良記餐廳(老鳳冰室) (已結業)

以懷舊風做主題, 都幾得意, 特別D 掛畫的字句有D 好搞笑, 食物基本上是新式的, 同懷舊風主題有D 唔同, 價錢亦貴過一般茶餐廳。黑松露炒蛋多士:好多蛋, 蛋幾滑, 不過無咩蛋味。 黑松露醬都唔少, 不過黑松露味唔太濃, 用的是厚多士, 但我覺得乾左D。燒春雞配SALAD:應該是D 好細GE雞, 大概有1/3隻, 有脾有翼, 但咸得滯了, 無雞味, 得個咸字..... 不過燒得都幾香口GE。 SALAD是水果SALAD, 正常茶餐廳貨色LA。波波奶茶:茶味濃, D 波波即是奶茶雪左做冰, 咁杯茶就唔會越飲越淡LA, 呢個IDEA唔錯, 不過奶茶有D 削, 唔夠滑。

一間非常適合黎打卡影相既（扮）懷舊既小店。味道亦驚喜十足。小妹今次食早餐～下次再黎過食lunch食晚餐。餐牌十分可愛～ 信封。早餐價格比同區既偏貴。但食埋裝修。值回票價。好～～野食到。烚蛋痴殻..唔新鮮...腸仔滿滿是油..但味道唔錯。入貨入得唔錯。多士..牛油厚多士！正！炒滑蛋！唔錯唔錯！好滑！（都係多油既功效😝😝）紅腸都係入貨冇入平價貨！加分。牛油厚多士😍😍正呀！好香花生醬味既沙嗲牛麵。 牛肉冇用疏打粉o拿過！加分。麵度亦軟硬適中。好味！濃濃蕃茄濃湯配扭扭粉。芝士亦好香。牛肉份量亦足夠。絕對會再去既餐廳。下次要試下下圖既野飲。波波奶茶。飛女可可。飛仔華田都可想試💪🏻

本人絕對平時是不會去深水埗，經過朋友的建議推薦，我決定去試一試，外型仿懷舊的冰室，店內裝潢復古有味道，每個位置都一定有悉心佈置過，讚👍🏻，芝士芝士全部都係芝士嘅豬頸肉撈丁，芝士味極濃郁，撈麵食簡直係人間美食，再加埋飛仔華田，好濃華田味，兩樣加埋簡直係完美嘅配搭。想不到深水埗會有一間咁出色嘅冰室。

it is too great , it taste very good.it is the best restaurant in the world.really.by j.....all of my family love it too.

特色懷舊餐廳＋芝士芝士芝士……hahaa，之前上網見人食，自己又想去食～今日終於試左喇～！呢度ge佈置好正，好懷舊，而且佢連好多細緻的位都懷舊埋ga～好有心意～講左野食先，今晚兩個人食飯，叫左一個麵一個包（入面有飯ge）同埋兩杯野飲，介紹下野食先～芝士豬頸肉撈丁 － 豬頸肉有5片，如果多一兩片會更好hahaa個方包（多士）好脆，點芝士醬好好味～個芝士醬好濃郁，撈麵食真係一流，不過好快飽飽～hahaa焗芝士海鮮保齡球 － 海鮮多同好味的，佢入面有d飯，不過呢個襯落包就一般，但好在佢配左一碗芝士汁比你點，點包食都ok的～︿︿原味波波奶茶 － 勁在3個奶茶波波冰真係用超濃郁的奶茶製成的～不過飲完奶茶d冰都未溶hahaa～之後督碎左d冰，再加水都仲好濃味～飛仔華田 － 好濃華田味～超多cream，cream唔好食晒丫，要撈返d落去華田度先夠奶味～面ge脆脆同華田粉我真係鐘意～hahaa襯埋又撈埋cream同華田食就prefect match～

