芝加哥串燒酒場 (太和中心)

工作繁忙！疫情爆发至今！人人都提心吊胆！但是疫情再严重都无法阻止吃货的心！！难得放假必须满足自己！因为去过很多次所以为大家介绍！一家可以开怀畅饮还有串烧可吃的酒场~！！芝加哥串烧酒场~位于大埔美丰花园地铺10号，距离港铁太和站10分钟路程。酒吧装修精美，蓝色灯光格外醒目~酒场虽小，但酒类繁多！串烧多样~打开餐单琳琅满目~无从下手~推荐海鲜：香蒜葱花广岛蚝、芝士黑松露波士顿龙虾、盐烧鲜白鳝串、香蒜鲜鲍鱼美味！推荐肉类：烧羊架、烧咸猪腩片、炭烧猪颈肉、烧汁牛仔骨、金菇牛肉卷挺不错。还有培根年糕卷和烧紫菜年糕串也不错哟~！疫情反复无常！但酒场的热情高涨~高峰时段需要提早预约~赶快带着小伙伴一起来体验一下酒场的气氛吧~~

今晚咁岩係太和做野，一於同女朋友黎呢間朋友推薦既串燒酒場啤一啤先。一黎就一人一支酒先啦唔洗講咁多女朋友要左一杯Daiquiri 75蚊rum 加 lemon juice 好岩女仔飲，如果鐘意酸既就一定要叫啦。我就要左Samuel Adams boston 42蚊好香麥味。仲叫左大量串燒，以下推薦幾款特別深刻既比大家啦。第一必點既係燒咸豬腩肉 58蚊大大啖肉，而且唔會好多肥位，調味配搭一流。其次係茄子燒 33蚊原條睇個價就知性價比好高，而且要大讚呢間係皮都食得，完全唔會黑哂。燒三文魚頭 68蚊超大舊超多肉，睇圖都見到，而家諗起都流口水。

呢間酒吧座位舒適 地方闊落 同朋友一齊嚟食野飲酒都唔錯香蒜芝士黑松露燒扇貝 $42扇貝已經走左D唔食得既內臟 燒得火侯適中 唔會令扇貝肉質過份地乾 😊香蒜芝士同黑松露三樣野既份量都控制得唔錯 所以幾樣野加埋一齊調味都唔會太過火 😍香蒜燒鮮鮑魚$68/3隻呢個鮑魚都幾鮮甜 加上佢啲調味 食落好香但又唔會有好嗆既蒜味 鮑魚肉食落又夠爽滑 燒既時間都剛剛好👍🏼👍🏼味噌甲羅燒 $45甲羅燒有蟹膏既鮮味 而入面都係絲絲既蟹肉 真係鮮味十足 如果有埋餅乾/麵包配就更加好啦 😆😆炭燒法國鵝肝 $68燒出嚟外皮香脆 但係入面好juicy 而且鵝肝既質地都係keep得好嫩口 而味道都係有鵝肝個種應有既油香味道 夠「潤」味 夠曬邪惡🤩🤤碳燒牛扒$49呢種牛扒比較薄 不過食落都唔會好韌咬唔開 最好係佢已經剪好一塊塊方便你食😆蜜汁燒黑豚肉 $39呢個超抵食😆39蚊勁大塊 又係剪好哂俾你 豬肉表面有層蜜糖 加上又燒過 食落好香😍豬肉係偏瘦 岩哂唔中意食肥肉既女仔香草芝士焗雜菌 $39用錫紙包住大大份既芝士雜茵 入面有草菇 金針姑 同鴻喜菇等等 芝士都落左好多🤣應該有車打同馬蘇里拉 一拎起可以拉到勁長既芝士絲羊肉

冇疲情嘅時候，成日嚟呢度食宵夜，原來真係有一年冇嚟喇，老友嘅叫到，一早就訂枱，8 點嚟到食串燒。香蒜黑松露芝士燒扇貝$42兩隻芝士同黑松露呢個配搭，再加上海鮮，真係冇得輸，帶子燒得剛剛好，非常多汁新鮮。燒大啡菇$29 一隻真係幾大隻，同朋友一人一半剛剛好。孜然豬肉棒串$19 一串一人一串，孜然加上豬肉上， 燒到焦香，送啖啤酒，爽。其他串燒都係非常出色。 玉子燒$32（4件）特別喜歡食玉子燒嘅我，再加上芝士一齊燒，食晒四件都唔過分。日本北海道生蠔$238 （半打）老闆極力推介，就一於試吓，真係冇介紹錯，就係肥美鮮甜。開心渡過一個晚上

