都燒得岩岩好，唔會乾爭爭。有幾樣野都特別推介。燒羊架七成熟，燒得香脆，而且唔羶，好食！生燒鴨舌比較少食，好特別，個汁都好惹味。大蔥雞辣肉串，雞肉十分嫩滑，配埋爽甜大蔥，口感一流！蜜汁燒黑豚肉好大塊，十分juicy。燒多春魚、韭菜燒、雞翼同雞軟骨調味岩岩好，送酒岩哂。

果日同朋友打算出大埔食宵夜佢話佢樓下開左間新既串燒鋪～咁我地就去試下啦～環境好大好舒適～好高級既感覺好適合收工同朋友HAPPY HOUR飲杯野食下野～我地叫左個自家製既和牛棒～真係要推介下，入口即溶！仲有個雞肉軟骨棒又係好正。。仲叫左個茄子燒～好ＪＵＩＣＹ唔會燒到好乾～加埋佢Ｄ蒜蓉肉醬。。真係冇黎錯～餐廳既食物種類好多，唔似我街邊果Ｄ來來去去得Ｄ丸呀腸呀咁～最緊要係坐得好舒服，唔洗大汗疊細汗咁！順帶一提～佢地Ｄ酒都好抵飲～我地分別叫左美人梅酒同埋美人桃酒～飲下酒食下串燒～非常ＲＥＬＡＸ員工態度仲好好添～一定會返黎幫襯～

估唔到大埔有間咁有驚喜既串燒小店，雖然地點稍為偏離市中心，不過食物款式多，水準高，真心推介😊🐂炭燒西冷牛扒 - 肉質鬆軟，加少少黑椒已充分帶出肉味，附上喼汁，個人覺得就咁食更美味👅鹽燒牛舌 - 串燒至❤️，牛舌厚身但唔韌，醃得幾好🐟鹽燒鯖魚 - 燒得岩岩好，唔會太乾，保持魚既肉汁，加少少檸檬汁仲鮮味🍆招牌燒茄子 - 原條茄子開邊，鋪上滿滿既蒜蓉同蔥花，推介👍🐥燒雞翅包肉 - 雞翼釀到脹卜卜，皮脆肉嫩，仲好juicy添，無得輸🧀芝士燒廣島蠔 - 叫左半打🤩 一上台d芝士味就踴晒出黎，非常香，唔會有腥味。溫提❗️燒到熱辣辣，唔好即刻擺落口喲🍍菠蘿 - 串燒必點！燒過既菠蘿一定多汁香甜，中和番整晚既油膩感🍺生啤手工啤 - 除左串燒，依度仲提供好多唔同嘅酒，淨係睇個Drink Menu都有排揀！今次試左crisp apple cider同dog days，比較mild，唔係成日飲酒既你，依兩款都好推介。

好耐無去大埔郊遊嚕😶今日放假男友帶我入去兜風🛵中途仲見到日落🌄小確幸🥳兜兜下入左市中心？好多野食呀🤣花多眼亂！經過見到呢間電視播緊賽車🏎️男友就二話不說揀左呢間！好餓🤤兩個人好似餓鬼投胎咁，叫左超多串燒🍢入正題✍️🔺《煙肉蕃茄仔》係我最中意既🤤蕃茄同煙肉呢個組合無得輸👍🏻煙肉啲油脂逼哂出黎，唔會太肥膩，蕃茄加上煙肉既咸味🉐一級棒🉐🔺《燒魷魚🦑》原隻燒，好大隻，彈牙易咬✔️🔺《雞肉》好多芝士，岩哂啲芝士控👍🏻🔺《鵪鶉蛋》火候控制得好好，啲蛋無爆開🤣🔺《雞皮》《雞軟骨》有水準燒得扑扑脆💫🔺《秋葵》點整都好味😛🔺《燒茄子》岩岩好，香料好足夠！皮無燒燶可以照食🉐🔺《鱔》塊皮好脆！肉質彈牙！口感好有層次👍🏻正！另外❣️呢度有好多酒選擇哦🥃但男友開車所以無得飲😭下次再黎😛

第二次黎呢間食串燒啦～真心覺得大埔既朋友可以黎試下-燒得絕對比起尖沙咀既串燒更加好食😛呢個係我食完比較後既感覺～真心唔明點解今次黎咁少人食莫非我太早到，7點幾未收工未係時後啤一啤😂😂？果然係親民既小區價錢就有draft beer-碳燒牛扒再度encore，因為真係好香口-玉子燒都係必點item!!!好厚燒，又唔會太老既蛋，再加甜甜地既汁，必點！培根蘆筍卷好爽口既蘆筍，加上bacon食完唔會覺得膩-燒菠蘿又係必點！$18一份有咁多菠蘿仲要燒到一咬就爆汁既狀態😍😍😍車厘茄雞脾肉串既雞都好嫩口，加埋車厘茄又係一個清新既組合☺️-最尾又點少得燒扇貝呢～好香蒜味，一流！

