興記雲吞麵

營業中

休息中

想食得健康D，食多D菜，一般就會諗到食沙律，或者食齋，其實吾一定既。閒閒地叫個沙律都$50以上，仲要細細盒，作為一個男士，真係見到都會抑鬱。今日一條友走左去食粉面，叫左個雲吞河，再加碗菜。淨叫碗粉，可能就吾係好夠飽，叫多個唐生菜，有成大碗，咁就健康又飽肚。埋單都係$33。呢間興記幾平，$23單拼河粉，$28雙拼河粉。飲品都係5蚊6蚊，仲有自家製豆漿。雖然平，但係都幾大碗，怪不得咁多男士幫襯。如果想減肥，就吾好加腩汁。😏

今時今日，閒閒地飲杯野都要20蚊。興記既單拼粉面只需要$23，雙拼就$28，油菜$10，非常實惠。平時多數會叫雲吞牛筋雙拼河，今日就健康D，點左牛筋河加油菜，牛筋吾係成日有，經常售罄。今天真好彩，牛筋炆得剛好，入味又吾會太林。另加一個生菜加腩汁，個菜都 okay 呀！我吾喜歡食通菜，因為聽講通菜係坑渠種架🤢。另外飲品都好平，自家製豆漿$6，吾會太甜。汽水都好似係$5－6。不過呢度環境就差D，坐得好泊，最適合單身人仕，快食快閃。

今日放工去灣仔游夜水，游之前要醫飽個肚仔。其實灣仔夜晚選擇不多，一係就好貴吾抵食。為咗食飽飽，而又吾想付出昂貴嘅代價，我真的要推介呢一間餐廳 - 興記雲吞麵！佢無一流嘅裝亦無一流嘅服務，但佢有好高嘅性價比。單拼$23；雙拼$28，呢個時勢喺灣仔食晚晚飯，完全係平通街。我點咗個雲吞墨丸河份，再整多支可口可樂。雲吞一d都無欺場，三粒大大粒嘅雲吞就喺眼前，認真食指大動，另外當然係因為自己肚餓啦！墨丸絕對係無敵嘅，因為實在係食過咁多間粉麵舖之中，最有墨魚味嘅墨丸！河粉爽滑可口！埋單$34。灣仔高CP值之佳選。

喜歡支持本地小店，振興本港經濟 本人唔多大食，平日鍾意食雲吞麵，就喜歡去興記。原因係，平，靚，正。$22有4粒雲吞，或者5粒魚皮餃，加多個$10菜，感覺好健康。外賣返公司食，改用碟上，立即高級晒 好多時候都因為開會，未有固定時間食午餐，喜歡興記，因為個"快"字。湯夠晒熱，雲吞完全熟晒。原來興記有多間分店，有機會一定要去其實店舖試一試，睇下有冇分別 今日買外賣時，仲見到有拎著旅遊書既日本人光顧，睇嚟，興記都算有啲名氣

以前係灣仔返工成日都幫襯，貪佢又平又抵食，味道又認真唔錯😋。幾年無突登黎灣仔，今日經過真係要去回味一下。見到由$1X已經加到$22，但仍然相當抵食👍🏻。食物選擇依然係咁多，令人難以取捨。環境亦都無點變，係小店既風格同氣氛。叫左我例牌既雲吞米多青加腩汁，一上台已經見老闆毫不吝嗇咁加既蔥，對我哩個蔥迷黎講真係好開心🤩。份量都完全唔會將貨就價，一大碗保你飽。每粒雲吞雖未至於飽滿至極，但🦐蝦同肉份量都好足。米粉加上腩汁叫人回味無窮，真係想食完又食。順帶一提，個辣椒油🌶雖然唔算好辣，但好香令到碗麵生色不少。今次食完唔知幾時再有得食，希望小店風味可以長久保存。💕

宜家你都仲會見廿幾蚊雲吞麵隨處有，但你要預左食落感覺到自己頹既一面，但其實好又一餐唔好既都飽肚㗎姐。有一晚需要快食一個飯就比依間雲吞麵吸引住。有乜咁吸引呢？就係佢”自家工廠”四隻字，尤其佢係雲吞依個餸再寫多次。單餸22,雙併都係27，我就叫左牛根雲呑河。雙併雲呑少兩粒，但可以冇咁dry。一分鐘就有得食，以廿幾蚊既價錢我真係嚇一處跳。雲呑好新鮮，唔會粉狀，入面有隻大蝦好紮實，加埋肉，塊皮又唔會爛開哂，超高質。牛根都好正，炆得好夠，仲舊舊都好大舊冇呃你。食完再叫枝六蚊豆漿超滿足，非常推介，又抵又好食！

今日去左灣仔電腦展，去咗興記雲吞麵度食嘢，喺灣仔來講基本上周圍食嘢都要$40-50,加上要搵一間味道不過不失嘅餐廳價錢又唔貴系好難，正正呢度合哂。我叫咗個牛肚墨丸粗，墨丸夠晒彈牙，湯底又好飲，但係牛肚就唔係平時嗰啲粉面餐廳，相對比較細舊，但係味道不錯，只需要二十零蚊，豆漿都幾好飲，但係環境一般，我認為係灣仔來講搵到一間又平味道又唔差既食市，呢度絕對係一個好選擇，我認為比起南記，整體來講我會揀興記。味道差唔多，但係興記就比較平！

