芊彩餐廳

營業中

休息中

之前因為餐廳說不接受walk-in客，所以只好上網Book了這天再來！芊彩餐龐和星航圖咖啡廳其實都是位於香港迪士尼探索家酒店的二樓 不過這家下午茶是自助餐！而且現在正進行「愛麗絲主題」我們來的這天是星期六，但對比起其他酒店...這邊真的不算很多人這個自助餐可選的食物不算很多，但鹹點都是合我口味的所以覺得還不錯像是三文治、牛肉撻、葡撻、窩夫等等若果不想吃太多鹹點，其實也有一款冷盤或者是水果！比較喜歡吃的是鬆脆餅底加上濃香芝士的薄餅和表面有少許焦香內裡滑嫩的三文魚。這兩款～我都有重復再拿 (｡▰‿‿▰｡) ❤另外那個沙樂美腸芝士雲吞也是！中間的芝士餡～味道很濃郁甜品方面，除了大部份都是愛麗絲主題外~其實也有一些普通款其實也不算是很特別而已~多數的都是在甜品上弄張印了圖案的米紙+白朱古力那樣～就拍照來說還好，但說到吃的話~那些朱古力甜到不能言語，所以還是放棄了若要說最難吃的話大概是妙妙貓那款 QAQ外層的色素很可怕，質感也怪怪的~還有朱古力款的都是偏甜兔子先生那款莓的玫瑰草莓奶凍，酸酸的會比朱古力的甜膩好一點要說味道最正常大概是愛麗絲的水晶雜果啫喱，而且單看貌相亦很吸引。晶瑩剔透的果凍之中

禮拜日諗住同朋友去迪欣湖玩，但係見天氣唔係咁好就改左去仲係新新地既探索家酒店，諗住食多次佢個愛麗絲甜品自助餐記得上次黎係因為佢個主題吸引左，但佢主要都係得甜野，食左幾件就開始收皮喇今次多左幾款咸野食，性價比立即高左，而且每樣都整到細細件，拎自己份量就好，唔怕太大件又食唔哂浪費講返食物啦，咸野我最中意食呢個火奴魯魯三文魚，香得黎又唔乾。芝士雲吞，個皮脆卜卜，好好味意式扁麵包除左三文魚之外，最吸引我既就係可以自選配料既米奇窩夫，捕住師傅啱啱整起個舊，加埋自己鍾意既裝飾同配料，大人小朋友都啱啦整體黎講今次真係抵食過上次好多，因為多左咸點，唔會一味得個甜字。雖然今日禮拜日都幾多人，有時要排一排拎野食，不過值得讚既係佢keep住有廚師睇住d食物，俾人拎哂就會即刻補新，同埋啲野食都keep到熱，真心幾好

我們二大二小，食自助餐要$2000+，又不想食中菜，所以選擇了這兒食西餐，要了兩個兒童餐一個二人餐。第一次來，環境舒服，服務好，都多人食所以最好訂枱。食物味道都不錯，但預左多小朋友，好嘈！兒童餐$109二人餐$598

今天一家三口到Explorers Lodge參加復活節嘉年華，午餐在這家餐廳吃 set lunch, 食物賣相及味道都很不錯，若 buffet 不是心頭好，這間西餐廳是推薦之選👍

訓醒先慢慢hea住入迪士尼芊彩餐廳食午餐，閒日黎食唔會好多人可以慢慢歎，好relax好正！職員好詳細同我地介紹新出既lunch set，我地嗌左兩個沙律，一個同煎海鱸魚。頭盤三文魚沙律酸酸地好開胃，岩哂中意食三文魚既我。我呢位lady朋友話唔想食咁多肉，所以嗌左個露荀沙律，賣相好靚好吸睛bor食完麵包黎到主菜一開始諗住牛柳配紅酒汁係老梗，點知配埋佢個黃薑蓉底味道又好新鮮,係有d料到朋友個魚都好吸引，佢個底係汁水咁，唔傑，我估用黎撈飯應該好正。朋友話鱸魚好厚肉，同埋上面隻炸蛋有少少流心，有驚喜到Set lunch 除左包餐飲同餐包外，重包左個水果吧可以自助去拎水果，突然間覺得抵左！講左咁耐最吸引我地重複黎咁多次既主因除左美食，就係呢度好有人情味既職員。可能因為我地本身中意迪士尼啦，黎呢度玩同食會特別放鬆同開心.