帶囡囡或兄弟吹水飲野，想食好d，有手工啤、生啤、紅酒。地方小，得bar枱。如果夜少少黎有木枱待候。講到大埔串燒，得幾間，仲要地方唔就腳，不過係正常，靜靜地食串燒，Beer Beer佢地。BB辣，燒冬菇，我至愛，正到食三次，送酒佳品。串燒鵪鶉蛋，外皮有口感，有醬ok。鹽燒雞皮，麻麻。鹽燒雞翼，超正，緊次於冬菇，good for 送酒。鹽燒牛舌心，正，有2粒，爽口，唔硬。一口和牛串，普通。赤燒黑松露帶子，中意刺身帶子既人會ok。香蔥燒乾殼扇貝，重口味，送飯。玉子燒，正正，緊次於冬菇，熱食，焦糖皮感覺，飽肚。香草芝士焗雜菌，正，芝士控，較咸，送飯。飲品方面，Magners Irish Cider，果味濃。而Spitfire就岩中意德國beer既朋友。

大埔嘅餐廳都食勻晒咁滯, 專門食串燒嘅真係唔多, 呢間仲主打各種酒類, 而且串燒🍢🔥 + 啤酒 🍺 真係perfect match!! 👅 想同三五知己搵地方黎嘆下, 吹下水~ 呢度都好啱👍🏻串燒有好多選擇, 全部都係即叫即燒, 仲可以選辣度, 真係全部都係心機野👏🏻 呢晩爆場, 好彩早小小黎食, 唔係真係食唔到🤪我有以下推介!烤魷魚, 烤到好香口, 魷魚味出曬黎!牛舌勁好味, 勁爽!!羊肉串都係必點, 無羶味, 又夠味! 芝士焗雜菌, 足料, 夠cheesy, 又有香草味燒臘腸, 好香口, 送酒一流!而且呢度d staff都好有禮貎, 而且食物價錢唔貴, 可以再黎😊😊👍🏻

繼上次和一個喜歡嚐酒的朋友來過後，今次和一個不喝酒的大埔朋友來。還記得上次來的時候是冬天，把酒聊天，既暖胃又開懷，的確有意思。今天天氣剛好轉涼了一點，專程帶了個朋友來吃串燒😆！小店不大，只有20個座位左右。燒雞翅包肉 $18熱騰騰啖啖肉，有芝士包在裏面，配搭得宜，雖然份量不大，但味道和口感也不錯，推薦👍🏻照燒雞排 $28雞皮燒得香脆，雞肉鮮嫩，配上鹹鹹甜甜的照燒醬，非常惹味😋！一口和牛串 $29是全晚最好吃的串燒。肉汁豐富，牛肉質感軟嫩，一點也沒有牛的韌感，十分推薦！燒原隻魷魚串燒 $28魷魚邊有點燒焦，而且放涼了點，所以魷魚肉有點硬，沒有上次好。串燒娃娃菜 $14韭菜燒 $14除了菜本身的味道外，還有孜然粉的味道。個人而言比較喜歡燒娃娃菜，因為本身娃娃菜的甜味可以中和孜然粉的鹹味，而且娃娃菜輕咬下有點菜汁，味道和口感也更勝韭菜。海鹽柚子樂 $28非常特別、創新的一個配搭，頗清新的，不錯！咸柑橘 $25柑橘味濃，明顯是下足材料的沖泡，一點也沒有淡口嘅感覺！

食物味道很好， 很多酒的種類選擇。不過bar 椅就有點不太好坐。朱頸肉， 旦， 鮑魚好好味雞翅包反有點辣。 喜歡辣的人可以試試。它除了beers 外有很多日本酒同whiskey 選擇。

今日就同朋友選擇左食串燒傾下計，我地一到步已經係菜單點左十幾樣，方便邊食串燒方食下酒。其中講幾樣好吸引必食既燒多春魚係我每次食串燒必食。而今次都無令我失望。多春魚表面燒到金黃色，魚身燒到完整，全部魚春包返係魚度，咬落魚春既爽口，加埋魚香，好食燒羊肉串，都係一個驚喜，羊肉食落口不會乾身之餘，加上除去左肥脂肪，唔會有羶味， 加上特製調味，惹味十足仲有燒雞皮，一個字係香，雖然明知係邪惡食物，但係因為店主燒到好香令人欲罷不能鵪鶉蛋個人認為要推薦，因為火候同時間掌握好好，調味更要細心。雞翅包飯外皮係燒雞翼，但入邊有軟軟既飯，口感豐富。總括而言，依間店家燒烤既功力底藴深厚，串燒多汁味美，仲保留到食物既鮮味。

