芊彩餐廳

營業中

休息中

芊彩餐廳下午茶，有一個甜品拼盤，包括生果，葡撻，鬆餅，朱古力蛋糕和砂糖冬甩。加上輕食一份。主菜選擇有多款包括有麵食，已經足夠代替了午餐，扁意粉份量十足。特色甜品最欣賞紅豆綠茶杯，綠茶布甸味道清新不太甜。另外砂糖冬甩，十分美味。每粒細細一口咬下，很滿足。米奇鬆餅還是我的最愛，一個原味，一個有提子乾，造型可愛，吃得開心。可惜只限星期五至日供應，並分兩段時間。每段時間九十分鐘。這裏環境很適合一家大小來到慶祝。

趁住呢排放閒日,約左朋友出去Hea下食下Tea,友人推薦左入左芊彩餐廳,係迪士尼探索家酒店入面,黎到見到餐廳好Full,好彩之前預訂左 入坐前 職員指示先掃瞄QR code再安排入座(呢個做法值得一讚 可以係非常時期減少接觸)坐低落左單後 食物大概10分鐘就到甜點有6款 份量適中 最吸引係葡式麻糬蛋撻 入面熱辣辣煙煙韌韌 其他甜點不過不失 熱食方面反而有驚喜現煮海鮮米粉卷伴龍蝦泡泡米粉卷即叫即整,米粉卷非常軟滑 入面包住帶子碎,三文魚碎,配埋龍蝦泡泡同三文魚子 Yummy宮保雞丁意大利甫扁意粉個意粉會有小小辣,如果吾食得辣仲可以order走辣 非常貼心而且份量仲岩岩好芊彩西冷牛角漢堡我地點左個5成熟 西冷牛扒成數剛好 肉汁Juice越式金黃春卷伴蒙古嫩羊柳串春卷卜卜脆 羊肉串吾會太so 再配埋泰式汁一齊食 好野味 剛好我地4個人可以一次過試哂4款熱食 埋單都係$378 x 2 再加10% 除返開每人都係$210 好抵食 岩時間一定會返頭

Staycation 最好就梗係有個豐富早餐啦，如果唔係點樣可以有力氣去玩啊！本身以為佢嘅早餐set好少，但係原來未食到一半我已經飽咗佢有分中式同西式早餐，我就梗係揀西式啦！ 份量其實多到我可以同個女分享嚟食！早餐嘅食材都好健康，而且又有水果又有果汁，補充晒所有營養！服務員嘅態度非常好啊，個個都笑面迎人。 下次嚟到一定要試吓佢嘅晚餐，聽講都好好味㗎❤️

一早電話預約左芊彩餐廳！去到門口到座底，都係無其他客人，揀直係包曬全間餐廳。座好點好曬食物後，會上餐包。個芝麻包好軟熟。配酸忌廉唔錯。深色既係乾果包。都一樣好食。另有兩條長餅乾，咸咸地脆既，吖仔好欣賞。兒童餐叫左咖哩雞髀，好在預先叫左汁另上。個咖喱汁，唔似日式或港式，無咩味，怪怪的。雞脾好淋，小朋友一手揸住食好享受。個pizza 揀左火腿、粟米同蟹柳。都係小朋友鐘意食既。一上台好大個。芝士有拉絲效果！味道唔錯！係薄批😋跟住到慢煮黑毛豬柳。賣相攞盆都好令，件豬柳真係好好好淋！一啲都唔似切緊扒！一刀切落去有肉汁出嚟。哦，原來係米奇5星大鼠整既🤣

今次叫了pizza, 斧頭扒，大蝦，pizza可以自選3款材料，加上pizza底又脆， 小朋友好鐘意；斧頭扒好大份，煮得啱啱好， 好好味。最後因為疫情，無左自助生果，有d失望。

今日入園玩咗大半日，樂團閂門先至走，返到酒店，好彩仲有餐廳， 又攰又肚餓，快啲攞個餐牌睇睇，好快決定到食乜。 瑪格麗特margarita pizza~Size唔細，配料選用芝士、羅勒及蕃茄醬，買相吸引之餘，味道也非常出色，香濃芝士配茄醬，食慾大開。西班牙海鮮飯 Explorers Paella~成個pan上，材料包括：帶子、鮮蝦、藍青口、西班牙辣肉腸、八爪魚、番茄等等，此菜式需預留20分鐘的烹調時間，廚師即叫即做，西班牙炒飯汁多，味道比較香濃，但唔覺油膩，我們四個人食都好足夠。XO醬宮保雞丁~估你唔到，年青人叫咗個中菜，西芹炒雞粒，加香脆腰果，少少辣xo醬，絲苗白飯配中式湯。最後叫多個甜品探索家朱古力布朗尼Explorer chocolate brownie配自家製意大利雪糕~生日買唔切蛋糕，廚師幫忙加個happy birthday，店員唱着歌攞出嚟，主角吹蠟燭，大家開心😃。年青人多點一杯特色飲品~凍雪糕配熱朱古力，米奇出場，主角笑逐顏開。