平時入開深水埗總係見到老鳳冰室門外總有人排隊今日食飯時間去望下……竟然唔洗排隊非常好 我事前己經做足功課，入到去我一定係飲波波奶茶另外我再叫多個雞扒撈丁杯波波奶茶一如坊間所言係好飲既、最有誠意係D冰都係奶茶雪擺耐左都唔會淡味左~呢個位要俾個讚👍再嚟到主菜喇！我今次係叫左雞扒芝士撈丁既、雞扒炸得好脆掂！話明係芝士撈當然係試下D芝士先、讚位又到喇佢地用依個車打芝士撈芝味濃郁👍再將塊多士舔下D芝士先食~味道如何我諗大家唔洗我多講啦！今次首次朝聖我覺得係可以既絕對可以反手~我對其他特飲好有興趣~下次再朝聖過再分享俾大家

原本諗住去食芋圓，點知未開，就過左嚟試下新嘢。1點鐘嚟食，唔使排隊。聽講黑松露多士最出名，但係我唔太鍾意食黑松露就無揀到。我揀左個老鳳雞翼撈一丁，聽落應該係招牌雞翼，加左啲芝麻粒同蔥，溝埋啲汁真係好回味，有啲不足之處係雞翼有啲生，入面有好多紅，朋友仔都話唔敢食。另外加左個雪糕紅豆冰，睇相好似唔錯就決定加$14試下，但係嗌既時候呀姨話要加$16。嚟到既時候好大杯，即刻試左粒雪糕，原來佢係雪米滋，兩粒係芝麻味，一粒係荔枝味，另外上面有好大舊cream，係幾新鮮既配搭，紅豆都好夠淋，成杯野好飲又好食，但係下次唔會再特別加錢去飲。另外，朋友仔叫左個芝士雞翼撈一丁，雞翼係炸既，入面就熟哂無血，有啲辣辣地，幾惹味，但係芝士撈丁有啲濟同埋無咩芝士味，朋友仔無食哂。佢就加左個波波奶茶，入面既冰係波波狀大大粒，係用奶茶去雪既，所以奶奶無被溝淡，成杯野好濃好好飲，篤爛個波波冰之後，啲冰碎都好好食，呢杯都係不二之選。成間鋪頭都好有特色，我諗普普通通叫個午餐都會好夠食好有香港味道，下次經過深水埗會試下其他美食

嗰日同朋友行鴨寮街,順道去老鳯冰室朝一朝聖!入到冰室睇下啲裝修,唔錯唔錯..最欣賞係嗰Menu,非常特別,難忘!由於太肚餓,櫈都未坐熱就即刻order兩款招牌菜芝士豬頸肉撈丁味道尚可,豬頸肉好有彈性,可能芝士底關係食左一半之後感覺有啲膩黑松露炒蛋多士呢個招牌菜味道認真唔錯,炒蛋好滑,讚總結兩個人去叫兩個招牌菜,每人一半就份量啱啱好

一間以舊香港做裝潢嘅新派冰室，牆上掛滿舊廣告畫跟李小龍電影海報，仲有一些舊香港面貌而食物方面種類都幾特別，好多創新配搭<黑松露海皇炒飯> $68其實係什錦海鮮炒飯，但加入大量黑松露醬去炒，令成碟炒飯更香濃惹味，食落仲有陣陣鹹香鮮味<老鳳雞翼> $36初頭以為係瑞士雞翼，但原來係滷上雞翼再加上芝麻跟蔥花，食落味道是夠，但可惜有點過火偏腍，而且啤水唔夠有雪氣味當日仲叫了<龍鳳七喜> $20 (其實係鹹檸七再加上檸檬)<泰式蝦餅> $36

有事出深水埗~ 見到甘得意既茶餐廳~ 一於試下😁haha~ 信箱原來係餐牌黎, 有趣. 呢個係糖罌, 粒粒方糖, 好耐無見過喇😂哇, 黑松露炒蛋多士😆 好香松露味~ 又夠大份. 炒蛋好滑. 但食到中段有 d 膩, 可能太油關係. 厚切餐肉蛋麵, 嘩~ 餐肉真係好厚呀.但個麵太淋同埋湯底比較淡. 姐姐服務幾好有禮👍🏻 食物上台時仲貼心講句襯熱食添😊

