船渦

今日朋友仔話想食海鮮, OPENRICE 搵下銅鑼灣區有無. 有間一人一鍋蒸氣海鮮火鍋啱曬. 餐廳環境舒適,  仲有竹簾分隔,把它放下, 可令客人更有私人空間感 有4款唔同價位既套餐, 套餐名都幾得意.  有八府巡按, 九五至尊, 內務總管, 九品芝麻. 咁我地今次試左其中兩款. 九品芝麻   $258海鮮有白蜆、大蜆、北寄貝、蝦、鮑魚同鮮魚片,  全部新鮮鮮甜, 口感豐富。肉類可 3揀2咗 美國肥牛/ 豚肉/雞肉，雞肉滑嫩,豚肉就正常唔嚡.  仲有三寶丸 .  小食炸物章魚丸.  八府巡按  $488  當然厲害D啦， 有多款海鮮，特別在有龍蝦!呢個套餐豐富好多！海鮮拼盤有龍蝦、鮑魚、元貝、蟶子、貴花蚌、白蜆、蝦，  肉類仲有安格斯牛肉！龍蝦新鮮啖啖肉， 肉嫩爽口仲有好多膏，其他海鮮都好新鮮，蜆類全部都處理得好好完全無沙。套餐仲包前菜沙律、炸餃子同芝麻雞翼，同埋蔬菜拼盤。 最後揀咗南瓜芋頭粥做粥底，吸收晒海鮮嘅精華，好鮮甜！另外餐廳做緊推廣， 只要follow 餐廳社交平台  就可以抽獎, 我地就抽中左一份沙白, 同一罐可樂. 呢間一人一鍋蒸海鮮值得推介！食材新鮮，服務周到！@boatboatsteam船渦銅鑼灣謝斐道500號維安商業大廈3樓…查看更多

同朋友喺銅鑼灣行完街諗唔到食咩，經過謝斐道有個熱情姨姨叫咗我地上去食蒸海鮮鍋，我地就跟上咗去😂見到魚缸入邊好多海鮮同埋啲蝦蟹都好生猛嚟到先知原來唔係傳統嘅海鮮蒸氣鍋，而係一人一鍋，一個人獨獨嚟食都可以🤪我地一人叫咗一個餐，每個餐都勁多嘢食九品芝麻（$258)前菜有沙律，章魚燒（2粒）海鮮勁多！白蜆，蝦，鮮魚片，大蜆，北寄貝，鮑魚！仲要肉類美國肥牛 /豚肉/ 雞腿肉 (3選2)同埋三寶丸（牛骨濃汁牛丸、薑汁皮蛋貢丸、招牌墨魚丸），仲有蔬菜拼盤＋甜品😂八府巡按 ($488)呢個餐都係有前菜沙律，炸餃子同芝麻雞翼（各1隻）海鮮仲多啲，有白蜆，蝦，北寄貝，鮑魚，元貝，貴妃蚌，鮮魚片，龍蝦（半隻），蟶子皇（一隻）！肉類就有安格斯牛肉同雞腿肉，都係有三寶丸同埋蔬菜拼盤加甜品！套餐仲可以配粥底！！啲海洋全部都好新鮮，好乾淨食得好放心，側邊仲有指示教你毎樣海洋要蒸幾耐，唔駛擔心唔熟。套餐超多嘢食飽到傻咗😂 仲要麒麟一番搾生啤優惠，第二杯半價，大 滿 足！！兩個人每人大概食咗四百幾，咁高質同有咁多海鮮其實都算幾抵食！會再返嚟！…查看更多

