良記餐廳(老鳳冰室) (已結業)

懷舊冰室☕️深水埗一向都岀名有好多好野食 呢間老鳳冰室就係其中一間好多人都係為左芝士而黎但我就係為左個奶茶***

上次光顧老鳳，已經係舊年1月好凍果幾日，當時係癲到好凍的天氣底下飲波波奶茶（即奶茶冰）。今日入黎食晚飯，叫左焗茄茸豬扒飯（$48）、芝士焗生炸雞髀飯（$48）、飛仔華田（特飲加$14）、雜果薄荷七喜（特飲加$14）。雞髀同芝士汁焗飯係分開兩隻碟上，我唔好芝士所以冇試到個飯，望落好濃芝士咁，但我食左少少雞髀，都炸得幾脆，連皮都食埋，正。至於焗豬扒飯，份量唔係好大，味道不過不失啦，茄汁味幾重。我飲的飛仔華田，係凍華田加忌廉同早餐穀物脆脆，最搞笑係佢仲插住左塊啤牌，原來食得架，係威化餅黎，好有趣。呢度星期日晚飯時間滿座，要等一陣位，推介特飲同炸雞髀，冰室裝修亦幾有懷舊特色。PS問過老闆，原來一街之隔的老爺冰室係同佢毫無關係的，但真係好似，好似⋯

打算夜晚去食仙草 所以就係深水埗搵食係巷仔見到依間冰室設計得幾懷舊 就去試下啦好得意好得意 啲餐牌用食啲舊信封設計仲用以前既鐵信箱裝飾 好有Feel呢講返野食先芝士豬頸肉撈丁厚多士好脆 就咁食已經好正芝士味濃 個丁掛汁掛得好 溶為一齊岩哂我食個芝士怪不過後尾攤凍左 就有啲痴埋一PAT波波奶茶有3粒用奶茶整既波波冰 唔怕奶茶變淡整碎啲冰當 有啲甜品Feel飲到埋單都未溶哂 好抵呀

專程去老鳳冰室吃午餐，懷舊的佈置，牆上貼舊日的海報，毛主席就是其中最搶眼的，還有放餐牌的布做舊式信箱袋，未吃飯已經大飽眼福。至於午餐選了是日餐…煙肉洋蔥忌廉豬扒焗飯，另外加一碟肉燥扒菜心。例湯先上，中式南瓜豬肉湯，清甜的，有湯渣，絕少喝例湯的我竟然整碗飲下。菜心跟著上，真是按我要求煑至軟身，跟肉燥吃，十分配合，單吃肉燥，甜甜的帶微辣，不會過咸，菜心份量也不少，滿足！即叫即焗的豬扒飯，熱辣辣的，喜歡這懷舊的焗兜，另外賣相也好，有青、红椒做伴菜。一大塊豬扒切成幾件，肉質鬆軟，加上煙肉、洋蔥和忌廉醬汁，味道不錯，可惜飯太濕，比較糊口。有機會再去吃下午茶，試試這店的招牌小食。

今晚有一條獨獨食晚餐，一放學就仆左去深水埗食個快餐先，其實上網睇過有咩招牌課好食，見人人都有叫波波奶茶同話黑松露炒蛋好食，就試左呢個鮑魚絲火腿意套餐，總括都好食，黑松露蛋夠滑，意粉正常囉，但個奶茶可能身處冬天，個波波奶茶飲到尾中碎的冰食既時候，就覺得都冇咩特別，或者我本身唔特別好奶茶掛，套餐埋單56,可以一試，環境又可以呃Like 影相，經過可以一去

深水埗區可以搵到一間懷舊但又新式的cafe很有驚喜！！坐低後見丁個郵箱入面有menu裝修都好有舊式香港味道, 好有特式喜歡芝士必食芝士撈丁, 我叫左豬頸肉撈丁, 好食仲有蕃茄牛肉通, 唔似牛尾湯通似羅宋湯底加通粉, 不錯👍飲野好似好有特式,個人認為波波奶茶同冰震奶茶無分別, 杯其實好細, 飲幾啖就無而熱賣飛仔奶茶有個驚喜原來張啤牌係食得口感係威化餅上面層皮, 其他都係阿華田加脆脆總括黎講值得一試, 早餐會抵d