話說最近朋友係調到大埔區工作。她跟我就翠和里有一食店她很想嘗試。那就是此食店。星期二的晚上大約七時左右便到達餐廳。當然食店已坐滿七成食客，我便被安排坐到餐廳中央的地方。一坐下侍應便送上餐牌。細看之下，我們點了2隻蔥蒜香花廣島蠔，鹽燒多春魚，金菇牛肉卷，一口和牛串，風味燒雞腎串，串燒娃娃菜，燒羊架，香蒜燒半殼扇貝，大蔥雞髀肉串，燒茄子及香草芝士焗雜菌。當然食串燒要配啤酒。我們點了兩杯Samuel Adams。首先送上的是蠔及扇貝。首先海鮮加上大量蔥。令到海鮮味道非常鮮甜。而且海鮮本身肉感豐富。極力推介。不經不覺，食到大約七點半。食店已坐滿，可見其受歡迎程度。然後其他所點的燒物一次過放咗同一碟上。看見份量滿滿。令人垂涎欲滴。我自己就比較金菇肥牛卷，芝士焗雜菌及必點燒茄子先講肥牛卷，燒完並未有收乾肥牛，相反燒汁味道出奇地配肥牛。可以嘗試一下。另外芝士焗雜菌。芝士味道豐富，雜菌份量十足。必試燒茄子。我自己很喜歡食茄子。所以私心推薦大家必試。整體整個用餐經歷良好。舒適的環境供食客與親朋好友把酒談心。食物質素高，侍應快速的反應等。令我下次會再到訪。

芝加哥串燒酒場串燒酒bar鹽燒鮮白鱔串 $58肥美既鱔，好香口，魚既鮮再加上肥膏，好正！香蔥燒牛殼扇貝 $39 新鮮，多汁，調味夠！鹽燒雞皮 $14好香脆，無晒雞皮原本既油膩！燒紫菜年糕串 $26好正！紫菜燒汁，有少少章魚燒既感覺。年糕超有咬口，軟淋淋好正！有驚喜！一口和牛串 $29 唔會太乾身，多汁，肥瘦都均勻，有牛味！鹽燒牛舌心 $32幾正！厚切有口感，香口唔會有騷味。炭燒豬頸肉 $19好嫩，一咬就成口油脂，勁香口 肥美！培根蘆筍卷 $28煙肉入面卷住唔少既蘆筍，有口感！蘆筍既汁解左煙肉既乾身，唔錯既配搭！燒豬大腸 $28好食又大舊，滿滿既肥膏！正！水牛城燒雞翼 $24嫩滑，水牛城醬汁帶酸辣感覺，好開胃！風味燒雞腎串$16好脆口，唔會乾身！玉子燒 $32有整整4舊，好實好有蛋味，再帶少少甜味！燒日本博多雞心 $33好實既感覺，香口，有驚喜！鳳梨燒 $19非常甜又多汁既菠蘿！茄子燒 $33調味料相當足，燒得好夠淋又唔會乾身，岩岩好！酒：Pina Colada $78好大杯！好飲又清新，rum酒味唔會好出，濃濃既菠蘿味加少少奶，好適合唔係成日飲酒既人。接木骨花啤酒 $69偏甜既啤酒，少

大埔太和都有好多唔同既獨立餐廳，各有特色而且都好有心做。今次難得4人行，就入來行下睇下有咩食。D FRIENDS都想飲下酒吹下水，所以就揀呢間有酒飲有串燒，又食可以坐下嘅餐廳試吓呢度酒精非酒精飲品都有得揀，另外食物嘅種類非常豐富，主要係串燒類，有肉類、蔬菜、亦都有啲比較少見嘅，食物種類多而且味道都唔錯。其中串燒菠蘿非常好食，菠蘿乾身之後，佢嘅甜味更加突出，而且口感好好，證明師傅都燒得非常之有技巧。另外好欣賞廚師將串燒拼埋一盤，擺啲擺得好靚之餘，味道當然好食啦！擺得咁靚，影相打卡就更加突出yeah。

