芊彩餐廳

營業中

休息中

最近朋友係外國番黎😍大家都係迪士尼fans，就決定試下去探索家酒店間芊彩餐廳食飯😋不過去到先知星期六、日、公眾假期晚餐只供應semi buffet dinner同butcher choice😮 一場黎到，點都食左先🤣Server行過黎介紹餐牌，先知道原來semi buffet dinner可以出去buffet bar拎包、沙律、煙三文魚😍生果同甜品，而butcher choice就只可以拎生果~於是我地3個就揀左食semi buffet dinner😜 所有野都好新鮮😋而且師傅都會不停refill，未食主菜就咁食buffet bar都食到有d飽😂主菜分別叫左牛脊肉，黑毛豬排同三文魚，但傾得太開心影漏左個三文魚😭牛脊肉要加$100～份量都大，而且好嫩，值得比ga😍👍黑毛豬都好好食😚個羊肚菌汁好味三文魚有驚喜，平時我係唔食煮過ge生果，但三文魚配蘋果蓉又估佢唔到咁match ，三文魚亦都好滑👍埋單$388加一，某白金卡有75折，除番開每人都係360到(因為叫左牛脊肉) ，同出面高質素放題價錢差唔多～我同朋友都食到捧住個肚走😂餐廳環境好舒服，食物同服務質素都好好，呢個價錢抵啦😊下次約埋屋企人

難得有三日連假加上撞正結婚周年紀念，三大人兩bb一齊入住迪士尼探索家酒店！去過迪士尼都知餐廳什至快餐消費閒閒地都過百（食啲普通野）,所以老公一早book定tea buffet,諗住一家可以食得好啲。入座時安排要排隊，因為人太多有啲混亂。坦白講入座後見到食物種類少，而拎食物嘅area都好細。熟食一眼睇晒，有煎釀三寶,墨魚，沙爹牛肉三明治，火腿蛋包，蛋撻，雞蛋仔，碗仔翅，燒賣。之後就係甜品類：米奇鬆餅，布丁，米奇砵仔糕，燉奶，楊枝甘露糕，糖不甩，白兔棉花糖，朱古力蝴蝶餅..煎釀三寶熟食類長期要排隊，值得一讚係refill得非常快！最後仲每檯每位一個菠蘿油（其實係菠蘿包中間夾一舊扮牛油既菠蘿雪糕），因為冇諗過係菠蘿雪糕，咬落去第一下有驚喜。總括黎講，熟食係好食過甜品，冇咩選擇嘅樂園酒店入面178$加一，總算不過不失啦。但如果諗住會好超值又唔會係啦～

以前食過一次lunch平均每位消費$200幾，見有$265 semi buffet 咪試下。有包類，沙律，生果，甜品，每類4~5款，仲有橙汁蘋果汁茶水，我點了新豬肉薯餅，侍應送來我先發現係素豬肉，試了家人的海鮮盒，賣相好靚，味道唔錯。經openice book 位有85折(期間限定)，幾抵!

The decoration of this restaurant echos its name quite well - “world of color”. I really like the presentation of the dishes, especially the “explorer greens salad”. I went there with my friend, and we ordered the lunch set for 2. Apart from the salad as appetizer, we also had the roasted tandoori lamb chop as main course, and risotto with scallops. The lamb chop is quite fresh and tasty, but I always think Disneyland’s food is more focused on the look rather than taste. For dessert, we had seas

前幾日就係度推介過**迪士尼採索家度假酒店既甜品Tea buffet（原來叫芊彩週末三點三茶點☕️🍢🧁），依家想追加返啲靚相俾大家睇下，都係經典既香港特色小食啊！特別係雪糕🍍🍍包，真係好得意❤️

真係值得一試既甜品buffet❤️。其實好耐之前已經光顧過芊彩既Dessert Moment，果陣清一色甜品🍮🧁🍰。雖然食物造型好靚、味道又唔錯，但覺得單調左啲啲。今次轉左香港舊式主題，除左預計之中既卡通甜品，竟然多左好多特色小食😍😍例如煎釀三寶、碗仔翅、炒麵.......最驚喜係外熱內冰既雪糕菠蘿包🍍！另外，意想唔到芊彩餐廳係西餐廳，但係中式既經典小食又做得不錯👌🏻仲有DIY既飲品吧，覺得幾好玩😁👍🏻