星期日心血來潮去深水埗食個午餐，上網睇到呢間冰室好似唔錯，就去試下la ,到步見到門口已經有唔少人等位，好彩都只係等咗15mins 到，就有得食，講下黑松露炒蛋多士先，用料十足，一上枱已經聞到好香黑松露味道，蛋炒到好滑，芝士豬扒撈公仔面，芝士夠桀，相比其他地方食到嘅重芝味好多，豬扒薄薄肉鬆軟，我男朋友食到津津有味（可惜我唔記得影相），我地仲order 咗肉夾饃，軟軟面包包住粒粒肉肉，味道唔錯，但我個人覺得算唔上必食推介，嚟冰室當然要試埋雪糕紅豆冰la ,原來雪糕係用芒果雪糕，士多啤梨小雪米糍代替咗傳統嘅雪糕球，如果小雪米用返雲尼拿味，味道比較夾，由於我地邊食邊望到隔離枱嘅食物都好想試，所以我地係會再光顧試食其他

黎到深水步，周圍都係野食，成日都會諗食乜好，最近朋友介紹左一間以老香港作為背景的地道茶餐廳好耐都未見過餐廳有方糖餐廳內滿佈懷舊的物品，令到你置物係60－70年代生炸雞脾焗薯泥簡簪單單一隻炸脾就食得出餐廳既誠意，雞脾大大隻，未食到就先刺激你眼球，好耐都未見咁大隻，雞脾炸漿厚度適中，食落好脆皮，啖啖肉，肉汁鎖哂係入面，性價比極高黑松露炒蛋特色懷舊茶餐廳，下午茶食茶記 食落一啲都唔頹呢個炒蛋多士認真夠大份一定要趁熱食炒蛋炒得幾滑,仲有好多蛋汁上面有大量黑松露醬,味道好突出,但有少少咸而最底就係一塊厚多士,微微帶脆2人share比較好,否則會好膩

今日特地黎食呢間老鳳冰室，12點30左右到唔洗等位，裝修懷舊好似番左去80-90年代咁，但空間狹窄坐位好逼坐得唔係咁舒服。而且職員服務態度都頗差叫左個芝士茄牛通，仲包一份滑蛋。好濃嘅蕃茄味，仲帶點蕃茄酸，而牛肉都不過不失。呢碟滑蛋好好好好好好好食，我覺得係今餐最好食嘅野haha，但本人唔太鍾意食肉醬所以無評價。而友人則叫左個雞排撈丁據說開頭食就覺得幾好食，但食落就覺得好膩。我覺得如果去食可以試下個芝士茄牛通，同埋晏晝最好就12點30前到，因為舖頭位置有限，lunch time咁多人實有排等。

上次試左常餐,今次黎食下飯炸雞脾芝士焗飯---抵讚既係炸脾係分開上,咁就唔會淋~雞脾幾大隻,亦唔會太咸,新鮮炸起真係要等一陣先可以食~芝士焗飯個芝士汁好香濃,雖然食完會好滯,但一定令你食唔停口~

見某電視節目介紹過，幾型咁樣喎，黎試下順便呃下like先刻意營造的懷舊氣氛，冷氣機上那個標語係咩事？哈哈，笑左。餐牌都好有特式先點了芝士茄牛通，賣相一般啦，但又真係幾好味喎，個蕃茄湯底好濃，甜甜的好正，加了芝士更香口。隨通牛附送的炒蛋及薯蓉，個蛋勁嫩滑，好味，薯蓉好重牛油味，加上肉醬勁正。仲叫了另一招牌物，雞扒芝士撈丁，丁麵好彈牙，芝士醬好多，足夠包住每條麵，雞扒煎得外皮香脆，入面仲好嫩滑，仲有塊蒜蓉厚多送。特飲太靚了，一定要加錢試一試，要了紅豆冰同柯華田。懷舊雪糕紅豆冰，用的是雪米滋，有三粒，三粒都唔同味，紅豆煮得軟腍，甜甜的太不過份，奶糖豆比例剛好。另一杯飛仔華田，個樣又係超靚呀～凍華田加上華田餅乾，穀物早餐，仲有香蕉味嘅星星粒，加cream後再加上華田粒，賣相都超得之餘味道仲好正，夠濃味，口感豐富不過甜。估唔到茶餐廳食物都咁靚，一樣可以呃like。