興記粉麵餐廳

營業中

休息中

好耐冇去食興記，今日去食，大鋪拉咗鐵閘 ，鐵閘貼咗好多招租紙，可能人客少咗，租少間鋪。唯有30幾度坐細鋪門口位，叫左伙記落單，收銀阿姨叫我等等，等咗一分鐘再叫落單，今次無人理，等咗好耐都無人落單。以前大鋪D伙記落單好積極，今日見D伙記個樣都唔同咗。門口明明寫興記，唔通轉咗手。叫咗5次，又等咗5分鐘都無人幫手落單，坐露天又熱。唯有轉去對面有冷氣食碟頭飯。希望老闆娘見字醒目啦！

又係起身搵野食想食粉麵 夜晚對面果間又無開 一於試下呢間興記先我食左牛腩撈粗個牛腩好好食wo 好入味 又煮得好淋不過有失色既 就係佢個梘水味好重呀好彩我加左腩汁 頂住個梘水味 我朋友食魚蛋湯幼麵佢話d麵滑"冼冼" 好古怪建議食米粉或者河粉 應該就唔會有影響 就會好好食唔知係咪成日都有野飲架呢我見淨麵31蚊 3個人埋單108蚊 包埋野飲wo唔食幼或者粗應該都ok 呀大家試下 或者等我🤣 我有機會試過之後 上黎話比大家知話晒佢都真係好抵食

今日陪男友去洪水橋整車~係等攞番架車既空檔時間，就係附近搵下野食醫肚。見到呢間粉麵店幾多人，所以就入去坐低試試。我問老闆娘有咩好食，佢諗都唔洗諗就話 手尖河(豬手尖)啦!! 咁我就信佢試一試！我一望到碗粉就"嘩"左出黎，哈哈 因為隻豬手好大隻，仲要有三隻咁多~~我碗粉就黎滿瀉之前係其他粉面店都有食過豬手河，但今次聽老闆娘話，食刁鑽d既豬手尖。終於知道豬手尖同普通豬手既分別~~~豬手尖既肥膏較少，唔會好似豬手咁食肥膏多過食肉；豬手尖既肉質好爽 好滑，如果好似我咁 中意有d咬口既朋友一定要試。最重要係佢d豬手清毛清得好乾淨(因為我見到d毛真你會影響食慾架><), 所以我真係好滿意。另外我男友因為驚唔飽，叫左個豬腸飯。個豬腸飯又係不得了！！除左豬腸彈牙好味，個汁同d酸菜伴碟好味到爆~~估唔到酸菜同豬腸係咁配合架！！呢間粉面店外表平凡，價錢平又有水準，真係穩世既滋味小店誠意推介一試喔

今日開工到呢度做嘢，呢間食店都係首選，因為可以睇到車，通常下午茶時候來，個場都有八成滿，地方係普通茶餐廳格局，但主要係做晚飯小菜！地方唔算乾淨，有點黏黏的。叫咗：椒鹽豬扒飯上枱已經比個賣相吸引，係用避風塘方式煮豬扒，舖滿炸蒜粒，好香，撈飯一流，份量好大，成兩塊豬扒，豬扒外脆內軟，醃得入味，仲有少少肉汁，仲要係乾身唔覺油膩，連新鮮洋蔥食，我清晒碟。我唔知店內有無廁所，因為好近已經有個大公廁，去得舒服，侍應比較粗豪但服務勤快。

洪水橋還暫時是一個擁有鄉土氣息的好地方, 裡面隱藏了不少價錢便宜的茶餐廳, 是日經過便去了興記試試。一碗麵淨食18, 飯17, 連飲品都是20多少少, 真的十分便直, 鮮奶包向來喜歡水餃, 故點了水餃上海麵試試。水餃上海麵：麵一上桌，心裡已感到頗大驚喜, 18元竟然有四隻大大, 如金元寶飽綻的水餃, 麵的份量很多, 上海還舖有四條新鮮的菜，十分難得。一吃之下, 更不得了, 水餃料很足, 不單有蝦和豬肉, 更加了菇、木耳、筍, 餃子口感飽滿而爽口, 不會過膩, 而且調味恰到好處, 適當的咸味把豬肉的鮮味完全表露無遺。菜十分爽脆新鮮, 可能客人多, 流量好的關係, 至於上海麵是粗身的一種, 雖然品質普通, 但淥的時間剛剛好, 麵身尚帶爽彈口感, 絕不過淋。湯底則與平常中式粉麵的差不多, 味道濃郁值得一讚, 可以的話, 咸味少點應會更好。這碗麵無論質素、價錢都實在太吸引了, 水餃尤其出色, 值得一試, 也許, 一碗簡單的麵, 會成為我再來洪水橋的理由。P.S.食這碗麵, 感觸頗大, 鮮奶包曾在其他地方吃了一碟頗貴的意粉, 價錢貴, 質素差, 想不到在洪水橋, 18元, 卻能吃到一碗賣相、質素