今日LUNCH去灣仔覓食，其實都漫無目的咁行，真係咁岩經過見到呢間雲吞舖，見到餐牌$21 單拼粉麪，真係唔敢想像可以見到呢個數字，我上上下下咁望清楚個餐牌，睇下自己有冇睇漏左啲咩細字，最後確實左係呢個價錢，決定入去一試!!因為真係好難得咁鬼平!!!試下佢虛實!!見到佢4寶河送紫菜湯都係$32，好抵，不過最後叫左個 雙拼 牛腩雲吞米 $26，試下好唔好食先，餐廳真係唔係好夠乾淨，位置都唔係咁舒服，不過我都預左係咁，個麪可以話極速就送到。其實比想像中好味，又夠大碗，湯底清清地牛腩味，牛腩份量又夠又夠霖，最正係雲吞，有3粒，大大粒，真係好大粒蝦係入面架!! 好滿意!! 果然係用雲吞做招牌名!!呢個價錢食到呢個麪我都覺得係物超所值，以後月尾LUNCH就知地方了。

又到咗三月尾，銀包又得返幾佰蚊，但係屋企又無飯可以帶。金鐘真係無嘢食平，唯有行多啲過灣仔搵啲平嘢醫肚。行經時，睇到$21單拼雲吞麵，我哋真係打咗個突。我屋企附近平啲既粉麵舖，平均都要$30以上，2字頭一碗真係好平喎。等位大約10分鐘就有位啦，好豪爽咁叫咗個雙拼雲吞牛根米，雙拼都係$26，仲係好抵呀。佢另外都有一啲四寶套餐，$30四個指定餸，等出咗糧過黎豪一豪佢。講返佢個雙拼雲吞牛根米，唔係就行貨架喎，lunch食完我可以飽到四點鐘。份量有返咁上下，怪唔得咁多人食啦。CP值真係好高，下個月洗大咗再過黎整返碗先。🤣

灣仔謝菲道一帶，雖然沒有酒吧街般熱鬧，但其實內裡隱藏了不少地度食肆，有可能是灣仔最平食肆的集中地。位於謝菲道的興記雲吞麵用膳，這是典型的港式粉麵店，最平只需21元便可解決一餐，簡直是平民思物。這次點了四寶河，內有雲吞，魚片頭，魚肉春卷及墨魚丸。雲吞是店內員工手包，非一般包裝食品可比。魚片頭大大塊，口感佳。魚肉春卷有點像魚腐，易入口。墨魚丸很足料，口感彈牙。配上大大碗的河粉，簡簡單單清清地，吃了性價比甚高的一餐！

是日小人替猫兒取藥，在回程的巴士早了一個站下車，誰知錯有錯著，見到這家麵舖，店外大大隻字寫著雲吞麵全日$21，即時買了一碗回家。未食之前，先呷一口湯，感覺是鮮甜的；再吃顆雲吞，雲吞皮厚薄合適，不特別大塊，無須多餘的魚尾。餡料肉感豐足，蝦肉和豬肉的鮮味都可突顯，一碗有四粒雲吞，吃後感到很實在。麵則完全不行，雖然是超級的多，卻過軟過腍，根本不似是雲吞麵的麵，小人還以為給錯了，結果只吃了少半碗已吃不下去。下次只會叫淨雲吞。

假日去左會展睇展覽, LUNCH 見少少肚餓又唔想食咁多野, 就比我見到仲有$20 一碗粉麵, 係港島高價地段仲做到$20真係好難得, 二話不說就入左去食!一坐低隔黎枱一大班嬸嬸仲落緊單, 但細佬仲係從容不逼逐碗寫逐碗上, 都真係幾快手幾好笑除左$20 粉麵, 仲有D $25 既四寶麵, 其實真係好抵食, 不過今次唔想食咁多, 所以叫左碗雲吞米, 同腐乳通菜~雲吞幾爽口, 有4粒, 辣椒油都好味, 份量都幾多, 至少多過D $4-50 出名果D 雲吞麵啦~而個腐乳通菜都幾大碗, 好味!!

今日係灣仔會展，路經一間舊式麵店，雖然冇裝修冇環境，但心血來潮想試吓，幫襯下一啲小店，感覺突然良好。我點左最鍾意之一嘅牛筋拼雲吞麵，牛筋豐富的膠原蛋白質，味道濃香撲鼻，有嚼勁及勁道Q彈的口感。雲吞調味做得很好，既有鮮味亦有肉香，一口一粒剛好，全蛋幼麵, 冇鹼水味兼爽口彈牙，配上牛腩湯底，加小小辣椒油，真係好好味。叫左杯豆漿但就麻麻哋，都幾淡冇乜豆漿味朋友點左個四寶紫菜C，望落都幾吸引，大大件。起碼抵食。咁樣雙拼先至＄30加＄5豆漿，呢個lunch真係好抵食，而且味道唔差份量唔少。

下午灣仔睇美容展，想食少少野先入場，於是就揀左興記雲吞麵。兩個人叫左一個紫菜四寶麵，一個牛筋拼雲吞麵，四寶有雲吞/春卷/墨丸/片頭，上菜速度好快，份量幾大，係灣仔區都算抵食。個人中意墨丸同牛筋，其他就中規中矩,可以一試

約咗朋友， 落灣仔電腦城買嘢， 行下行下見到肚餓 ，見到有間興記雲吞麵， 門口大大個招牌寫住20蚊碗， 心諗香港邊有咁大隻蛤乸隨街跳， 話曬月尾銀彈冇咁充足，膽粗粗一試， 叫咗碗招牌雲吞麵 雲吞爽口彈牙有蝦味， 粒粒成個乒乓球咁大， 湯底真正大地魚煲入口清香， 雲吞麵最緊要個面底，面底冇鹼水味爽口彈牙， 食落我覺得同竹星麵差唔多， 20蚊咁抵 下次一定再來