好耐冇飲酒和食串燒，今次喺太和呢間朋友帶嚟嘅餐廳食得好開心，好好味，所以真係要開心share一下先。超級催淚彈$22小丸子入邊應該係有Wasabi，食完都真係好催淚啊哈哈😄好用心嘅製作小食，雖然真係笑中有淚。炸大八爪魚足$58超級香脆爽口嘅八爪魚，好正而且好有口感啖啖肉好好味。燒雞翅包肉$38雞翼入邊包左用特別嘅質感，而且味道好好又冇咁單調，讚。燒芝士雞脾肉串$88羊肉串$42燒芝士年糕$28鹽燒雞軟骨$24燒雞翅包飯$38呢個自選嘅拼盤真係哇一聲，每樣都燒得好靚而且味道唔錯，望到都開心，令人減壓 茄子燒$33鹽燒鯖魚$39

今天因工作關係來到大埔區, 難得今晚可以早些完成工作, 便來杯冰涼的啤酒、食下串燒，來放鬆一下心情, 減輕工作壓力。芝加哥串燒酒場是間獨具形格的餐廳, 結合餐廳同酒吧於一身, 主打串燒項目, 店內裝修充滿時尚感, 設計著重柔和舒適，環境寬闊。這裡有多款酒類供應，在當中選了其中一款手工啤Samuel Adams, 色澤金黃亮麗，麥味香濃，入口冰凍順喉, 吃串燒總不可缺少冰凍啤酒。五款串燒以併盤形式盛上, 碳燒牛扒燒得肉質鬆化，且散發濃郁的肉香;蜜糖雞翼燒得雞皮脆身, 雞肉嫩滑，用蜜糖去調味, 就更加滋味;香蒜蔥花廣島蠔的蠔肉充滿蠔汁，蠔味香濃，賣相跟味道皆不俗;香蔥燒牛殼扇貝鋪上香蔥去燒，味道不錯，扇貝稔身,肉質不韌也爽甜鮮美;燒紫菜年糕串外面有一片紫菜, 再加上燒汁, 紫菜夠脆身, 年糕本身也軟糯好吃。最後是栗米燒，燒得外層微焦而口感帶點點糯口，粒粒金黃色、飽滿的粟米散發出牛油香味，每一口咬下去都係甜美, 爽口非常。這裡的環境輕鬆意寫, 而且位置較清靜; 價格也在合理水平, 實在是放工減壓和三五知己來飲下酒，談談心是一個好地方。

第一次跟朋友到大埔芝加哥串燒食野，雖然餐廳麻雀雖小，但武臟俱全，與其話係餐廳，其實就係酒吧串燒店，正正啱曬我們呢飯鍾意飲酒又鍾意食串燒既愛好者。呢度感覺就像外國的酒吧餐廳一樣，好有feel, 無論燈光同音樂，就令人感到好relax好chill。我們點了好多串燒食，都可以話應有盡有，例如燒生蠔，烤魷魚，燒墨魚丸，燒菠蘿，燒黑松露丸，燒茄子，燒韭菜等等，我們點了好多，味道又香又惹味，真係啱曬送酒。我們更點了幾杯1664及kirin ，真係邊食邊聊邊飲酒，這種感覺真的好棒，因為這裡酷似串燒店為主，不會像酒吧那樣俗氣，絕對適合另一種享受的食客同酒客，下次真係可以再來。

同朋友搵地方飲嘢，真係有口福啦. 朋友介紹呢度有間酒吧，唔單止多嘢飲揀，仲有好正嘅串燒。果然冇辜負我期望。酒吧環境舒適，唔會話好迫，燈光適合慢慢傾偈。最開心竟然有青瓜味麒麟啤，上面仲有啤酒泡沙冰，啱啱行到熱熱地，一坐低就有呢杯嘢飲，即刻舒服晒。朋友叫嘅呢杯有子梳打，一啲都唔頹，唔單止好多有子物喺下面，上面仲有新鮮嘅沙田柚，佢話飲落口感好豐富。叫咗串燒，竟然係一大板咁上枱，好彩張枱夠大。食串燒當然唔少得茄子，非常大條，調味適中，蒜蓉味香濃，再加多啲蔥花喺上面，少少孜然味，味道豐富多汁。呢個日式叉燒就更加驚喜，燒得啱啱好唔會過分油，肥瘦適中均勻，調味恰當，微甜。雞扒就更意外驚喜，大大塊，脆皮肉嫩。另外仲有晚餐叫，由於想食少少粉面，於是叫咗呢個豚扒烏冬。開頭諗住豬扒應該都係簡單野，點知係厚切豬扒，仲係好認真咁慢火燒，加甜醬喺上面，肉質彈牙。份量亦唔細，食到我哋兩個都好飽。 全餐侍應有禮服務周到，值回票價。