店舖比較細同逼，台亦比較細，感覺係比較親民，適合傾下閒計飲下酒既朋友黎👍🏻不過如果係諗住填飽肚既話，呢間絕對係做唔到，除非你叫好多😂串燒味道係唔差，仲有幾款辣度可以揀，最中意既係燒鯖魚，大份肉多、脆皮少骨，重點係唔貴😂 仲有燒茄子都係好大份又唔貴又好味🥰 作為居酒屋，仲有唔少酒可以揀，尤其係日本啤酒，價錢黎講都算公道既。如果下次再黎，我應該會先食少少既飯再黎同朋友邊飲酒邊食串燒談心，都幾有feel既🤣

✨芝加哥係間專食串燒既居酒屋，雖然居酒屋舖仔細細，但裝飾擺設都唔隨便。唔係朋友仔帶路都唔知原來有間咁正既串燒😂😂😂✨果晚平日小妹我9點半黎到，都已經坐滿左人，等左一陣先有位。雖然舖頭比較細，但勝在夠feel，好啱一大班朋友黎吹下水飲下酒。✨小妹我地叫左好多野食，有牛舌、豬頸肉、大蔥雞脾肉串、燒雞翅包飯、燒雞翅包肉、茄子燒、鳳梨燒、蘆筍燒、鹽燒鯖魚、多春魚、原隻魷魚、雞軟骨，同兩支啤酒✨最中意既係鹽燒鯖魚，$29一份，真心抵到爛，超大份，即燒所以好脆皮。✨豬頸肉（$19）同茄子燒（$30）都係十分推薦，豬頸肉本來肉質就爽口滑嫩，燒完之後可謂更上一層樓，外脆內軟！茄子燒十分大份，同埋落左好多蒜，好香，食完都有幾分飽。

大埔搵食記✅抵食又好食嘅串燒🍢配埋🍺勁正！出面食串燒都幾貴，但喺度搵到間價格合理，又好食嘅串燒😋👍🔸 人氣雞肉軟骨棒（$22）配鵪鶉生蛋，點埋食 軟骨有咬口，一啲都唔硬，好食😗🔸 炭燒豬頸肉（$19），好爽口，好易咬😋🔸 多春魚一客有四條（$25）， 燒得幾香，但唔夠多春🔸 羊肉串（$18）有孜然粉調味，又羊香 但唔算騷🤗🔸 蜜糖燒雞翼（$20）雞皮燒得好脆，蜜糖好香甜，雞夠滑，好好食🔸牛舌係串燒必叫（$29）❤️牛舌爽口，推介☺️🔸 秋葵（$22）燒得夠爽口新鮮🔸 一口和牛（$29）正👍牛肥得嚟冇乜肥膏，有和牛香，入口即溶💜🔸 燒雞泡魚乾（$58） 夠蜜汁，燒得剛好，唔會太硬😘🔸烤魷魚（$20） 充滿魷魚香最愛，無得頂🔸 招牌茄子燒（$30）真係原條超大份，面上有少少炸蒜及調味， 好香夠淋， 我麻麻地茄子都覺得好食😗食食下都好飽了

每人總有自己的深宵食堂，不是說人人愛夜宵，但是人人總有夜深談天說地的時光。有人夜蒲24小時M記，有人揀酒吧，而我素來愛居酒屋/日式串燒鋪，幾條友篤篤下幾過癮。但是我同朋友大致是新界人，心儀的居酒屋都在港九，而附近有的全是「港串」。我不太喜歡「港串」，食材普通、環境太雜、加上太濫，印象麻麻，但近晚朋友竟提議吃那些網上熱哄哄的「港串」，見近近地，加上”peer pressure”, so... cannot “no show”. 誰不知驚喜一串串喎夜宵傾談，串串貢就岩哂數反正沒什麼期望，但求搵個地方食下吹下，咪亂見幾串。吹佢唔脹又幾得下和牛串—有咬口惹味香口唔算鹹鹽燒牛舌—是我必點項目，沒失望，肉汁夠香味唔錯，最重要是厚切質感良好嚼頭夠！鵪鶉蛋—蛋黃香十足，經烤香更添邪惡感！雞軟骨—正常發揮，咬口十足燒雞翼—燒香後皮輕脆肉汁還在，加上味粉及黑胡椒調味，跟酒一流！燒羊架—羊味還好（可能是臊味但我愛羊所以就算了吧），肉質唔會好韌。除了肉食，菜類亦必不可少。在串燒店中燒茄子是必點的。這裡的茄子燒相對乾身點，蔥粒較多味唔算重，相比外間蒜泥蓋滿的，味道不會太鹹，口渴感少點。韭菜串及蘆筍串素來沒差，不