船渦 @ 銅鑼灣原來蒸鍋都有自私食…咁就要試下呢度主打蒸氣海鮮鍋…裝修都幾木系…配合埋柔和燈光…氣氛唔錯。 話明support自私食…每張枱都裝左獨立蒸爐…如果你真係得一個人黎的話…仲可以落簾…咁就啱哂I既你同me今日點左兩款餐…大家都以海鮮為主…貴d既就多少少海鮮同跟安格斯牛肉。 就算平個餐…海鮮種類都算豐富「九品芝麻官」套餐有白蜆…大蜆…蝦…北寄貝…鮮魚片…而「八府巡按」 套餐就有白蜆…蝦…北寄貝…鮑魚…元貝…貴妃蚌…鮮魚片…龍蝦…子王。 兩個都包左餐前小食呢度最貼心就係清楚列明每款食材既蒸煮時間…咁就唔會嘥左咁靚既食材呢度所有海鮮都清洗得好乾淨…貝類無沙。 所有海鮮都好新鮮…特別是龍蝦，肉質飽滿，入口彈牙仲有鮑魚都好爽口彈牙。 肉類方面有美國肥牛…安格斯牛同豚肉。 牛就當然安格斯比較優勝dd…話時話佢地個豉油調得幾好味…帶少少甜…唔鹹…蒸完既食物點少少就啱啱好除左蒸鍋食材外…呢度都包左主食一份…我地點左米線同蟹粥。 當你蒸到咁上下…店員就會為你準備好主食既安排。 蟹粥底由店員代為處理，加埋其他海鮮精華後味道濃郁…為呢餐畫上完美句號船渦不單止提供新鮮海鮮食材…見到有自己魚缸就知。 服務都洽到好處…整體唔錯#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #船渦 #銅鑼灣 #蒸鍋 #海鮮 …查看更多

CP值爆燈！銅鑼灣一人一鍋蒸海鮮✨同老公撐枱腳嘆海鮮🦞 放工攰攰哋，想食好啲又唔想煩？去銅鑼灣「船渦」就啱晒！呢間一人一鍋蒸氣火鍋餐廳，唔使自己買餸洗切，新鮮海鮮送到你面前，啱晒我哋呢啲懶人😝今次每人叫咗一個套餐:「八府巡按海套餐」($488): 呢個套餐真係超級豐富！海鮮拼盤好震撼🤩 有龍蝦、鮑魚、元貝、蟶子、貴花蚌、白蜆、蝦等等，仲有安格斯牛肉添！龍蝦啖啖肉，仲有膏，肉質彈牙又鮮甜！其他海鮮都好新鮮，完全冇腥味，蒸完仲保持到鮮嫩口感。套餐仲包前菜沙律、炸餃子同芝麻雞翼，同埋蔬菜拼盤同甜品。我就揀咗南瓜芋頭粥做粥底，吸收晒海鮮嘅精華，好鮮甜！「九品芝麻套餐」($258): 抵食之選！海鮮方面有白蜆、大蜆、貴花蚌、蝦、鮑魚同鮮魚片。白蜆帶有淡淡海味又無沙，大蜆就更加厚實，口感豐富。貴花蚌肉質鮮甜！肉類揀咗美國肥牛同雞肉，肥牛油脂分布均勻，雞肉都幾滑，唔會嚡。每人一個蒸爐，仲有指示教你每款食材要蒸幾耐，就算唔識煮嘢都唔怕！👍🏻 飲品方面都好多選擇，有sake、啤酒等等，我哋就一人一支啤酒🍻食物質素高同份量超多，海鮮都幾新鮮，服務態度都唔錯，想食新鮮海鮮又唔想煩？快啲去「船渦」試吓啦！😋…查看更多

品質不錯的一人一煱的海鮮有唔同套餐，10分美味新鮮嘅分別有四個唔同嘅套餐嗌咗一個九品芝麻官套餐另外一個九五至尊樣樣都很新鮮座位也很舒適，環境很好也很方便搵到這個位置…查看更多

🥢一個人原來都可以盡興，想食海鮮/打邊爐唔使再等成班朋友得閒😋，船渦推出唔同一人套餐，想食咩海鮮任君選擇😎環境：8/10餐廳主打日式風格，座位與座位之間有拉簾做阻隔，一人都有私人空間👍🏿食物：7.5/10八府巡按套餐 $488有沙律炸物做前菜，海鮮有鮑魚龍蝦北寄貝，仲可以揀半邊蟹或者蟶子王🥰，仲有安格斯牛肉蔬菜拼盤同丸類，真係超多選擇🤩最後仲可以揀主食，所有食材嘅精華都會留喺烹調煮食嘅湯底度，所以呢個主食一定唔可以放過，因為真係超鮮甜😙九品芝麻套餐 $258依個套餐主打性價比，有沙律同小丸子做前菜，海鮮嘅配搭都相當唔錯，有鮑魚、蜆、蝦等等，同樣都有肉類丸類蔬菜等食材，麻雀雖小五臟俱全，簡單而不失體面為咗方便大家，仲有煮食時間俾大家參考，就算係煮食界嘅新手都唔需要擔心，相當貼心😍💰性價比：7.5/10個人套餐贏在唔需要遷就其他人嘅口味，而環境亦都唔會阻礙到成班朋友嘅聚會，依家喺OpenRice收藏餐廳及follow 社交平台仲可以參加扭蛋活動，有機會贏取不同食材或飲品😇…查看更多