芝加哥串燒酒場 (太和)💛.就近馬鞍山，呢間嘅串燒食物很不錯呢到串燒種類好多，黎到緊係叫杯啤酒🍻串燒有韭菜，雞軟骨，小甜薯等，全部都好濃味好好食之後我地都有不停encore串燒，豆卜，豬頸肉，京葱等，葱蒜生蠔係聞到隔離枱叫好香！然後因為飲得多啤酒🍻黑松露薯條又忍唔住叫一個，黑松露沙律醬再配熱辣辣薯條加冰凍啤酒好好食另外今次仲特登叫左生蝦，一碟有8隻都好抵食！.📌 芝加哥串燒酒場 (太和)太和太和路24號太和中心地下37號舖

芝加哥串燒酒場 (太和).🔹串燒啤酒🍻🔹.因為呢到太多不同種類串燒，難以分門別類咁去寫🤣一黎到首先飲杯啤酒先，叫一round串燒，呢到嘅串燒都偏鹹，正好適合大家飲多幾杯啤酒😂雞腎翠玉瓜多春魚全部即叫即燒要趁熱食，如果唔係冷氣好易吹到凍曬！另外我地仲叫左雞軟骨，我好喜歡食嘅小甜蕃薯🍠特別一提佢個豆卜，好好食，乾身得黎都好入味，韮菜每次黎必叫全部都好好食，粟米都非常之爽甜，而且呢到選擇真心好多！🥰—————————————————-環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.📌 芝加哥串燒酒場 (太和)太和太和路24號太和中心地下37號舖.—————————————————————-

今日再去bbq串燒，上次介紹過佢個茄子要再encore，今次大食積上身！呢度嘅選擇都好多，除左串燒之外仲有魚生飯，生蝦叫，我地叫到成枱擺唔哂，聖子扇貝新鮮，鮑魚好淋，因為平時食燒鮑魚，好多時燒到好似食緊擦子膠咁，和牛棒完全食到和牛嘅味道好嫩，芝士年糕趁熱食仲有好多特別嘅食物，雞皮包餃子🥟，雞全翼包飯，連燒棉花糖都有，仲有一個叫催淚蛋我問侍應係咩嚟原來係燒鵪鶉蛋😂同埋佢主力嘅調味係用左孜然粉，所以好香好野味！你仲可以選擇辣度，如果唔太食得辣嘅你又想試的話可選bb辣😂最後主角當然係配啤酒🍻

去大埔探朋友…難得見面當然食埋飯先走啦。朋友提議不如去食串燒…我當然話好…好鬼鍾意食串燒。朋友帶我黎呢間芝加哥串燒酒場…食串燒當然要配下酒…😍😍。其實唔太熟大埔…不過見餐廳既位置都幾旺…附近都好多餐廳選擇。呢間餐廳本身係酒吧黎…如果鍾意飲酒就啱你…因為都幾多款選擇…見到好多平時少見既啤酒牌子…坐低第一時間叫 d野飲先…我地點左一杯啤酒…唔記得名…出面好少見不過味唔太濃…帶清甜和花味唔錯…另外點左支apple cider…呢隻都唔係平時見到既牌子…蘋果味濃…都幾好飲望下餐牌串燒都幾多款式…樣樣都想試…最後都點左好多野食…實在太大食了…大家不如自己睇下張單…長到呢😂😂😂…因為味道好味…加下加下就咁整體樣樣野食都好味…唯一就係第一轉會燒好哂野食一次過上菜…一次過黎影相好靚…不過就有d食物就會凍左…可以改善下…點樣可以攞個平衡…推介大家鹹豬腩肉…鹽燒雞翼…燒茄子…雞翼包飯…白鱔…鍾意串燒同飲番杯呢度就啱哂你