位於迪士尼去年新落成既酒店(迪士尼探索家度假酒店)入面既芊彩餐廳，因應酒店探索家既主題，貫穿探索家尋真探秘既精神，製作出多款多國菜菜式。當日我地就試咗3種唔同風格菜式，包括: 海鮮拼盤（$168）、燒春雞（$198）以及青咖喱紅燒五花肉（$138）。 海鮮拼盤以四小格劃分4道不同款式的海鮮風味，包括蝦春卷、焗芝士菠菜帶子、蟹肉點心及芥末醬煮魚，當中以蟹肉的鮮味最為凸出。燒春雞味道正常，印象唔深刻。至於青咖喱紅燒五花肉則勝過預期想像，本來見到人地個碟頹頹地，不抱厚望，誰知道青咖哩做得出色，配搭白飯令人胃口大增！如果唔夠，仲可以請侍者幫忙添咖哩汁架！ 環境方面，沒有硬件隔音，聲浪較大，不時聽到碗筷跌蕩聲⋯

情鍾於迪士尼～除了入園遊玩，酒店亦有值得採索的地方上網見到這間餐廳有愛麗絲主題tea set自然不會放過可以呃like嘅機會下午茶三點半才開始～是半自助餐形式包括了兩份小食~由於同朋友都不食三文魚所以跟侍應說不用上三文魚但他們主動提出可以轉兩份Parma ham多士服務態度實在太好Parma ham是我的大愛配蜜瓜食得多，配盧荀多士是第一次一入口盧荀味偏重，但咬嚼後火腿的咸香令整體很配合～味道很好來到自助餐的部分～有各類水果，甜點熱的有米奇窩夫，葡撻，麵包布甸冷的有非常吸晴的愛麗絲角色甜點暖暖的葡撻入口鬆軟～甜度剛好樂園內出售的米奇窩夫～竟然出現在這裡雖然比較細小，但還是熱的還是提供配料～大大提升吸引度當然少不了”呃like”的甜點們各款愛麗絲角色甜點確實令人不捨得食而且味道亦不錯尤其「瘋帽子」那款，是濃濃的朱古力「愛麗絲」雜果啫喱～除了雜果，入口還充滿花香～蠻配合愛麗絲的主題最後餐廳還會提供雪糕～一個很完美的結束因為是迪士尼會員～所以價錢每位是148我們都是捧住肚子離開以這個環境同質素～實在是超值如果酒店將來推出不同主題我必會再來！

想試芊彩餐廳Alice tea party 下午茶好耐了❤️❤️❤️上次試過Minnie同Olaf嘅造型蛋糕，都好味，所以對佢地餐廳出品嘅甜品都有信心😇年初二下午四點先去到餐廳，入面無咩人，男朋友book咗位，所以餐廳比咗一個大梳化位畀我地，坐得好舒服！讚！一坐低就被放滿可愛甜品嘅檯吸引住，瘋狂影相，好．靚．啊！😍😍😍甜品果然全部都唔錯，個人最欣賞個鐘，入面係lemon tart，酸酸甜甜又有清新的檸檬味😋另外，士多啤梨奶凍都好味啊，好重奶味又唔過甜❤️佢地嘅曲奇好鬆化，牛油味香濃，唔錯㗎！另外仲有好多五顏六色嘅新鮮水果，見到都好開心☺️☺️☺️食食吓有員工行來畀雪糕我地，有朱古力同cookie and cream ，係後者好味啲的！（男朋友話成個set最好味係雪糕😆）葡撻意料之外的好味，我地食咗兩個哈哈！麵包布甸就麻麻地了，可以唔食😅另外隨餐仲有微甜薑茶、咖啡或茶、前菜，人均二百，迪士尼服務不嬲一百分，坐得舒服又無咩人，好抵啊！

迪士尼探索家酒店落成後，去過好幾次，但未曾係嗰度食過野, 今次就睇下有咩好食。發現其中一間餐廳環境唔錯，估計係食西餐的。走到入去坐底感覺氣氛都唔錯，Menu上的食物選擇唔算多。我掂左西班牙海鮮炒飯，海鮮都好新鮮，配料十足內有帶子、蝦、蜆、臘肉腸等等，但可惜飯底炒得太軟了，唔夠口感，飯汁欠鮮味，無咩特別。總括唔係好好味。另外點左一份牛脊肉牛脊肉就煮得味道唔錯，肉質夠鮮嫩。但價錢就略為貴了。附上Menu以作參考