我有開心奇妙的一天🥰今日端午節去咗迪士尼探索家度假酒店入面嘅芊彩餐廳食下午茶自助餐😋今次主題係Duffy🐻&Friends💕甜品選擇多，熟食會比較少，但我覺得熟食同甜品都好高質，全部都好好食，有驚喜！🤤餐廳環境舒適，寬敞，性價比高😍👏🏻👏🏻👏🏻用餐時間：3:30-5:00pm 價錢：$178 一個人(未加一)

好耐無入過樂園喇，入園前去醫飽個肚先出發，本身諗住食返果個半自助brunch，最後簡左呢個斧頭扒餐Staff見我黎過食半自助，就推薦我不如試下呢個2人份既斧頭扒，咁岩七月金卡有七五折，計返4百幾蚊個人，出面呢個價食唔到呀呢個餐包一個自選沙律，兩個湯，扒同埋水果自助講返個斧頭先，佢連骨1kg,都足料既，好大份🤣牛魔王至愛肉好有牛味，我嗌左五成，keep到juicy唔乾有咬口，不過真心要等差唔多半個鐘，沙律同水果要慢慢食🙈我見有d餐廳斧頭扒要三日前預定，估唔到呢度話叫就有。要襯75折再encore先👍🏻P.S. 我星期六下午黎，staff話平日午餐無呢個餐，要晚餐先有

有迪士尼優惠，買一送一，兩個人只需要$480（未加一），揾左星期日去試下，四個餸，有「龍蝦肘子沙律」，裏面有煙三文魚、薯仔，好的骰，有兩小舊龍蝦；之後有「龍蝦香橙忌廉湯」，橙味濃郁，龍蝦味濃，但兩者唔係太夾，食咗三份一已經要放棄，之後有「龍蝦配意大利雲吞」，白汁底配云吞會有勁飽肚嘅感覺，白汁同雲吞唔夾，其餘都唔錯，最後配有一份米奇老鼠梳乎厘，食少少已經食唔落，但係佢好香蛋味，熱辣辣，仲有香草汁，算係一個好好嘅ending，佢仲配有一個咖啡或者茶。服務係唔錯嘅，坐係卡位，但係買單用咗半個鐘

星期六日無咩野做，而朋友都幾鍾意迪士尼既人物，於是就同朋友黎到呢間迪士尼酒店食下午茶自助餐，同埋諗住同迪士尼卡通人物影下相。呢度既甜品都幾多，同埋全部都好靚好好食！我自己唔太鍾意食甜野都覺得唔錯。除左甜品，都有啲咸食既食物，都係好好食。我就鍾意食咸食多啲😂純粹個人喜好。我朋友超級鍾意食甜點，所以佢鍾意食cake多啲。總括黎講都算幾好，唔錯，價錢又唔太貴，好適合係呢度一邊食野一邊休閒咁同朋友傾計。

難得到迪士尼看演唱會，又聽說近來迪士尼幾間餐廳正在舉辦龍蝦節，和朋友決定到位於探險家酒店的芊彩餐廳吃晚飯。經理Thompson為我們安排了舒適闊落的座位，並細心地介紹當日精選套餐。龍蝦餐每位$480另加一，酒店來說價錢算合理，餐單看起來很豐富呢。每枱有一份面包，留來搭配龍蝦湯最適合不過。先上沙律，廚師已將整個蟹鉗起肉，非常方便進食，蟹鉗肉也很完整，配上芒果片和三文魚等配菜感覺清新。餐湯很濃郁，尤其喜歡加入了vanilla cream令質感更細緻幼滑，也令味道更富層次。主菜也配搭了不少龍蝦肉，讓愛吃龍蝦的朋友過盡口癮。主菜的調味也是走清新路線，看起來份量不算大，但因為剛喝過質感濃厚的龍蝦湯，正好可以中和膩感，感覺剛剛好。餐單明顯有精心設計呢，值得一讚。梳乎厘比手掌還要大，米奇頭非常可愛，當然要和它合照。質感很鬆軟富空氣感，味道較甜但也很容易接受。因為是母親節關係，餐廳推出了母親節特飲，淡淡的雪梨香氣配上圓肉等食材，很養生的感覺。餐廳環境好，服務態度令人有賓至如歸的感覺，以後想到酒店吃晚飯又多一個選擇了。