老鳳冰室非常有特色，而且餐廳很清潔😉😉裝飾得好有心😄😄食品質素以冰室界中尚算高🔝🔝價錢十分合理💲💲只此一家絕無分店🙅🙅 。今次早餐order沙爹牛肉麵🐂🐮Satay beef noodles🍲牛肉非常多仲好足料👍👍牛肉好淋😋😋早餐order沙爹牛肉麵一碗都只係26元好抵食，另加4元就有埋一份紅腸🍴蛋🍳 多士 🍞sausages , eggs, toast，紅腸整到似玫瑰花好浪漫啊～可惜杯熱咖啡味道一般，不算太出色。

為了波波奶茶，我來到這裡，感覺店主很用心在打造不一樣的空間，無論由裝潢至菜式上也是。首先令人感動的是這個肉夾饃！一上枱呀姐姐話一定要快啲食，OK我用左3秒影相就開始啃。佢個包真係超鬆軟！有啲似米包咁煙煙靭靭，包的軟硬同厚度都好好，同入面啲肉燥好夾～係真係要熱食，因為個包屬於好快凍左會硬果種。黑松露炒蛋多士食第一口係好正既，但食多幾啖就膩左個味，一定要share。芝士有點太咸，雞扒不過不失，正常囉。呢杯波波奶茶我都已經期待左好奈架喇，我們終於相見！入面有成三粒波波！奶茶奶味較重，一開始偏甜，要等個波波融咁啲先個味道就剛好喇～飲到尾篤碎晒啲波波仲可以食奶茶冰！

1. 試咗個蕃茄炒蛋鮮牛通，味道不錯，蕃茄湯底夠鮮味，但稀咗啲，但炒蛋夠滑，補返數！2. 牛腩保齡球，不過不失，芝士醬好味！3. 波波奶茶好味，啲冰係用奶茶雪嘅，所以啲冰溶嘅時候杯奶茶唔會淡左，反而越飲越濃，好好味！4. 飛仔華田有驚喜，直頭係一杯甜品！佢個底係凍阿華田，跟住上面有用蛋白加糖打成嘅一層，跟住上面再加朱古力可可趣趣！絕對係一杯甜品！但如果叫好多野再食呢個就有啲滯！5. 環境來講裝修有心思，有特色，有啲位要來呃like幾好.6. 佢好多人食，但係姐姐都好好態度，好好笑容，讚！

深水埗呢間冰室幾特別，由門牌以至內裡佈置都好香港懷舊風味😍😍叫左兩杯嘢飲都好特別，餐廳好有心機整每一樣食品。我要咗杯飛仔華田，對我嚟講都幾甜，但賣相就好吸引😍老公就要咗杯原味波波冰鎮奶茶，飲咁耐都唔會變淡，仍然好濃👍😋仲叫埋芝士焗生炸雞脾飯，雞脾好大隻，焗飯充滿芝士汁，好香好好味👍👍😋😋瑞士雞翼撈丁，雞翼好入味，甜甜瑞士汁，撈丁嘅丁係出前一丁，真的不錯👍👍個人覺得呢間餐廳整的食物都好有心思，外在賣相，同內在美味度都好好呢間冰室以價錢抵，食物又好味，果然不錯👍👍

農曆新年前光顧的一家本土冰室，很想分享，其實已看過傳媒不下一次的推介，抱著一試的心情去試!! 甫踏進冰室已被它的裝潢吸引了，很用心思，令人跌進兒時的回憶，食物方面，我叫的是最普通的餐蛋麵，塊餐肉皮脆內軟，超過一厘米厚，很滿足哩!奶茶香滑，還有餐廳供應的是方糖，盛的是舊時的潄口盅，吃食很開心!再看餐牌的其他食品，價錢不太貴，比起那些『太X』、『翠X』好上幾倍，真的喜出望外!

