芝加哥串燒酒場 (太和中心)

最近到了位於大埔的「 芝加哥串燒酒場」，我們除了叫了啤酒外，還叫了不少串燒，其中我最愛燒白鱔、燒三文魚、燒元貝及和牛串，食得出主理廚師真的有用心和用技巧燒出好味串燒，完全鎖住肉汁仍在而且新鮮好味，好感動🤩 另外蔬菜類我都好喜歡燒菠蘿、燒茄子和燒韮黃串啊， 同樣燒得剛剛好呢！ 食肉之外絕對需要蔬菜類平衡一下😂 而另值得一提我見到當有客人離席後，員工會用消毒清潔劑清潔好仔細，甚至連點餐紙都有消毒的！ 這是細心眼利的我覺得值得一讚👍 而且環境不錯的， 如果來到大埔晚上一定要試下💕💛🧡❤️

去開太和搵朋友，佢介紹左我去附近一間有得食串燒嘅酒吧。酒吧唔算好大但又可以坐20多人到。菜單選擇非常豐富，差唔多有一百種款式，而且佢嘅價錢相對於一般串燒店更經濟，大部份嘅款式都係二十零蚊串。當然亦可以選擇貴啲嘅食材例如鮑魚、聖子王或者龍蝦，豐儉由人。所有嘅串燒仲可以選擇辣度，有唔辣都大辣總共五種程度。佢嘅串燒賣相相當唔錯，睇見都流晒口水，特別有幾款值得推薦。招牌茄子燒大件夾抵食，茄子肉燒至軟身，上面鋪滿大量嘅蔥花同蒜蓉，非常野味。大蔥雞脾肉串佢幾款嘅雞串都做得不錯，但係我特別鍾意呢款雞脾肉，肉質嫩滑配合爽脆大蔥，無論口感同味道都正。甲羅燒鮮甜嘅蟹膏加上鵪鶉蛋，味道相當濃厚，一定要試一試！除咗串燒，酒吧仲有多款啤酒可供選擇，例如唔係太想見嘅麒麟櫻花同桃口味，甜甜地飲落幾得意。總括嚟講價錢合理，係朋友吹水睇波嘅好地方。

今日放工真係好想同姊妹chill下，揀左間有串燒食既酒吧，一路嘆串燒一路飲啤酒真係好正！平日既夜晚但餐廳都好full,想尼chill下最好早d到～出面實在太熱，一坐底已經即刻叫野飲，竟然比我發現衣度有喜士伯0%啤酒！！！一直想試好耐，二話不說就揀左,衣隻酒甜過普通啤酒少少，都重啤酒味朋友就叫左杯San Miguel Cerveza Negra黑啤，好大杯跟住叫左d串燒，有翠肉瓜，雞軟骨，豬頸肉，冬菇，娃娃菜，豬師奶好中意個冬茹，燒得好香焗芝士雜菌入面有金菇，好多芝士！香蔥燒扇燒得岩岩好古早味咸豬肉珍珠飯，見個名幾特別，同埋酒吧有飯食真係好難得

大埔對我嚟講真係好遠，不過為左朋友今日遠赴大埔，朋友帶我去一間常去既酒吧，食物方面主打串燒。我去之前用google map搜尋最快路線，驚見「太和站落車然後行十三分鐘」，不過實際上我只行左八分鐘，路程可以接受。一坐低職員送左nuts，不過nuts唔夠脆。餐廳內音樂既音量適中，另外燈光比較昏暗，氣氛十足。串燒選擇可謂包羅萬有，牛、豬、蔬菜、海鮮應有盡有。另外餐廳提供多款意大利飯，當然酒類款式亦非常多。餐廳一次過用大木板上哂所有串燒，畫面幾壯觀。- 芝士黑松露大啡菇大啡菇上鋪滿大量芝士同黑松露，會焗到太乾身，啖啖肉兼肉汁豐富。- 人氣雞肉軟骨棒雞肉軟骨棒幾大串，不過肉質有啲鬆散，外皮唔太焦香。- 玉子燒外層有少少焦香，味道香甜，質感比較紮實。- 燒茄子🍆平時我好少食茄子，但我特別喜歡食燒茄子，滑潺潺嘅茄子加左醬汁後變得軟糯味濃，惹味既程度令人難以抗拒，果然係招牌菜💯- 翠玉瓜串翠玉瓜非常juicy，而且非常清甜。- 鹽燒雞皮雞皮金黃香脆，而且完全無油膩感。- 味增甲羅燒蟹蓋上放滿蟹膏、蟹肉同生鵪鶉蛋，蟹味濃郁，味道偏鹹，如果可以配搭多士就好。- 脆香雞鎚雞鎚啖啖肉，外皮超脆口，佐酒一流。-