疫情關係，酒店關閉左幾個月😭依家終於重開啦❤️不過都好多人黎用餐，大家想食記得book位啦✨今次揀左食brunch~包兩個頭盤✨探索家拼盤海鮮拼盤✨主菜叫左魚同豬同以前一樣咁好味😋🤤不過疫情關係，無得好似以前咁出去拎甜品，生果🙁🙁但服務一樣咁好❤️會繼續幫襯✨希望疫情快d完，有番semi buffet la~

The Butcher Choice $1328 四人餐.兩款精選沙律 是日素菜湯烤美國斧頭扒（1kg) +烤蘇格蘭西冷羊扒時令水果拼盤.重點推介.🔸烤美國斧頭扒（1kg)成1kg重！雖則條骨都好大 但份量都唔少架叫左5成熟 我覺得岩岩好 肉質好林 唔需要加調味汁都已組好好味😉旁邊既伴菜全部食得 高級餐廳未備啦 所以係正常😆.🔸烤蘇格蘭西冷羊扒都係叫左5成熟 都係好林蘇味唔係太重 鍾意食羊既岩哂上面一層厚厚既香草配搭得好好 為羊扒癖味😉.沙律係凱撒沙律🥗 兩大兜 確實食唔哂最後打左包外賣番屋企餐湯係南瓜湯 正正常常.一坐低就有兩瓶飲品一瓶係士多啤梨青檸水 另一瓶係香茅青瓜檸檬水唔算特別 但總比水有味 比較清新😄

探索家酒店有三間餐廳。芊彩餐廳、星航圖咖啡廳及雲龍軒。我去咗芊彩餐廳。芊彩餐廳好光猛。有戶外及室內餐桌。點咗個導航者肉串拼盤。因為我個人唔食牛肉串，所以要求服務員將牛肉串改成豬肉串。個賣相好正。沙律份量好少。炸雞肉好脆好爽。豬肉串好易入口，烤豬肉串好重BBQ風味。伴碟醬汁加入豬肉串，非常好味。最後一杯熱奶茶，我習慣唔加糖，都好香濃。服務員Kane及Ivy好親善細心。會體量我唔食牛肉而作出特別安排。重詢問我是否有食物敏感。我感激萬分。Ivy詳細解釋用餐費用細節。好貼心服務。

今次又入迪士尼，不過就去迪士尼新開個間探索酒店識新餐廳。🏰芊彩餐廳主要國際化嘅風味輕食，包括亞洲菜、清真食品、素食、西式菜式等。全部都係開放式廚房即叫即製，風味十足🍳💗火奴魯魯三文魚 ($248)用煎焗嘅方式烹煮三文魚，魚肉非常嫩滑香口。醬汁則由蘋果、香蕉、夏威夷果仁同柑橘汁製成。悲傷小姐本身對煮過嘅水果好有偏見覺得好奇怪，不過個汁出乎意料地配合得好，酸酸甜甜，反而成為三文魚嘅highlight⭐️配菜就揀咗蒜蓉炒菠菜，冇澀味值得欣賞但就有d鹹😳💗薄餅自選配搭 ($218)悲傷小姐今次揀咗沙樂美腸、鮮蝦、銀魚柳同菠蘿作配料。薄餅底只有蕃茄汁提供，不過配料超過10款揀，而且芝士份量充足，熱辣辣時會拉絲🧀價錢淨係包三款餸，額外每款要加&25🤔💗探索家朱古力布朗尼 ($98)布朗尼就正常發揮，口感較實，加上焦糖脆片同焦糖醬，作飯後甜品好膩🍫好彩配番合桃同野苺作裝飾同大大球呍呢嗱雪糕中和番🍓💗榛子朱古力雪糕配櫻桃餡卷 ($98)榛子雪糕值得一讚👍🏼出乎預料地好濃嘅果仁味，而且口感似雪芭，食完主菜再食好fresh。另外餡卷就熱辣辣新鮮整，脆脆嘅外皮配酸酸地嘅櫻桃冇得輸🍒💗米奇可可將熱朱古力倒入呍呢

我家妹妹生日住探索家酒店慶祝，但不想一早起身趕去吃自助早餐，於是諗諗有咩食？在OP找找，看到芊彩餐廳逢星期六日都有提供半自助brunch, 含主菜 及 自助前菜/甜品⋯ 晚上在酒店打電話去訂第二天食，但訂位quota已滿，要wall-in等位。第二天check out及寄存行李後，就在餐廳外排隊等準時11點開始入座。這是我第一次係這間餐廳食飯。內裡環境relax也舒服。這邊的semi-buffet特別在有小童價格，含一份兒童餐及自助餐部分。我們2款兒童餐都點了；蛋包飯跟香煎三文魚。小朋友一定夠飽，因為自助桌上還有其他食物，建議大人要預留quota幫他們完成。跟華特餐廳相比，這邊較casual ，食物擺盤沒那邊的精緻⋯ 應該跟價錢也有關係😅老公點鱸魚，份量剛好不會太大份； 而我則點了較考功夫的炸芝士，切開後看到流出來的芝士，包著sauce食很好味😋甜點方面，最出色是那士多啤梨栗子拿破倫；讓不太吃拿破倫的我也吃了3件當日我們用了生日coupon跟酒店住客折扣，所以比較划算👏🏻