懷舊既裝修，入面全部都係舊式戲院既擺設，好有以前個種Feel (雖然我未出世😂😂😂😂扮細)個餐牌好有特色，用以前d郵箱，好夾，再加埋枱面上隻放糖既杯，無得頂，調味料齊全，正明佢地好有Heart!首先講下柚子西多士，就咁睇，依個配搭感覺好新鮮，但其實d樽裝柚子蜜同件西多一d都唔夾，純粹搞噱頭，直頭唔好味LOL.....🌚🌚🌚友人叫左個芝士雞扒撈丁，d芝士汁好香濃，雞扒好香脆，勁正，但流流地，食完佢話好鬼飽。仲有個芝士黑松露奄列，雖然個黑松露醬唔係新鮮整個隻，味道係有既，配舊奄列感覺唔錯，件奄列整得好有水準，入面仲Keep住半熟，軟綿綿，口感好🌝🌝🌝juice，整體唔錯，要$4x蚊，叫做對得住個價錢!!!同埋跟餐配左件超厚多士，好好食!!!!!佢杯紅豆冰粒粒紅豆大大粒，咁熱既夏天，飲完即時爽番晒=)so far都唔錯，會再食，同埋個環境堅正，雖然都幾多人，但等位都算快!

基隆街的「老鳳冰室」，甫踏入店門，彷如穿過時光隧道，回到70、80年代的老香港。值得一讚的是，小店的食品相當出色，價錢也非常大眾化，教人喜出望外。這日，我們坐在「昇平路360號的唐宅」，每張桌子都有一個「信箱」，餐牌則化身為「信封」。粒狀的砂糖，放在繪有毛主席圖案與語錄的搪瓷杯中。原味波波冰鎮奶茶$24，一大杯奶茶中，有三大粒奶茶波波。呷一口，冰鎮奶茶滑溜之餘，茶香奶香也頗為突出。飛仔華田$20，上層盡是堆到如山般的忌廉、阿華田餅碎、阿華田粉、胚芽和脆脆，口感食味十分豐富！蜜焦雞翼$36，一客有四隻以黑椒、芝麻和蜜糖香炸的雞翼，十分香濃甜美惹味，惜過辣了，小妹只吃了一隻。蝦多士$38是推介小食，大廚於多士兩面塗上新鮮蝦膠，蘸蛋漿後以滾油脆炸。挾一塊，蘸上醬汁吃下，多士香脆，夾雜著不少蝦粒，蝦味突出。

芝士蕃茄湯牛肉通粉蕃茄湯底略甜，但有芝士的襯托中和一下味道不錯蝦多士蝦肉漿與薄方包夾在一起，外面再上一層麵包糠，炸成吉列，切成八小塊三角形狀，再加上千島醬，味道更佳，還送一小份精緻沙律。飛仔華田凍華田，奶油，香蕉脆片，朱古力餅乾，朱古力格格脆，可可碎，星星脆粒。環境舒適，餐座和餐牌分別用了舊式信箱和信封設計，有心思。室內周邊的文字很復古，充滿港式風格。總括，論環境，食物質素都比一般茶餐廳高。推介愛茶記的人士去嚐嚐

位於深水埗嘅良記餐廳，又叫做老鳳冰室。餐廳嘅裝修好有特式，牆身有好多懷舊嘅海報同畫，menu以信件做設計，放入懷舊鐵信箱裏面。餐廳食物飲品都幾多gimmick，有D齋睇個名都好似好吸引咁，今次試住幾款先，叫左黑松露炒蛋多士丶焗芝士海鮮保齡球同波波奶茶。鍾意食黑松露嘅朋友必叫黑松露炒蛋多士，好味到暈!!! 店員細心叫我地快D襯熱食，事關黑松露會味最香濃，炒蛋最濕滑嘅狀態，麵包最香脆。的確冇失望，符合晒以上三點，真係有股衝動想叫多份! 焗芝士海鮮保齡球就唔算有驚喜，焗圓形麵包裝住配料，餸我揀左海鮮，但其實仲有其他肉類可以配。底部有少許飯墊底，芝士汁會另上。整體個包有D焗得過份，有D位焦黑左，食完都幾熱氣。味道中規中距，因為有飯係底嘅關係，成個味道似食緊海皇焗飯。波波奶茶其實即係奶茶，好濃嘅茶味。波波係指佢入面兩粒圓形嘅冰，每粒嘅size都差唔多成個乒乓波咁大。依兩個波波其實係奶茶做嘅冰，所以波波奶茶唔會愈飲愈淡味，反而愈黎愈甘淳。環境氣氛： ★★★★☆食物質素： ★★★★☆服務態度： ★★★☆☆