太和同大埔食肆多不勝數，朋友都係新界人，所以去返新界食就最方便，而且食肆選擇多，好多都卧虎藏龍，中伏機率比較細。話明串燒酒場，當然有串燒有酒啦，呢度既串燒選擇非常多，花多眼亂，我同朋友都諗左一陣先決定到，因為好多都想食，串燒因為係即叫即燒，所以order完串燒就叫杯啤酒同朋友一路傾一路等，我叫左杯Samuel Adams，我覺得好啱女仔飲，因為苦味唔太出，幾順滑，易入口，適合一啲想飲酒但又唔受得苦既人。其實都唔係等左好耐，傾到咁上下啲串燒就陸續上檯，我好鍾意佢地用木板上，因為賣相好靚，我地叫左椒鹽鮮白鱔串、招牌茄子燒、燒芝士年糕、燒羊架、鹽燒牛舌心、香蔥燒半殼扇貝、燒菠蘿、玉子燒、炸拉絲水牛芝士條同日本一口番薯仔燒。唔係講笑，真係樣樣野都好好味，尤其是鹽燒鮮白鱔串、招牌茄子燒、燒芝士年糕、燒羊架，呢幾樣係必叫，白鱔好厚肉，好juice，而塊皮就燒到脆卜卜; 原條茄子勁大條，連埋大量蒜同蔥一齊食係好惹味; 燒芝士年糕外面燒到乾身，煙煙韌韌，入面既芝士就軟綿綿，口感一流; 羊架完全唔韌，少少羊羶味，啖啖肉，唔駛點醬都好夠味。總括黎講，餐廳環境幾舒服，座位夠寬敞，坐得幾舒服，真係可以坐到個人

今日去大埔朋友家聚會，時間差不多六點，肚子餓餓又想找個地方有酒飲的餐廳，見到有間半餐廳半酒吧的芝加哥串燒酒場，裡面都坐滿客人，應該都不錯，看看餐牌，有晚餐、串燒小食，不同種類的酒精飲品，還有酒精放題，只是$388，這個價錢同區無得輸。我和朋友分別點了兩個晚餐、幾款串燒和啤酒，蜜糖黑豚扒珍珠飯$78、安格斯牛扳腱珍珠飯$88、燒豬大腸$28、韮菜燒$15、大蔥雞脾肉串$19、鹽燒雞皮$12、脆辣炸雞$38、Kirin 桃味啤酒$79、Red Horse。餐廳會先上一小碟小食，這道小食白脆可口，送酒一流。蜜糖黑豚扒珍珠飯 – 賣相不錯，黑豚皮燒得香脆可口，肉質唔會太硬又好入味。安格斯牛扳腱珍珠飯 – 不得不讚個醬汁，非常惹味，加上蔥粒和粟米粒配菜，倍感滋味，牛肉很重牛肉味，口感不錯。燒豬大腸 -味道真的超開胃，當下酒菜真的很棒韮菜燒 – 加上籽然粉，惹味必點。大蔥雞脾肉串 – 有炭火燒的味道，雞肉嫩滑鹽燒雞皮 – 送酒一流脆辣炸雞 – 份量都算多，香脆帶少少辣Kirin 桃味啤酒 – 啤酒不用多說，偏甜易入口Red Horse - 菲律賓啤酒，也是人生中喝過cp值最高頂到天那種的啤酒，因為

連放几日假都留左係大埔relax下😴之前成日都好想去芝加哥串燒酒場試下，今次就啱la，一於去飲飽食醉先😂平時既酒吧通常淨係得d小食送下酒飲，依度係少數酒吧可以食飽，有串燒仲有飯有甜品俾你揀，正餐都可以係度搞掂，唔洗食完正餐先去bar🍻一坐底先黎一碗花生食住睇menu等食😏環境方便我几仲意用酒砌成既background，好有feel😎食物係一次過用一塊大板上既，一上枱見到咁多食物，枱枱都係影相打卡先😂我都唔例外🤣為食餐單: 鹽燒雞翼🐔 $21/2隻燒雞翼我仲意食😋吱一吱少少檸檬汁落雞翼，咸咸酸酸好好味👍招牌茄子燒🍆 $32/原條原條茄子開邊舖上蒜蓉香料一齊燒，大大條，好入味兼香口😘香蒜蔥花廣島蠔🥟 $26/隻叫左2隻一人一隻，可以轉芝士燒ga，不過今次想食多d原汁原味既感覺，就揀左香蒜味😋廣島蠔好新鮮又大隻，一啖食落口啖啖蒜蓉香加鮮味，再飲埋蠔既汁，好滿足😘香蒜燒鮮鮑魚🥟 $68/3隻鮑魚好彈口爽口，又係非常新鮮🤤燒牛油半熟帶子🍥 $58/串大大粒帶子加牛油燒，一串有3粒，燒完一d都唔硬，白雪雪，咬落好軟身，好香🤩香蔥燒半殼扇貝🥟 $39/2隻大大隻扇貝奉上😎燒得剛剛好保留鮮味同口感😍燒

