興記雲吞麵

營業中

休息中

本來唔係打算食雲吞麵嘅，但係咁岩見到同事就問佢附近有啲乜嘢平價又好味嘅野食。同事就介紹咗雲吞麵，返正今日都係諗住買外賣返公司食，所以就試吓呢個平嘅雲吞麵。排隊嘅人好多，大概排隊落單再拎到嘢食要10分鐘。門口有辣椒油，如果食辣嘅話可以自己拎。我平時唔好辣，但係因為第一次食，我都想試吓佢個辣椒油。好辣的辣油，食到有少少豆瓣醬的味。麵嘅質地唔好，太軟，雖然未軟到似麵糊，但無左幼麵個種彈牙的口感。麵的份量都夠，夠飽的。雲吞有四隻，幾爽口。蝦同豬肉個比例都啱。湯比較鹹，食完好口乾。

趕時間，就腳搵間近近地雲吞麵檔， 食左碗雲吞麵+腐乳通菜。雲吞麵$20，雲吞有4粒，內裡既肉好難食，蝦吾新鮮，雲吞好喊好重味精， 不過麵底係爽口既，加埋腩汁。至於腐乳通菜，$10，一大碗，係底食！菜新鮮，腐乳亦夠多！

午餐間唔時諗到食咩就會黎呢度食個快餐，十五分鐘搞掂之後可以周圍行下充分利用lunchtime。今晚OT又黎呢度拿拿臨食飽歸家單併$20，　雙併都係$25, 我叫牛丸併牛肚，牛丸有成四粒，以$25價錢黎講係好抵！牛丸唔太實, 幾彈, 唔錯, 牛肚都入味架 如果唔夠飽可以加底，佢地既加底係俾多一碗面你，好震撼，有一次唔知叫左加底，留左大半碗做下午茶。另外佢地既辣椒油真係好辣~唔係得樣, 建議大家唔好一下落成匙, 落少少試下先.環境算衛生, 地下無濕立立, 桌面都好乾淨, 餐具都係乾爽既, 所以都好多OL 黎食。

而家香港地做打工人真係艱難，食個午餐都成六、七十蚊，份人工又唔見佢加喎，真係難做人。而返工既地點又係，返得中西區唔使指意可以食平d!!但估你唔到係灣仔竟然仲有廿蚊碗雲呑麵!!中午時間已經長長人龍!!佢地好抵食，單餸$20,雙拼$25仲有其他特色麵類，如下圖:豆漿 味道正正常常，不會太甜，有淡淡的豆味。午餐我就選擇左雲呑麵$20 加 腐乳生菜$10腐乳生菜 $10十蚊一個菜真係好抵，而且好大碗。雲呑麵 $20 之前有一次叫過雲呑牛筋麵，不過牛筋煮得唔夠淋。但係佢既雲呑好味，蝦肉夠彈牙，入面既肉並不會過肥!

在繁華的灣仔，高樓大廈、大型商場林立，但仍有平價食店選擇，而且質素不差的。是日午飯時間，在小店門口已有數人排隊，因為店內座位不多，大概25個吧。幸好人流來得快，亦走得快，我等了約5分鐘便有位了。單拼麵類只是$20，雙拼則$25。我點了個雲吞、魚肉春卷河。很快店員便為我送上了食物，河粉和配料份量比預期多，雲吞和魚肉春卷各有3件。雲吞大粒，皮薄，吃到蝦的彈牙和豬肉的新鲜。魚肉春卷是腐皮包著鯪魚肉製成，魚肉質感紮實。河粉滑溜，湯底清淡，味道令人滿意。

其實已經幫襯左好多次嫁啦,貪佢平同埋好食!呢次先寫食評,因為佢加左價,而且好味過之前果幾次幫襯!!!1:首先介紹下我次次都會食既腐乳通菜啦!!呢次係最好味既!因為連菜頭既部份都唔會太硬,烚既時間又岩岩好,保持葉既青綠色!可能因為合時節既關係啦.另外,麻辣既腐乳醬,真係好配合白烚既通菜.仲好大碗,好抵食. (之前黎食都只係$8,依加要$10啦)2.再黎既係雲吞麵.先講左價錢先,由原本既$19,加到依加$20.但睇返碗面!之前$19既時侯係得3粒雲吞,但今日$20竟然有4粒!!!!甘計番,就好抵啦!! 另外,以往食呢碗麵,麵味都係仲有D鹼水味,但呢次完全冇!!!仲要唔知點解呢次個麵既質感好軟好滑,同之前食落去好唔同.!! 好食左好多!!!!

雖然小弟超級饞嘴，任何地方美食一概來者不拒，但畢竟都係華人腸胃，食粥粉麵飯點都會頻密一啲。幫趁過謝菲道南記好多次，今日又喺附近做Gym，留意左對面有間叫興記嘅麵鋪好耐，留意嘅原因，係佢地仲係賣緊HK$19一碗粉麵，牛腩、雲呑同埋魚蛋粉麵通通都係賣HK$19，賣到咁平當然要試下質素點樣。入內坐底大概中午十二點左右，食客只有七八個，人算少。叫左碗牛筋河同加左杯豆漿，河粉大概5分鐘就嚟左，但杯豆漿就連續兩次漏單，我差唔多食完碗麵佢先俾我，隔離枱食客都有相同情況，當時鋪頭只有兩位員工，但食客唔多，一杯豆漿要落三次單先到，真係幾難接受嘅事實。牛筋河 HK$19賣相同份量都比好預期好喎，有成十件牛筋咁滯，多過一碟酒樓牛孖筋嘅份量！河粉都可能有成四份一斤！味道真係幾唔錯，筋炆得好焾滑，柱侯醬味道入哂牛筋。河粉好滑漏，無米糠味。湯食唔真有咩料煲嘅，入口有鮮味，我食完離開左半小時都唔會話好口渴，應該放左唔太多味精。老實講，呢個牛筋河我覺得十分超值，賣HK$30 都一啲唔過份。豆漿 跟粉麵加HK$3淡而無豆味，亦無甜味，但賣咁平而份量有8安士以上，當水飲都抵啦！其實已經大半飽，可以走得，但都忍唔住要叫多碗

興記一向走抵食路線，依家19蚊單餸24蚊雙餸，行過就整碗牛肉牛肚麵多青啦！24蚊都無需多講，抵食就梗架喇，味道都唔錯架，湯底帶甜，似係羅漢果味，牛肉牛肚都幾腍，識食梗係要好似筆者叫多青啦，辣油都幾好味！想平平地醫肚，興記係唔錯既選擇！

這間店究竟開了多久，真是不太清楚，不過這間食店很受寫字樓和獨身男、女歡迎就真確，因為這間食店價錢便宜，Size算中上，如果覺得小，可以加油菜，都可以啦！這次光顧，我叫了魚皮餃魚片頭米粉，魚皮餃口感勁差，皮厚、發水、那些肉一點都唔新鮮，這在很多平價麵店都很相似，可能根本大家供應商一樣。所以如果講食物，佢可以話超低分，不過有個加分點就是服務，佢地不停加醬油和食物、工具，這樣就會令客有一種好勤快的感覺，我叫佢「多青」，佢都有跟著做，佢的片頭都可以，不過都只是中上。有一次次試食了雲吞，好好味，下次次叫普通雲吞麵算了！