🔸八府巡按套餐 $488🔸九品芝麻套餐 $258-尋晚同朋友去咗銅鑼灣船渦食晚餐，餐廳主打蒸氣海鮮，一人一個蒸氣鍋，親手落手蒸海鮮，好玩又好味。環境好乾淨，坐得舒服，啱晒慢慢歎。我嗌咗「八府巡按套餐」，食材新鮮，蒸出嚟啲海鮮好鮮甜，完全冇腥味。每個套餐都有前菜、沙律、炸物、海鮮、肉類、丸類、蔬菜拼盤、甜品，仲可以揀粥或麵做主食，真係好豐富。朋友就試咗「九品芝麻套餐」，$258就親民啲，啱晒小鳥胃嘅女生。整體食物質素高，服務又有禮，唔會催你走，食得好舒服。…查看更多

今次我哋嚟到呢間位於銅鑼灣嘅港式蒸氣海鮮火鍋店食蒸海鮮，叫咗佢哋其中兩款套餐，入面包括各式各樣嘅海鮮，海鮮夠生猛，上枱嗰時生猛到仲識郁。套餐除咗海鮮仲有其他肉類同丸類，絕對夠晒食✅ 九品芝麻套餐海鮮包括白蜆、海蝦、魚片、北寄貝同鮑魚，另外肉類仲可以三選二，仲有三款特色丸類。海蝦同鮑魚生猛到識郁，貝類都好飽滿，丸類之中薑汁皮蛋貢丸幾特別，牛丸同墨魚丸爽彈多汁✅ 八府巡按套餐除咗上面講嘅海鮮之外，仲有半隻龍蝦、貴妃蚌同埋半隻蟹，龍蝦肉鮮嫩，蟹嘅蟹鉗大大隻好滿足。另外肉類都係三選二，小食仲有芝麻雞翼同餃子，主食揀咗南瓜芋頭粥，綿綿滑滑加埋海鮮嘅湯汁，非常好味…查看更多

呢日收工同母親大人去船渦食海鮮蒸鍋♨️~呢間銅鑼灣樓上舖暗暗地,又會用竹簾隔開🎍,好有私隱~佢哋嘅套餐名好有趣,每個餐都有唔同嘅海鮮配搭😋~亦可以再散叫啲肉類同海鮮🦑~呢個九品芝麻套餐比較basic,有蜆,蝦🦐,北寄貝同鮑魚呢啲海鮮🦪~仲可以揀兩款肉類同埋有三寶丸🍡~仲會教埋你咩海鮮要煮幾耐,唔會浪費咗咁新鮮嘅海鮮⏳️~另一個叫咗有埋龍蝦嘅八府巡按套餐🦞~內容同另一個餐差不多,但有龍蝦,同埋可以自選要蟹定蟶子🦀~而且每個餐都包咗前菜,係清爽嘅清瓜絲沙律🥗~同埋有餃子同芝麻雞翼🥟~蒸完食完呢啲新鮮嘅海鮮之後,就會上埋主食~我哋揀咗芋頭南瓜粥底🥣,撈埋啲蒸海鮮嘅精華特別鮮甜😍~而且份量真係好大,個粥底食唔晒~結尾仲有個迷你雪米糍做甜品🍨~…查看更多