Happy Friday Night😼最鍾意就去酒吧餐廳談天說地星期五啦梗係要輕鬆一下今日同朋友去大埔黃店💛食串燒飲酒同傾計🤟🏻放肆一下自己先第一時間就有小食🥜即刻叫咗兩個啤酒好寫意呀傾計一流！🥰兩個人眼闊肚窄撳掣不停不停咁喺度叫因為實在好多嘢都好吸引呀😍燒海鮮係非常之推介因為材料都好新鮮燒鮑魚調味剛剛好唔會太鹹亦都唔會太油膩👍🏻燒帶子拎上手熱辣辣亦都唔會過咗火喉燒茄子🍆每次BBQ都會好想食有人燒埋簡直就係懶人mode五香孜然粉 蒜蓉牛油 味椒鹽胡椒粉調味令人食指大動😋非常惹味也燒雞皮🤗話明放肆自己梗係有燒雞皮啦雖然唔係好脆口但係佢係邪惡嘅表表姐 🤣超重量級黑松露薯條送酒一流！傾計又點少得小食呢黑松露份量令我有點驚訝🥰好重手呀好足料食得超級開心特別一提佢嗰個醬汁真係不得了獨家醬汁！黑松露再加上少少沙律醬令成個感覺冇咁油膩平衡返晒特別推介😋黑啤豬肉腸聽個名就覺得好搞笑點解香腸會有啤酒味個樣雖然有啲似臘腸但驚喜位就係呢度啦🤩出奇地好香啤酒味 多汁有驚喜真係估你唔到😗都係果句啦小店就特別多驚喜🥰💛店仲會額外加分tim🤣-芝加哥串燒酒場 (大埔)大埔太和路24號太和中心地下37號舖

上星期約左朋友食飯,我地去左大埔,因為方便大家返屋企去左芝加哥串燒酒場,有野食有酒飲,方便男仔傾計去到都幾多人,可能最近疫情冷卻,大家都出返黎食飯我地坐係2人枱食,不過環境都OK,唔會好逼店員服務都唔錯,唔會好急咁叫你落單叫左好多野食,串燒都係大路野,不過當中都有D特別好食燒茄子好有味道,而且係原條燒,好大條,食依個都飽飽地,好有味道又唔會太咸,配酒好正另外燒青瓜好特別,青瓜好新鮮,好有鮮味,配埋特制醬汁仲有味道其他串燒味道都好平均,價錢唔貴幾抵食

今日星期日天氣咁好架要揸車周圍去啦啦，麥生揸下揸下就去左大埔啦，而大埔都好多隱世小店舖，而作為專業食貨客🤪我架唔會錯過入嚟大埔找下好野食啦⋯⋯眼前就比我見到間「芝加哥串燒酒場」酒吧+串燒的食肆，天氣又咁鬼熱最好去飲返杯啤酒🍻食住串燒降下溫🔥⋯⋯好彩我地早入場6點半到入座，坐左一陣好快就坐滿全場，好彩我地早來，如果遲啲入就要等位，我就叫左杯帶帶果香味啤酒🍻，而麥生就叫左杯蘋果酒，架要叫下下酒菜啦，呢到D串燒都好多款，睇到我都眼花撩亂樣樣都想食搞到我有選擇困難症法作，咁我就叫左燒白鱔、原條鰻魚、多春魚、煙肉年糕串、燒茄子、烤芝士煙肉珍寶大啡菇等、燒白鱔燒到外皮好脆、最鐘意食果個煙肉年糕，年糕內好似有芝士，口感好豐富，入口先食到煙肉的煙燻味之後年糕外面脆而內裹有流心芝士，勁啱我呢啲芝士控，搞到我係米AND CALL 叫左幾串煙肉年糕串。