自從同班fd join左年卡後久唔久就約出黎入樂園玩，玩左成日見凍凍地無等晚間巡游就出發覓食。上次朋友見我地去酒店食呢間咁正，所以又黎試下。今次我地嗌左個dinner set，加埋個日式海鮮Flat pizza，同一個中式鮮魷飯首先黎個頭盤大蝦米粉卷！朋友都話我無介紹錯，成個菜除左裡面有蝦膠連個汁都有蝦子，蝦味好出！好似我咁鐘意食蝦嘅一定不能錯過，而且出面未見過有！羊串唔記得左影相，但肉質同上次一樣嫩👍🏻黎到主菜牛二食，雖然份量細左d,但牛肋骨好入味，唔夠喉呀😝如果可以大啲仲happy西班牙海鮮飯，濕濕地好多海鮮今次醒左，嗌左個職員都推薦既海鮮flat bread，好多料同醬料，適合幾個人share，好頂肚👍🏻唔想食西式呢度都有少量中式飯選擇埋單時職員細心地同我介紹原來單數月份金卡會員就有七五折雖然主菜份量偏少，但食餐跟左麵包籃，食埋甜品岩岩好

難得放假諗住黎食個4Course晚餐,點知原來已經轉左新晚餐餐牌.不過朋友有奇妙處處通有折,$598 兩個人有埋甜點都幾抵丫就試一試。🤔餐包左兩個頭盤,我地嗌左大蝦米粉卷同烤羊串.大蝦粉卷好香蝦子味,配埋個汁好岩點麵包食。烤羊串一碟有三串,夠嫩,唔太酥.如果有多一串For Share 食會比較好 食完頭盤好快就黎到主菜同飯,我地叫左個服務員推薦既美國牛扒二食,牛柳嗌左五成岩岩好,嫩得黎又有咬口, 配埋個煮到勁入味既牛肋骨,一次可以食到兩種完全唔同煮法既牛肉,如果份量多返D就好勒,宜家唔係好夠喉海鮮飯有好多唔同既海鮮係裡面,濕濕地唔會好乾.最後黎埋個甜品朱古力Brownie,上面配左球Gelato雪糕,雪糕個味道如果有多D選擇就好勒🤤總括黎講,呢度既服務員友善,上菜速度快,埋單折左一人先二百幾蚊,係同朋友入完迪士尼食晚餐係一個唔錯既選擇!🤤

上星期六同兩個朋友無無聊聊入去迪士尼酒店影相, 輕鬆下. 之後去左新開暑酒店迪士尼探索家度假酒店 入面間芊彩餐廳TEA 一TEA, 嘆一嘆☕其實芊彩餐廳下午茶有DESSERT BUFFET , 有奇妙處處通$148一位, 其實好抵.不過我地唔想淨食甜品, 就叫左MENU 野食.我地3個叫左一個MINI BURGER SET, 每人一杯☕MINI BURGER有3個牛肉, 雞肉同埋煙肉, 仲有薯條, 都幾好味呀, 茄汁仲有MICKEY LOGO TIM杯☕呢, 佢寫係STARBUCKS 出品, 呢杯係HAZELNUTS LATTE,最後仲有少少驚喜, 每人有一杯🍦, 趕住食唔記得影相😝, 仲有3個味可以揀, HAZELNUTS, CHOCO AND VANILLA, 係甜筒SIZE, 仲要免費的, 有奇妙處處通會員卡仲有九折優惠, 埋單每人80幾蚊, 成件事抵晒!!!~~~

之前都試過呢個下午茶, 只係得小小迪士尼元素, 唔算太特別, 唔知係咪聽到意見出左愛麗斯下午茶所以決定試一試正宗愛麗斯下午茶野莓啫喱, 玫瑰草莓奶凍, 香芒杏仁蛋糕, 香草杏仁曲奇算係最有特色, 配有愛麗絲既白朱古力. 真心覺係幾靚架最正係仲會派好滑既自家製雪糕, 可惜派左兩三次就派完. 總括黎講, 178/位係幾抵既, 有野飲, 又有正宗既愛麗絲下午茶, 值得一試.

一家人到新的迪士尼酒店渡周末，當然不能夠錯過迪士尼酒店內的餐廳。本來以為呢間餐廳係食西餐嘅，原來不同國家的菜色也可以品嚐到。我哋黃昏6:30左右就到達餐廳，當時餐廳並未滿座，所以我們可以挑選餐廳盡頭的紅色沙發位置。一行人都是點了4-courses meal晚餐。前菜我挑選了紅菜頭沙律，蔬菜新鮮，沒有很大驚喜但做得不錯。主菜為牛柳，有驚喜。雖然牛味不太重，煎得香，三百多元的套餐來說都幾好味。點了幾款不同的甜品都包括雪糕，原來這裏的雪糕是自家製的。試了幾款雪糕，還是開心果雪糕最得我心

tea time的時間由3:30-5點價錢方面正價178+1如果有全年通行証會有折扣優惠 都算不錯👍服務員態度都好好清理方面都快捷！個個都有笑容不過有隻jelly beans入面黑色豆個味道好難食。可能個人口感問題 本人接受不了唯一一個差評