「船渦」嘅套餐真心值得試！如果你係第一次去，我會首推佢哋嘅「八府巡按套餐」（$468），聽個名就知係豪華版，應該有齊海鮮、肉類同特色鍋物，適合兩個人分享或者大食嘅你！另外「水師提督套餐」（$166）就抵食好多，一人份量剛剛好，有粥有菜有主食，仲可以加錢配飲品，自由度超高～佢哋仲強調食材每日新鮮處理，湯底完全融合海鮮精華，清甜唔膩，特別係用煮「蟹膏蟹肉粥」真係一絕，鮮味十足！環境方面，餐廳位於銅鑼灣商業大廈，乾淨舒服，有Wi-Fi，同朋友慢慢打邊爐吹水都唔怕悶。記得打去訂位啊（電話：66603340）～！#香港美食攻略 #香港探店 #食評分享 #灣仔 #船渦 #一人一鍋 #蒸氣火鍋 …查看更多

📌船渦主打「一人一鍋」蒸氣海鮮火鍋📌餐廳環境舒適，海鮮新鮮，蒸煮方式食得健康餐牌有4款唔同價位既套餐比你選，由親民至豪華，海鮮種類愈高級愈豐富!🔺九品芝麻海鮮船 $258抵食之選，二百幾蚊已經食到好飽，性價比勁高!🔺八府巡按海鮮船 $488一次過試曬多款海鮮，仲有龍蝦!🦞 海鮮類：海鮮有白蜆，海蝦，北寄具，鮑魚，元貝，蟶子皇，鮮魚片，龍蝦半隻，海鮮全部都好新鮮，蒸完好鮮味又唔會有油膩感，蜆類乾淨無沙，龍蝦淡淡肉，鮑魚彈牙有鮮味 !🦐🥩 肉類：安格斯牛肉，豚肉片，雞腿肉 （3選2）安格斯牛肉同豚肉片肥瘦適中，新鮮好味!🥗 前菜＋炸物：每個餐仲包左前菜同炸物，前菜沙律夠曬開胃，炸物有餃子同芝麻雞翼，香口惹味! 🤤🍚主食＋配菜：主食係南瓜芋頭粥，綿滑香甜，吸收曬海鮮既鮮甜味，最後食埋蔬菜拼盤同甜品，大滿足! 😬➡ 整體Lamlam脷指數 😋😋 😋 😋(5/5)➡ 整體評價: 一人一鍋設計好特別，海鮮新鮮!➡ Encore指數 ⭐⭐⭐⭐ （4/5)📍船渦。銅鑼灣謝斐道500號維安商業大廈3樓…查看更多

我哋就揀咗「九品芝麻」、「八府巡按」套餐，除咗巨型海鮮船，兩個套餐都有前菜「九品芝麻」有白蜆、大蜆、北寄貝、鮑魚、鯇魚、大蝦，陣容整齊，處理得乾淨無沙。最令人驚喜的是全部都超新鮮又甜美。蜆新鮮冇沙，貝肉清甜與脆嫩，鮮魚片切得厚薄適中，久煮不散，海蝦彈牙爽口，鮑魚大隻彈牙！「八府巡按」它在九品基礎上，重磅加碼了元貝、貴妃蚌、龍蝦、蟹/蟶子（二選一），全部大大隻，鮮甜味道濃郁，口感Q彈，肥美爽脆，海鮮質量與成本肉眼可見！除咗海鮮之外套餐還包括肉類，安格斯牛肉脂肪分布均勻，紋理漂亮。美國肥牛油脂香，口感柔嫩。豬肉片肥瘦適中套餐還可以自選主食，我哋就揀咗南瓜芋頭粥和魚湯米線。南瓜芋頭粥就是用原本蒸氣火鍋的精華去熬製而成，味道鮮甜濃郁，超級好食，極度推薦叫南瓜芋頭粥！！魚湯米線就是會另外加魚湯去煮米線，整個湯底都是奶白色，都非常有魚味！…查看更多