嘩今日好開心，同朋友去咗太和一間食串燒嘅餐廳。去到之後人山人海，之前嘅疫情消退左，大家嘅消費意欲提高返。不過依然會有塊板格住枱同枱之間，所以都非常衛生。上面有電視可以睇，鍾意睇足球俾我哋，覺得好開心啊🥳天氣咁熱即刻叫杯黑啤爽爽叫咗唔夠10分鐘已經有一堆燒烤上碟燒雞泡魚乾，非常入味，細細塊非常好嘅下酒菜。原隻大條蒲燒鰻魚，鰻魚汁甜調味啱啱好，而且每一晚都有剛好的魚脂魚肉，燒焦的魚香非常正芝士蟹柳條。成堆芝士車落蟹柳條上面，非常奢侈邪惡🤤蟹柳條邊及芝士有輕微烤焦效果原條燒茄子。茄子開面之後，加上調味粉燒烤，外面啲肉完全都熟晒非常之淋以及軟熟。再加上香蔥增加風味燒韭菜燒雞肉串

位於太和中心嘅芝加哥串燒酒場，人氣極旺，室內位置一早Book滿，室外位置則一直加枱，非常受歡迎！Samuel Adams Rebel IPA Draught $58有清幽的花香味，入口有回甘，屬先甜後甘的類型，配合炸物一流！Kirin Draught $69麒麟生啤，Normal Hour都只係 $69 /Pint，抵飲！炸厚切薯片 $18迷你版的長洲薯塔，10幾蚊有交易！磯燒牛扒 $49就算係薄切都做到香口多肉汁，肉味都幾突出，肉質軟腍，配搭燒汁更見滋味，好味到要Encore多一份！炭燒豬頸肉 $19非常香口惹味，又係忍唔住Encore多一份！人氣雞肉軟骨棒 $23有別於一般串燒場，芝加哥係配鵪鶉蛋，一樣香濃美味！蜜糖雞翼 $21外皮燒到脆卜卜，正！鳳梨燒 $19酸中帶甜，開胃消滯一流！秘製風味羊肉串 $19孜然粉的香味濃厚，羊肉軟嫩唔羶，值得推薦！鹽燒雞皮 $12脆，真係好脆！送酒一流！

朋友仔好有新意地話要去食串燒同飲啤酒，我當然係一口答應左啦！印象之中食串燒一定係好大煙啦，但係今次來這間餐廳又唔喎，幾好唔錯！食物選擇都算係好多，豬牛羊雞海鮮蔬菜都有。啤酒都有好多選擇架，但係我唔係好識都係亂咁點，反正啤酒都好難難飲得去邊既～Woowoo睇到都流哂口水啦，因為本身好鐘意食海鮮，燒帶子比蒸野好味好多。個茄子有d太辣，所以食得少少咋，唔食得辛辣真係會食少好多野。雖然食得少少，但係都食到茄子d口感好似肥豬肉，食左好似好抵咁，唔會好似肥豬肉咁肥。水牛芝士又係好好食，剛炸起就上送來，真係可以拉絲架個一口小蕃薯真係不得了呀！好好食，好甜，好QQ，諗過咁好食，仲叫得一串咋！去到邊都咁鐘意食玉子卷，甜甜地大人小朋友都適合。羊架就通常都係出街先會食到。燒菠蘿都好新鮮，食得太多肉，食番d生果平衡下都唔錯。

放工約左朋友食野吹水,緊係去屋企附近方便D,依排返工時間都長返好多去左屋企附近既芝加哥串燒酒場,依度出名飲酒,不過都係第一次食野叫左杯啤酒,都幾大杯,但係唔貴,幾好飲,最後叫左2杯野食食左好多串燒,不過最特別都係燒鱔魚,鮮味幾重,幾大條其他串燒都係正常水準,唔算特別但幾好食.而且價錢唔貴,好合理,串燒其他地方食好似幾貴依度既店員唔會趕你走,見到有D會同D熟客吹水,幾有禮貌同朋友食完野傾到11點先走,感覺唔錯

最近疫情無咁嚴重，都趁依段時間同朋友出下街食野我地去左大埔芝加哥飲酒，順便放低口罩傾下計，都好耐無同朋友慢慢食野傾計啦叫左Ｄ串燒同小食，好快黎到，不過坐低後越黎越多客，如果之後先叫野食應該會慢Ｄ朋友個特式薯條好香好脆，係粗果種，好有咬口，配埋茄汁同鹽仲有味道我個拼盤比較豐富，燒茄子好好味甲羅燒好新鮮，雖然肥膩但好有味燒磨茹都唔錯依度可以慢慢傾計，唔駛食完整訂走，會開心Ｄ一般人黎食串燒，飲杯酒，但佢餐牌上有好多野食，有機會嘅真係要試一試其他芝加哥串燒酒場 大埔太和路24號太和中心地下37號舖