係迪士探索酒店閨蜜girl talk 過左一晚check out之後.我地唸住食埋個豐富Lunch先離開Disney.見到lee間芊彩餐廳幾得意就入去食la.坐低之後waiter會放低D包.D包都好好食gaCheers office + chocolate time我叫左杯小朋友野飲。雪糕加可可米加朱古力。小朋友應該會好開心。我都係飲返coffee岩D西次牛角漢堡配薯角好好味ar熱辣辣牛角西冷漢堡好正我地三個人一人一件岩岩好自選三款新鮮Pizza(巴馬Ham/辣肉腸/帶子)D自選餡料出奇地夾.加上個pizza即叫即做熱辣辣D芝士味好濃芝士仲可以拉絲咁食.lee個pizza真係好好食.我睇返張相都好掛住個味.好想食返.迪士尼果然係會帶比人奇妙之旅.Lee餐真係超乎想像咁好味👍🏻❤️

晚上八點去 餐廳唔大 但大量座位 唔洗等😂 店員有禮 表現專業 做左成日野都唔預佢地會笑嫁喇 哈哈 Menu內容我覺得已經算多選擇 但都唔係好啱我食😂 中西印度泰國都齊 所以每個地區都係得一至兩款 好難揀 我地揀左好耐 耐到server都過黎問洗唔洗幫我地推介番😂最後嗌左個印度薄餅同五花肉青咖哩飯Pizza即整 夠脆夠熱 雞肉係食kebabs 個d chicken tikka 一食就覺得好印度😂 頭都搖幾搖 幾好味青咖哩夠濃 好味 但唔明點解個五花肉點解自己都有汁有味😂 咁我個汁淨係用黎撈飯？ 不過個五花肉都好食嫁 份量都足 好食 只係如果叫多個白飯 呢碟野就可以分開兩道菜😂最後嗌左柚子焦糖布丁 焦糖唔會過厚👍🏻👍🏻 柚子咪清新但有少少過重 食唔到布丁味 雲尼拿雪糕好好味 👍🏻👍🏻👍🏻 不過上面個塊野都係裝飾下算 又淋又唔知咩味咁

朋友仔專程過來找我吃飯，仲車左我去廸士尼探索家酒店的芊彩餐廰食飯，好感動啊! (原來係美孚入去20分鐘車程就到，好方便)兩個人只叫了兩個主菜，火奴魯魯三文魚，啲三文魚煮得好滑好滑! 一啲都唔同平時西餐廳(就算酒店級都是)那些咁乾及鞋，真的好好味!!!另外一個是我平時最愛的Margarita 薄餅 (我鍾意Margarita因為配料少及簡單，但卻最能帶出蕃茄的清甜、芝士的香及薄餅的惹味。最怕那些十幾廿款材料堆晒上面的pizza, 都唔知自己食緊乜!) 這餐廳的margarita真的很不錯! 番茄味不會太搶太酸，和其他配料很夾，餅底也很薄，我俾90分。餐牌上仲有好多好似好好味的菜式，下次要再來試。: )

今日第一次入黎迪士尼新酒店，check 完in見冇野做就周圍行下。見到間餐廳放左２隻好得意既公仔咪好奇入去睇下。問下Ｄ人先知做緊甜品自助餐，咁岩我地食完早餐就冇食過野有Ｄ肚餓。價錢方面就二百有找，都唔算太貴，食物種類都幾多下，都有Ｄ鹹食。有即焗葡撻，米奇waffle，面包布丁味道都唔錯。仲有Ｄ小食Pizza，串燒。整體上黎講真係唔錯