趁著放假，同小女生入迪士尼玩下，點知玩完第一round，開始人多，加上在迪士尼的餐廳食到悶悶地，所以決定走人去吃lunch。剛巧是星期六，探索家酒店有下午茶自助餐，既然山長水遠來到，那麼就試下吧！第一次來到探索家酒店，由於未到下午茶時間，我和小女生就去商店shopping一下，之後就在酒店大堂坐一會，夠鐘就到餐廳去了。取食物的地方其實不算很大，食物種類也不算多，今期做的是香港小食，有煎釀三寶，咖喱魚蛋，尤魚，燒賣，雞蛋仔，碗仔翅及菠蘿油等。熟食的味道也算不錯，炸鯪魚球好味， 甜品又是美美的，米奇頭窩夫更是回來之作吧！值得一讚的是所有食物都refill 得好快呢！飲品得兩款，是兒童鴛鴦和紅豆冰，要自己跟著menu 自己調製，又得食又有得玩，小女生當然開心啦！除了蛋撻，豆腐花及碗仔翅外，其餘的我們也都吃了 。水果相當甜，回本當然是甜品啦，兩位不用（$400）,奇妙處處通金卡雙月有9折，單月是75折，更抵吃,這個價錢真係去個高級d 既high tea 都唔得呢！今次又是食到飽飽的，又是吃，玩，買的一天！

出左糧，又係時候豪一豪佢✨😜又黎芊彩餐廳食semi buffet dinner🤤今次黎到有d野唔同左wor, buffet 枱靚左，多左d food signage, 方便客人睇👍夠哂貼心book左六點鐘準時入座我估其他客應該遲到吧！所以去到無咩人，影張相比大家睇下先Buffet 枱同上次食ge差不多，有cold cuts，麵包，水果，沙律，甜品，龍蝦湯，野食同之前一樣高質👍今次主菜食左火奴魯魯三文魚（上次食完念念不忘😂實在太好食），友人食黑毛豬扒，不過又係食得太開心唔記得影🌝又係食到捧住個肚走ga😂提提大家，如果想食semi buffet dinner，記得早d打去訂枱呀，今晚全場滿座，入座時staff亦都有禮貌咁講用餐時間係90分鐘，所以我地都好乖，準時交枱，辛苦各位staff啦~餐廳職員咁忙都可以保持笑容，仲同客人互動，影下相，實在難得，我見有職員戴住米妮頭飾，似乎有野想賣？🤔原來依家做緊慈善活動，我地只要買一個頭飾「米妮星願耳朵」(Minnie Wishmas Ears)$119，香港迪士尼樂園就會捐出$50比願望成真基金，幫助病童，就到聖誕節，咁有意義ge事，點可以唔做呢，即

名為<甜品餐桌～ 懷舊港式茶點 >, 當然是以甜品為主的tea buffet. 價錢為$178 另加一，以廸士尼酒店餐廳來說，算是很親民，所以食物方面，不要期望過高呢！煎釀三寶有外型可愛的Mickey 魚旦，但魚肉比較薄削，像吃了一片炸粉下肚一樣。青椒/紅椒/茄子釀鯪魚肉，煎得香口，魚肉彈牙。Size是bite-sized, 多吃幾件也不覺膩。煎釀三寶下面是Mickey 形的脆麵，即炸上碟，金黃香脆，用來蘸點咖哩汁，相當惹味。魚旦是細細粒的鯪魚球，比一般魚旦更真材實料。燒賣是一般貨色，粉粉的。咖哩魷魚有別於小食檔的，白灼的魷魚，再自行淋上咖哩汁。魷魚爽口彈牙，咖哩夠香辣。碗仔翅夠足料，有木耳，竹笙，肉絲等，口感爽脆。沙嗲牛肉三文治 (上圖下方)細細件，但同樣地，沙嗲牛肉亦很少，幾乎嚐不到它的存在呀！芝腿奄列多(上圖右)蛋皮內包裹著火腿跟芝士，芝士有點像卡夫芝士醬的味道，很creamy. 甜品方面, 切餅欠奉，一般都是mousse 及布甸類的甜品。燉奶上有一撮桃膠，真材實料。燉奶滑捋捋有奶香。紅豆布甸，一層紅豆味，一層椰奶味，好飲喝著紅豆冰一樣。蛋撻撻皮鬆化，內餡有蛋香。

喺迪士尼咁多間餐廳入面我最鍾意千彩餐廳～～～～之前嚟食過呢個Semi brunch覺得好正，都食咗兩次呀～～～～～我覺得佢嘅選擇都算唔錯，款式比較多，出面嘅水果甜品我都好啱食，嘢飲都有兩款俾我揀。啲座位坐得好舒服，員工態度非常之好好友善。圖中嗰個有一 Benedict真係好好食，佢一切開就會流晒啲蛋漿出嚟，然後個底會用薯餅嚟整，唔同一般街出面嗰啲，佢哋唔會用薯餅嚟整，所以呢個餐點係我最鍾意食嘅！！！！