銅鑼灣「船渦」嘅一人蒸氣火鍋無得輸！🍲✨ 每日新鮮海鮮直送，配上獨特蒸氣鍋，一人一鍋超有 feel，仲有竹簾分隔，獨食都自在！最近試咗佢哋嘅九品芝麻套餐同八府巡按套餐！😍 🦪 九品芝麻套餐 ($258)
有白蜆、蝦、鮮魚片、黃金蚌、鮑魚同大蜆，每款都新鮮！🦞 蒸氣鍋煮出嚟，保留晒食材嘅原味，鮑魚蝦仁彈牙！套餐包美國肥牛、章魚燒、蔬菜拼盤😆性價比無敵！🦞 八府巡按套餐 ($488)
八府巡按套餐有半隻龍蝦，肉厚肥美！🦐 仲有蟶子皇、蟹（半隻）、白蜆、蝦、鮮魚片、鮑魚同元貝，款款都新鮮到不得了！😊套餐有芝麻雞翼同雞軟骨餃子，香脆惹味；肉類揀安格斯牛肉，蒸一分鐘嫩滑無比！仲有三寶丸、蔬菜拼盤😋 推介加南瓜芋頭粥底，濃郁暖胃，食完真係滿足到飛起！…查看更多

今日同老公行過銅鑼灣，發現一間叫做「船渦」的海鮮蒸火鍋，專門提供一人一鍋，實在太吸引我哋兩個人啦！通常食蒸海鮮火鍋嘅時候，都係要等一大班人一齊，但今次終於可以兩公婆自私食唔使等人。入到餐廳，環境非常舒適，設計上用咗竹簾去分隔每個座位，令每個人都有屬於自己嘅私人空間，但又唔會有壓迫感。我同老公坐下之後，發現可以隨時拉高竹簾，感覺好似有自己個小天地咁，唔會打擾到其他客人。菜單上有幾個不同價位嘅套餐，我因為食量少，揀咗「九品芝麻官」，入面有白蜆、大蜆、北寄貝、魚、蝦，仲有隻鮑魚，真係令人期待！此外，套餐仲提供兩款肉類，我選擇牛肉或者豚肉，最後仲有三寶丸及一籃蔬菜，超級豐富！還有兩粒章魚燒同埋一餐沙律作前菜，份量簡直正好。老公食量大啲，佢揀咗「八府巡按」套餐，入面嘅海鮮比我多，蜆、蝦、北寄貝、鮑魚、元貝、貴妃蚌、魚片，仲有半隻龍蝦，睇到都覺得正。仲可以選擇搭配安格斯牛肉、豚肉或者雞腿肉(3選2)呢啲搭配真係唔錯。每個套餐有咁多食材，不得不提我哋選咗蟹肉蟹膏粥底，因為海鮮蒸出嚟嘅精華會流入粥底，味道令人感到驚喜！而且每個海鮮都有指定蒸嘅時間，餐廳提供咗指示表，咁我哋根本唔需要擔心會煮過火，真係對新手非常友好。另一件事值得一提嘅係，小食亦非常驚喜，我地重點咗北寄背刺身，肉質鮮嫩，食起來豐富爽口。最後，食火鍋梗係要嚟返杯麒麟啤酒，第一杯正價，第二杯半價，相當划算，兩夫妻啤一啤真係好享受！總括來講，「船渦」嘅一人一鍋蒸海鮮火鍋，絕對值得推薦！不單止環境舒適，食材新鮮，服務周到，最緊要係可以不受限制隨時自私食，選擇適合自己口味嘅海鮮，下一次我哋一定會再來！@boatboatsteam #香港美食 #銅鑼灣美食 #銅鑼灣 ⋯#謝斐道 #海鮮蒸火鍋 #船渦 船渦 (銅鑼灣)銅鑼灣謝斐道500號維安商業大廈3樓…查看更多

琴晚和朋友們在此飯局，因為跟枱號 scan QR 落 order,甘自己一家叫左瀨尿蝦，蟶子，鮑魚，大蜆及美國牛，兩怀生啤及汽水試下，除左生啤，瀨尿蝦及牛，其他都似非新鮮貨色，而且近乎0服務，無介紹部機點操作，甘客人如我第一次去點知呀而佢哋部蒸氣機真係吾知咩事仲一晚停機幾次…最後一家三口食左$12xx . 甘嘅質素+服務，如果係$2xx 價位我仲可以勉強接受，但去到4百幾一位食，甘不如向屋企打邊邊算啦，街市賣海鮮仲新鮮生猛，而且冇加一「服務費」，甘嘅質素同服務我覺得真係吾值..…查看更多