話說我細細個就住晌洪水橋讀幼稚園 讀小學 讀中學而家搬走左 好耐好耐冇返過去講真 好掛住呢個地方 所以呢日放假就同女朋友返左去尋根喇呼吸新鮮空氣見到好多像乎好熟識既臉孔忙碌既大家會唔會抽時間返去你細個住既地方懷愐下自己既根呢？去左興記食麵呼好懷念記得中學時期一個星期有三四日都黎呢度食晏學生餐好平好大碟哈哈 成班男仔迫一張枱講下老師 講下同學（女）講下電視 講下大家有冇呢類回憶呢？入正題興記既雪菜肉絲，豬手我覺得係最好食既不過首先要講下個湯飲得出係冇味精 好重大地魚既香味好甜潤 好清總言之 係好好好飲啦！雪菜肉絲唔係用罐頭或者交貨現成既（當然雪菜唔係自家製啦）而係老闆自己醃肉自己整既肉絲好入味 好咬口 好正雪菜係好貨色 唔會好霉咁多年都冇變豬手好入味 好滑 好淋有絲絲既花椒八角香香港有好多出名食豬手既地方有好多都好爽 好濃不過個人黎講都係鐘意與記呢種淋身淡口既不過淡口唔代表唔夠味 而係保留左豬手本身既肉香仲有大大粒雲吞每隻雲吞都有三四粒蝦仔好坦白 冇好多地方成隻大蝦咁抵食不過亦都好坦白 算爽過好多好多地方同場加映 洪水橋品珍醬園既 大紅浙醋！不過我唔食醋 唔知好唔好食 哈哈但係 可以既話

忘記左做食評.有一次我經過洪水橋,發覺呢間店好多人食.回來看食評.得一個....我覺得好怪.今日踩單車去呢間店....一試食物...環境.算大.不過無裝修...設計簡陋.人客大多數是.50歲以上的男人.鍾意出去露天食.方便吸煙服務： 好好...全部店員都好親切....我點了的食物..飲品...如下豬手.水餃米....23元包埋飲品.如果單併只是20元....我估好細碗.點知好大碗,水餃我覺得皮太厚,而內裏的料不是差,只是我個人口味唔鍾意有芫茜...數量有3粒大大粒.湯底只是一般無味的水...反而豬手好好食.又入味,不會太鹹.勁大件.肉爽而甜凍檸茶...茶味勁濃,檸的數量勁多,飲完加水,茶味仍然足...9成食客都會叫若我下次踩單車經過我會叫飯....個米粉只係得豬手好食.味道...只可以叫入得口...但呢個價錢,抵食夾大件...下次我會叫飯.價錢相同..食完踩多5個鍾單車都唔會肚餓,好抵哈哈

早排睇報紙見到洪水橋出左奶茶王, 諗住同個朋友去試下可能琴日星期6既關係, 加上大發地方唔大而要等位但係本人同朋友都好肚餓, 天氣又熱唔想等甘啱見到附近間興記都幾多人, 地方又大又睇得下就諗住試下我同朋友分別叫左雪菜肉絲上海麵同雲吞拼水餃河, 加凍奶茶同凍檸茶雖然間鋪都有8,9成full, 但係上菜都好快, 加埋晒都唔使10分鐘先講奶茶, 茶味濃得黎又唔澀, 仲好幼滑!!一個字----正!!檸茶都沖得好好, 唔識點形容, 總之好飲過好多餐廳~~係甜左少少, 下次嗌少甜先講番食物, 雪菜肉絲差唔多係每間茶餐廳都有, 但係呢度雪菜係我食過最好食架!!上海麵就比較少見, 原來都幾好味雲吞同水餃聽講係老細一腳踢自己包, 雲吞入面d蝦好爽口, 豬肉肥瘦適中, 肉汁多又有肉味, 又唔會淨係得蝦既爽, gd呀! 水餃隻味好特別, 未試過, 仲好足料!!不過略嫌個皮厚左d茶餐廳黎講呢間環係算係唔錯, 地方闊落又光猛, 冷氣又夠, 最得意既係每枱都擺左盒紙巾比客人用, 茶餐廳做到甘細心, 第一次見! 講到服務, 同一般茶餐無乜分別, 唔可以要求太高埋單$42, 平到震總括黎講, 呢間野真係唔錯, 驚喜之